ديوان / الشاعرة الضاميه

ويلي عليك؟؟!!!

	ويلي على من وثقّ بقلبي عساف=اللي عليه طعون جوفي مريبه دامي بقربك مابه بروحي اخلاف=قربك دواء بلسم لروح الحبيبه قلبي لشوفك يشركه ضرب الادفاف=من يد مجروحن تلاشى نصيبه فرقاك عرقن ترجمه موت الاطراف=وبشوفتك كل الاماني مجيبه ويلي عليك ويل عمري للانصاف=متى عيوني ترتوي من سريبه متى معاك تلف روحي بالالفاف=والله لادفعها لقربك ضريبه

متواضعه اتمنى قبولها

يابيت ؟؟!!!

	جابتني اللهفه على شارع البيت=بيت الذي عوج المحاني مكانه وقفت قدامه وياليتي ابطيت=تعجل برجلي خطاوي هوانه يابيت جعلك رافعن بالفخر صيت=ابسألك قبل الوداع وآوانه وين الذي شاركني الدم يابيت=وين الذي بيني وبينه ميانه وين الذي من غاب انا ماتشافيت=اللي على روحي تسلم ضمانه اعالج جروحي وانا ماتشكيت=بالدمع وطيوف اللقاء وامتنانه يابيت من يومي عنه ماتنحيت=العين حاديها عن النوم شانه افكر بيوم اللقاء يوم خفيت=حبي عليه . اخاف يسري جنانه يومه علي يوله ولامني اقفيت=يبكي على وصلي ويرهي حنانه يابيت هذي قصتي كانك اوحيت=مشاعري تحفظ حقوق الامانه

تحياتي ... وهج

قمرا فديتك ؟؟!!!

	الحب سافر بي ولاادري على وين=بس اعتقد لجروح قلب وسعيره خذاني وضيعت معه العناوين=نصب على قلبي وزاد تخديره ملعون خير كم كتب بالدواوين=انه على العشاق بايع ضميره اغواهم وجاب البشر بالملايين=ولعب عليهم لين لاقوا مصيره وانا من اول من غمز له شقا عين=مسك يديني وارتكى بالشطيره يالجوهره يابنت ربعن مسمين=يالغاليه يالراقيه يالخطيره ياللي شبيهك بالسماء له موازين=تخجل خدودك من معانق عبيره قمرا فديتك فكي القيد تكفين=روحك من جروح المفارق خبيره ذابت ضلوعي من لواهيب ثنتين=غيره وشوق ونبض قلبي خشيره مغرور متواضع خلط زينه الشين=عجزت انا افهم له دروب ومسيره طايش وعمره حول واحد وعشرين=يكبرني بسنتين واحتاج غيره احتاج عقل وصبر ومسايرة عين=لاهلت دموعي بصافي غديره يالجوهرة محتاجتك روح ويدين=محتاجتك في وقتن اعلن هديره منك تعلمت الحيا شعبة الدين=ومنك كسبت اخلاق مع حسن سيره من دفترك قريت كلمة وسطرين=ان الامل لاطال خيرن وخيره ومن فكرك الراقي تعلمت له زين=الشعر , والجزله احسه واطيره على يدك نسقت رتبت شطرين=لين احتضى شعري بدرس الشهيره انا بوجهك من كوابيس سنتين=عمر الغلا طال وحضني ببيره يالراقيه لطفك وداري مجانين=مايحتمل جرح الوهج يالخطيره

شاطي , السويدي , سليمان ؟؟!!!

	تعبنا من تصاريف الزماني=وعلى الدمعات ضيقات تحداني اقول الله يفرجها لقلبآ=شكى همآ غمرني بالحناني غزاني بالغلا قايد مسيره=وطعن قلبي بله خنجر عماني شرب دمي وكملّ جرح جوفي=ومثلّ بي وروحّ ماعطاني إلا ياليت لي قدرآ وحيله=ارد الحق لجروح المحاني ولاّ ياليت صوت القلب يوصل=لديرة فاقد الحب الاناني جرحني وارتحل والله حسيبه=من الصدمات جاني ماكفاني وإلا ياليت شعري يرتكي لي=مثل شاطي رسى شعره مواني يعسف القاف لين الحرف يصهل=على ساحات فكره في ثواني يدرسّ للبشر شعر الجزالة=من افكارآ تغذت بالمعاني وليتي بالشعر مثل السويدي=عطاه الله بابياته ضماني يجدد للملا شعرآ تنحى=مع عصور الثقافه والبياني حروفه مثل دقات الجواهر=بريقه واضحآ لا ماخفاني خضع له قاف شعره وانحناله=عصي القاف شكرآ وامتناني وليتي آخذ من الحرف روعه=مثل روعة حروفه ياتهاني هذاك اللي زرع في روح شعره=آمان الحرف لازل اللساني سليمان الشعر والشعر يفخر=عطاه من الحلا ذوق واماني عميق القاف ياسليمان يحضى=براهي فكرك النيرّ سواني تعديتوا الكواكب والثريا=بشعر اليوم والميقاف حاني ثلاثة من اساطير الاوائل= مكانتهم رفيعة ياطماني لو ان راسي جمع فكر الثلاثه=بقاف وزن والمعنى هقاني لكان الجرح يلقى شافعٍ له=من اللوعات شعري قد حماني ومابه عيب في باقي النشاما=ولافيهم قصور ولاهواني تحياتي ووردي يارجالي=اغلفها بمسك وقحوياني

ياراكب اللي ماطواها البعادي ؟؟!!!

	ياراكب اللي ماطواها البعادي=شبيهة القرناس بيضاء جناحين ليا رفعت صوب السماء بالعبادي=قامت تحسب ذنوبها في طرف عين صوته تقل صريخ عذراء تنادي=ليا بلغوها في وفاة القريبين شكله عجيب ومنظره له يشادي=مثل شكل منظر ضخوم الدلافين سواقه اللي قاد في وضع عادي=ماركبوا جنبه مساعد وكيسين حركّ بعد مادارها بشكل هادي=وشلع بها شلعة جنون الشياطين وطارت كما لوحآ مع الجو غادي=بين السحاب تقسمّ الغيم قسمين ياكابتنه وصل ورودي وكادي=لقمرا الشعر بنت الرجال المسمين احمل لها حبي وصافي ودادي=وشوقآ عظيم ودمعتآ سهرت عين وانثر سلامي فوق صدره مدادي=بلهفة غلا ينبض لها عرق قلبين ياغالية قلبي يحددّ حدادي=يبي المطير لديرة الخل والزين جذبني وثبت بروحي وتادي=مملوح راقي في سلوم المحبين يقرب مني خطوة ويبعد عنادي=ترسم لي حروفه قسى صورة اللين عمره مهو قدي وفدوه مهادي=العمر مايوحي شعور المجانين اتشفق ادخل للنشامى جهادي=من شان خاطر عين تحيا ميادين يمكن مهو يمي ويمكن حيادي=بس الاكيد انه سرق قلب حيين ابي النصيحة دام وقتي سنادي=قبل يذوب الجرح وسط الشرايين

وش جســـرك؟؟!!!

	ياللي على الشينات تحفر ورانا = ارضي صخر مالانها الحفر والري لاتطيح بالحفره وتطلب رضانا =رجالنا تمتص دمك كما المي وراي ربعاً لاشعرت في ضمانا =تسقي رهايف لامعاتن كما الضي لاتغرك البسمه وصافي عطانا = صغيرنا من السطر وضعه ثري وكبيرنا يفضخ قلوب خصمانا = ورجالنا تربعت في جبل طي من سامحن لك تمتزج مع سمانا= كواكب الشعار محجوبة الفي شمسك وباء لقاحها من دوانا = قربه سعير وبعدها يجلي الغي اسمي وهج لاتقترب من لضانا = دام المشاعر تنضج القاسي الني والكوكب اللي من شعاعه ضوانا = هذاك ناره تصطلي تحرق الحي اوعى تقرب يالصغير لحمانا = نضطر نجحم في معاليقك الكي ( يالجرح يانازف ) احساسك فدانا = يفداك من قال القصايد ترى لي يفداك شخص ن حيلته بقصرانا = لا جايبن شرهه ولا مكرم الخي وانا وهج والمنتدى منتدانا = بيت النشامى منصبه ماهو شوي رقى رقى فوق الغيوم وخذانا = لاجمل اخوه مالها ثاني وزي المعذره ياللي سمعتو صدانا = شهاب مرسل من سمانا على اي

متاح!!!

	قلبي بحالة (متاح) وكسر ضلوعي=وروحي على نبض قلبه متصل عرقه شوقي على صورته بالعرض مفزوعي=وتوبيكه اشغل فكر راسي وبه حرقه اناظر آخر ظهوره واسقي فروعي=بامآل حبآ من التيهات له غرقه الواتس يحيي الجفا والحبر مرفوعي=عن دفتر سنين جرحاً منسرق سرقه جمالته بالملا خيراً ومشروعي=اقلّها نعرف آخر وجهة الطرقه هذي تحية غلا عذراً ومشفوعي=للي حروفه على التوبيك به فرقه

تعال ياشاعر!

	تعال ياشاعر ابعلمك الشعر=وشلون تكتب حرف وافي ومضموني لاجيت تكتب قبل تبدأ قصيده=ارسم خيال ولونهّ عشق مجنوني تخيل اني معك في قمة الفرح=اقطف زهور الحب لعيون مزيوني وتخيل ادق الرقم ويزف سمعي=صوت الرخا لجنون عقلي وتحيوني ابقول ياويلي متى اشوفه عيونك=يمكن يحس بضيقة الدين مديوني ابقول وينك هيه لارحم جدك=تشوف المواجع كاويه قلب مرهوني تعال لمي لاتجاهل مشاعري=ابحكي عليك اوجاع روحي مع غبوني ابحوس فكرك مثل ماحست راسي=وارجعّ ركاده ضافي القاف لمتوني عساك ياشاعر ترتب قصيدة=وترتب افكارن تخاشر به ظنوني

فارس احلامي ..!

	ابنسقّ افكاري والآعب حمام الدوح=بجزل البيوت اللي تهيجن واغنيبه ابكتب قصيدة جبتها من صميم الروح=واذا مارتسم حلمي فياوالله مصيبه اببني من احلامي خيالن عظيم صروح=واجودّ من اخلاق النشامى مقاضيبه انا شاعرة والقاف بابه علي مفتوح=وابفتح شبابيك الاماني واهليبه انا قاصرة رجلآ وحلمي قصير شبوح=ولكن ابحلم ياعسى ربي يجيبه ابي فارس احلامآ يداوي بدون جروح=ابي مخلصن يملك فؤادي بلا غيبه مثل صالح اللي بالمراجل خذا له شوح=صليب القرار ولينةّ راسه الطيبه وابي فارسن مثل السنافي مع المسروح=امين وكريم وقدم قومي اماريبه مثل عطر ياعطر الحكي قلبي المشفوح=يبي مثل عقلك ناقص العرف ماليبه وابي مثل نخوة راس مطلق كفانا نوح=وراهي الحكي مايلزمن راهي الخيبه كريم الخصال ونلتمس للعزاوي فوح=بروحه ليا هزت معاليقي الريبه وابي مثل شاطي تستدل الغشامى ضوح=بشعره وطيبه ترتوي من مشاريبه حميد السجايا باح حرفه بطيبه بوح=خصيم العدى تلطم وتنزف مضاريبه وابي مثل خالي واكتبوا ياعرب باللوح=محمد بدمه خالط عروق اقاريبه ابي مثل وقفاته مثل هيبته مملوح=مثل حر دمه لاحتمت في محاريبه ويعجبني سليمان وافي بلا مصلوح=ابي مثل رقة خف روحه واساليبه ابي واحدن مثله عذاب وحزن وفروح=يلبسنيّ حروفه وقلة عذاريبه وابي مثل جرح الشعر ياحلمي المجروح=اللي بطلاته على الربع له هيبه عديم وصخيف وحاجبه بالطنا مفضوح=رقيق وجميل وماوطت رجله العيبه وابي مثل شاعرنا على النايفه بتلوح=له البيضاء اللي جابها من مخاليبه سميحان خيطّ بالشعر ضامرن مسفوح=يسوق المراجل من لحيهّ واشانيبه وابي مثلك يانداء طيبكم مفضوح=يآل المفضل عزكم من مجاذيبه جميل المزايا صافيه نيته بوضوح=عطيب المكاوي باذل المال من جيبه رسمت الصفات بلون حلمن غشاه طموح=لفارس خفوقي ياعسى ربي يجيبه وابختم لكم قافي بلا مقدمه وشروح=عن قصور شعري اعتذر يامعازيبه

ماتقدر النسيان

	الضاميه والقلب واحساس القصيد=وانته وحبك والليال الخاليه تنكر ؟ وتشفط دم قلبي بالوريد=وتقول ناسي جعل روحك ساليه لو قلت ناسي ذكركّ جرحن مجيد=ماتقدر النسيان كبدك صاليه حبن بنى بالصدر جرحن من حديد=شقق خيوط ضلوع روحن باليه كل مانويت تشد وقفكّ الصديد=ضمدّ جروحك ياطبيب الجاليه قاسي وراسي عقل راسي ياعنيد=علقم مذاقي في الكووس الحاليه