ديوان / الشاعر محمد سوعان الربيع

الراس عالي والكرامه مصانه

الراس عالي والكرامه ,,,,؟؟؟ !!!

	الله يمسي راعـي الطيب بالخير = ياللــه اتحيـي حافظيـن الامانه انشد عن الطيب ولا اداني الغير =اشفق على شوفه وادوٌر مكانه ابـذله المجهـود حشمه وتقـدير = ويـكبـر بعيـنـي كـل يـومً كيـانـه وافــرح بقــربـــه وآتمنـاه وآغيـر= لاجــات لــه سـيره وشفنا بيانه ماانشد عن اللي كل يومً ابتغيير = مثـل الهبـايـب مــا عليهـا ظمانه بيـن النفـاق وبيـن كـذبً وتـزوير = متــذبـذبً مـابيـن غــدر وخيــانه حسب المصالح مركبه واصل السير= باع الكـرامه وارتضـى بالاهانه بانت اعلومه وانكشف برقع الطير =والخافي المستور اطلق عنانه وابن الحموله والرجال المناعير = مايهيــن نفسـه لو يظيمـه زمانه مــا ينحنــي الا لــرب المقـادير = الـراس عــالي والكـرامه مصـانه والهـرج واضح ما يبيله تفاسير =ومـن لافهـم معناي خيـره دفانه الموت أنسب للوجيه المحاقير =اهـل العلــوم الهابطـه والعفـانه ومن لاتهمه سمعته والمعايير = حقيــر تـافــه والمـــزايـا مُــدانه ابديت رايي دون ما ابدي معاذير= وعنـدي عـزيمه واعتـزاز ومتانه

محمد بن سوعان الربيٌع

همس الاشواق

همس الاشواق ,,,,؟؟؟ !!!

	ياهمس الاشــواق تكفـــى لاتحيرني=تـرى الذي فينـي وما كان يكفيـني ازرت ليالــي حيــاتي لا تــغيــٌرنـي=وازرى يعدل حياتي ماضي اسنيني القلــب وده علـى كيفــــه يســيٌـرني=وانـا زمـان العجـايب قيـــٌد ايــديني هيضتنــي فـي قصيــدً كـان زايـرنـي=كحــلم ليــلً لفـانــي وانفــرد فينـي ويا هاجس الشــعـر تكفـى لاتطيٌـرني=وتا خذني ارياااح موجك يم الاقصيني كانت بقربــي ولــه عيـــنً تناظـــرني=واليـــوم يـا لوعتـي وينـه وانا ويني ليــت الليــالي ومافيهـــــا اتخيـٌرنـي=كــان اتخيــر واحصل ما يناســبنـي ماهمني يــــــومــها هيــسً يعيـرنـي=ورزقي على اللي خلقني عالمً فيني ياهمس الاشـــواق تكفى لا تحـيرني=تـرى الـذي فيني ومـا كان يكفينـي

محمد بن سوعان الربيٌع

العقــل زينــه للفتـاة الفصيحـــه

العقل زينه للفتاة الفصيحه ,,,,؟؟؟ !!!

	يابنــت انـا بعطيــك منــي نصــــيحه = هـــديةً مــــاابــغـــي وراهــا دنــانيــر العقــــل زينــــه للفتـــاة الفصيـحـــه = ويجعل جميع الناس في وضعها اتحير بعيــونهــم تكــبر وتكسـب مــديحــه = حـــــليلةً كلــــــن تمنـــى لـــه اتصيـر وحشـو الزلـق يابنـت عجلً مطيحه = ولا يعجبـــك تـــرديـــد حلــو التعــابير مثــل السراب اللي ابحوره فسيحه = مــا يــروي الظــامي ولا بآخــره خيـر عليك بــزمــول العــرب يا مليحـه = اللــي تشـــيل احمــولهـــا بالمعـاســير شومي لــرجالً اعلـومه صحيحه = ســــــليل ربــــعً ينطحــــون الطــوابيــر كوني مع افوادك وعقلك صريحه = ثــم افــرقي جســاس مـن سـالم الزيـر وبعض الحكي يابنت عيب وفضيحه = حــذراك حــذرا مـن نـوايـا المحـاقير خليــك معهـــم يالعـريبــه شـــحيحه = قبـل ان تحوشين الندم والمخاسير خليـــك مثــل الطيب لاهــب ريحـه = لافــاح عطــره يجــذب القلـب وايثيـر حــذراك مـن قرب الوجيه القبيحه = اللـــي علــى فعــل الرديــه نــواطيــر وان ما ذبحك الداب يخرع فحيحه = ابعـــد عـن الديبـان مـع نافــخ الكيـر والشـف والمقصود منهـا نصيحه = مـا اقصد بهــا يابنـت فـتـنـه وتـزوير وشـعاد لو تـزعل علينا ســميحه = وكـل مـن يبـي يغتاض قدمه زمهرير

محمد بن سوعان الربيع

اهداء واسناد للشاعر : محمد الفناطل الحجايا

______________( لي غايةً عيٌا بها جور الازمان)________________

صوت /////وصدى ,,,,؟؟؟ !!!

	ذيب الكرك جاوب صدى ذيب هدلان =بـعــواه جــاوبلــه ويـقنــب قنيـبه انـا اشــهد انــه ذيـب مانيب غلطان =ولـه شوفةً سرحان ماهي قريبه لاشــك ابو سـامر عـزيزً ولــه شـان =بقلــوب ربــــعً مـا ضــرت للمعيـبه تضمــر لـه الاعجـاب والــود وكـــدان=قــدر ووفــا مـن دون شـكً وريبــه شــاعر ولـه جولات في كل الاركان =غرب وجنوب وشرق وايمن مغيبه هـذا الــوكاد ولاش بـالهــرج بهتــان = ولا قلتهــا لـي غــايـةً وارتجيبـــه يالقـرم فـي قلبـي لواهيـب واحزان=ونيـران قلبـي مـا بغـت تنطفيـبه اشكـي عليـك الحـال ياطيـر حوران .= وانـت الـذي يسـعى لعلـمً يثيبـه لـي غايـةً عيٌــا بهـا جــور الازمـــان = عيٌـا يتـلاقى مع شعيبي شعيبـه مـــابيـننا حـالت اقـاليــم وطــان =ودونــه عصــابات وذبــح ونـهيـبــه تـصـافـق الاحـرار مــع كــل خـــوان=وكلـن تـزعـم يـابـو سـامر كــتيبه مـابيـن ديـرة حمص وابــلاد حـوران =حال الخطـر يامسندي والنشيبه وشلون مادري كيـف ياذرب الايمان =وشلـون تبـرا اجروح قلبً عطيبه غـروً ولـــه بالقلـب مـوقــع وعنــوان=وغيـره فــلا واللـــه فــاز ابنصـيبه حبــي لـه اصفى مـن قراحً بعُمان = ينسـاب مـن نبــعً بـراس الجـذيبـه حـبً علـى وضـح النقـا والوفـا بان = ولا خنـت انـا بنـت الرجـال العريبه احبـهــا حـبً يـوصــل للاكفــــــان =حبً يابــو سـامر اطعـونه عجيبــه اشتاق له شوق الصحاري للامزان =والشوق يحـرق وانـت تعلم لهيبه اسباب بُعـده شيبـن بابـن سوعان = ماغيـر اهوجس والخفـوق يهـذيبه ومن شافني ينشد عسى ماانت =بي علـةً واحتار فيها طبيبه وان مــالفـابه حـظ يامسندي زان = لاواللــه الا ايــام عمــري قـريبـه هذا الذي هيض اهجوسي ابقيفان =وتـرجمت مأساتي ولون الغليبه اظهرت لك وابديت من ما جرا وكان = مـن واقــعً مـاكـان لـي به رغيبه من واقعً يفـرض اشـروطه والاثمان=واذعنــت انـالــه طيب ولا غصيبه ويـامـــا نخيـت فــلان وفـلان وفـلان = واصبحـت انـا مجبر لدفـع الضريبه

_________________( محمد بن سوعان الربيٌع )_________________

رد الشـــــــــــاعر

محمد فناطل الحجايا

__________________(ابشر بها بالحق ولاٌ نهيبه)____________

ابشر بها بالحق ولاٌ نهيبه ,,,,؟؟؟ !!!

	حي الكتاب اللي لفت فيه قيفان,= من شاعر" بالحب يشكي نصيبه من وايـل الكبـرى سلالات عدنان =نسـل البيـوت الـــزاكيـات العريبه حيــه عـدد مـا رف طيـر"بجنحـان= ومـا ذعـذع الغـربي وجـانا هبيبه وبعداد ما مدوا على الهجن ركبان=وبعـداد مـا عينـي لنـومه حريبـه يالوايلـي يـا نسـل ذربيـن الايـمان= نـار الهوى له بلسما" تنطفي به ان كانهــا ببـلادنـا يابـن سـوعــان= ابشــر بـهــا بالمــال ولا نـهـيبـه نـاخذ لبــوها روس حظـرا"وبدوان= بـالجـاه واللــي يطلبـه ننتـخيبـه وان كانهــا بالشــام حـرب"ونيران,= وشبيحـة"مثل الوحوش المنيبه بيهـا الاسد عنـده وحوش"وثيران=مـاهمهـم شوق الحبيب لحبيبه على الهـويـه يذبحوا ذبـح خرفـان =حرب"على السنه وما هي غريبه اصبر لعـل الله يخلخـل لـه اركـان,= ويـزول حــكـم الطـاغـي وتلتقيبه وما دمت يا راع الوفا فاقد انسان= وطــال الفـراق وطال عنك مغيبه انا فقدت اللي عضيدي بالاخوان=ولقيـت انـا بالصبـر وصفه عجيبه من شفتهم لفوه في بيض الاكفان=صــارت حيــاتـي يا محمـد كئيبه عفت الغرام وحب نعسات الاجفان=شعــل الخدود معطرات الذويبه واليـوم انـا مـا بين سـجده وقـرآن=وعقــب الجهــاله ربنــا نحتميبه هذا الذي بالقلب عقب الخفا بان= وخــوافيــا" يالقـرم مــا ينحكـيبه وصـلاة ربــي عـد هطـال الامزان= وعــد الحيـا ببـلاد خظـرا خصـيبه علـى رسول"للهـدى كان برهان,=شـفيعنا يـوم المـواقـف صـعيبه

_________________(محمد فناطل الحجايا)__________________

بســــم الله الرحمــــــــن الرحيــــــــــم

ديرتي دار الامجاد

ديرتي دار الامجاد ؟؟؟ !!!

	ارض الجـزيــره ديرتـــي دار الامجـــــاد = مهــد الحضــاره والـــوفا والكــرامه نبــع الشــهامــه والفخـــر دار الاجـداد = موطـــن صناديــد العــرب والـزعامه الديـــره اللي كل شـخصً بها شـــــاد = مهبــط كتــاب اللـه وســــنة امامه ارض المفاخر انجبت سيد الاســـياد =نبيـنا المختـــــــار عــــــالي مـقــامه شـــــبه الجزيره لارضها الخير ينقاد = ساس العــرب والجــود وام الشـهامه الممـــلكه ذخــر وســـند لامة الضاد = وكـــم دولـــةً حــازت جليل احتــرامه دام الامـــــن باركانــها اليــوم وازداد = وفـي رايــة التـوحيـد رفــرف حمامــه عبد اللـــــه آل ســعود ليثً لها قـاد = بغيـــــره وحكمــه واعتـدال وفهــــامه مليكنا اللي مسكنه وســط الافـواد = من قبــــل لايســكن بقصــر اليمـامه غيرة عــرب في راســه اليوم تزداد = وشـــيمة ارجــال احــرار حـدر العمامه لاشك ابو متعب عن الحق ما حاد = والحــزم طبــعه والعـــداله غـــــــرامه مثل الابو والشــعب من حوله اولاد = نبــع الحنــان وباللـوازم احســـــــامه وليا زعـــل يشـــفي مـــغاليل الاكباد= وليا ابتســـم عـــــم الجميـع ابتسـامه بسمه تزيل اهموم شـــــعبه والانكاد = ولو كانت اكبر مـــن صحاري تهــامه فيه الامـــل معقــــود مبطـــي وينــعاد = مــيزه فابو متعب وطبـــع وعـــــلامه ماغلــق الابــواب بقفــــول واصــفاد =ولامـن زبنته مـــاغشــــتك المـلامه هــــذا الوكـــاد وكلمـــة الحـق تنراد = والحـــق مثــل الشمس وسـط الغمامه غصبً على اقلوبً تعبــــت بالاحقاد = لاهــل الغــدر واهــل الفتـن واللئامه غصبً على الحـوثي وربعه ونجـاد = حـــنا كـــذا ونبقــى ليــــــوم القيــــامه جاك الخبر يامن عن العلم نشــــاد= حــيث اختصـار الهــرج زبــــــدة كــلامه ارض الجــزيره ديرتي نبع الامجاد = ديــــرة سـلاطين العــــرب والزعــامه

محمـــــد بــــن ســــوعان الـــربيــــع

يا أمـل عمري وحلمي يا ملاك

يا أمل عمري وحلمي يا ملاك ؟؟؟ !!!

	يــاحبيبي لاتظــن انــي نسـيت = ولاتظــن البُعــد نسـاني غـــلاك انـت اول وانـت آخــر مـا هــويت = وانتـه اللي ما دخـل قلبي سـواك فوق عرش الخافق المغرم رقيت = وتـامـر وتنهـى عليـه ولا نساك طاع لك مجبر ولبى ما اشتهيـت = مـا تـوانا راح يمشـي فـي هواك جيت لك كلي ورا الخافق مشيت = وافـــيً لـك وارتجـي دايـم وفـاك منــك انـا يانـور عينـي مااكتفيت= وارتوت نفسي وملٌت من حلاك انـت مـن بــد العــذارا لـك بغيــت = وانتــه اللـي عقبك ايامـي هلاك ما احتملت البُعد عنك ولا سليت = ودي ان العُـمــر يجــريبـي معـاك هقـوتي بـك تحتـريني وان لفيت = واعرف اللي قد برا حالي بـراك مــايفـرقنــا عــذول ولا هقيت = يـخلـف المنـهــاج هـذا مـع هـذاك ذي حقيقـة واقعـي لو ما حكيـت = وانــت ايضــاً لاتخيــبنــي رجـــاك ان نشـدت القلـب يخبرك اكتويت = ولـو نطـق يخبـرك مـا باعك شراك لكــن اظــروفي صعيبـه وابتـليـت = بالحظوظ اللي تسـاهم في عناك والمقــدر آت لــو عنــك انتتحيـت = ولا يـرده لازعـلك ولا رضــاك والله انــي مـا خـدعتك وافتـريـت = ويشـهد الله كـل شـيً لي فداك ما نسيتك في صباحي والمبيت = والحقيـقه مسـتحيل اصبـر بــلاك غيــر زولك مــا هـويت ولا رضيت = ياامـل عمـري وحلمي يا ملاك والصبر يا صاح به حكمه وصيـــت = ودايــمً خلـه بهـالدنيـــا عـــزاك

محمد بن سوعان الربيٌع

دمعــة الرجٌــال ........ ؟

دمعة الرجٌال ...... ؟

	ألا ياشـــينها الدمعـــه ايلامـن هٌلها الرجٌال=وانا لاشــــفتها هلٌــت ؟تحطــم كـل مـا فيـــني احس ان دمعته صعبه تنادي لحظة الآجال=واحسن اني فقدت العز ؟ فقدته بآخر اسنيني تعودنا على دمع اليتيم وصيحة الاطفال=وتعــودنا على نـوح الحـرايـر والبــكا الشـيني ولكن القهر قاسي ويكسر هيبة الرجال=احس ان دمـعتــه مــره خطيره تجلـب البيـني تعودنا على شوف المآسي والدموع اشكال=وتعايشـنا مـع الحـزن الرهيـب ودمعة العينـي تعايشنا مع الواقع وعشنا لحظة الزلزال=ووطينا جمرة اللوعه واهي تفرق عن الطينـي حسافه يازمن والله تهين سلالة الابطال=ظفــى جــورك وحيٌـــرنا وغيٌـــرت العنــاويني

محمد بن سوعان الربيٌع

النعـم ما ترهم على بعض الازوال

النعم ما ترهم على بعض الازوال ...... ؟

	مــا كـل رجــلً بـالمـواقيـف رجٌــال = ولاكـل مـن هــام المعـالي وصـلها والنعم ما ترهم على بعض الازوال = وعيـــب وحـرام اتقال للي جهلـها النعــم كلمــه لكـن اوزانـها اثقــال = مثـــل الامــــانه قــل مــن يحتملهـا ترهم لرجلً يرخص الروح والمال = قـــرمً علـى رغـم الخسـاير فعــلها قــرمً ليا ســن الوعد تم وان قال = ولـو سـاق عمـــره كلمته ما ابتدلـها شـرواه دايــم لاطيٌب العلـم فعٌـال = والغــانمـــه مــن خـلقتــه مـا همـلها والمعضله لاجات يثبت كالاجبال = كـفـوً لهــا وانـا اشــهد انــه جمـلهـا يشــيل حمــلً ما يشـيلنه اجمـال = هــذا المــراجل كلٌهــا وامــن اهـلـها ولاكل من يركب على الخيل خيٌال = ولا كــل مـن حـاف الخـزيزه ختــلها

محمد بن سوعان الربيٌع

كــفا ياقلـــب .....

كفا ياقلب يكفيك انكسارا ...... ؟

	كفـــا ياقلــب يــكفيــك انــكســـــارا= كفــــاك اجـــروح واهمـــومً تبــــارا ولــو صــلب الصــفا ما جـاك جاله =تفلــــش فـــي محــــله بانفجــــارا وعــلى رغــم الذي صــار وجـرالك =تعيـش الهــون ماعشـــت ازدهــارا وانــا اخشــــى صبرك القاسي يتجلا = وعــقـــب مـــٌده يجـي فيـه انـحســـارا واخـاف ان النــــدم ياقـــلـب يطغــي = علـى كامــل مــعابيــــرك جهـــــارا واخـــاف اليــأس تأتيـــلك اظعونـه = ولامــــن عـقبهـــا رد اعتبــــــــارا أنــا : أذكٌـــــرك والذكرى مفيــــده = بهـــا منفوع لقلـــوب الحيــــــــارا تــرا اللــي كــــان لك خــلً تغيٌـــر = تـبـــدل طبعـــــــه وعنـك اســــتارا خــــــدعك وشــــانت النيـه وقفـا = وطنـعك ابــرمحه الغــادر وســـــارا طعنــك ابرمـــــح ماتبرا اجروحه = تعمــد وارتـكــــب أثــــم ...؟ ووزارا ولا بــارك الـــه الكــون عشــــره= تـقــوم ابـزيـف : تاليهـــا انهيــــارا وكـــذا الايــام ماتصـفي اجمـــامه = ولا تعطـــي لـــواردهــا خيــــــــارا ولـو يشـــرب فتــاهـا من قــراحً = يجـيله يــــوم تســـقيــه المــــــــرارا وانا اظـــن الــذي عانيـــت منـه = (كفايه) واتــــرك أليـــول الســــهارا وانا بنصحك ياقلبــي ....تحـــذر= تــــلاحق ما بقى وأخــــذ القـــــــرارا وترا عقـب الحذر ما شي يثيبـك = ولــو دمـــع النــــدم ســـيله تجــــــارا لــعـلك كلمتـي تسـمع نـــداهــــــا= بعـــد ما جاك نصحــــــي باختصـــارا

محمد بن سوعان الربيٌع

وجه الحقيقه لفه الوقت بقناع ؟

وجه الحقيقه لفه الوقت بقناع

	الجـرح ينـزف بالمحــــاني والاضـــلاع = ولا هــو بشرط ان الاوادم تـشـوفــه كنيتهـا بالقلــب واخفيـــــت الادمــاع =رغـــم المآســي والألـم والحســوفـه لاشك نهيــت القلـب عيٌــا ولااطــاع =واذعــنت​ لـــه مجبــور لــو بـه كـلوفه مابين كــم وكيــف واحــروب واصــــراع = ومابيـن شك ونــار حيـره تحـوفـه ياشــينها كان ان زيــف الخبــر شــــاع =وهــذا تحـدث بــه وهـذا يطـوفـه وهـذا يفسرها علــى كــل الانـــــواع=على حسب ما يشتهيه ويشـوفـه ولا هـمه اللي يرتكزبي مــن اوجــاع =والنار تكـوي مـن وطتـها اخفـوفه وشلون ابيٌـن ما اختفـا خلف الاضلاع=والناس تفهــم مبتغـاي وتشـوفه وتعـرف مـرامي غاية القلب والدااااع= اللـي جعل شوقي يعـانـق حروفـه وجــه الحقيـقه لفـه الوقــت بقنـاع= واصبح من المحظور تـذكر اوصوفه وانا بـلاي من الذي صـٌم الاسـمـاع=وارخى عنــان اوهـام نفسً بـجــوفه طـارت بــه اوهامه الى فجوجً اوساع=وخابـت اظنــونه دون ياصل اشفوفه مــا يـدري انـه ضـايعً زي مـن ضـاع=اخطى الهدف ثم عاد يصـفق اكفـوفه يامــا ويامــا قبلـه افهـود واســــباع= بانــت كسـيرتهم وشــين النكـوفـه والضلــع من دونـه رجٌـع كل طــماع=وعقب الشجاعه دق بالقلـب خـوفه وده بمشتى فـي محيطـه ومـربـاع=ميـر الحظـوظ السود لـوٌت اسـيوفه

محمد بن سوعان الربيٌع