ديوان / الشاعر معدي نشمي العتيبي

مــاتـت قـلــوب الـرجـــال

	ماتت قلوب الرجال اللي عليها الملام = والزين موت الحباري في بساتينها واهل الفعول الثقيله منك وإلك السلام = يا عزتي للقصور اللي بنوا , طينها راحو هل العَرف وازعجنا كثير الكلام = وأهل الحكي لج .. هوجاسي ميامينها مثل الخفافيش تسري لاغشاها الظلام = ولا. بلاشي (نوضح لك) عناوينها خل الحكا عنك وأجهر بالحكي ياغلام = يا زينها كلمت أهل الصدق يازينها بلاش شيخ البشوت اللي كساها الحلام = أحلامهم فاشله.! ياصعب تخمينها

هذه القصدية موجهه للاخ القدير / سعود بن نجر المقاطي العتيبي

سيف القبيلة ,، في نهار القتالي

	ياسعود يارمز الرجال المسمين = ياشبل من يرقاء بروس الطوالي عز الرفيق ،، وفزعتنً ، للقريبين = با الفعل يشهدله عمام وخوالي سعود ابوسلطان يسوا ثمانين = شيخ الوفا خل الحكا والسؤالي شيخنً مايوزن بالذهب والملايين = سيف القبيلة، في نهار القتالي هذي شهادة حق قدم السلاطين = ما قلتها من شان حفنت ريالي الصدق صدق وسجلته الدواوين = خلوا كلام الزور : مهما حكالي وانا ،ولد مزحم زبون المخلين = شبل الدهاه وساسناً في العوالي

احيان اشوفك مثل صــــــدام المجيد

	ماعاد أنا صاحبك جعلك ماتفيد = روح مراح مقيط ونسجل فدا دام الجسد طيب وهقواتي بعيد = وش خانت الماضي وحاظركم ردا أنته ويث امجاد وعصابك حديد = لكن حديد الصلب يفنيه الصدا وانا اساس المجد وحذر يابليد = لاتنفعل وتروح روحت من غدا مع السنين العوج والعمر المديد = وسموم نجد أحيان ومطار الهدا تذوب هقواتك ليا ذاب الجليد = وتصبح عشاء الرعيان وصحابك غدا احيان اشوفك مثل صدام المجيد = واستغفر الله ماانت زيزوم العدا صدام عز الناس والمجد التليد = ياهيه اعرفك لو تهيجن وتحدا

وسمي عليهن واضحنً للشفوقـي

	أزعل .؟ولك حق الزعل والملامات = لاصرت أنا المخطي علي الحقوقي مادمت كنق الطيب رجل المهمات = حقك علي الجزل وسمع طروقي ابشر بعزك : دام هـالراس ما ماات = ون مت انا عبدنً ياخوك مخلوقي مالك ومال اهل الحسد والتشمات = ومالك ومال كلابهم 00 والسلوقي انته عقيد القوم / واخذ الحقيقات = فعلنً يجمل في اللحن , والطروقي جزل البيوت : اللي عليهن علامات = وسمي عليهن واضحنً للشفوقي من شال همي ، شلت عنه السروات = وصبحت دونه لا وصلنً للحلوقي ومن صد سجلناه من ظمن الاموات = لوقي وقبله شفت عشرين / لوقي

آهـ .. ياطيف الغرام اللي غشاني

	كل عام تقول سمعني قصيده = ودي أسمع من جزيلات المعاني وانت عقد ونص تنقشلي فريده = تنحت ابياتك على حدب المحاني قلت: يالبى الطلب واللي يريده = دام خشف الريم والمعنى دعاني ودام حبك يسبح القلب (آبـ وريـده) = شوقي المجنون ينطق به لساني قالت: اسمع دام حبي (ع الحديده) = آهـ .. ياطيف الغرام اللي غشاني قلت : صبرك لين اكمل ياعنيده = وش يجيب الاهـ / يالوعت زماني دام رمش العين سوابي مكيده = كل ماشوفك وانا حبك شعاني الجمر في مبسمك ناره وقيده = أكتوي به كل مازولك لفاني

دام طاعني على الضـلع القصيـر

	أن هزمنا بس حبك ماتغير = الله اللي حط لك فالقلب قيمه حبك اللي {صف} غاده مع جهير = وأكتسح ساره ودمر لك حليمه دامني في حبكم صرت آمتحيـر = وأنت أخذت القـلب والنيه سليمه داخلنً فوجه أبوك أتصير خيـر = أنتـبه لا تجعـل إيامـي وخيمـه دام طاعني على الضلع القصير = ليه . تتركني .؟ لعذالك •• وليمه وانت خابر شاعرك شيكنً مجير = ينتحر .! لجل الوفاء والله عليمه كم حبيباً ،،، لجل حبانه تضير = إلتزم بالصمت لو شاف الظليمه والمنافق لو حكى عمره قصير = دام حبك سيل : والأشوق ديمه والله أن اموت / وحبـك ماتغير = حت لو البارحه : جتنا هزيمه

لكــن معـه جنــي/ وظـننه .! محســود

	لي صاحبنً فالناس مايداني العـْود = العـود الأزرق ,, لاحضر صك بابه ماهب رخامه دامه آسلالت أوسود = عز الخوي / ما يلحقه ,. كود جابه ما يلحقه ياكود والنعم , في الجود = كـريم ,,, جيله / كان تبغى الأجابه لكن معه جني/ وظـننه .! محسود = محسود في/ فن الحكي , والخطابه وللي معه ملعونتنً تسكن : حيود = روس الجبال .! الطايله مع هضابه لكن فعله ! ياعرب عندي آشهود = الناس فأرض الله ,,, وفالح سحابه هذا ختام القول / لابــو ..؟ آلـ .... = فـالح ... يشــرفنـي / لا طقيت بــابه

السلام عليكم ورحمه الله وبركاته
صحيح أنني من يغيب كثيراً عن صرحنا الشامخ ولكن الظروف تحكم ذلك وعتذر من الجميع اداره واعضاء ومشاركين واهديكم هذه القصيده عسى ان تلامس ذائقتكم

خـــل الجمـــاعه

	خل الجماعه والعـرب والقريبين = والشعب والدستور والحاكمينا والحب ودروب الغزل والمحبين = والهم !! والحرمان .والكاذبينا واهل المناصب والرتب والمساجين = والكاظمين الغيض والمحسنينا ماجيت احدث بالشعر وإدع الدين = وماني لأحاديث الرسل حافضينا ولاني بأم الناس قدم المصلين = ولا نيب شيخ الفقه و الصايمينا ولاني مجامل والمجامل ترى شين = بعض المجامل يفرح الشامتينا عندي خطايا وأكثر الناس مخطين = واسجد لرب الكون والعالمينا لكن انا رجال عندي قوانين = مهما حصل يحسب حساب السنينا والقلب مايجلس على عرشه أثنين = وأنته لحالك وأستلمها يقينا وأقسم بمن يعطي جنان وبستاتين = أنك بقلبي كنك الفرقدينا مادام أبوك اللي يقر الموازيين = وأخوك منهو صطوت الصاملينا

عــاصــوف الأشبـــــاح

	أربع ميه واربعين , والف للهجره = وحنا بتال الشهر والعام هجريه سراني القاف والمعنى على الجره = جديد الابيات ظرف , وختم سريه مما يسبب لكبد اهل الشرف حره = شيً حصل ونسبوه , البعض حريه بوج العجم: مرتبك واحزابه أمدره = مافيهم اللي بنفسه ربع غاريه مندوب للغرب يا الله آكفنا شره = وحنا نبيها , مساجد والف خيريه مار المصيبه عوين الشر ماسره = غابت فلسطين مع تكريت جبريه وشفنا الخليعه وثوب الستر مازره = لين اكتبوا عنه بالصيني وعبريه ما نشيت رنان فر عقولنا فره = كن البلاوي على الاجواد حصريه أكبر مصيبه لاباعوا ديننا مره = وجابوا لنا , نادل الحانه ونوريه واكبر جريمه خفايا أيامنا أتصره = وش عاد ترجون والارواح شريه ماعاد يمديك , لو حاولت بالكـّره = فاشل ولو تمتلك للحرب ذريه اللي حدث عافته نفسي وبالمره = عاصوف الاشباح شل الفكر عصريه

الشيصباني لا حضر

	ياللي تقول أرقد / هجوسك نايمه = أقر أية الكرسي ترى الآمر محلول خل السهر للي همومه عايمه = بين الضلوع العوج , ليلياَ , تجول آكنها , لا. شفت روحي هايمه = عن نظرت الشمات , ولسان العذول وعن مجلس النمام نفسي صايمه = حتى لون الهرج صافي ومعسول صاحبك أنا / والراس محدنً ضايمه = أقلط على وضح النقا بين الزحول من فضل ربي , والنوايا ساميه = نعط الرجال حقوقها حسب الاصول وبالشعر أللي شردَ البيوت الطاميه = أتعب عليها وأنتقيها , نقي لول مالي عذر منها والأجواء غايمه = والشيصباني لا حضر عندي يقول يامعزب الضيفان / سفره دايمه = لكن أنا بسألك من باب الفضول.؟ ليه العرب صاروا , دويله ناميه.؟ = والغرب يصنع مايسبب لي ذهول