ديوان الشاعر / رابح الجربا

بعد التحية والتقدير

لجميع مؤسسين و أعضاء ومتصفحي شبكة نشامى شمر


مصافحـة أولـــى

قصيدة بعنوان

( حيّ السلام وحيّ شبل العيالي )


ردي المتواضع على قصيدة الشاعر أبو فهد ماجد المطر الشمري

واعذرونا عن القصور

( حي السلام وحي شبل العيالي ) ردي على الشاعر ماجد مطر ..

	حي السلام وراعي القيل بالذات=حي السلام من القراح الزلالـي حي السلام مطعمن بالتحـــيات=حي السلام وحي شبل العيالـي حي السلام بحضـرة القيل مـيزات=حي السلام أحلى من القند حالي حي السلام لطاري القرم يا جات=حي السلام ومن تعلّى المعالي أرقبت في راس المعالي طويلات=يا فزعت اللــي ما تمناه ضالـي شبيت نارك تدعي الضيف بسكات=عليّه مـن البغــداد ستة دلالي وخلاف ذا قم يا نديبي وهيهات=لا تاقـف إلا عند باب الرجــالي على ربع جيب حديث المديلات=ما يقهــره إلا عـزيـز الجــلالي موتر لـزوم لحزته للمهمات=توكلــوا بالله وردوا مقالــي يأبو فهد ما ينقصك سكــر نبات=من ساس طيبك يابيض الوجه عالي واختم كلامي مثل ما قلت بالذات=حي السلام من القراح الزلالــي

ويا هـــــــــــــــــــــــ لا

السلااااااام عليكم
صباح / مساء الخير جميعا

مصافحة ثانية

هذه القصيدة موجهة للشاعر القدير الغاااالي على قلبي

محمد بن عبد العزيز ابو عبيه المقاطي العتيبي

وهو يستاهل المدح والشعر وزود

محمد أبو عبيه عطيب المضاريب..

	سلام مني يا هل العرف والطيب=سلام للي عزته فــي عقاله يا عارف سلوم العرب والمواجيب=ويا دارس علوم الكرم والشكاله محمد أبو عبيه عطيب المضاريب=أمعرب بين العمام وخواله أنت السخي يا ذخر كل الأصاحيب=وأنت الخوي ويا عز منهو لفاله جدك شجاعً يوم هي بالمطاليب=عفّار والعفّار أنتــم عياله

رد الشاعر محمد ابو عبيه المقاطي العتيبي

	ما فرعن بيض البني الرعابيب=إليا احتمى يوم القشر والجهاله وما لاح برقٍ فالمزون النواصيب=وما هل وبلٍ منحـدر من خياله يا مرحبا ترحيب يسوى تراحيب=الصدق نهجه والتوافيق فاله باللي عليّ ارسل عزيز المكاتيب=رسالته ماهي مجرد رساله حي الله اللي ذكر مثله إليا جيب=النعم كلٍ من هل العرف قاله يا رابح الجربا بديت المراقيب=بالمنطق الوافي وحب الجماله صيتك شهر بالطيب بين الأجانيب=ومجدك على الأمداح يثني حباله وخوتك عندي من كبار المكاسيب=وقدرك مبهر بالمعزة دلاله وانته وريث أهل السيوف المحاديب=سلالةٍ يا حيها من سلاله جربان هيبتهم بها تارد الهيب=والضيف لا جاهم تكرم سباله في ضفهم شاة الخلا تامن الذيب=والعود ما يبلش بعيشة عياله أهل البكار اللي زهتها الدباديب=ترعى الخطر بالعز في كل حاله

وسلامتكم يا الربع

.

بعد التحية للخال القدير
صالح بن فارس الجربا ( أبو طارق )

ومنسوبي شبكة نشامى شمر

أضع بين إيديكم هذه القصيدة المتواضعة وهي ردا على قصيدة الشاعر الخال أبو طارق الذي وجهها لي وقد شكى بها من قلت الصيد وحال القوانيص في هذا الوقت .. وانا لا احفظ القصيدة حتى اوردها لكم ولكن يقول من عرضه ..

يا حي فال الخال يا حي فاله . ... ..

	يا معرب الجدين جتك الرساله=أبيات شعرٍ من ضميري لك اشمام حيثك بخيص وعارفٍ وش جراله = شقيت به خمسٍ مع عشرت أعوام الصيد يا رابح ربح من عنا له=بذاك الزمان اللي غدا كنه أحلام

والقصيدة اطول من ذلك

.. رديت عليه أقول ..

( يا حي فال الخال يا حي فاله )

	حي الكتاب وحي راع الرساله=حيّه وحيّه عــد ما قايـمٍ قام وعداد صرف الراجحي من حلاله=وعداد ما دارت على الناس الأيام وعداد ما طش المطر من زلاله=وعداد ما سارت على القاع الأقدام بالليث أبو طارق عريب السلاله=معرب ما بين خاله الأعمام خالي وكلٍ يذكر اليوم خاله=زيزوم في ربعه مجرب ومقدام يا حي فال الخال يا حي فاله=لعيون خالي والله إني فلا نام من يوم جتني من جنابك رساله=البال صاحي والقوافي له إرزام وخذيت لك من شرد الفكر هاله=مرباعها ما بين فكري والأحلام يا راكب اللي يا مشى واستوا له=جيب جديدٍ للصعيبات جزام المفخره يا حي ذيك الزماله=بين القزوز إليا دعس يحصل اشتام عبه من الأكتين ومــرّ البقاله=وخذ ما تبي حيثك على الخط عزام يفز لك فزت عقيد الطواله=وإليا أحترف ردة بنيه إليا زام ودكه توجه يم عروسة شماله=حايل عساه تسيل عام بثر عام ملفاك ساس الجود رمز الجزاله=شريف وافي لصعيبات فصام معروف يرخص للمكارم رياله=راعي ولع لصّيد مشفي وروام المحترم في خوته و الزماله=لا هو بلا هماز ولا هو بنمام يكرم ولو هو من معشى عياله=صالح ابن فارس على الطيب همام أما عن اللي قال فالقول قاله=والحر مثله يدرك العلم يا حام كلٍ سلاحه يا بغى الصيد شاله=والناس ما يردعه تشديد الأحكام ولا يرحمون اللي ترضع عياله=عيالها وفروخها صاروا أيتام وقت التكاثر ما رحم من قباله=محشوم ومن يسمع عن أفعال الأقزام وصلاة ربي عد مرزم خياله=على النبي المصطفى راع الأنعام

تمت في
24 ـــ ذوالقعدة ـــ 1430 هـ

.

السلام عليكم ورحمة الله وبركاته


الأستاذ القدير : سعود بن إبراهيم بن فضل ابن ركاد المسعودي الأسلمي
بيض الله وجهك يالعزوة ، وكثر الله من أمثالك

ولا انسى ما قام به الأمير جوفان بن زيدان الجنيدي و الشيخ براك بن صالح الجربا .
إتجاه ابن العم لبيخان بن خلف الفريّسي .
وكذلك لا انسى العمدة حمد العساف الأسلمي أبو عارف والأمير فهيد بن اللغيصم وكذلك كل من ساهم في هذا الأمر .

.. فبيض الله وجيهكم ، واثابكم الله بكل خطوة حسنه ..


قصيدة بعنوان
. : نعـــــم الــرجــــال : .

نعم الركاد سعود طاله بطولان .. .. ..

	للطيب ناسٍ طيبها للبشر بان=والساس ساس الطيب للطيبيني وللفعل حزه فاصلة يا هل الشأن=والشان شان اللي لها يستبيني ولأهل الوفاء رايٍ وللفعل ميزان=ولا كل من هاز المراجل يبيني نعم الرجال اللي لها الطيب عنوان=اللي لهم كل المصاعب تليني براك بن صالح سلايل كحيلان=كل المراجل حاشها باليميني نعمن بأبو خالد من أول إلى الأن =من روس شيخان العرب بل اليقيني أنا أشهد إنه ضاريٍ يا بليهان=ما يتقي ، يا قال قولن ثميني والليث أبو زيدان صعبٍ على إنسان =صعبٍ توصف معدن كلمتيني أقعدت راسي بالدلايل وبرهان=بأمور كانت سالمات يميني وعقبه يجوز لزجه الصوت بأللحان=متنومسٍ في مدحت الغانميني أنا أحمد اللي ساقها الله وأذلان=مزنٍ من المنشى تراكم بعيني وأنا أحسب أني كنت إببلش وبلشان=وأنا على حمل التوازن سميني مهو فخر نظم القوافي والأوزان=مثل المزاين مقبلاتٍ تجيني كلٍ تبيله مقعدن بين ما زان=أخذ واخلّي لازمي ينتقيني أنتم كما نجمٍ على مر الأزمان=وأنتم رجالٍ قوته ما تليني وانتم كما تاجٍ على راس حبران=ما كبر بأمر الله تهون السنيني ما قصّر الليث المحصّن بالإيمان=نارٍ توقــد قال جتكــم يميني نسل الشيوخ مطوعت كل شيطان=واعذب لعطشان من الرافديني هذي سلوم الشمري ينطنخ بان=ما ينثني للاازمه واجبيني نعم الركاد سعود طاله بطولان =فدوه لربي مرخصٍ كل ديني وصلوا عدد ما غابت الشمس باحسان=على محمد صفوة المصطفيني

وسلامتكم
ويا هــــــــــــــــــــــــــــــــ لا

السلام عليكم ورحمة الله وبركاته


الأستاذ القدير : سعود بن إبراهيم بن فضل ابن ركاد المسعودي الأسلمي
بيض الله وجهك يالعزوة ، وكثر الله من أمثالك

ولا انسى ما قام به الأمير جوفان بن زيدان الجنيدي و الشيخ براك بن صالح الجربا .
إتجاه ابن العم لبيخان بن خلف الفريّسي .
وكذلك لا انسى العمدة حمد العساف الأسلمي أبو عارف والأمير فهيد بن اللغيصم وكذلك كل من ساهم في هذا الأمر .

.. فبيض الله وجيهكم ، واثابكم الله بكل خطوة حسنه ..

نعم الركاد سعـود طالـه بطـولان .. ..

	للطيب نـاسٍ طيبهـا للبشـر بـان=والساس سـاس الطيـب للطيبينـي وللفعل حزه فاصلة يا هـل الشـأن=والشان شـان اللـي لهـا يستبينـي ولأهل الوفاء رايٍ وللفعـل ميـزان=ولا كل من هـاز المراجـل يبينـي نعم الرجال اللي لها الطيب عنـوان=اللي لهـم كـل المصاعـب تلينـي براك بن صالـح سلايـل كحيـلان=كـل المراجـل حاشهـا باليمينـي نعمن بأبو خالد مـن أول إلـى الأن=من روس شيخان العرب بل اليقيني أنا أشهد إنـه ضـاريٍ يـا بليهـان=ما يتقي ، يـا قـال قولـن ثمينـي والليث أبو زيدان صعبٍ على إنسان=صعبٍ توصـف معـدن كلمتينـي أقعدت راسـي بالدلايـل وبرهـان=بأمـور كانـت سالمـات يميـنـي وعقبه يجوز لزجه الصوت بأللحـان=متنومـسٍ فـي مدحـت الغانمينـي أنا أحمـد اللـي ساقهـا الله وأذلان=مزنٍ من المنشـى تراكـم بعينـي وأنا أحسب أني كنت إببلش وبلشـان=وأنا على حمـل التـوازن سمينـي مهو فخر نظـم القوافـي والأوزان=مثـل المزايـن مقبـلاتٍ تجيـنـي كلٍ تبيلـه مقعـدن بيـن مـا زان=أخـذ واخلّـي لازمـي ينتقيـنـي أنتم كما نجمٍ علـى مـر الأزمـان=وأنتـم رجـالٍ قوتـه مـا تلينـي وانتم كما تاجٍ علـى راس حبـران=ما كبر بأمـر الله تهـون السنينـي ما قصّر الليث المحصّـن بالإيمـان=نـارٍ توقـد قـال جتكـم يميـنـي نسل الشيوخ مطوعت كـل شيطـان=واعذب لعطشـان مـن الرافدينـي هذي سلوم الشمـري ينطنـخ بـان=مـا ينثنـي لـلاازمـه واجبيـنـي نعم الركاد سعـود طالـه بطـولان=فدوه لربـي مرخـصٍ كـل دينـي وصلوا عدد ما غابت الشمس باحسان=على محمـد صفـوة المصطفينـي

وسلامتكم
ويا هــــــــــــــــــــــــــــــــ لا

.. أيها الأحبة بعد هذا الإنقطاع ..
أهـــديكم هـــذه الأبيات للتــواصــل

أنا كلــــــي فداء للـــــــي !! يجيني مندفع ولهان .. ..

	أنا كلــــــي فداء للـــــــي !! يجيني مندفع ولهان = اســـوق الروح لعيونه واحطــه رمـز وجـــداني اسامر ضحكته واضحك ولاعب بسمته طربان = اخايـــل بارقة فرحــه وحـــّر الشـــوق بـــكـاني اعايش لحظة اللقياء واشخص جسمها الفتان = امووووت بحضنها الدافي واغني له بالألحاني انا المغرم بضم الزين أنا الضامي أنا الشفقان = أنا حبــي على حــبه يشـتت كــــل احــــــزانـي أنا حــبي بـــلا حبه جريــــحٍ منكســر وجــعان = عسى خلّي يجـــي كلــه يداوي جــرح هجراني

وسلامتكم

ويا هــــــــــــــــــــــــــــــــــــ لا

السلام عليكم يالربـــع
مساكم الله بالخير

اعتذر من طول الغياب واهديكم هذه الابيات للتواصل

يا حظ رجل ريح القلب والبال .. وسيّر على ربعه بنفسٍ رضيّه!!

	يا حظ رجلٍ ريّح القلب والبال=وسيّر على ربعه بنفسٍ رضيّه لا قولتن سوى ولا قولتن قال=والكل يا عـــدوه قالـــوا هنيّه والناس مختلفة به ألوان وأشكال=وإليا بغيت أفــلان راقــب خويّه لو كان يلبس بشت وشماغ وعقال=ما هـــو محمــد راعــي الداخليه أحدن قصر بالوقت ما طال ما طال=والقاصـــرة يطــولها والرديــه وراع الردى بين الأجاويد ختّال=دايم يجيب السالفــة مــن قفيه ويا كيف بيته للردى صار مدهال=لا نافعن نفســه ولا بـــه حميه وأحدن على ما قيل يا ناس رجال =يعجبك في فعلــه ولا فيه زيّه وبالخير يردع راعي الشر يا عال=ونفسه عن الحقــران دايــم عليّه ومحظوظ من هو ريح القلب والبال=وسير على ربعـه بنفــسن رضيّه لا قولتن سوى ولا قولتن قال=والكـل يا عــدوه قالــوا هنيّه

وســلامتكـــم يالربـــــع

مساكم الله بالخير يالنشامى
مصافحـة لقلوبكـم البيـضاء

قصيدة بعنوان ( يا منّي ذكـرتـه )

	البال ما مل القوافي والأبيات=من كثر ما أكتب بالغزل والأماني البارحة بالصين والطرف ما بات=وهموم قلبي مثل عمل السواني سار القلم وأردفت عقبه بـ ونات=سار القلم وابديت حلـو المعاني هيهات يا قلبن من الشوق هيهات=مالك مفرّن بين عــوج المحاني والعبرة اللي غالت الحلق بسكات=والدمع يا مني ذكرتــه غشاني يا راكب اللي مصنعه بالولايات=بالعاصمة حطوه برفع مكاني أمصممٍ لجل الطلب والمهمات=نوع سبيشل لمطاردات المثاني فخامتن به فوق كل الفخامات =كنه زعيم بالسهل يوم باني يا سايقه سلم على أخوي بالذات =وقل له ترا قلبي يعد الثواني وسلم على عزوز رجل المروات=ابن رشيد اللي يحوش السماني وسلم على اللي منزله بالطويلات=مثل الجدي وإلا سهيل اليماني يا عيال شمّر يا رجال الصعيبات=يا طيور شلوى جعلكم بالمكاني أنتم فخر يا عزوتي بالبطولات=وقفاتكم يا شح ولد الهداني ما قلت أنا أبياتي تشكي وكسرات=ولا قصدت انه طواني زماني ويا لله تجمعني بكم بالمسرات=يا قرة عيونـي وسلوت جناني واختامها مني سلام و تحيات=معطـرن بالعــود والزعفـراني

وسلامتكم وياهــ لا وألف هلوة بكم
أبو مغيضة - الصين - كوانزوا