ديوان الشاعر / سـالم الشمري

السلام عليكم ورحمة الله وبركاته
يشرفني الانضمام الى هذا الصرح الشامخ بإسمه وبـ اعضائه
والمشاركة فيه بهذه المتواضعه كـ مصافحة أولى عسى ان تنال اعجابكم
وأسأل الله التوفيق لي وللجميع..

اترككم مع القصيدة

نص بعنوان اماني

مصافحه اولى غزلية بعنوان اماني + صوتية !!!

	ياهم لو تبعد عن البال لحظات=ماكنت افرط في غزلها ثواني اللي..ليا طلت تغيب المجرات=واللي..سوالفها تغيض الاغاني العطر لا رشت حضن عنقه وبات=كنّه يقول انتي عطر يا اماني والمـيّ لا شربت وثم صار قطرات=على شفايفها..تضيع المعاني فستانها مبسوط,,ويقول هيهات=للي يفكّر بس ياخذ مكاني قد شفتها تاخذ من الطفل بوسات=منظر تمنيته من سنين جاني مدري اطالع وآتمتع على سكات=والا اغير شويّ واصبح اناني لو تشتهي تاكل من التوت حبات=جاه العنب غيران فوق الصواني ولو تمشي بدربٍ طويل المسافات=جتها من اللهفه حدود المباني ولو شافها عودٍ عليه الغزل فات=عوّد غرير وفاقدٍ له حناني متميزة وتجيد لكنة ولهجات=مره شمالي او كويتي عماني مره تقول شنوح مابوه مقاسات=ومره تقول امبيه وش كثر اعاني واحيان ترمس رمس اهل الامارات=وتقول وا بويه فديت العياني ماله شبيهٍ يشبهه زين وصفات=الا لها وبآقول ماني جباني تشبه حليمه بس في بعض لمحات=والله حليمه تصير حسبة فواني في وصفها الشعار تبلش ليا جات=لنه محيط اوصاف ماله مواني ياهم شفك ابعدت عن لذة الذات=وشوف الوصوف اللي وصفت بثواني

تحياتي للجميع: سـالم الشمّري

اسعد الله ايامكم بكل بخير
رد ثناء للشيخ فهد بن مشل الطواله..
اتمنى ان تكون ولو قليلاً على قد المقام وان تحوز على رضاكم..

رد ثناء للشيخ فهد الطواله + صوتية!!!

	والله يبو كردي لو الكل بالكيف=شفنا صغار القوم تاكل كباره يوم انها بظهور خيلٍ معه سيف=جدانك اول من بناله حضاره ويوم انها هالحين وبكرامة الضيف=اصغركم اللي بانيله عماره عمارتن تنعد للطيب تعريف=ماهيب لاهل الفشخره والتجاره اللي يحسبون الهلل والتكاليف=واليا ربحوا قرشين قالوا شطاره انته عدو للي يحسب المصاريف=وانته صديق اللي يشب دوم ناره انته دوا للي عيونه مكافيف=صيتك ملى دنيا ظلامه نعاره انته دوا للي فعوله سواليف=اللي هياطه فوق فعله خساره انته مطر للي حياته عواصيف=انته انته ضيا للي طفى ضي داره انته نجاة اللي بليا مجاديف=انته فهد اسمك وفعلك وقاره انته ليا قلنا عن الذيب ماشيف=ندري تعشي بيت جارك وجاره انته ستر بيض الطنايا الغطاريف=اليا حصل بالوقت دوره وغاره انته عديمن فوق روس المشاريف=صاد السمين وجاب لاهله بشاره قد حاولت طرحه شبوك الملاقيف=اللي خطش منها بتالي نهاره قد وصفوه وفاق حد التواصيف=وقامت يمين فلان تصفق يساره حسره ملت كل العيون المشاغيف=اللي تشوفه حام ناوي دياره مثله عديم ويستحق التحاسيف=مثله عذاب اهل الولع بالصقاره مثلك يبو كردي وش اقول واضيف=دام الفعول فعول فوقه اماره يفداك من شاخوا بوقت الدناديف=وحطوا قناة مصورين واناره وقامت تهايط بالكرم والمغاريف=مغرافهم شيول..ومره غضاره وسلة فواكه قيل جيبت من السيف=وحطوا دعاية لجلها بكل حاره وجابو شرابٍ زود الجو تلطيف=وهزوا خصر وشوّي تقلب دعاره فعولٍ بدايتها مظاهر وتزييف=لو تستمر يومين عاد انهياره النايلي جتلك حروفه ملاهيف=باسمك تسوق ولا تشيل استماره اسمك لحاله يربك القوم ويخيف=وشلون في وقت الزعل او قراره كان القصيد جنود عسكر وتكليف=كلفت لك شعرٍ يحب الصداره ظابط شعر ومجازي القاف توقيف=باسمك يحضر ثم يسلم خفاره وكان القصيد اسباب طيب ومواقيف=اسمك كتبته رمز طيب ونعاره

تحياتي للجميع: سالم الشمّري

السلام عليكم ورحمة الله وبركاته
اسعد الله ايامكم بكل خير ..
قصيدة مباشرة عن حافز..المضحك المبكي سبب القصيدة قبل فتره احد جاراتنا
قدمت على حافز وعرضوا لها وضيفه بالمقبره تغسل الموتى !! اترككم مع النص
اتمنى ان تنال اعجابكم..

قصيدة حافز..صوتيه !!!

	ياحافز اسمع وش تقول الناس عنك يابخيل=انت السبب لو صاربه فوره ياسيد العارفين قلتو اعانه مير صار الوضع اهانه ياهبيل=ياليتنا منك ومن دوخت شروطك سالمين كم عاطل وكم عاطله فرحت وتتحرى الحصيل=وصدمتهم في قولتك كنتو ياناس مسافرين مسافرين ايه كنا من قبل وقتن طويل=مسافرين ايه كنا للعلاج مدورين والا زياره للقرابه في زواج اخوٍ اصيل=وشوله تفكر بانه زود مال ومسرفين واللي حصل منك على عرض ووظيفه ياهزيل=شغلته صارت في حلوق الناس نكته شامتين مثل ام خالد يوم جاها العرض في وسط الشليل=قلت الوظيفه بالمقابر للوفايا تغسلين والا بعد عرضك لابو بندر وهو رجلٍ عليل=يرعى الحلال بمزرعة تاجر رفع سعر الطحين واللي رزقه الله اعانه منك لو انه قليل=صارت ديون يردها لامن توظف ياذهين ؟ من جدك انت ياحافز؟ والا ترى مزحك ثقيل=الناس من مزحك بدت تزعل يبو عقلن فطين الله رزقنا حاكمٍ لا قال قوله مايميل=قال اصرفوا للناس وانتم يالبطانه مخملين عقدتوا الشعب السعودي بالشروط وبالكفيل=حتى ترك حقه..وهذا انتم عليه مخططين من شان تاكل حقنا من دون علم ولا دليل=والا اتقاسم حقنا بينك وبين المجرمين هذي خيانه للوطن اكبر من فعول العميل=هذي ترى بالدين حكمه حكم ناسن مفسدين ياموطني ياموطن الخيرات والدين الفضيل=صحصح ترى ذولا مهم لارضك ودينك مخلصين حنا نحبك ياوطن حنا لك حزام وفتيل=حنا نبيك تشوف حل مع هذول الخاينين الشعب كله ياوطن في وجه ابو متعب دخيل=مدامه القايد فحنا دوم فيه ماملين نبي نتسنع ياوطن ولا نبي غيرك بديل=هذا مراد الشعب وانته سيد كل العارفين

االسلام عليكم ورحة الله وبركاته

اسعد الله ايامكم بكل خير..

الكل يعلم عن ازمة الاراضي واحتكار التجار لها
وهي حديث الاعلام والمجتمع في الآونه الاخيره..
اترككم مع نصي البسيط معبراَ عنها عسى ان ينال اعجابكم.

قصـيدة ..ازمـــة اراضـــي !!!

	ياوطن هو صدق بك ازمة اراضي?=وانت حضنك حضن.. ياسعنا براحه!! بالخريطه شفتك من الناس.. فاضي!=ممتلي بس ممتلي.. بر ومساحه كل قطعة ارض.. تشّر بك وتاضي=مابها سكان او حتى.. فلاحه احتكرها تاجر ومشاه قاضي=والاسيره للوطن تزعج.. صياحه ياوطن.. صارت اراضيّك مقاضي=يحتكرها تاجر باسم.. استراحه لا تشوف التاجر يهينه.. وراضي!!=لا تصد وانت.. تشرب من قراحه ياوطن الزمهم بسعر.. افتراضي=ومن تعدى السعر لاتطلق سراحه كيف تترك من لعب فينا وخاضي؟=وين هيئة هالفساد.. ووش كفاحه؟ مانبيك تقول.. ذا فايت وماضي=حاسب الفايت ..وحاضرنا.. وجراحه ياوطن دامك.. بحب الشعب حاضي=لاتحرم الشعب.. من ضحكه مباحه انت وافي ايه.. وكتوفك عراضي=شلت ناس وناس.. تنتظرك صراحه..

بسم الله الرحمن الرحيم
السلام عليكم ورحمة الله وبركاته
اسعد الله ايامكم بكل خير..
قصيدة اهديها الى اخوي مقبل الشمري(ابو راشد)
عسى ان تنال اعجابكم..

ياهجوسي غيري زيت المكينه !!

	ياهجوسي غيّري زيت المكينه=قبل لا بعض البساتم بك تجيّـم اتركي جو الغثا ويا المدينه=وازبني جوٍ له ايامٍ مديّـم امسكي خط الشمال ودرب لينه=وخلّي الطبلون عداده مكيّـم سايقك خبره وابو راشد عوينه=خيي اللي بالمراجل مو غليّـم تدهر في راسه الطنخه يازينه=تطرب اللي يغلي الذرب ويقيّـم منّه الفنجال لا ساقت يمينه=عرّقت جبهت مواليف الحريّـم من يشوف شلون مداته سمينه=قال قرمٍ ما خشى فقره يغيّـم قاطعٍ ياطا على الذل ويهينه=بالشجاعه ساكنٍ ماهو مخيّـم تعشقه كل حرة اوكارٍ ثمينه=ويعشقه قرمٍ عن النقص متشيّـم تبتسم للضيف حجانه وعينه=مجلسه ماهو من الضيف متضيّـم كل عرجا تنحبس عنده رهينه=ماالتفت لهروج منجومٍ غشيّـم علّم اللي ناويٍ خيي بشينه=يستخير بسجدة ويصبح حليّـم من حكابه سو ماغنّت سنينه=والله ان يصبح من الرفقه يتيّـم من يطيع هروج ميمونه وامينه=اشهد انّه راحبه شربت يديّـم ياهجوسي طالبك لا تعدمينه=ارحمي من غرته كلمة فطيّـم شاعرك لا ضاق اطلقله سجينه=ماعرش فضلت سواليف الحريّـم

بسم الله الرحمن الرحيم
السلام عليكم ورحمة الله وبركاته
نص بعنوان سكرة خفوق
اتمنى ان ينال اعجابكم واستحسانكم..

سكرة خفوق..غزليه !!!

	سولفي للصبح عن معنى الشروق=ل.. ابتسم ثغرك.. ودنقتي خجل وش يوقف شاعرك نبض وعروق؟=ل..اختلط وجهك.. براءة مع غزل اساليني وش انا لشوفه شفوق؟=شوفتك لا جاتك العبره زعل ولو سالتي ليه للشوفه اتوق!=اسمعي ليه ويالبى من سئل لجل اضمك وادعي بقلب امحروق=ياعسى يالضيق ما تلقى محل قالت اف اف اوف بحروفك تبوق=فكري..وانسى بن عندي اهل قلت اف اف اووف اوصافك تفوق=ماكتب سالم.. وغناه بعجل انتي النحله من شفاتك تذوق=انتي اعيوني تشوفكله عسل انتي مثل المال.. بعيون السروق=لا زواه الجوع ودياره محل انتي ياربي وش آقول? ويلوق؟=كل شيٍ فيك لايق واكتمل انتي ثيابك ليا ملتي تضوق=كنه تحارش زواياك بمهل كن بين الثوب واطرافك حقوق=جاعت الاطراف والثوب اناكل وانزوى خصرك وبانت به فروق=وانقسم قسمين عودك وانعزل وعطرك اقبل لاحقٍ زولك لحوق=كنه ايسابق محياك و وصل اسالك بالله يا معنى الشروق=ليه احس الورد من عطرك ذبل جاوبتني.. خله شوي ويفوق=يمكن انه من نشق عطري ثمل ابتسمت وقلت ياسكرة خفوق=اسمعي زبدة قصيدي لا انهبل دامني عشقان واحساسي صدوق=احضنيني..ننتظر؟.. مالك امل

بسم الله الرحمن الرحيم
السلام عليكم ورحمة الله وبركاته
اسعد الله ايامكم بكل خير..
قصيدة بعنوان..بسيطه لا تكبرها :)
اتمنى ان تنال اعجابكم واستحسانكم..

بسيطه لا..تكبرها!!!

	بسيطه لا تكبرها=وغلطه ما اكررها غصب بستك عجزت اصبر=شفاتك من يسايرها؟ بحر هاجتبك امواجي=وانا مقدر اسيطرها رياحي شقت شراعك=غصب ماهو انا امرها رياحي بلشه انتبهي=عباتك.. لا تطيرها ماينفع لو تلبستي=خريطه حيل خابرها كنوزك لو دفنتيها=تدله عين شاعرها اشوفه مثل لا شافت=مراتك خصر ناظرها واعرفك مثل ماتعرف=عيونك وش يجاورها شبيهك من؟ قوليلي=شبيهك امس قابرها كذا ماتت من الحره=جمالك حيل قاهرها تعالي وش مزعلنا؟=ياشعري ارض خاطرها تفنن يا شعر سالم=وياالله هات نادرها ياطربه يا يا تفاحه=ياغيمه صب ماطرها ياارضن فتح اوروده=وجر الصوت طايرها يادله فاحت وهيله=من انفاسك مبهرها يالقمه زايدن ملحه=وزود الملح خاثرها غلطت وبستك وعذري=شفاتك حيل اقدرها سكرت ولا علي شرهه=مشاريهك لي اخرها امانه شفتي شفاتك؟=ياسبحانه مصورها كذا هي بارزه خلقه؟=او ان الروج حاكرها؟ ثقيله حيل خدرانه=وش اللي بك مخدرها؟ احسه يتعبك وزنه=واحس الثقل عاثرها خصوصا لا جت تسولف=ياربي كنك حاشرها تحس انفاسها ضاقت=كثير النطق يفترها الا ياليتني كلمه=على شفاتك اخاشرها اسولف مره و مره=على غفله احاصرها تعالي نفتح الصفحه=واذا ضقتي نسكرها مدام البوسه اتزعل=غلطت واسف اغفرها وش اللي غلطه وآسف؟=انا آسف بكررها..

بسم الله الرحمن الرحيم
السلام عليكم ورحمة الله وبركاته
محاوله مني لمجاراة قصيدة فزعة الصدقان للشاعر القدير نهير النمش
وهي معجبتني بالحيل وحفظتها عن قلب
والمعذره من الشاعر ومنكم ان حصل قصور الشاعر نهير اسلوبه مختلف وما خلى لنا شي نقوله هههه
فهي محاوله بسيطه..ارجوا ان تكون على قد المقام..

قصيدة الشاعر نهير

قصيدة الشاعر نهير !!!

	سرى البارحه ليلي وانا البارحـه سهـران=على نومة السالـي مشـت رحلـة أوهامـي بـدت صفحـةٍ سـوداء مثـل نكـبـة حـزيـران=بـدت غلطـت ايامـي عـلـى عـضـة بهـامـي تـدور الدوايـر والشـقـاء قسـمـة الأنـسـان=تــدوج الكحيـلـه مالـقـت سـنـع الافـهـامـي ضرب هاجس اتعابي على هاجس الكتمان=ضـرب شـوط كهربهـا علـى حامـي آلآمـي رمى راعي البندق علـى هامـش النيشـان=وصـار الهـدف ماهـو علـى منـوة الرامـي ذلـول الهقـاوي ماتهـقـوت عـلـى المـيـدان=تـخـاف الـتـورط فــي متـاهـات الاعـلامــي الا يازمـانـي وش بــلا فـزعــة الـصـدقـان=تسـاقـط ثمـرهـا مـاوصـل سـلــة احـلامــي كثر ماسمعت اهروج للذم والحقران=تركته تمر بـهـون مــن عـمـر الأيـامــي وانا بذكر الله وأتعوذ من الشـطان=يزيل الهموم ويسقي المي للضامي وسرى البارحه ليلي وانا البارحه ولهـان=علـى نومـة الداله رسـت رحلة اوهامي

مجاراتي المتواضعه!!!

	على غفوة الداله همومي لفت ضيفان=برك نصه بصدري والاخر على انسامي يمر الزمن كنه مساريك ياذيبان=غزا هاجسي يفرس من الضيق اقلامي طلب فكري الدنيا.. تهون عن النقصان=وجلب شعري الدنيا.. من اهموم الهامي تزاحم طوابير الخطايا..مع الشريان=وتداحم مغاتير النوايا مع.. جهامي يثير الوحش ملواح راعيه لامن بان=ويخيب الرجا لا شاف ما لصيدته دامي حرار الهقاوي لو غدا مالها جنحان=تهاب الحبارى من مخاليب الاقطامي على قصر هقواتي قصر دونها خلان=غدت فزعة الطيب تقل حكم اعدامي اجازي قليل العرف بالضحك والسلوان=لو انه على العوجا غصب حاول ارغامي صديق السهر يشكي على الواحد الرحمن=مدام القهر رمضى واناحافي اقدامي على هقوت نهير هقى سالم العربان=متى هقوتي تلقى سند ظهر وحزامي..؟

بسم الله الرحمن الرحيم
السلام عليكم ورحمة الله وبركاته

سكّة السالين... !!!

	يسج الخيال احيان عن سكة السالين=واشوف المدينه بنت.. سكانها ثوبه ليا قصّروا سكانه بسلم والا دين=قصر ثوب حشمتها وبانت لنا عيوبه اشوف التذلل عيب في طبعها ويبين=لاشفت الرجال تمد للمعطيه كوبه علام الرجال تصف طابور للمعطين؟=عقب ما ملى المعطي من جدوده جيوبه!! علام البشر تمسك سرا للردى فرحين؟=بعد ما طنا جده عن النقص ودروبه!! يجيب الغنيمه كيس والا بعد كيسين=وتراقص من الفرحه علابيه وجنوبه انا طالبك ياللي تطق بابهم كل حين=ليا صرت من (****) قل الاسم اكذوبه قل انك من الخارج او ابعد حوال الصين=ترى الكذب بالحاله ماتحسب لك ذنوبه ولا تجيب طارينا نجي كلنا شرهين=لا رحم الردى كانه تسمى بنا خروبه ياوين الحرار اللي لها عزة الشاهين=تعشّى فروخه حيّ صيدات وقلوبه ماحوّل على لحم الفطيسه سوى الدانين=شباعا ولكّن الطمع بان عذروبه ضعاف النفوس تبين لا بانوا المعطين=تراكض مثل مركاض جده لماجوبه ربينا على العز وشريناه لو هو دين=ولا وقفتٍ تحسب على اجدادنا كوبه اشوف المدينه بنت في خدها وسمين=عقب ماهي بزينه من الكل مخطوبه اصيله وزفوها على ساقطٍ وعفين=وجابت من يفضّل على العز مكسوبه يجيب القدر ناسٍ على سكة الصاحين=ونشوف الاصيله يصقل العفن عرقوبه

بسم الله الرحمن الرحيم
السلام عليكم ورحمة الله وبركاته

مشاريع ربحيّه... !!!

	يبس زرعنا والناس.. ما ذاقت المحصول=كلاه الجراد اللي.. مغازيه صيفيّه باسم طيبنا كلٍ..ركض يبغي المدخول=وعلى صيتنا حطوا.. مشاريع ربحيّه نشوف الحكم يركض على رغبة المسؤول=يصفر على فاول.. وطيحات كذبيّه ويفوز الفريق اللي دفع فوزهم مجهول=وعلى حسابنا كلٍ ..تدودل مخابيّه شكينا على القاتل.. نبي ثار للمقتول=وقال الحكم..موتته موته طبيعيّة على الحاتمي شارب.. هل المحكمه مفتول=وصهيل الاصايل صار.. يزعج معاليّه؟ لبس لجل نحترمه من المحكمه مريول!!=وآنا ميلت عقالي سواليف..رجعيّه؟ من يمثل الديره عطه.. خامس ومشغول=هذا هو شعار القوم.. لا رحم واليّه واذا دق من حسوا لهم ..مكسب ومقبول=على اشارة الحمرا.. صوره الدعائيّه عن اذنك ياراع الحفل.. انا بدخله مسطول=عساني اجيب العيد.. ثم تنعجب فيّه مؤدب ولكن لوّ تبي.. جيتلك مهبول=اهم شي من (****).. نبي واحدٍ زيّه نبي ماصه ولّو انّ.. كرسيها مشلول=ولايموت واحدنا.. ماسمعوا بطاريّه تعبنا نشوف الباب.. فوجيهنا مقفول=تعبنا يدير الحفل.. شلّة حراميّه ياساق المدينة ليه؟.. فيك الحبل مدبول!!=متى صارت الحرّه.. على كف لحجيّه ؟