آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 04-02-2012   #1


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي ديوان الشاعر / عبدالكريم بن خزيم





إخوتي الأفاضل أخواتي الفاضلات في منتدى نشامى شمر
السلام عليكم ورحمة الله وبركاته
تشرفت بدعوة كريمه من أستاذي الشاعر الكبير أحمد الجريفاني
إلى هذا الصرح الأدبي وإلى أبناء قبيلة شمر الأعزاء
فآمل أن يتجدد التواصل بيننا وشكرا ً لأستاذي ابا فراس على الدعوة الكريمه ولكم جميعا ً
:::: أبوإبراهيم ::::

خاطر الذكرى مصافحة أولى!!!

يحل بخاطرالذكرى سوالف عشق تنعانـي=يجيني ظلمها الطاغي يبي قلبـي يمررهـا
واجاوب جرحي الثاير طلبتك ليه! تنخاني=جروح الحب ماتبرى من ولهـا لآخرهـا
سواد الليل به منثورعلى كتوفه تحدانـي=ظلام بكحلها يذبح مـادام يسر منظرهـا
طريق الهجر هو دربي ولكن وين ودّانـي!=يظل الزين له عالم عثا بالـروح خدرهـا
ألا ياقلبي المكلوم شكى همي على احزاني=يعزي موتت الطيبه مسح دمعة محاجرهـا
لواسأل خاطر اللوعه علام الزين جافانـي=يجاوب رمشها الفتان يقول الحور خابرهـا
رسمت احزان باللوحه لقيت الشيب غطاني=يقول الولف لو يدفن بقى حـي بمقابرهـا
تضيق الدارمن راحت واساهر سهمها الجاني=وبنات الفكر لو تهدى غصب عني اسفّرهـا
تطالع حالة العاشق تقول الراس تعبانـي=ترى العاشق قليل اللي همومه من يفسرها



تقديري للجميع,,,,,


 

قديم 11-02-2012   #2


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي أربــع عقــود م/2




--(( عقــود اربــع ))--


أربــع عقــود م/2!!!

أخذت من الزمان اربع عقود ٍ والحياه دروس =ولامن شانت ايامي طلبت الله يزيّنها
أسافر في خيالاتي ويسيّر فكري الهاجوس =وحياة الشخص تتقلّب مافيه انسان يضمنها
ركضت بدنيتي هايم اعيش بوسطها واحوس =أجيها مر تتعبني ومر تقول مااحسنها
طلبت الله يعدلها دعيت الواحد القدوس =وماغير الله سبحانه يعرف الناس وش منها
أمرني هاجسي لا اكتب عن الواقع امر محسوس =واقول الناس ياعالم ترى تفرق معادنها
على البحر الطويل اكتب ماهو كامل ولا منكوس =بيوت ٍ اعتني فيها واراعيها واوزّنها
أفل الطرس واكتب به واصبح دفتري متروس =بيوت ٍ تحمل افكاري ابد مايوم اركنها
عن الدنيا ومافيها احد صاحي واحد ملحوس =يهيم القاف واسترسل شعوري غصب يعلنها
وشفت الخلق تتفاوت احد طيّب واحد منحوس =وجل الله سبحانه يعرف اللي بواطنها
يبين الرجل بالموقف ويظهر راعي الناموس =تحقق مطلبك دامك على الوافين تزبنها
ياكم شاقي مع الدنيا ركض في وسطها مهووس =يحسب ان الحياة المال صلاته مادرى عنها
حشيمه ماحشم نفسه ضعيّف لو رأس مرؤس =ولامن قال له كلمه خبيل ٍ مايثمنها
علوم الطيب ماجاها يشابه بالردى للسوس =على النمات بني ساسه حكاوي الكذب لوّنها


تقديري للجميع ,,,,


 
 توقيع : عبدالكريم بن خزيم



قديم 14-02-2012   #3


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي قلب حاقد بعث فاسد






--(( قلب حاقد بعث فاسد ))--

قلب حاقد بعث فاسد!!!

بـشـروا اهــل العـذيـه قــرّب يـطـيـح النـعـامـه=والله انـه حيـل ضـايـع لــو تـعـزوى فــي نـجـاد
نعرف ان بشار مجـرم مـن خوالـه مـن عمامـه=ضـايــع ٍ بـالـكـون يـركــض ماتـهـنـى بـالـرقــاد
حمص لو دكيت حصنه راح تدفن فـي حطامـه=لــو حـمــاه محاصـريـنـه بالـجـيـوش وبالـعـتـاد
لــو يـحــاول مانطـيـعـه وان تـصـنّـع ابتـسـامـه=عاش مجرم من اساسه دوم يسعي بالفساد
ولو تمادى بالجرايـم ماعـرف معنـى الشهامـه=الـزمــال زمـــال يـبـقــى مـايـجــاري لـلـجـيـاد
الهزايـم الحقـت بـه قــام يـهـوي مــع نظـامـه=والحـرار ان كـان ثـاروا ترجمـوا معنـى الجـهـاد
والبَعـث لاشـك هــاوي لــو تمـنـى للسـلامـه=تستـعـز الــدار بـعـده تـسـلـك دروب الـرشــاد
وينحكم من كان يسرق للبلـد بإسـم الزعامـه=ويـطـوي التـاريـخ صفـحـه حـبـرهـا دم الـعـبـاد
قلـب حاقـد بعـث فاسـد والفتـاوي مـن امامـه=وان فـطـس بـشــار والا انـقـلـع فـالأمــر عـــاد
يقـتـل اطـفــال ٍ بـريـئـه لاحشـيـمـه لاكـرامــه=راح تسـقـط يالنصـيـري لـــو تـجــوّد بـالـشـداد
كـل شعـبـك مايـريدك ارحــل ارحــل يالهـلامـه=خـذ دروسـك مـن معمـر اختفـى يـوم الهجـاد
كم مسلم من سلاحك لفلفـوه بوسـط خامـه=ماجنـيـت الا الخيـانـه لـوتـعـزوى فـــي نـجــاد

تقديري للجميع ,,,,,



 
 توقيع : عبدالكريم بن خزيم



قديم 19-02-2012   #4


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي أستأسد الثعلب على حمص بالنار





أستأسد الثعلب على حمص بالنار

أستأسد الثعلب على حمص بالنار!!!

ياهل الحمية وقفوا دم الأحرار=شعب ٍ يموت اليوم بيد النصيري
ياعالم الشعب الوفي يشرب امرار= في سوريا والوضع جداً خطيري
أستأسد الثعلب على الشعب بالنار=يقصف على حمص الكرامه سعيري
والخلق تنبذ مجرم الدم بشار=و**** ماهر استشاطت تغيري
جحر الثعل لاشك ايام منهار=ويصبح مع معمر بنفس المصيري
ماينفعك ياخبيل لو كنت مكّار=من هو معه بشار دم الحريري!
أبوك قبلك يااسود الوجه قد غار=على حماة المجد قاد المسيري
تستغفل الأمه على الكذب ماصار=مصير الأمة اعتدل يالغريري
بعد الظلام الشام بيشع بأنوار=وتوّدع الأمه ظلام الحقيري
ويرتاح شعب ٍ ينبذ الذل والعار=ونشم في درعا فياض العبيري
وين الأمم وش علمها أمست إشعار=وين الحماية للكهل والصغيري
يقتل ويسحق والبلاء حيل بإصرار=واشلاء الأمه بالمدافع تطيري
لو كان معه الروس والصين وش صار=ياعلهم في جوف نار السعيري



تقديري للجميع ,,,,,



 
 توقيع : عبدالكريم بن خزيم



قديم 22-02-2012   #5


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي منيه اسافر بالمدى



منيه اسافر بالمدى !!!

منيه اسافر بالمدى واوصل الى ارض اليمن=الروح تتعب بالعناء وهموم قلبي شالها
ومن المشاكل يابشر البال عيّا يرجهن=أبغى المكلا مبتلش ودّي ازور جبالها
ودّي بأب واهلها ودّي بيافع مع عدن=قوم ٍ وفيّه بالبشر وحنا نعز رجالها
ودّي على درعا امر قلبي على اهله يحن=أطفالهم ياللأسف في حالة ٍ يرثا لها
حلّة مصايب بينهم والبعث يعلنها علن=واللي يخالف زمرته منيتّه يسعى لها
حكّام ضلّت مفلسه ماله سياسة بالمحن=أهم شيّ ٍ عندها كرسيها يصفالها
أصل الشرارة ولّعت يوم اشتعل ذاك البدن=في تونس اللي قد نهب زين الجريمه مالها
وارض الكنانه راهنت ولا اخسرت ذاك الرهن=شعب ٍ يقاوم للغبن حتى طرد محتالها
والا معمر وش جنى غير الغدر غير الغبن=واصبح بحاله ماتسر حريته مانالها
وصالح يحاول يستمر لكن تحداه الزمن=والشعب اعلن ارتحل خل البلد في فالها
هموم واجد دايره قد داهمت كم من وطن=لكن عسى الخيره لها وتزين كل احوالها


تقديري للجميع
::: أبوابراهيم :::


 
 توقيع : عبدالكريم بن خزيم



قديم 29-02-2012   #6


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي صنعاء تعاني والقتل يزحم الشام



صنعاء تعاني والقتل يزحم الشام !!!



صنعاء تعاني والقتل يزحم الشام

حلمـي وحلمـك والليالـي والأيــام=متلاشيـه هالوقت غصب ٍ علينا
دام السطو في سوريا خلّف ركام=والشام اصبح من بلاهم رهينا
إلى متى ظلم البشر يكفي اجرام=والخلق تذبح بين حين ٍ وحينا
صنعاء تعاني والقتل يزحم الشام =وصالح يظن الشعب عنده سجينا
بشار رايح واليماني فلا دام=غلطان بالحسبه لو امسى سمينا
الشام سوره يابشر يزرع الغام=واللي هرب يمكن يواجه كمينا
والطيـب عـودٍ منعثر مابعد قــام=مهـمـا يـحـاول اخـذلـتـه السنـيـنـا
عاش الأمل مخنوق بعيـون الأيتـام=والطفل يصرخ والملامح حزينا
الشعب عانا والمصايب من اعوام=وبلادهم مسروق يامسليمنا
شارون ولاّ لو جثى عدّت اعـوام=وجو النصر بالشام قرّب يبينـا
مـات الوفـاء واتبعثرت كل الأحلام=لكن ماغيرك ياالهي معينا

تقديري للجميع ,,,,,


 
 توقيع : عبدالكريم بن خزيم



قديم 02-03-2012   #7


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي العناء يزحم الليل



العناء يزحم الليل !!!




العنــاء يزحم الليل

تبغى دليل ان العناء يزحم الليل=طالع تشوف الظلم والإنتكاسه
بشار يجني ما زرع من محاصيل=والضغط يتفجّر بقو احتباسه
ومعمر المعتوه لوصارع الويل=مخّه ضرب مدري غشته التباسه
درب انكشف ماعاد تمش التضاليل=وصارت اسود الغاب مثل البساسه
هم يحسبون الظلم بيعدّل الميل=والفرق واضح بالذهب والنحاسه
دنيا نعيشه قد غشاها الغرابيل=وحسني سكنه الضيق عقب الرياسه
دامه ظلم للشعب ثم زوّد الكيل=ضايق عليه الكون وايضا لباسه
حاول يوّرث حكمه الهرم ويشيل=ثروة بلد يبغاه لأهله وناسه
تسقط شعارات الدجل والأباطيل=والوجه الآخر ينكشف للسياسه
من وسط تونس ابتدأ يزفر الجيل=وقالت حرار الأرض لا للتعاسه
ولو زانت الدنيا ترى ايام وتميل=كم من سعيد الهم جاله وحاسه
وحنّا بدار محشمين الرجاجيل=آل السعود اهل الفطن والكياسه
الحمد لله مالحقنا بهاذيل=ولانستمع لأهل الردى والنجاسه
وجرذان لندن لو تزود الأباطيل=الشعب يعرف من مشى بالخساسه
طاحت جميع الأقنعه والتماثيل=واللي يغش الحظ هانه وداسه

[SIZE="4"]تقديري للجميع ,,,,,,[/SI


 
 توقيع : عبدالكريم بن خزيم



قديم 06-03-2012   #8


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي الطيب ضايق ودّه اليوم مخراج



الطيب ضايق ودّه اليوم مخراج!!!

-(( الطيب ضايق وده اليوم مخراج ))-

كيف ارتفع في وقتنا كم هلباج=وذلوا رجال ٍ ياجماعه كريمين
والطيب ضايق ودّه اليوم مخراج=وصار البخل محمود عند اللئيمين
وبعض العرب في وقتنا دون منهاج=واهل الردى ياكثرها صارت تبين
كيف الغني في هالزمن صارمحتاج!=يأخذ لو انه في حسابه ملايين
محروم عايش في متاهات واحراج=من شاف لبسه قال وشفيه مسكين
يسبح على بحر المذّلة بالأمواج=وفي موتته حتى عياله سعيدين
ياللي مسكت المال مربوط بأدراج=وش ينفعك مادام عمرك ثمانين
بكرا بتحمل للمقابر على ساج=ويعرض سجّلك ماحوى الزين والشين
واستثني اللي فعلها الدر والعاج=قوم ٍ تصّدق بالخفاء للضعيفين
تعطي ولاهي تملك قصور وابراج=تعرف تقول الدار مابه مقيمين
وترى الحساني راعية توّج بتاج=يجني ثمار البذل محفوظ بعدين
والختم صلوا عد مايحرم الحاج=على محمد خاتم ٍ للنبيين

تقديري للجميع ,,,,,


 
 توقيع : عبدالكريم بن خزيم



قديم 11-03-2012   #9


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي ألا يالله وحدك يامعيني



ألا يالله وحدك يامعيني!!!



الا يالله وحدك يامعيني

الا يالله وحدك يامعيني=ترد الظلم عن شعب ٍ سجيني
قتل تدمير تخريب المبادي=وظلم شعوب للعالم يبيني
حكومات الردى فعلا ً تهاوت=ومن يقهر له الباري عويني
شعوب الأرض ملّت من غثاهم=وشين الطبع في تونس ذهيني
وعمده اسمه معمّر تمادى=ياكم بيت ٍ من إجرامه حزيني
وصالح ملتهي وسط المصالح=يجوع الشعب وحسابه سميني
جثم في شعبه سنين ٍ كثيره=واهل الدار امسوا ميتيني
وحصني حاص واستولى وقتّل=وصوت الشعب ماحسّب كميني
نهاية ظلمه بكرسي يقدّم=وهذا الظلم حطه كالرهيني
في سبع شهور هالدنيا تغيّر=وبأمرك ياالهي نستعيني
يبان الحق لو ابطى وطوّل=ويطيح السور لو يبنى حصيني
شعوب الأرض قالت يالله روحوا=رساله واضحه في كلمتيني
ثلاث عقود تزوير ومظالم=يثور الشعب واهله طيبيني

تقديري للجميع ,,,,,


 
 توقيع : عبدالكريم بن خزيم



قديم 13-03-2012   #10


الصورة الرمزية عبدالكريم بن خزيم
عبدالكريم بن خزيم متصل الآن

بيانات اضافيه [ + ]
 رقم العضوية : 3116
 تاريخ التسجيل :  04 - 02 - 2012
 أخر زيارة : 30-04-2020 (04:50)
 المشاركات : 98 [ + ]
 التقييم :  10
لوني المفضل : Cadetblue
افتراضي حرب التعالي والإنصاف



حرب التعالي والإنصاف!!!

--(( حرب التعالي والإنصاف ))--


دارت رحا حرب التعالي والإنصاف=والجيـش ثاير والضجر والنحيـبـي
والفوز باين مع هـل العز ينشـاف=والناس عاشت في صراع ٍ عجيبـي
وترى الشجاعة بالرجل دوم تنضاف=والا الردي وقت اللـوازم يغيبـي
وقت ٍ يخلي اشجع القـوم خـوّاف=وغيرالردى بالهيـس وشّو يجيبـي!
وعلى الخبل في وقتنا مامن خـلاف=دام الحصاني تفـرس الفيـن ذيبـي
ناس ٍ تجيب العلم محمودة اوصـاف=مـن هو سمعهـا ما اظنّـه يخيـبـي
ولاكل رجّال ٍ تكلّـم بعـرّاف=المعرفـة مثـل الـدواء للطبيبـي
ناس تخربط بالشعر هانـت القـاف=قالت نهر دجلـة بجنـب الكريبـي
وبعض الأوادم ليتها تلبس غداف=أزوال جرمـه ولاتكلّـم غريبـي
ضعيف نفس ٍ هرجتة حيـل تنعـاف=سوالفـه مثـل اللبـن بالزبيبـي
وقت ٍ يمّجد من ملك رزمـة ألآف=لو هو حثالـة قالـوا إنـه رهيبيـي

تقديري للجميع ,,,,,


 
 توقيع : عبدالكريم بن خزيم



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:05


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام