ديوان الشاعر / النايف

السلام عليكم ورحمة الله وبركاته

كل عام وانتم بخير

وعيدكم مباااارك

بصراحه ماني جديد على المنتدى ولا على اصحابه ولكن الحياة تاخذنا معها بمشاغلها

فيأتي من يعيدنا الى ركبها للقاء بكم

شكرا ً ابا فراااااس لاخليت منك

أيـن المـنااااام ؟ النااايف

بلاش تذبحني وتطلب مغفره ,,, الناااااايف

	دام القلم يشرب رحيق المحبره =صدر الورق والله ليشكي من عناي بسرد على مسمعك جرحي واسهره = وانته تصرف في جفاي وفي غلاي السرّ في صدري بلاشي تقبره = مادام ماقاسمتني شقفة شقاي الجرح في قلبي عليّه ماكبره = ياجامع اشتاتي وكاتب محتواي ياكاشف ٍ سرّ الغرام بثرثره = ياعازف ٍ جرحي على مليون ناي دام العيون إتكنّ دمع وتنثره = سحابة ٍ هملوها يروي ظماي خل السنابل في رحابي مثمره = مادام عصفورك هجر روضة حماي بلاش تذبحني وتطلب مغفره = يا مأسهله ذنبك ويا ماكـْبرّ خطاي يا آسر ٍ قلب اليتيم ومبهره = في قطعة الحلوى وفي قمراء سماي وشلون ليل وفيه شمس ٍ مسفره = وشلون ثلج ونار يامكثر غثاي ليتك قبل تعلن رحيلك منذره = قلب ٍ عطاك الودّ ياجاحد عطاي فتحت جرحه يوم وقته دثره = حسبي على الحظ الشقي قصّر معاي

بويتااااااات تتشرف بكم

صمت الكلام ,, الناااااايف

	يامبتدأ صمت الكلام ومنتهى نزف الجروح = ياحلم توه في الْخـُطـَا غـُبر السنين تلايعه يادمع في عين اليتيم يفيض لكن مايروح =إله العيون اكبر وطن لو الاماني ضايعه يابوح في صدر الشقا حدب المحاني ماتبوح =لو تنهش ضلوع الغلا شهب الذياب الجايعه ياصدر مادامك وطن من فوقك ابروق ٍ تلوح =مزنة غلاها روّحت من فوق بيدك طايعه لوضاقت ارجاء الفضا ماضاقت ارجاء الطموح =يابايع ٍ حظك عليّ حظي تراني بايعه شمس الامل لوهيـّفت مغيبها كله شبوح = كم لي وانا اعدّ الزمن في كل يوم أبايعه استقبل افواج الشقا وودع ضعاف الفروح= كنـّي وكيل ٍ للشقا تمسي معي ودايع

انت غير الناس عندي ريـّحه هوجاسك

	الحديث اللي بصدرك لايخنق انفاسك = اطلق إسبوق السوالف قبل لاتخنقها انت تكتم لك بصدرك مايهزّاحساسك = الشعوراليا انهمر كل الفياض اغرقها قبل لاتمسح غـلاك اللي ملأ كراسك = قلـّـب اوراق الزمن من قبل لا تحرقها قبل لاتخلط حديث القلب داخل راسك = انت تعرف في غروب الشمس من مشرقها تعرف اللي مشتريك وبايعك من ناسك= وتعرف الدجال لو هو كلمته نمقها وتعرف انك في فؤادي والهوى حباسك = لوتلوح بروق غيرك ماجذب بارقها عزتي للي تصيبه فالهوى نعـّاسك = سهمها لوصاب صمك يالصخر يفتقها لوعزفت اوتار حبك واشترك مرواسك =سمفيونية غلاك القلب لك ينطقها انت غير الناس عندي ريـّحه هوجاسك =بير حبك ماتقاس اطرافها وعمقها لاتروح بعيد عنـّـي والّعـنه خـناسك = يابعد كل العباد ونورها واطرقها

اشره على اهل الطيب ,, الناااااايف!!!

لــقــلــوبــكــم الـنـقــيـه ,,

دلـــوووع .. دلــــوووع ..

	جاني يعاتبني وفي عينه دموع=يخفي عذابه والدموع أفضحنه يجمع قواه وكل ما منه مفجوع=كنً الخطى لحظة مشى يسبقنه مع حشرجت صوتٍ تقل غير مسموع=يجمع حروف العلم ما طاوعنه قامت تناقشني وانا اقول مسموع=ودي تخف دموعه اللي غشنه تقول جالك ولف فالنت وربوع=اللي على الياهو هواهن شكنه تحفظ رسايلهن بصندوقك أسبوع=وترسل لهن من شعرك اللي يبنه وانا جداي اللي على الخد جن زوع=وأنته تناظرهن بشفقه ومنه ماكان ظني فيك يلحقني الجوع=شوف العواطف ميته كلهنه أول تقول إن الغلا فيك مطبوع=وأني غلاك اللي تبيه وتظنه واليوم شفني جيت بجروح مليوع=مليوع وجروح الهوى لوعنه قالت وأبي ردك على النت مطبوع=تذكر غلاي اللي بقلبك تكنه قلت أبشري برضاك هدي من الروع=اللي تبين يصير منه ومنه الله هداك أشفيك سويت موضوع=والسالفه ما تستحق المحنه لكنً على شانك ابا أولع شموع=في ملتقى الشعار شف نورهنه وأكتب لها عنوان دلوع دلوع=دلوعتي جتهن ويا ويلهنه لرضاك لوتبغين أسلم على الكوع=سلمت انا لرضاك ياسيدهنه بس الجفا والبعد وخصامك أسبوع=لأجلي طلبتك تستخيرين منه

ياجرح ,,, الناااايف!!!

.


.

يـافــاتــنــه ,,, الناااااااايف!!!

	غصن الغرام إليا تثنى ثم مال =يميل معه الليل حتى يتعبه تعلن عليه الشمس رحله للزوال =والليل يعلن عن حداده مغربه يافاتنه والشعر نظم ٍ من خيال=بنات فكر اللي همومه تشعبه مادام فيك الشعر ياخذ له مجال=والله لاصوغه فيك وأجيب اعذبه محال أقسى لو قست سود الليال =محال اقول ان اعذب الشعر اكذبه ياسلسبيل الروح ياروح الزلال =ياراس مال اللي غلاكم مكسبه لاجلك تساق الروح ويساق الريال=وفيك المثل لاقيل يصدق مضربه أنتي حمامة سلم لاشح الوصال=ياشمعدان الحب نارك تذهبه ياعين حر ٍ في طويلات الجبال = يجزم لو إيدين الهواوي تقضبه ياعنق ريم ٍ في خبيب الريم جال =صوت الهوى لاهب شاش ويرهبه ياحظ من جيتي بدربه طيب فال=وياطيب فال اللي سنينك تقربه روض الغلا من مزنة العشاق سال =شوف الخزامى فالمحاني معشبه حنت خلوج العشق بعد الليل طال =واللول من عين الشقاوي يسكبه تضيق فيه الارض لو فيها مجال= في داخله صرخة يتيم ٍ مرعبه عنها ندس الراس في وسط الرمال =واللي تـبـي سود الليالي تكتبه سؤال يطرح والاجابه في سؤال =الى متى غبر الليالي متعبه لكن ابشكيها على عال الجلال =ماخاب عبد ٍ يم ربه مطلبه

النااايف

هرج الحلا ,,, الناااااايف!!!

	ياصاحبي جربت ناس ٍ مـن النـاس=تعطينـي الكلمـه بليـا قيـاسـي هرج الحلا وأتلاه مر ٍ مـلا كـاس=يطفح على كبد ٍ رعاهـا اليباسـي حتى ولو جن صم الافكـار نكـاس=تزيـد لهفـات الشقـا والعماسـي يحلّ في راسي من الهم وسـواس=وتزيد شرهاتي على بعـض ناسـي حقي على رجل ٍ حفيظ ٍ له السـاس=فتاق صعبات الصخـور الرواسـي ماهوب عما قيـل بالفعـل هسـاس=والاّ من اللـي عذرهـم بالتناسـي جابوه صقارين من وكـر قرنـاس=ماهوب من عش الرخوم الهداسـي هذا الذي قدره على العين والـراس=لرضاه أطاوع لو على قطع راسـي مثلك ومثل اللـي معانيـه بقيـاس=فضه ماهي مخلوطـة ٍ بالنحاسـي من جد ساس ومن نسب عز مغراس=صلب ٍ طلع من صلب لين وقاسـي لين لمن جا له مع العسر هوجـاس=راميه حظه فـي طريـق العكاسـي يقـوم معـه ولا يفكـر بالانجـاس=اللـي مراجلهـم عليهـم دناسـي مخطين واجبهم قليليـن الاحسـاس=عن جودة الطيـب يجيهـم نعاسـي يرجع لياجاهم على بنـك الافـلاس=ماجربوا جور الدهـر والمساسـي وإنهاية الموضوع غنيت باحسـاس=منها رجف قلبي بعد كـان راسـي اهديت لك قافي واخصك من النـاس=ياشوق ساديـة القـرون الكواسـي وصلاة ربي عـد ماهـب نسنـاس=وعـداد ماتـذر الـذوار الطعاسـي عـلـى شفيع الخلق في يوم ٍ عباس=فـي ماقـف ٍ تجن النفوس الغراسي