ديوان الشاعر / عبدالعزيز بن بليهد

اسعد الله اوقاتكم

مع الأجواء الجميله قبل المربعانيه

تقبلو هذه الخاطره

فداااااااوي !!

الصوره من (الرصف) تحيه وشكر للمصور احمد العسكري



وسلامتكم

بسم الله الرحمن الرحيم
السلام عليكم ورحمة الله وبركاته

متواضعه الى اخواننا المُعطلين ولا نقول العاطلين لأن الدنيا توافيق وحظ ومع هذا وذاك
إجتهاد واصرار وعزيمه .

العلم نور ..!!!

	طال نومـك ..! ثـر بحملـك واقـدره=لا انت حي ولا انت ميت..! ماتثور يامـنـازل عــز ,, يــا امــا المقـبـره=مــوت عــز ,, ولا حـيـاة بالـثـبـور ماخلـقـت لـعـرش مـلـكٍ تنـطـره !!=ولا يعيـش الحـر بأفضـال الطـيـور لا تلـوم الـنـاس مــن حـولـك شــره=كل شخصٍ له هموم ,, ولـه سـرور يـــا نصـيـبـي كـــل حـــيٍ وقـــدره=الزمـن مـابـه عـلـى العـاقـل دبــور من غرس يجنـي مـع الوقـت ثمـره=المعـالـي حصّـلـه رجـــلٍ صـبــور الله الـــلـــي كــــــل رزقٍ قــــــدّره=الهمـم مـاهـي ســواء والعـلـم نــور لاتــقــول فــــلان جـــــده ومّـــــره=دام سـيـد الحايـمـات مــن الـنـسـور الاوادم مـــاتـــقـــدم بـــــصـــــوّره=والـذهـب مهـمـا تـقـادم مـــا يـبــور

حلو التعاليل..!!!

	قــالو قصايد ! قلت صادق تماثيل= واللـــي حـــــدو سبقتهم بالهجيـــني الحـــال تشهد شاهدالليل والخـيل= لأفــــعال ابـــالطيّب ورمح الرديني قالو تحبه ! قلت: بُعده غـــرابيل= يـــا كثر حبي لــــه وسرعة حنيني قالوا تحبك ! قلت: قمـــرا وانا ليل= تضــــوي بعينــي نصــفها يكتسيني من هو حبيبك قلت: حلـــو التعاليل= هو عشقتي هو عزوتـي هو ضنـيني ان جت على كبدي تطش الهماليل= جت بسمتـــي بـــــانت سعادة جبيني في همسة بين الشفــــايا مـــــواويل= ينصـــت بكل احساس قلـــبٍ حزيني قــالو وصوفه ! قلت:من طـيفه سهيل= خيــــال قمراً تخفــي الفرقديني قــالو تبرقع ! قلت:عنـــــي بمنديـــل= وعن القريب ونايد الخلق فيني ليل العـــرب رمضا وصيفه تظاليل= غيـــره فلا أهواى خافقً مهتويني قــــالو دياره ! قلت: لا يــاملا السـيل= يـــــا بُعدها عنكم ونــا عند عيني قــــالو فراقه ! قلت: فرقـــــى تفـاويل= لا قـــدر الله قمت اســـــاهر ونيني تصبر ليالي ! قلت: واشرب فنـاجيل= أيــــّوب واليــاسر على المشركيني

السلام عليكم ورحمة الله وبركاته

كيبورديه متواضعه رد على اخي الغالي شاعرنا الأنيق / اسير الوفاء (ابو مراد)

محاوله قد لاتأتي شيْ امام صدى الأعجاب ، لكن لعلمي بطيبة ابو مراد وحسن ذاته

اتمنى ان يقبلها ،

وجزاك الله خير على مشاعرك النبيله ودعواتك الطيبه الله يرضى عليك ويرفع قدرك

اعجابك وسام فخر ربي يسعدك

مقباس الوفــــــــــــــاء ..!!!

	لاهنت ياعذب المشاعر والاحساس = ياللي ملكت الطيب طبع وجبلٌه يابو مراد انت الوفاء منك قبّاس = واللي مثل شرواك لازم نجله سبقتنا بالطيب ياطير قرناس = على النشاما غيمةٍ مستهله الله يديم الود ويزيل الانجاس = والمبتلا يبريه من كل عله وليا بلاك الله بهمٍ ووسواس = لاترتخي لبليس والخلق لله لادق بالخاطر من الضيق هوجاس = استغفر اللي كل عسرٍ يحله واسند على اللي علمهم يرفع الراس= اللي تنوز وحر كبدك تبله تروي عروق من ضنا الوقت يباس=يرفون لحّوال الخوي كل خله ماهم على زلات الاصحاب بلاس= لو كان كل امفتّحٍ فاطنٍ له احفاد من نافو على قب الافراس= متوارثين العز دقه وجله

قصيدة اخونا عويد ذكرتني بقصيده وموقف ،،

مريت احد المحطات الكبيره على الطريق الى روضة التنهات.. وكان وقت ربيع ،، وكان الناس يتبضعون من مالذ وطاب

شي اغلبه زائد عن الحاجه للترفيه ، والله يرزق الجميع ،

وكان جنب المحل شايب اخذت منه السنين والفاقه مأخذها ... ويقول انا بناتي بالسياره وجاي

من البر ومحتاجين ....

واشوف الناس ماهي يمه (لمه) يعني مايعطونه وجه وبالأخير اقفى لبناته مع المقسوم!!!!!!!!!

الجمــــــــــــــــــــــاله !!!

	اقفى يلملم ضيقته عقب ما مل= من كثر مايشكي على الناس حاله عدو عينك ينطر الماء من الطل= ويرجي من الحافي سبايت نعاله ياما بهالدنيا غثى بال وعلل= زماننا طغت عليه النذاله تغيرت عادات وسلوم وملل= يالله دخيلك لاتظيع الجماله من ينشد المنجوم ياصاح مادل= حتى النصيحه صار فيها شكاله وحتى الكلام الحسن ياسامعي قل= تثاقلوه التافهين الحثاله !! ارفع نظرك لرب الارباب واسأل= ماخاب من خلا عليه اتكاله واسند على اللي تبخص الراي والحل= اللي ترد الذاهبه والمساله وليا وردت الجم ياصاحبي عل= ماكل يومٍ فات تلقا بداله

الشتا الدافي !!! ..

	بالورد اشوفك..واشمك ..واشرب انفــــــاسك=وبالبرد اضمك ..واحس ان الشتاء دافي اشتاق ليلك.. وضيك.. رقة انعــــــــــــــــاسك=وان تاقت العين تسهر فالسهر غافي يامخجل الشعرقصر ياصل احســـــاســــــك=لاصرت حاضر تبعثر نظمي وقافي وان غبت نادمت خصله من شعر راســــك=ودليت افضفض لشعرك حبي الخافي ازهد بنومي زهادة عابـــــــدٍ ناســـــــك= بس اتحلوى خيالك والعن سرافـــــي ياكيف اشوفك قبالي تجمع لبــــــــــاسك= وانا من التيه طارت بوهتي حافي !! وادعت موكب غلاي وكنت متمــــا سك= لا ما لعبي لهيب الشوق واشعافي اصبحت افتّخ يديني.. واذكر اونا ســــك= ماحولي الا وجوم وحرقة اشفافي

لم اكن ارغب في طرح قصيدة ... لكن الجريفاني الله يسامحه حوقرنا بالأجواء الحايليه واثار

الذكريات ،،، ومنها هذه الأبيات اناجي بها (امي جوزاء ) رحمها الله في موسم الأمطار

آمل ان تعذروني وتتحملون اخوكم

صوت جوزاء !!! ..

	ياجبال القلب مثلك بالشمال=الضلوع أنتي وحايل خافقي يا رواسي نجد يا بُعدك هبال=من صياحي بك صداه اللي بقي بكِ يذكرني على الهامه عقال=يعلم الله ما نسيتك ياشنقي أتزهب صوت جوزاء والخيال=وأتلذذ بالهجيرة بعرقي كم شربت الليل مهما الليل طال=وكم تجرعت الضمى قبل اغرقي آه وآويلاه يوم الضلع سال=اتلعثم بالزفير وبشّرقي مازملت من الدروب أنه طوال=و لاجزعت إن ما لقيت مرافقي المقدر بالخواطر مايقال=كيف ابجحد نعمة الله بورقي أصبر اشهر وأحتسبها بالليال=كالجبال النايفة ترقى رقي واحتسب عند الولي ماضاق بال=وكل خطوة دون حيي بطرقي

اسعد الله اوقاتكم ومبارك عليكم الخير

بغاليتي : نجد

مــــــــــــاعوده ،،،،، !!! ..

	ياشين بعدك ويامره وياكوده=ياهيه حيي وميتي وأنت ميلادي يازين قربك وياحره وياجوده=عز الله أن الزمان ابغيبتك غادي سلبتي الليل نورة صار ياسوده=تنفس الصبح من غير الشذا عادي سلبتي الورد ريحه حمرة خدوده=حتى حرمتي فراشاته من الكادي ومن العصافير أخذتي حلو الأنشودة=عادت للاكنان بخماصه وبنكادي يا نجد عبد العزيز وغاية سعوده=لا يا خلف لوعتي وبكاي ومرادي مع كل سفره احلف اني فلاعوده=لو حطو المزن سرجي والسما شدادي

الحرار ،،،،، !!! ..

	الحـي لافـارق تـرا وش نـده !!=مترين من بطن الوطى وترابـي الآدمــي بالعافـيـه مــن قــده !!=يامر ، ويزقـر، مستبـد ارهابـي مغـرور يـم الخلـق صعـر خــده=ضعيف نفس ٍمرتشي ومرابي لاهـنــت يــاكــفٍ كـثـيــر مــــده=ماهـي شحـوح بمـدهـا ترتـابـي وسلمت نفـوسٍ بالتواضـع كـده=جميـع خلـق الله ربـع واحبـابـي يقولـهـا الـــي لـوّعـتـه الـصــده=ولا حـسـب للتايهـيـن حـسـابـي ابــن بلـيـهـد بـالـرخـا والـشــده=مـلــجــاه دايـــــم لله الـتــوابــي الله يـسـهــل لـلـحــرار الــهـــده=ولا يـخـلــي لـلأفـاعــي نــابـــي

السلام عليكم ورحمة الله وبركاته

لاتخلو بعض المجالس من التعليقات والعيّارين .. لكن ماينغص هي الغيبه والنميمه واخواتها

وكان هذا الموقف في احد الشبات قبل اعتزالي لها

المتغابي ،،،،، !!! ..

	ياللي هنا.. ياهنـوه.. بعـض الشبـه=والله ماارضى الهمز بأغلا اصحابي نـبـهــت..!! لــكــن مــاحــدٍ مـتـنـبـه=ولا احــب اجــاري عـالــم تغـتـابـي الـعـلــم مـبــطــي لاقـطــيــنٍ حــبـــه=(لــكــن ســيّـــد قــومـــه الـمـتّـغـابـي ) ياصـاحـبـي لاجـــاك عـلـمــي نــبــه=لالا تـضـيــق وتــنــزوي وتّـحـابــي انـاصـديـقـي لــبّـــا قـلــبــه.. لــبـــه=انـا حزامـه... كــان فيـهـا احـزابـي قــدره ولــو طـــال الـبـطـى بالـلـبـه=ورب الـسـمــا مـاحـركــه سـبــابــي تـبّــة نـوايــا الـلــي تـنـطّـع.. تــبــه=الله يـــسّــــود نـــيــــة الـنــصــابــي ومـن ينكـر المـعـروف ســج وكـبـه=مـالــه بـقـسـم الخـيّـريـن إنـصـابـي وكـــلٍ حـسـيـبـه بـالـخـوافـي ربــــه=لاشـــك عـنــدي لـلـغـرور حـسـابـي الـشـعـر مـيـدانــي واحــــب الـعـبــه=ولاهمـنـي لـمــز الـقـفـى المـرتـابـي اغلـيـه واغـلــي صـاحـبـي وآحـبــه=ولاقـيـل عـذروبــه يـزيــد اعـجـابـي والـلــي تــمــادا بـالـجـهـل نـنـشـبـه=يـامــا يـبــان الــخــب والمـتـخـابـي