ديوان / الشاعر عواد البداح

السلام عليكم ورحمة الله وبركاته
يسعدني ان تكون هذه القصيده
اولى قصايدي ومصافحه اولى لكم
\
\

حايل بعد حيي وحيي لها حي !!!

	عسى المزون الرخم تسقي جبل طي=ياما تسيل شعابها والشغايا حايل بعد حيي وحيي لها حي=لعلها بالعز دار الطنايا دار الكرم يوم الملاء رزقه شوي=واليوم به كل المخازن ملايا الي بنوا برزان ماهمهم شي=غير العلوم الطيبه والحمايا ضياغمٍ زين المحازم لهم زي=حطوا على روس المعالي بنايا كم ابلجٍ بأركان حايل ربى عي=صنديد والله مايهاب المنايا راحة بهم دنيا عقب عزها لي=مثل السراب ليابسين الشفايا دنياك يالجاهل كما سايح الفي=ساعات مايبقى لشوفه بقايا كم واحدٍ اركت على ضامره كي=ياماحصله من كبار البلايا دنياك مادامت لصدام وعدي=قـوّد نهار العيد مع الضحايا

/

اخوكم

عواد البداح الجعفري

السلام عليكم ورحمة الله وبركاته

اخواني الكرام
اولآ المعذره على عدم تواجدي هنا بسبب ظروف العمل
و

هذه القصيده حصريّه وهي رد على قصيدة الاخ سطم فهد الخليل الترحيبيه بي

والله لا يهينه .. ولا تهونون
.
.

الي نباهم للمسيّر بعد حي .. رد على ابو فهد!!!

	هات القلم ياعبيد واقرب لي شوي=سجل عسى تسلم صدوف المنايا اجمل تحياتي لمن رحبوا بي=والمنتدى والي عليه الطنايا الي قدايمهم فخر حاتم الطي=شمر هل الطولات واهل الحمايا اهل الكرم والطيب يوم الزمن سي=تشهد لهم بالارض كل البرايا الي نباهم للمسيّر بعد حي=ودلالهم قدم المسيّر ملايا يابو فهد جعلك من الدايم الحي=عساك طيّب ياحسين السجايا شكرآ على ماقلت وارسلتها لي=معزتك بين الضلوع الحنايا والخاتمه ازكى سلامٍ لك منيِ=احلى من الماء للكبود الظمايا

وسلامتكم



اخوكم

عواد البداح

السلام عليكم ورحمة الله وبركاته

ابيات من الارشيف اتمنى ان تنال على رضاكم

وشكرا لمتابعتكم الدائمه

\

/

جالس صليب الراي من جاد جده!!!

	الشيب يامشـواح بـي زاد عـده=راحت بنا سمـر الليالـي سريعـه الوقت سيفٍ يقطع الـراس حـده=من طاح تاكلـه الذيـاب المجيعـه من خلقـة الأيـام راحـه وشـده=والعمـر لذّاتـه ليالـي ربيـعـه ومن جازله بالنـوم لٍيـن المخـده=بالعون ماحاش المراجـل جميعـه ياطاب لك سيّر علـى مـن تـوده=واتبع هواء نفسك بالارض الوسيعه الا عن الـي تغضـب الـرب رده=الي تخالف عـن امـور الشريعـه جالس صليب الرأي من جاد جـده=ومجالـس الانـذال مابـه نفيعـه فرخ القطامي يعجبـك مـن تهـده=يرمي العشاء والريش يكثر مزيعـه وكلٍ يفصل لـه مـن الخـام قـده=ولكـل مخلـوقٍ مـزاج وطبيعـه والعلـم ياصـل منتهـاه ومـرده=والصحف في صفح الجرايد تذيعـه

السلام عليكم ورحمة الله وبركاته

الاخوه الاعزاء
عساكم بخير وسلامه

ابيات من الارشيف عساها تجد القبول
\

/

مسيار السنافي !!!

	ياصـار عـقـلـي كـامل(ن) ومتعافي=غنيمةٍ ماتـنـشـرى بـ الفلوسي بالعز لو أمشي على الرجل حافي=أخير من مركب جديد الجموسي وأشفق على مسيار خطو السنافي=وعند الردي لي مايطيب الجلوسي الي على الشدات ياعد ويافي=مهو الذي عند اللوازم نسوسي وربعٍ حشام ماحكوا بالمقافي=خالين من بعض الوجيه النحوسي مع دلةٍ فنجالها كـ الرعافي=حبه على كيف المزاج محموسي عمّالها قرمٍ من الغوش وافي=يبين فعله بالنهار العبوسي ماهو من الي طيبهم بالعوافي=عند العذارى يزندون الضروسي هذا مراد الكيف ماقلت كافي=هذه تفاكيري وهذه حسوسي

وسلامتكم

السلام عليكم ورحمة الله وبركاته


اسعد الله اوقاتكم بكل خير


اعتذر لقلة تواجدي بسبب انشغالي بالعمل


قصيده من الارشيف


هي نصيحه لأبني غازي ولكل ابن صالح ان شاء الله



اتمنى انها تنال على رضاكم
:

:

لـ غازي !!!

	لغازي العواد مني نصيحه=والنصح للفاهم يزيد استقامه بيني وبينك والعباره صريحه=بمصاحب الخايب تشوف الندامه امش بطريق اهل الوجيه الفليحه=العز نالوا يابن عالي سنامه الطيب راعي الطيب يكسب مديحه=مقدرآ عند النشاما مقامه يفوز بعلوم الرجال المليحه=ويفرض على كل الجميع إحترامه العرف ميزان العقول الصحيحه=والجهل شر للرجال وغشامه ماينفع الجوال لولا الشريحه=ورجلٍ بلا عقلٍ سليم طغامه من لاتوقع ماتقدى مطيحه=خطرآ من الوقعه تكسّـر عظامه وهنيتهم اهل القلوب المريحه=همه ملي بطنه شراب وطعامه وجنبه على زين المفارش طريحه=ماهو بيقعد لو تقوم القيامه وختام ماقلنا بختم الصفيحه=على النبي أزكى صلاة وسلامه

السلام عليكم ورحمة الله وبركاته




صبحكم الله بالخير



شلونكم عساكم بخير





لا عذر عن الغياب ولكن انتم خير من يعذر



ابيات قديمه للتواصل




والعذر على قلّة التواجد

راح الشجاع الي يهدي المصاعيب=صدام الي يقدح من الراس شوره!!!

	هات القلم ياعبيد واسأل وانا اجيب=اعطيك عن ماشفت بالوقت صوره هذا زمانٍ قل به دايج الذيب=الثعل يفرس والسباع محشوره ؟ قامت به الفتنه شمالٍ وتغريب=وكثرت على العالم بلاوي شروره راح الشجاع الي يهدي المصاعيب=صدام الي يقدح من الراس شوره ماشاور الذلان عطب المضاريب=فعايله بين العباد مخبوره ابو عدي الي ختم سيرته طيب=عسى مقره جنةٍ من حيوره ماهاب حبل المشنقه والغواليب=طش القناع وشاع بالوجه نوره قال الشهاده عن جميع المطاليب=ياحي ليثٍ وافياتٍ شبوره عقبه غدى بغداد شلات تخريب=لعب الخباث بثروته لعب كوره

وسلامتكم

السلام عليكم ورحمة الله وبركاته


اسعد الله اوقاتكم بكل خير


أتقدم بالعذر لكم على عدم تواجد في المنتدى

لـ سبب انشغالي في ظروف الحياه


مشاركه قديمه

تتجدد بكم وتستحقونها

وهي حصريّه لـ النشاما واهل النشاما

عيال اليتيمي

	يامنتوينٍ يم حايل على خير=من الرياض وخص شرق النسيمي عسى لكم مع السلامه مسافير=معكم سلآم لكل قرمٍ حشيمي سلامٍ أحلى من حليب المباكير=ترعى زهر نوار ماهو هشيمي خص الرجال الطيبين المناعير=لطامت العايل وضد الخصيمي منا لكم أجمل تحية وتقدير=اعمكم به ياعيال اليتيمي ربعي ليا شان اللغى طبعهم غير=متفهمين العلم دون تعليمي اهل الحمايا والسطر والسعاطير=قومٍ تضيم الضد ماتستضيمي ضياغمٍ لهم فعولٍ مشاهير=مبطي لهم بالطيب شانٍ عظيمي بحدب السيوف القاطعات البواتير=ياما رموا بيمانهم من عديمي بين الاعيرف والزباره طوابير=فوق الخيول الي تزج الرهيمي الي حذاهن جودت بالمسامير=يركب عليهن مثل ذيب السليمي مهي علوم مصور الهرج تصوير=الي يقال بكل وادي يهيمي والخاتمه أزكى صلاةٍ وتكبير=على شفيع الخلق عند الكريمي

وسلامتكم


اخوكم


أبو بشير