ديوان الشاعر / غالي ظاهر الجهبل

ابيات متواضعه رثاء بالمرحوم بإذن الله عوض مخلف الحسيني .. رحمه الله رحمةً واسعه ..

ابيات متواضعه رثاء بالمرحوم بإذن الله عوض مخلف الحسيني .. رحمه الله رحمةً واسعه ..

	يا عيد جدك بدل الدار في دار=عنا تنحى .. والمسافه طويله سافر سفر مهو مثل كل الأسفار=حكم القدر يا عيد ما فيه حيله جانا الخبر مزعج على وقت الأسحار=علم المصيبه والمصيبه جليله وقفت منها ضايق الصدر محتار =واوجس بقلبي مثل حر المليله قالوا هذا اللي صار يا ليت ما صار =صدمه تهد عزوم من يرتكيله وفاة ريف الربع والضيف والجار=اللي وصوفه بالاوادم قليله عوض بن مخلف له الطيب تذكار=فقيدنا وفقيد كل القبيله يضحك حجاجه كل ما جاه خطار=راعي هلا والنفس ما هي ثقيله عساه ما يعرض .. على واهج النار =في جاه رب البيت منجي دخيله في قدرة اللي للمخاليق غفار =اللي عبــاده كلها تلتجيـله وصلاة ربي عد ما بالوطن سار=على النبي إعداد وبل المخيله

غالي ظاهر الشمري

باسم الله المعبود هو مبتدانا =اللي ليا ضاقت على العبد ناداه
ومن بعد ذكره بدع الأمثال حانا =عبّ القلم واكتب بيوتٍ نظمناه
حصل السبب والقاف غاية منانا =نبع القريحه يافهد ماشحذناه
ياشين علمٍ طلعة الشمس جانا =علمٍ شنيعٍ ليتنا ماسمعناه
الله يجبر يالبنيخي عزانا =بالراحل اللّي شدّ وأقفت مطاياه
ليته بقى والموت عنّه خذانا =عوض شريك الروح بالروح نفداه
مرحوم ياريف الضيوف وذرانا =البارحه موجود واليوم ننعاه
الدمع من عيني على الخد بانا =والله ما الوم العين لو نثّرت ماه
والّا ادري انّه مايردّه بكانا =لو من بكا ميتٍ رجع له بكيناه
ياعيال ياللّي عقب راع المكانا =سيرو على نهجه وطبعه وممشاه
لو انّها بالهوش يعرف لقانا =ننخى الهيافا عزّ منهم دناياه
زبن المجلاّ من قديم الزمانا =اللّابه اللّي يرفع الراس طرياه
لكن خذاه الله رافع سمانا =ومادبّر المولى على العبد يرضاه

..
عبدالله مخلف الحسيني

مر الحزن بيبان شوقه و اراعيه=واسج عنه .. كل ما قال ويني
ما بين غالينه و ذكره و طاريه=لا تقول لي طالبك وش عاد فيني
وما يذبح الرجال ويبين خافيه=الا عقب .. فرقاه .. يا مسلميني
لو البكا بيجيب غالي لغاليه=من البكى ويلي وَيَا شيب عيني
تأخذني الدنيا من التيه للتيه=وكل يوم تلعبي .. هبوب السنيني
لولا المخافه من إلاهي ما أخليه =الا و قبله .. يا عرب .. قابريني
أنا ولده اللي .. بعزه مربيه=و خلالي .. الاجواد و الطيبيني
ادري الحمل ما كل رجلً بيقويه=لاكن معي .. اخوان من والديني
ورَّث لنا طيبه و صيته با اياديه=الين ما صرنا .. معه شامخيني
اي والله حنا ما نخلي مماشيه=هاقي بِنَا .. لو كان فقده حزيني
قلته وانا ماني وجلاله بناسيه=معنى عوض مخلف عوض الحسيني
يالله عسى داره بقربك واراضيه=في جنة الفردوس .. يا ذو المتيني

وليد عوض الحســـيني