آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 10-02-2012   #21


الصورة الرمزية رويضان الجسار
رويضان الجسار متصل الآن

بيانات اضافيه [ + ]
 رقم العضوية : 2376
 تاريخ التسجيل :  24 - 09 - 2010
 أخر زيارة : 29-06-2020 (09:53)
 المشاركات : 884 [ + ]
 التقييم :  10
 اوسمتي
الوسام الذهبي شاعر متميز 
لوني المفضل : Cadetblue
افتراضي ( بـزعـمه !!؟ .... يقهـرنـي )!!





.



( بــزعـمـه !!؟ .... يـقـهــرنـي ! )
( بـزعـمه !!؟ .... يقهـرنـي )!!

نثرت انا الشّعر وإلا الشّعر ينثرني=سافرت مع (كوكبه)!! يا وين !؟ وداني
يا كاهن الشعر ليه !؟ الشعر يسحرني= يا كاهن الشعر شفت (الحي! والفاني!)
يكسرني (الحزن) لين الشّعر يجبرني= نظرة عيوني (سما) والحرف (ينخاني)
تحذير للّي (بزعمه !!!؟ كان .. يقهرني) =في نشوة الحرف دام (الكل) يقراني!
فالحمد لله مادام (العقل) يذكرني= و(معالم) الشعر للقاصي! مع الداني!
من كان ودّه (يغيضن)!! لا يدورني= كانه يبي (طيحتي !!؟ بالشعر .. يلقاني)
وان كان قصده (حروفي) بس تنكرني = قلّه ترى (وِلْيم)!! الاشعار (عنواني)
غمّضت (بالشارده)! والحرف يسهَـرْني =وفتّحت (بالوارده)! لعيون (خلاّني)
ادمنت !! بالشعر يوم الحرف يسكرني!= واصبحت انا (بينهم) يا كنّي (الجاني)
اسهوم (جـرْول) جزيته !! قبل تنشرني=واجمل هديه (رديف)!! الاصبع الثاني
يلهث ورى (رحلتي) ما هو مكدرني=و يموت ما يلحق اللي تنثر اوزاني
ان (جاك) قلنا فدا!! (هالزول) ياسرني=وان (راح) قلنا كفاك!! (الروض.. يالعاني)
اطوف ركب (الفضا) والحرف يامرني=نرجع على اللي تنادي (بالبحر) ماني
اغوص يمّه لو إنّ (الحوت)!! ينهرني!=يجبرني (الشوق) واسترسل بالالحاني
وتصيح انا (مرهفه) ياليت (تغمرني) = واضمّها عن (طروش) البحْـر (بلساني)
يجمعني الشعر وإلا الشعر ينثرني= ياكاهن الشعر كيف !!؟ الشعر (يجزاني)
شفني (شكرت) الشعر و الشعر (يشكرني) = و الحمد لله .. مادام الشّعر (مجّاني)


.


 

قديم 03-03-2012   #22


الصورة الرمزية رويضان الجسار
رويضان الجسار متصل الآن

بيانات اضافيه [ + ]
 رقم العضوية : 2376
 تاريخ التسجيل :  24 - 09 - 2010
 أخر زيارة : 29-06-2020 (09:53)
 المشاركات : 884 [ + ]
 التقييم :  10
 اوسمتي
الوسام الذهبي شاعر متميز 
لوني المفضل : Cadetblue
افتراضي جـــــوع الــــرســـائــل !!



.

جـــــوع الــــرســـائــل !! !!

على نهج (الجفا) و(البعد) و(اسلوبك) مع احبابك = تذكرتك !! وانا اللي مانسيتك يوم تنساني
اشوفك بالسما (مزنه) كساها (لون) جلبابك= عليها من (وصوفك) يوم تنكرني وتجفاني
حنين الشوق من مزنك (عطش) وشلون؟ بحيابك=وانا اللي كل ما جيتك سلبك (البعد) من شاني
تشكّلتك (ضمى) لحظه / دقيقه .. كيف؟ تضمابك = ضميتك كل عمري وانت (مزنك) عمر مـااسقاني
جمعت النور ! لجل النور! يحيابك و يحضابك = تأمّلت !! و تألّمت !! الحياه وهمّك اشقاني
تأمّلتك (امل) يوم الامل (غايب) ولا جابك= تعبت ارجي (رذاذك) واستغيث الحلم لا جاني
تأمّلتك (فضا) كوني ونجم الصبح يغتابك =تأمّلتك (نجاح) الحلم يوم العلم! بك فاني
تشمّستك بنور الصبح ليت الصبح ضوّابك =تمنّيتك شعاع ٍ عن ظلام الحزن يجلاني
تهاديتك على روح (القصيد) وجيت مع بابك=تصفّحت (الغموض) اللي ستره (الشوق) عن ثاني
تخيّلتك بلا (دمعه) و دمع (اليتم) غنّابك=تماكنت الخفوق اللي (عزا) من يوم عنّاني
لذالك (مزنك) الراحل رحل (مغرور) بثيابك=عشقت الحزن من بعدك وظلمك ما تعدّاني
بدى (جوع الرسايل) بيننا! والبوح يشقابك=حرام انّي سهرتك بسّ لا مجني و لا جاني
علامك ليه يا (مزن )ٍ قتلت الوصل بـااهدابك = حسبت انك معي وافي وخاب الظن واظناني







.


 

قديم 19-04-2012   #23


الصورة الرمزية رويضان الجسار
رويضان الجسار متصل الآن

بيانات اضافيه [ + ]
 رقم العضوية : 2376
 تاريخ التسجيل :  24 - 09 - 2010
 أخر زيارة : 29-06-2020 (09:53)
 المشاركات : 884 [ + ]
 التقييم :  10
 اوسمتي
الوسام الذهبي شاعر متميز 
لوني المفضل : Cadetblue
افتراضي ثــنايـا الـغـيـم !!



.



طاب صباحكم / مساءكم
بكل خير وسعاده
ابيات كيبورديه متواضعه نتمنى ان تنال على اعجابكم
بعنوان /

ثنايا الغيم !!


ثــنايـا الـغـيـم !!!! !!


لا سلام ولا كلام ولا جدال= كل نبضٍ مع وصوفك يستوي
يا ثنايا الغيم في سجع الخيال = يا ثنايا الأرض في وصف بدوي
لا يضيع القاف في صدر المحال = لا يتوه القاف في حرف الرّوي
كف عثماني نوى يكتبك ذال = ضاع خطّه يوم عقله مهتوي
من يدل التايه المنجوم دال = مثل ريم ٍ اعتقه كف اخلوي
زاد نبضه يوم يهجرها ليال = بين همه واعتقاده ينزوي
والحيا لو يعتق لسانه جمال =خطب واعظ بالفصاحه محتوي
كان شرهاته خطايا بالوصال= يعقد القمه على راس الخوي
يحتملها من قبل كل احتمال=والمساري ليلها ليل اشتوي
دام قلبه معك يا صدر الشمال = لايضيق الصدر دامه منتوي
لا هناك ولا هنا ضرب المثال = بين ذات البين يصلحها ذوي




.


 

قديم 14-05-2012   #24


الصورة الرمزية رويضان الجسار
رويضان الجسار متصل الآن

بيانات اضافيه [ + ]
 رقم العضوية : 2376
 تاريخ التسجيل :  24 - 09 - 2010
 أخر زيارة : 29-06-2020 (09:53)
 المشاركات : 884 [ + ]
 التقييم :  10
 اوسمتي
الوسام الذهبي شاعر متميز 
لوني المفضل : Cadetblue
افتراضي الــوثـيـقـه .. !!!



.

الــوثـيـقـه .. !!

.

الــوثـيـقـه !!

ليت حرف الشعر ما حرّك شفاتي = دام عمري بالثواني و الدقيقه
مير نبع الشعر ورث ٍ في حياتي = من وانا طفل ٍ قبل ذبح العقيقه
يا إلاهي طالبك حبل النجاتي = آآآه يا سامع ندا صوت الغريقه
وسط غبّه من هواجيس المباتي =تتعب الغطاس لو طب العميقه
تشبه الياقوت من فذّة زكاتي = يوم جفّ الورد واستنزف رحيقه
يا صديق ٍ خابره يحفظ وصاتي = قل لهم لا مات والشاهد رفيقه
فالوصيه شرع بالقول الثباتي = مثل ما وصّى شقيق ٍ في شقيقه
انشر اللي ما نشرته يا غناتي = وابلغ الحيين عن معنى الوثيقه
ربما اوجر عليها في مماتي= والصديق احيان يوجر في صديقه
لا تكاسل دامها اتزيد احسناتي=واكشف الموضوع بأكثر من طريقه
خبّر اللي ما عرف سكر نباتي = يوم اطرّزها على ثوب الحقيقه
وضّح اللي ما تبيّن للرّواتي = يوم زفراتي تعدّت مع شهيقه
قل لهم عن ما بدر وسط النواتي = وانشطار ٍ كل ما شبّت حريقه
إحترِق في داخلي وانقل دواتي = لين حرفي يشهد بعينك بريقه
فالليالي كل ابوهن مقفياتي = والبقا للي خلق كل الخليقه
يعلم اللي قد خفا بالمقبلاتي = والليال الماضيه يعرف فريقه
يا صديق ٍ حافظ ٍ كل الوصاتي= جاك علمي والله الله بالوثيقه



.


 

قديم 26-05-2012   #25


الصورة الرمزية رويضان الجسار
رويضان الجسار متصل الآن

بيانات اضافيه [ + ]
 رقم العضوية : 2376
 تاريخ التسجيل :  24 - 09 - 2010
 أخر زيارة : 29-06-2020 (09:53)
 المشاركات : 884 [ + ]
 التقييم :  10
 اوسمتي
الوسام الذهبي شاعر متميز 
لوني المفضل : Cadetblue
افتراضي وزيــر الـكـــلام !!؟



.


طاب مسائكم / صباحكم
بكل خير

ابيات كيبورديه متواضعه اتمنى ان تنال على اعجابكم


وزيــر الـكــلام .. !!؟

وزيــر الـكـــلام !!؟

يا هاتف الحلم وين العلم عقب المبيت=يا سارق ٍ من خفـوق الليل بـيّـاتـتـه
يسري بك الهاجس اللي كلّ ما شعّ ليت =من وين ما لاح ضوّه جوه نـتّــاتـتـه
قطرات دمعه محابر تنسكب بيت بيت = والبيت ثابت زمن لو غاب ثبّاتته
يشفع له الخافق اللي ما تحذواه صيت =يا مـا جـبـر خاطـره عن وجـه شمّـاتـتـه
لو شفت حرفه ينادي كلّ حيّ ٍ وميت =يفنى ولا مـدّ شعره مـثل شـحّــاتــتــه
دنيا التمني حصيله بسّ يا لـيـت لـيـت=لو مكسبه ليت جوه اليوم قـتّـاتـتـه
وغيـره يغني مع البحّــار لو جـاه جـيت=وإلا الصراحه يموت بْعشق كـتـكـاتـتـه
لو يجمع الدُّر صار الجمع كلّه فتيت =وش عاد لو كبّ كيسه يلقط احتاتـتـه
ياهاجس العلم لا تسري ورى كلّ هيت =لو تـاه درب اللـسـان بْـحـقّ سمّـــاتـتـه
ماني (وزير) الكلام !! ولا (وكيل) الهتيت=واللي يلتّ الكلام اتجيه لتّاتته



.


 

قديم 24-04-2014   #26


الصورة الرمزية رويضان الجسار
رويضان الجسار متصل الآن

بيانات اضافيه [ + ]
 رقم العضوية : 2376
 تاريخ التسجيل :  24 - 09 - 2010
 أخر زيارة : 29-06-2020 (09:53)
 المشاركات : 884 [ + ]
 التقييم :  10
 اوسمتي
الوسام الذهبي شاعر متميز 
لوني المفضل : Cadetblue
افتراضي ......اهداء ......الى بيرق شمر الشاعر (عياده الجهيلي)



......اهداء ......
الى بيرق شمر الشاعر (عياده الجهيلي) وله الشكر على مشاركاته وتحفيزه لأبناء شمر وربعه السيافا

بيرق شمر


بيرق شمر

جيـت جـن ٍ سـاكـن ٍ قـفـر التـوابـع=مـن عصـور ومـا سـألْـهـم أيْ لحيـح
ثمْ سـألْـت الـجـنّ عـن كـلّ النـوابـع=قالوا أغـراضـه عـديـده بـسّ ميـح
بـسّ شـاعـر مـعـتـبـر شعـره مراجـع=كـلّ جـنّـي لا سـمـع صـوتـه يصيـح
قلت من هو !؟ ردّدوا / صعق اللوامع=كـلّ جـنّـي لـو سـألـته ؟ لـك يبيـح
قلت من هو!؟ ردّدوا / كالنجم ساطـع=كـلّ جـنّـي لا لـمـح ضــوّه يطيـح
قلت من هو !؟ ردّدوا / عـند الـروابـع=بيـنكم !! مـالـه شبـيـه ولا نطيـح
قلت من هو !!؟ ردّدوا / وين الطوابـع=كـلّ حـيّ الجـنّ يشهـد والضـريـح
قلت من هو !!؟ ردّدوا / أسمع وتابـع=كـلّ حـرف ٍ مـن حروفـه صفـق ريـح
رقّـص الـجــنّ الـثـقـيـلـه والــزوابـع=وانـثـنى غـصـن الحـقيـقه واستريـح
اسمه ( عْـيـاده) ولا غـيـره منـابـع =قلت انا اشهد ما يصح الا الصحيـح
لجل شـمـر عـافـت إعـيـونـه مضاجـع=ما شحـذ شـعـره ولا شعـره شحيـح
(بـيـرق لْــ شـمٌـر) و شـمّـر بـه تـدافـع=ومن تـنحـنـح لـه تـرى يـرجـع قحيـح


رويضان الجسار




 

قديم 29-06-2020   #27


الصورة الرمزية رويضان الجسار
رويضان الجسار متصل الآن

بيانات اضافيه [ + ]
 رقم العضوية : 2376
 تاريخ التسجيل :  24 - 09 - 2010
 أخر زيارة : 29-06-2020 (09:53)
 المشاركات : 884 [ + ]
 التقييم :  10
 اوسمتي
الوسام الذهبي شاعر متميز 
لوني المفضل : Cadetblue
افتراضي لبة البزرة !!



لبة البزرة !!
الظروف الدائمه لو يطوّل بي مداه=صابراً صبر الجمل ما شكيته للبشر
والظروف العابره عبرة ٍ لو سال ماه=ما درابه غير خـدّي إلى يوم الحشر
والظروف الكايده كيدنا يقطع رشاه =والليال الطيبه لـذّته عقب القشر
لو يقولون العرب كل داءٍ له دواه=حبة السودا دواء والعسل ذكره نشر
والكتاب اللي نزل بالشفاء من مبتغاه=حلة الشيطان ترحل ولا يبقى خشر
والبنادم لو درى ما سرى ليل ٍ جفاه=والتحسّف مثل من صام وافطر بالعشر
من يطيع الناس في رزق رزاقاً دعاه=لبة البزره !! تبي ناب في شيل القشر



رويضان الجسار


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:32


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام