ديوان الشاعر / عبدالكريم بن خزيم

تاره اسوق القاف!!!

	--(( تاره اسوق القاف ))-- تـــاره اســـوق الــقــاف يـمـشــي مـعـايــا=وتاره احس الحرف وسطي أسيري وتـــارة احس الـبـيـت يـطـلـب رضــايــا=يـافــي مـعــي مـثــل الـصـبــي لـلأمـيــري وزود الـتـعـب مـاخــذ عـلـيـنـا وصــايــا=سـاعــة يـمــر انـســان اقـشــر حـقـيـري يــامـــا احـــــس الـشــعــر يــطـــرد عـنــايــا=يمـشـي بـخـطـي مايـخـالـف مـسـيـري والخلق تفـرق فــي جمـيـع السجـايـا=واهــل الشـعـر يـانـاس فـرقــه كـبـيـري أحــد ٍبــدع يـاصـف عـيـون الصـبـايـا=تعبـان ضايـع فــي جـمـال الصغـيـري سهران لـيــلــه ضـــــاع بــيـــن الـــزوايـا=مـن بعـد نومـه كـان عقـب الأخيـري وأحـــدٍ تـمــادى بـالـهـجـاء والـنـكـايـا=كـــن الحطـيـئـة واضـعــه لـــه سـفـيــري كـلامــه اقـشــر مـــن نـفــوذ الشـضـايـا=ولــــســــان يــشـــبـــه يـابـشـر لـلـشـطـيــري صـحـيــح شــاعــر واعــتــرف بـالـبـدايـا=مــــانــــي ابــوتـــمـــام ولانـــــــــي جــــريـــــري قـــــــــومٍ شــــعـــــوره يــنــتــقـــل بـــالـــروايـا=وإلـى اكتبـت تبدع حروف ٍ تثـيـري والــشــعــر وهـــبـــه مــــــن الـــــــه الــبــرايـا=يـشـبــه خــزامــى فـيـضــةٍ لــــه عـبـيــري وإلـى ارعــدت ســود الليـالـي سمـايـا=تمطر شعـر واحسـاس شيّ ٍ غزيـري وإذا صـحــو نـحـتـاج بـعــض الــدرايــا=ولاكـــــل شــاعـــر بـالـمـعـانـي خــبــيــري تقديري للجميع ,,,,,

الصدق مبدأ جديدي!!!

	--(( الصدق مبدأ ))-- الطيب واهل الطيب قوم ٍتبيني=وقت اللوازم حاضرة مابها قصور متمرسّه على الوفاء من سنيني=فيها المعزه تعتلي نايف الكور والصدق قول الصدق يامسلميني=والا الكذب راعيه ماهوب منصور يكذب ولكن بالنهاية مهيني=وبالكذب اصبح للأسف شخص مشهور والصدق مبدأ مايجيه اللعيني=وراع الردى لوعاش بالكون مثبور والذيب ذيب ٍ والحصيني حصيني=وش ينفع النمّام لو يهدم الدور وبالمجتمع فيه الوفي والدويني=وقت اللوازم راعي الطيب مخبور حذراك في شكل الرجل تستهيني=ومن يحقر الرجال ماعنده شعور يالله طلبتك ياالهي تعيني =يامنزل الأحقاف والحشر والطور وانك تهديَ الضال وانك تعيني=وترد دربه ياإلهي على النور تقديري للجميع ,,,,,,

إن زانت الدنيا ترى الموت قدام!!!

	إن زانت الدنيا ترى الموت قدام إن زانت الدنيا ترى الموت قدام=وان شانت الدنيا تعثّر مسيرك نركض بها ركض المعمّر لنا اعوام=ياللي سليت الموت يبقى مصيرك نبني خيالات التمادي بالأحلام=والموت طالع ماخذ انسان غيرك ياللي سليت بدنيتك تسهر تنام=مستانس ٍ تسعد بشوفت عشيرك بكره تسافر والجسد يلبس الخام=ويبقى العمل وتشوف شّرك وخيرك صل الفروض الخمس تنعم بالأيام=وإحذر من الخيّب تحطه شويرك وصل الرحم وصل القرابه والأعمام=أمر ٍ مهم تخص فيهم كبيرك واللي فعل للخير تذكره الأنام=واللي تمادى بالردى لا يضيرك هذي حياة الناس طيّب ونمّام=وأحذر من الرديان لو تستشيرك تقديري للجميع ,,,,,

صهاين تشبه الأورام !!!

	صهاين تشبه الأورام زمان الذل ياعالم دهمنا والعرب نيّام=تناست جرحها الدامي ما عاد اليوم تدري به مرض قد حل بالأمه صهاين تشبه الأورام=خبيثه تنتشر سرعة تجر الويل والخيبه تحرق الأرض بالعاني وتزرع بالشعوب ألغام=عقب مادمّرت بالكون سلام الأرض تهذي به رغم ماهمها يزداد تعيش الظيم والأوهام=تحاول تبعد الواقع تقول الحرب مالي به ياواقع أمة محمد مخططهم علينا أعوام=وحنا نتبع الدوري نبي هالكاس ناتي به وبعض الخلق مستانس يتابع في مساه أفلام=وكن الوضع ماهمّه ضعيف ٍ ماظهر طيبه عراق العز متفكك يحاول ينتهض ماقام=يناد القدس مانسمع يهود القدس تعثي به ومحطات العرب تنقل مشاهد ذل وألاّ أجرام=نخانا القدس والمشكل سمعنا بس مانجيبه تقديري للجميع ,,,,,,

كن الفجر للبعض ماهي فريضة!!!

	كن الفجر للبعض ماهي فريضة الشعر نوّن بالوسم عانق الغيم=طيفه جلب للخير وابعد بقيضه ورسالته ماتنحصر وصف للريم=فيه الهجاء والمدح غيضه وفيضه وفيها وصوف البل وضح ومجاهيم=يفرق شعور الناس سوده وبيضه والعلم قافي ماقبل يوم تعتيم=ينهال حبره في بياض العريضه خمس الفروض بوقتنا جاه تقسيم=وكن الفجر للبعض ماهي فريضه! وقت المدارس نلتزم بالتعاميم=والطفل لامنّه تأخر غميضه وممشى الفجر قد فاز فيه المغانيم=بشرى من اللي مخضر ٍ كل فيضه وعلى المنادي مانبي اي تلزيم=تبغى تنول الخير اهجر نقيضه والدنيا تسري يابشر مابها مقيم=والعمر يمضي والليالي ركيضه دنياك هذي بالمكر له تباصيم=تدعي رجال ٍ مستصحه مريضه أحفظ صلاتك تنعم الوقت وتقيم=والنفس تفرز في مصّف الحضيضه تقديري للجميع ,,,,

دنياك ثارت!!!

	--(( دنياك ثارت ))-- دنياك ثارت في حمايم براكين=لوضحكت يالقرم ترجع خلافي دنيا ً غريبه ماصفـت لـلنبيين=تمكر وليت البعض منها يخافي الناس فيها غافلين ٍ مساكين=يسلـون فرحـه يحسبونه عوافي كم شتت من رووس قوم ٍ عزيزين=غابوا وباقي ذكرهم غير خافي وعمر الفتى لوطال بتغمض العين=يظلم عليه الكون تحت السوافي باقي شعر شعّار رمز وعناوين=ترجّع الماضي بذيك القوافي وين القصايد وين ذيك الدواوين=قبل السديري مات صقر النصافي ذكر الرجل ياخلق شيّن من اثنين=بالطيب والمعـروف رجّـال وافـي إلى نخيته من هل العرف واللين=حاضر على الفزعات دايم يشافي وفيها رخوم ٍ باللوازم وضيعين=ياليتها بالكون تلبس غدافي وألا خسيس وينحسب بالرديين=أسود نـوايـا يـالله إنـك تـعافي تقديري للجميع ,,,,,

بـ / ختصـــــــار!!!

	--(( بـ / ختصار ))-- بـ / ختصار الوضـع سـيء بالبشـر زاد الرعـاع=والـمـراجـل وش بلاها تشتكي فعل الرخــــوم وللنـذالـة في زمنا لـلأســف يــرفــع شــــراع=والبعض جـاه انتكـاسـه بالتعـامـل بالسـلـوم والخبل شخص ٍ تمادى عايش ٍ داخل صراع=ماتوّفق للمعالي مايجيها وامحروم ماعرف مقدار نفسه لو تكلّم مايطاع=عادة الأنذال تبحر بالردى وسطه تعوم يرحم الله وقت اول ماخذل رجل ٍ شجاع=لــكــن الـدنـيــا غـريـبــه مـابـهــا شــيّ ٍ يـــــدوم والثعل ياناس يفرس في زمنّا للسباع=والأرانب له مخالب واصبح الوبري جزوم والردي حبله رهاوي والسنافي ما استطاع=من ملك قرشين يحسب في زمنا بالقروم يابشر دنيا ًدنيه والبعض فيها جياع=والكرامه عود عاجز لانهض عيّا يقوم ياحروفي لا تروفي هاتي المعنى تباع=سطري احوال ناس ٍ بالردى تنفث سموم لو تمادى ال*** ينبح بالفهد مامن سماع=والوفي بالناس واضح والردي عاش الهموم تقديري للجميع ,,,,,,

بـواقـي حـــــظ !!!

	بواقي حــــظ بواقي حظ متهالك سكني من زمان ٍ فـات=جبر افكار تسري بـي سفيـرة هـم لحزانـي أحس بجورها الطاغي غريق وطاح وسط اشتات=يعيش العمر متظاهـر امـام الخلق مايعانـي وحلم ٍ بعثر افكار القريحه واستوت ابيـات=شعور يثور من سبـة شماتت بعض عدواني عقود اربع مضت لي في حياتي تحمـل البصمـات=يجيها يوم تبعدنـي واحـس الوقـت ينعانـي وياكم بالكون من ساقط تبيّن يرقب الخمـلات=منى مثله يجيه السعـد لافـرّق بيـن الأثنانـي عسى الله مايكثرهم عسى الأنذال بالأمـوات=جنوا في صفحة الطيبه عثوا فـي كـل ميدانـي زمان ٍ يتعب العاقل يعيّش بعضنا بمأسات=تخّف النذل في وسطه وفعله بيننا يباني واذا جينا على الواقع ظفر لكن بحـب الـذات=لئيم وطبعه الأسـود يسـوق البخـل منّانـي كدر هيّض بيوت القاف وخلى الضيم له مركات=أجل ينطق ردي الساس ياكيف الطيب ينهانـي زمان ٍ وضّح المخفي تبين الخلق بالوقفات=شدايد وقتنا ينبي عـن المجني عـن الجانـي تقديري للجميع ,,,,

	يمكن ترى ياجوج قرّب وماجوج يمكن ترى ياجوج قرّب وماجوج=دام البعض مخبوص يركض بعجّه وراع الردى بالخلق منبوذ مسهوج=والحقد بابه مافلح من يهجّه ومايهتني من سار في درب معووج=مفلس وعايش في ظلام ٍ ودجّه ولو اعترض لك يارجل كم مرجوج=إحذر خبيث الطبع يمشي موجّه ياصاحبي وش عاد لا تسمع هروج=بعض الكلام افلام صيحه ولجّه قوم ٍ وضيعه كنها فرقة زنوج=تركض على بث الفتن مستلجّه غير النمايم مالها اي منتوج=معروفة ٍ بالناس من زود صجّه وش عاد لو يركض على الكذب ويدوج=من فرط حكيه تقدر انك تحجّه الزور والتلفيق لاشك ممزوج=عند الوضيع اللي حياته برجّه ياعلهم بالبحر يخطفهم الموج=عين الحسود الدود ودّك يخجّه تقديري للجميع ,,,,,

يوزّع الجوال واللآب والتاب!!!

	يوّزع الجوال واللاب والتاب الوضع ياعالم تمادى خطيري =وبديارنا ياللأسف كننا اغراب الأجنبي بالسوق اصبح خبيري=وحنا نصدّق لا كذب كل نصاب صار المواطن لا لفاهم ضريري=لا جاء على الجوال بيواجه ذياب شفنا مع البنقال تاجر كبيري=يوزّع الجوال واللاب والتاب واول يسوق بديرته لل****ي(1)=واصبح يهّدد سلعة الشرق لاغاب ياما البرامج حنشلوها كثيري=واهل الرقابه بالكسل حيل تنصاب جونا ولكن مالفونا بخيري=وشباب الأمه همّها الشورت والكاب السوق معهم لن بعضنا غريري=إلى متى واسواقنا كلها اجناب يشري مدام يمر ورع ٍ صغيري=يجلب له المسروق ذي شرعة الغاب (1) كرمتوا تقديري للجميع ,,,,,