آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 23-05-2012   #1
أبونشـــــمي


الصورة الرمزية معدي نشمي العتيبي
معدي نشمي العتيبي متصل الآن

بيانات اضافيه [ + ]
 رقم العضوية : 3259
 تاريخ التسجيل :  18 - 05 - 2012
 أخر زيارة : 15-11-2019 (02:46)
 المشاركات : 1,845 [ + ]
 التقييم :  125
 اوسمتي
وسام درع التميز وسام شاعر متميز 
لوني المفضل : Cadetblue
افتراضي ديوان / الشاعر معدي نشمي العتيبي





بسم الله الرحمن الرحيم

السلام عليكم ورحمة الله وبركاته

يسعدني ان اضع هذة القصيدة بين ايديكم وعسى ان تليق بذائقتكم..
الهمـــوم اتـلوبهـــا !!!

أسعد الله يومكم ياعزيزين المقام = الطنايا شمر اللي عريب آجدودها
لو أبمدح طيبكم ويش أبنظم فالسنام = كاسبين الطيب والناس قبل آشهودها
ولا أنتقص حق القبايل ولله التمام = القبايل يشهد الله ماغط أفعولها
وربعي الهيلا وهاذي ماتحتاج ألكلام = عزوتاً لبست فخرها بعزم آجهودها
وابو طارق دعوته يالنشامى لي وسام = والف نعمً بالنشامى وحي افهودها
يوم جتني دعوته قلت هيا والهمام = والرجال الطيبة مانصد أورودها
يابو طارق يالسنافي ويانسل الكرام = أخر الاحداث جتني بغير أوعودها
الغرام العذب خلى معاليقي حيام = ياصبر أيوب عطني صبر بحيودها
جدها زبن الدخيله وعنده مايضام = لاعتزأ قاد السرايا وجمع اجنودها
ليتها بس جاملتني وانا أرد السلام = والمحبه بيننا مانبيح أسدودها
صد والسبه عيون العواذل والملام = خايفه من كلمتن بالخفا منقودها
ورحلة رجلي وعيني تولجها الغمام = والنواعس ذابحتني بفعل اسلوبها
ومع شروق الشمس والعين فارقها المنام = ساهراً والنفس كل الهموم اتلوبها

وســــــــلامتكم أبو نشمي العتيبي


 

قديم 25-05-2012   #2
أبونشـــــمي


الصورة الرمزية معدي نشمي العتيبي
معدي نشمي العتيبي متصل الآن

بيانات اضافيه [ + ]
 رقم العضوية : 3259
 تاريخ التسجيل :  18 - 05 - 2012
 أخر زيارة : 15-11-2019 (02:46)
 المشاركات : 1,845 [ + ]
 التقييم :  125
 اوسمتي
وسام درع التميز وسام شاعر متميز 
لوني المفضل : Cadetblue
افتراضي لـو تقــوم الحـرب ولا ماتقــوم



بسم الله الرحمن الرحيم

السلام عليكم ورحمة الله وبركاته

لـو تقــوم الحـرب ولا ماتقــوم !!!

واهني اللي لهم حظاً يقوم = يقضي اللازم بغير أدنى جهد
والبلاء ياذيب لاصرت محروم = والعيون من الزمن جاها رمد
لكن الدنيا تراها ماتدوم = كم حراً مات ماذاق الشهد
ودام راسي حي لاتشيل الهموم = لا تفكر في بلير ولا فهد
لو تقوم الحرب وإلا ماتقوم = مايموت الشبل وابوه الأسد
خلك الاول وبادر بالهجوم = والقوافل جاهزه عندي مدد
وكان خفت الموت خلك وآمخدوم = للطوارئ كل ساعه مستعد
العمر واحد ولايمكن يدوم = والله الدايم ولاغيره احد
أبشر ابعزك ولا يلحق لووم = فك باب البيت وابشر بالسعد
من هوازن وابن ضداد الخصوم = ومن يعد الحق بالماضي شهد
لابدينا درب نبداء بالسلوم = وكلمة الرجال تافي بالوعد
والحرار أحرار وابن البوم بوم = حت لو بحلق بعينه واجتهد
خل عنك الهيلامني بالعلوم = لايهزك شلتن تتبع حمد
واترك العذال ماتقضي لزوم = لو تدور الدايرة كلن جحد
ودام طيرك في سماء جوك يحوم = فك سبقه ساعتن فيها هدد
وجمجمه ماستوعبت قبل الختوم = جعلها ياسعود للنار ولحد


وسلامتكم ابونشمي العتيبي


 

قديم 03-06-2012   #3
أبونشـــــمي


الصورة الرمزية معدي نشمي العتيبي
معدي نشمي العتيبي متصل الآن

بيانات اضافيه [ + ]
 رقم العضوية : 3259
 تاريخ التسجيل :  18 - 05 - 2012
 أخر زيارة : 15-11-2019 (02:46)
 المشاركات : 1,845 [ + ]
 التقييم :  125
 اوسمتي
وسام درع التميز وسام شاعر متميز 
لوني المفضل : Cadetblue
افتراضي لو تــروح أرقـــاب



السـ عليكم ورحمة الله وبركاته ـــــلام


لو تــروح أرقـــاب!!!

وجد حالي منك يالطرف الكحيل = وعناء قلباً تعلق في هواك
نعنبوك ألحق ترى قلبي قتيل = مات من بعدك ولا ليلة نساك
العرب تمسي وأنا ليلي طويل = ساهر أهنياء ومحبوبي هناك
في طباعه ياهلي ماله مثيل = يذبح العشاق هذا مع هذاك
ويح قلبي كل مافل الجديل = وانطرق عوده مثل عود الأراك
ياحبيب الروح ليتك لي خليل = شوفتك ياصاحبي تروي ضماك
في عيوني صرت شبه المستحيل = أمر أمر بس والدنيا فداك
ويعلم الله ماندور لك بديل = ياشموخ الزين أثر هذا نداك
أهـ .. ضاع الصبر واحتار الدليل = كيف قفوبك وانا مالي سواك
مادريت أن الهواء دمعه يسيل = لين طالن الليالي في رجاك
ولابقالي كود أولع با الفتيل = واخذ البلجيك واذبح من نصاك
لو تروح أرقاب وافني منك جيل = دام تبغاني حرام أني أباك
واقفاً دونك عسى عمرك طويل = ماتنازل عنك لو أذبح أخاك


وســــــــــــــلامتـــــــــكم ابونشمي العتيبي


 

قديم 07-06-2012   #4
أبونشـــــمي


الصورة الرمزية معدي نشمي العتيبي
معدي نشمي العتيبي متصل الآن

بيانات اضافيه [ + ]
 رقم العضوية : 3259
 تاريخ التسجيل :  18 - 05 - 2012
 أخر زيارة : 15-11-2019 (02:46)
 المشاركات : 1,845 [ + ]
 التقييم :  125
 اوسمتي
وسام درع التميز وسام شاعر متميز 
لوني المفضل : Cadetblue
افتراضي الـــحــــوت.



الـــحــــوت.!!!

ودك بمسرى الحـوت حـزات الاسفـار=مـشـري بشـيـك الـنـقـد وانـتــه زبـونــه
يعجـبـك لـونـه لاعرضـلـك مــع الـقـار=ابـيــض جـديــداً والــعــرب يعـشـقـونـه
لاركــبــه الــســواق مــاهــوب يـحــتــار=مــــن دولـــــة الالــمـــان زادن فـنــونــه
يغريـك مسـراحـه مــع الفـجـر لاســار=ويـغــريــك مـيـقـافــه قــبـــل يـنـقـرونــه
هو موصل اللي حافي الرجل محتار=حـاديــه وقــتــه والــعــداء يـضـهـدونـه
عـلـيـه نـطــو الـهــم لاضـاقــت الـــدار=لاورداً هــــمـــــوم قـــلـــبـــي لـــحـــونـــه
وان جنبوا ربعك وشفـت الزمـن جـار=عــــلاك بـالــلــي لـلــوفــاء يـاصـلـونــه
سعـدٌ الخـوي لاطوقـك حـبـل الاشــرار=درعـــــاً لـربــعــه والـــعـــداء يـعـرفــونــه
واسنـدت لـك ياراعـي الطيـب والـكـار=يــابـــو مــعـــدي حـالــنــا تـبـخـصـونـه
افــزع لقلـبـاً مـاسـمـع فـيــك الاشـــوار=افـــــزع لـعـشـقــي قـــبـــل لايـخـلـفـونــه
اقولـهـا فـــي بعـضـهـم ســـر وجـهــار=أضـعـاف الانـفـس والــردي يتبـعـونـه
يشـتـال واحـدهـم مــن الحـقـد قنـطـار=ولاشـافــوا الـطـيـب قـســم يـحـسـدونـه

وســـــلامتكم.


 

قديم 08-06-2012   #5
أبونشـــــمي


الصورة الرمزية معدي نشمي العتيبي
معدي نشمي العتيبي متصل الآن

بيانات اضافيه [ + ]
 رقم العضوية : 3259
 تاريخ التسجيل :  18 - 05 - 2012
 أخر زيارة : 15-11-2019 (02:46)
 المشاركات : 1,845 [ + ]
 التقييم :  125
 اوسمتي
وسام درع التميز وسام شاعر متميز 
لوني المفضل : Cadetblue
افتراضي ســـــيف الجنــازة.



السـ عليكم ورحمة الله وبركاته ـــــلام

لو ســـــيف الجنــازة.!!!

ياخـوك سـالـم غيـرهـا ماعشقـنـاه=حب الطموح اليوم باالروح جاري
يجري مجار الدم وشلـون آبنهـاه=والقلـب هايـم بــه هـيـام أنتـحـاري
الـمـوت فــي لـبـت وليـفـي قريـنـاه=ولزينـهـا يـاخـوك بـــان أنـكـسـاري
في رمشها سيف الجنازه لمحنـاه=مرحوم ياشيخً علـى العـز ضـاري
وبكفـهـا قـلـبـي صـويـبـاً جـدعـنـاه=كـنـه صويـبـاً يالـسـنـد بالـشـبـاري
وصوته يتل القلب لامن سمعنـاه=وليا مشت تشـدي لفـرخ الحبـاري
معـذور خلـي فالبـطـاء لاعدمـنـاه=ومليـوم ياحظـاً خسـرت المسـاري
واختامـهـا يشـهـد قصـيـداً كتبـنـاه=صابر لعهـده لـو يطـول انتظـاري


وســـــــلامتـــــــكم اخوكم ابونشمي العتيبي


 

قديم 13-06-2012   #6
أبونشـــــمي


الصورة الرمزية معدي نشمي العتيبي
معدي نشمي العتيبي متصل الآن

بيانات اضافيه [ + ]
 رقم العضوية : 3259
 تاريخ التسجيل :  18 - 05 - 2012
 أخر زيارة : 15-11-2019 (02:46)
 المشاركات : 1,845 [ + ]
 التقييم :  125
 اوسمتي
وسام درع التميز وسام شاعر متميز 
لوني المفضل : Cadetblue
افتراضي يعفــــي الجــاني



بسم الله الرحمن الرحيم
السـ عليكم ورحمة الله وبركاته ـــــلام

يعفــــي الجــاني.!!!

الصيف جانا وكل أمالنا ليت = ليت الليالي تقرب خدر ألأعياني
الغالي اللي من أسبابه تعنيت = هو رأس مالي ومصيافه بوجداني
فتحت قلبي غلاء لحبيبي بيت = ماينزله غير خلي واحداً ثاني
جنا على قلبي اللي لجله أوفيت = وافي بعهد الغلاء لوطالت أزماني
ومن سبت الحكي يالمزيون قاسيت = هماً طويلاً تزايد معه الاحزاني
والغيره اللي صداها منه ونييت = ونه تشابه ونينً لابن عدواني
وسمعت عباس غناء أبيات ناديت = للفيصل اللي قصيدة صدح الاشجاني
خالد أليا قال بيت الشعر حسيت = أن الجروح العميقة صعب تنساني
مره يقول ألحبيبه ما تناسيت = وإمرار يضحك وبعض إمرار بكاني
وياسلوت الروح لجلك كم تحديت = ولأهمني في هوايه من تحداني
أبرغبتي قد وطت رجلي وقفيت = مالي بحبً بعضهم فيه ناداني
ولأنيب ندمان وافهم كان شكيت = ركز ولجلك برددها بقيفاني
حبك طغاه الغرور ومنه صبيت = كاس المحبة حبيبي منك كفاني
حيثك ملكت المشاعر وارجهنيت = شف عقبها حبكم وشلون وداني
ارحم يادلوع أشوفك في شبيت = نيران غيرتك زادت والعمر فاني
وهذي سنه كل ماقلت أسفهليت = جتني مقاريد خلق الله تبلاني
من شافني قال ياحظك تهنيت = ماذاق طول السنين ونار حرماني
واسمع نصيحه مادام انك توليت = أستح من الله وامانه منك ترعاني
من حالتي ياشقيق الروح مليت = خلك على هقوتي ان كان تبغاني
ويابخت حظي حبيبي كل ماجيت = ودي وربي أضمك جوف الاعياني
ظمة يتيماً مربينه اهل بيت = محروم منذ الطفوله ماله أعواني
يبكي فراق الاهل ويقول هليت = دمعاً ماظنيت قبلي هله انساني
يامبتداء الـ(ح) وحرف الـ(ب) بي أغريت = كل المعاليق يمك دوم تنخاني
ومن لامني فيك لاحياً ولاميت = يعيش عمره طريح فراش مرضاني
ويارب انا ارجوك ماغيرك ترجيت = أني أشوفه بخير وعز وايماني
والله يحقق مناي اللي تمنيت = ويلم شمل الثنين ويعفي الجاني


(((القصيدة عام 1424 هـ ولم تطرح من قبل )))

وسلامتكم أخوكم أبونشمي العتيبي


 

قديم 15-06-2012   #7
أبونشـــــمي


الصورة الرمزية معدي نشمي العتيبي
معدي نشمي العتيبي متصل الآن

بيانات اضافيه [ + ]
 رقم العضوية : 3259
 تاريخ التسجيل :  18 - 05 - 2012
 أخر زيارة : 15-11-2019 (02:46)
 المشاركات : 1,845 [ + ]
 التقييم :  125
 اوسمتي
وسام درع التميز وسام شاعر متميز 
لوني المفضل : Cadetblue
افتراضي أصبــح بقـايمـة الارهـــــاب



بسم الله الرحمن الرحيم

السـ عليكم ورحمة الله وبركاته ـــــلام


أصبــح بقـايمـة الارهـــــاب.!!!

إبداء بذكر اللي خلـق عجـم وأعـراب = لـه حكمتـه والخلـق بـأمـره مشـوهـا
وارسل بيـوت الشعـر لاعـز الاقـراب = يـالـيـت مـنـهـو بأسـمـنـا وصـلـوهـا
الاولـه ترحيبـت(ن) تاسـع اهـضـاب = مــن قـلـب وافــي نـيـتـه ماخلـفـوهـا
منـي إلــك يـاشـارد الـبـال تـرحـاب = ولحضرتـك جـزل البيـوت اسطروهـا
والثانيـه وقتـن عــوج يـرفـع اذنــاب = وقـتــن مـقـفـي والـنـشـامـا كـلـوهــا
قـــام يتـقـلـب وقـتـنـا كـنــه الــــداب = ومَـيــل بسـيـفـه والحـثـالـه لـقـوهــا
والثالثـه ريــح ضمـيـرك لـيـا انـتـاب = لاتـزعـجـه بـعـلـوم مـــن شـيـعـوهـا
العمر فاني ولـو يطـول الزمـن شـاب = والشيب غصب عـن البشـر وقروهـا
والرابـعـه فاالـحـر يـظـرب بمـخـلاب = مــن ظربـتـه كــل الـعـداء يونسـوهـا
والخامـسـه ماهمـنـي حـكــي كـــذاب = ولاهـزنــي لـــو بـيـنـهـم روجــوهــا
والسادسـه أحـذر تسمـع لمـن جــاب = إلا لـكـلــمــة واضـــحـــه ثـبـتــوهــا
والسابعه جـرح الغظـي مابعـد طـاب = والكـبـد عـقــب مـفـارقـه صـوبـوهـا
كـنـي صـويـبً أشعـلـو فـيـه شّـبــاب = عـقـب اسـتـوولـه جـثـتـه سـدحـوهـا
الله واكـبـر وان لـبـس خـلـي انـقــاب = أطـيـح أسـيـر يـديـن مـــن لبـسـوهـا
راع الجديل اللي على الكتف منسـاب = مـعـزتـه ربـعــي تـــرى مـاعـرفـوهـا
فـي عينهـا سهـم المعـادي ومحـراب = وكـــن الـثـريـا بـنـحـرهـا شـغـلـوهـا
له ضحكتن تختل عقلـي والاعصـاب = وحمـر الجـمـر فــي شفـتـه ولعـوهـا
لو شفت صورة صاحبي لابس الكاب = أغـلــى تـحـيـه لـصـورتـه قـدمـوهــا
أزعلتـهـا بغـيـر ذنــب(ن) ولاسـبـاب = ونفسـي تقـدم عذرهـا مــا أعـذروهـا
والمشكله عقب الزعـل صكـو البـاب = وبـيـبــان قـلــبــه يـمــنــا قـفـلـوهــا
ويازيـن اذا وقـت اللقـى بيننـا غــاب = ماتختفي شمس الضحـى لا حجبوهـا
أرجــوك فـكـر ياغـلـى كــل الاحـبـاب = واجمـع فواتـيـر الـغـلاء واحسبـوهـا
شيكات حبـك سجلـت داخـل أحسـاب = فـي وسـط قلبـي والعيـون ارصدوهـا
لاتنفـعـل وتــروح لــك قـلـب طـــلاب = وتـتـرك مكـانـه بالحـشـا تسكـنـوهـا
تزعل على اللي من محبتـك منصـاب = وتقفي عن اللـي عشرتـك مانكروهـا
يفـداك حالـي لــو يصـلـب بمـصـلاب = وتـشـوف جسـمـي قدمـكـم صلبـوهـا
ولا عـواذلـنـا كـمــا راس مـشـهــاب = ياويـلـهـم مـــادام روحـــي حــدوهــا
الـك العهـد يامـوت لاشبعـهـم تــراب = وبالرجل ادوس خشومهم لاعصوهـا
وكـل الحيـاة فــداك ياكشـخـة الــراب = ويـفـداك كــل ابـيـات شـعـراً قـروهــا
والـبـل فــداك وبـايـع الـبـل و......اب = والـكـايـده فـدوتــك ..... .....قـنـوهــا
صحيح من قالـوا تـرى الحـب غـلاب = يشـهـد لـنـا عنـتـر وقـيـس إكملـوهـا
ولا غــرام الـزيــف يـازيــن يـنـعـاب = تـبـداء مـحـبـه ثـــم بـكــره نـسـوهـا
قصـة قصيـرة بيـن معجـب ونـصـاب = مـشـهـد قـصـيـر وكـلـهــم مـثـلـوهـا
عشقً ردي واللي على روسـه كـلاب = ماهمـهـم غـيــر الـعـظـام اجمـعـوهـا
ولا غلاتك غير.؟ يحسب لها حسـاب = فـي حبـكـم روحــي تـعـال انشـدوهـا
ماهم رجلي لو وطـت دونـك آشعـاب = اجـيـك لــو كــل الــدروب عـسـروهـا
آجيـك جـيـت واحــدن نـاظـره شــاب = عينـه مـن اجـل اصويحبـه شيبـوهـا
خليـتـنـي بـيــن المخـالـيـق مـرتــاب = قـتـيـل حــبــك والــعــرب فـسـروهــا
كــلاً عـلـى رايـــه يـحـلـل ولاصـــاب = وبلـشـو بـقـصـة بيـنـنـا ماعـرفـوهـا
قصـة حزينـه سيلـت دمــع الاهــداب = مــن حزنـهـا لــو قـلـت ماصـدقـوهـا
وشموخ نفسك يالغظي سر الاعجاب = وسمعـتـك فــوق اعــداك مالـوثـوهـا
وختامهـا عـودي تـرى خاطـري ذاب = وقبـل تصـيـح أمــك ...... اخطفـوهـا
ثـم ابسببـك أصبـح بقايمـة الارهــاب = وعلـى الجزيـرة صورتـي ينشـروهـا


((للأحاطه: شـّباب -نوع من الرصاص(المشعل ــ المضي) وقروها (الوقار لشيب))



وسلامتكم ,,, اخوكم ابونشمي العتيبي


 

قديم 21-06-2012   #8
أبونشـــــمي


الصورة الرمزية معدي نشمي العتيبي
معدي نشمي العتيبي متصل الآن

بيانات اضافيه [ + ]
 رقم العضوية : 3259
 تاريخ التسجيل :  18 - 05 - 2012
 أخر زيارة : 15-11-2019 (02:46)
 المشاركات : 1,845 [ + ]
 التقييم :  125
 اوسمتي
وسام درع التميز وسام شاعر متميز 
لوني المفضل : Cadetblue
افتراضي ليه حزنك منتـثر فــوق المخده



((ليــه حــزنك منتــثر فـــوق المخــــدهـ))
ليه حزنك منتـثر فــوق المخده !!!

لـيـه حـزنـك منتـثـر فــوق الـمـخـده = وللحكي في شفتـك نبـره حزينـه
لــك كــذا لـيـلـة ومنـطـوقـك أعـــده = ترجمـان أمتـابـع أفـكـارك وأنيـنـه
أن سألت الرمش مـا يفصـح بـرده = والسؤال أحتار ‏‎ ‎يشكـي ياغبينـه
آه لـو يطـلـق عـنـان الـونـس مــده = خل جلد اللذات لصعاب(ن) متينه
طـالـبـك يـازيــن هـــد الـهــم هـــده = ماابشع الإحزان بعيون الحسينه
فضفضي لروح روحي لـك مـوده = مثل ماأشكي هم صدري للأمينـه
إي نـعـم حـلـوه وللشيـخـات نــده = كــم وكــم تـدحـم غـنـاديـر المـديـنـه
وآعـنـا بـيـض البـنـات مــن المـكـده = دامـك ألشيخـه وحكـمـك لابسيـنـه
إيــه مزيـونـه وزيـنــك مـــن يـعــده = يوسفـيـه جــل مــن أبـــدع بـزيـنـه
كـل مـا تكـبـر بـصـدري مستـجـده = ماسواك من العـرب يـدري بحينـه
وكـل حــرفً مـنـك يالمجـمـول أوده = قول ما يحزنك وارم أقشر سنينـه
لـك عليـه ديــن مــا يظـهـر وأشــده = بيـن عـوج الحـدب حنـا حافظينـه
ولـك علـي اسمـع وأنفـذ مـا تـوده = ولك علـي السـر محفـوظ بخزينـه
راح مــن عـمـري سنـيـنً مجـرهـده = مـن حياتـي مكسبـي بيـح كنينـه
وليـه حزنـك منتـثـر فــوق المـخـده = وكل عبـداً سجلـت لـه فـي جبينـه



وســــــــــ متكم ـــــــــــلا


 

قديم 28-06-2012   #9
أبونشـــــمي


الصورة الرمزية معدي نشمي العتيبي
معدي نشمي العتيبي متصل الآن

بيانات اضافيه [ + ]
 رقم العضوية : 3259
 تاريخ التسجيل :  18 - 05 - 2012
 أخر زيارة : 15-11-2019 (02:46)
 المشاركات : 1,845 [ + ]
 التقييم :  125
 اوسمتي
وسام درع التميز وسام شاعر متميز 
لوني المفضل : Cadetblue
افتراضي شـرهت الطيــب



شـرهت الطيــب !!!

يـاخـوي الــدرب أقـدمـلـك سـلامــي =وأحـتــرام الـقـلــب دامــنــك خــويــه
سطـوت الايـام تشكيهـا الضوامـي=لاجـدبــن عـــدود نـجــد الـجـرهـديـه
والطـروش تشوفهـا قدمـك حيامـي=والمـحـالـه وطــيــت جــنــب الـركـيــه
وانت عصبتك السلاطين الحشامي =تــرخــص الارواح بـحـيــاظ الـمـنـيـه
عــزوة الهـيـلا مـرويـت الحسـامـي=الظـفـر والـطـيـب فـرســان الحـمـيـه
وتشتكـي جـور الزمـان الانهزامـي=وصــكــت الايــــام خـابـرهــا قــويــه
كــم شجـاعـاً بأنكـسـاره مـايـلامـي=طــاح يــوم آخلـفـبـه شـــداد المـطـيـه
وخوتك مارخصتها عشرين عامـي= أبـذل المجهـود مـا أحتجـت لوصيـه
مــا ثنـيـت الـعـزم كاربـلـك حـزامـي=منتـقـيـك مـــن الـصـفــوف الأولــيــه
رفقـتـن نفخربـهـا شـرقـن وشـامــي=أول اصـحـابــي ويــأتــون الـبـقـيـه
وفي حضوري من تلحقك ابكلامي=مـــالـــه إلا (أعقب) يحــمال الـرديـه
ولاسمعـت امـراً يخصـك ياحزامـي=يستـحـال اخفـيـه عـنـك بغـيـر نـيــه
وشرهت الطيـب ينصيهـا الكرامـي=الــكــرام الــلــي ضـمـايـرهـم نـقـيــه
(شــارح لــك) كــل شــي إلأ غـرامـي=حافظـن سـري ولـو روحــي شقـيـه
طفلتـن فيـهـا غـرامـي وانسجـامـي=أحـتـوت زيـــن الـبـشـر بالعاطـفـيـه
لاغنجت تهتش لرضاهـا اعضامـي=وان مشـت تغتـاظ منـهـا الجاذبـيـه*
حـكـيـهـا تنـصـتـلـه اذان الامــامــي=وان طـغـت فـلــت ظـــلام السـرمـديـه
شيخة الخفـرات محرجـت اللثامـي=والـنـقـاب يـعــاف خــــد الـعـامـريـه
وانت عنـدي تشبـه الحـر القطامـي=يـاالـسـنـافـي زت كـيــاتــي بـكــيــه
والـصـلاة اعــداد لـبـاس الحـرامـي= ع النـبـي المصطـفـى خـيــر الـبـريـه



وسلامتـكم والمعذره حيث اني اتواصل عبر الجوال


 

قديم 03-07-2012   #10
أبونشـــــمي


الصورة الرمزية معدي نشمي العتيبي
معدي نشمي العتيبي متصل الآن

بيانات اضافيه [ + ]
 رقم العضوية : 3259
 تاريخ التسجيل :  18 - 05 - 2012
 أخر زيارة : 15-11-2019 (02:46)
 المشاركات : 1,845 [ + ]
 التقييم :  125
 اوسمتي
وسام درع التميز وسام شاعر متميز 
لوني المفضل : Cadetblue
افتراضي لأبــوه وقـتـن عـــن عـيـونـي يـصــدك



بسم الله الرحمن الرحيم
السـ عليكم ورحمة الله وبركاته ـــــلام


لأبــوه وقـتـن عـــن عـيـونـي يـصــدك !!!


صبـرت وغيابـك ملـئ صـدري جــروح = 
مجـروح مـن غلـطـت زمـانـي وصــدك

ياحـيـف والله مـنـك يـــا تـــؤم الـــروح = تقـفـي وأنـــا مـابـيـن مـزحــك وجـــدك

اقفيـت والرسـلان فـي صــدري أتـفـوح = 
أتـفــوح لـجـلـك وأنـــت مـافـيـه قــــدك

بعـت الغـرام اللـي علـى قـربـي أيـنـوح = مـايــدري إن الـقـلـب يــازيــن عــنــدك
قلـت أنكـف أنكـف مالنـا فيـك مصـلـوح = دور بــدالـــي زول يــمــكــن يـــســـدك

وقـفـت دونــك لـــو مراسـيـلـه أتـلــوح = 
ودهـسـت قـلـب الـشـوق كَــلا مـاهــدك

وسالت دموعه وانتحى بصوت مبحوح
 = واسـمـك لحـالـه نـجـم والصـبـح نـــدك
أشـهـور زلــت مالـهـا فـيــك مـصـلـوح = حسـبـي عـلـى مــن كــان فيـهـا يـمـدك
يـمــدك الـوســواس بـالـظـن وتـشــوح = عنـي وأنــا أشـكـي للحـشـا فـعـل يــدك

صاننـك عيونـي وأنـا أشـوفـك أتــروح = مـقـفــي ولا فــكــر غــرامـــك يـــــردك
حـل المشاكـل بينـنـا صــرت مفـضـوح = حـبــك غلـبـنـي والـبــلأ لـــون خــــدك
والحـب مقـرون الوفـاء وأنـت ممـلـوح = لأبــوه وقـتـن عـــن عـيـونـي يـصــدك
‏‎أن جـيـت تلقـانـي عـلـى قـمـة سـفــوح‎ = 
‎أرقــى سـنـود وكـنـز الأشـــواق حـــدك
ودام القصايـد منطـلـق صـافـي الـبـوح = افـهــم تـــرى مـانـيـب عــبــداً لــجــدك
إنـا أبــدوي ماهـزنـي بالـهـوى ضــوح= ثابت واضد اللي يحاول يضدك
واللي مضى يازين مسموح مسموح = أرجع قبل لاينتهي جزر مدك

وسلامتــــــــــــكم


 

 

مواقع النشر (المفضلة)


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:56


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام