ديوان الشاعر / عطر الحكي

يعــــود أو مايعـــــود !!!!!

	لاتحــاسبني على أيام ٍ مضـت = مايفوت يمــــــوت يالقلب الـودود لاتنقش في جروح ٍ قــــد بـرت = اعتبر مافات مالــــــه مـن وجـود الفرح وليـد لحظـــــــه لانتهـت = بانتظــــــــار انه يعـود أو مايعـود ضمني دام الجـــوارح لـك دنـت = خذ حلاوة هالجسد واقطف ورود المدامع يــــوم حـارت وامطـرت = مــن صبي العين تأسم بالخـدود اعلنت لك وشهدت لك وبصمت = ماهوت مخلـــوق غيرك بالوجود شعـــر / عامر ( عطر الحكي )

مزاجيــــــــــــــه !! !!!!!

	مزاجيــه .. مزاجيـه .. حبيبة قلب مغليها = اروضها معي لحظــه وياسرعان منحاشه !! الا طفها وادلعهـــا وقلبي منشغــل فيها = واحاول قدر مااقدر ..ابث .. اجـــــواء نعاشه مزاجه صعب ياعــــالم لاجل ذلك اراعيها = ولا افرض عليها شي يشوش بثت الشاشه عرفت اجواء محبوبي مــن أولها .. لتاليها = يحب الصـــدق ياعــالم ويكره ناس غشاشه يحب يعيش لو ساعه بنفسه يختلي فيها = يعيش بعالم ٍ ثاني وهو جالس على فراشه سرح واطلق عنـــانه في خيالاته يجاريها = ينادونه وهو ســـاهي ماغير عيـــون رماشه فديتــه لـــو زعل مني حبيبه لازم ارضيها = جميـــــل الوقت قلبي ياعلي وياه قد عاشه على نو السحــاب اللي تعلا فوق امشيها = بوسط الروض الاخضر يوم هتانه ومرشاشه مزاجيـــــه .. مزاجيـــــه ليالينــا .. نقضيها = على ضو الشمــوع وريحت الاعطار رشاشه

..............

شعــــر / عامـــر ( عطر الحكي )

بصمــــة شقايه !!!!!

	امتزج دمــع العيـون بكحلهـا = وســالت الدمعه على خده سواد قمـت اجففهــا وقالـت : خلهـا = خلهــــا بصمــــة شقايـه والبُعـاد علهـا الدمعــه تخفـف علـهـا = لوعتــــي والحــــزن والام الـوداد الليال اللي مضـت لـي كلهـا = عشتها في هــم وصـراع وجهـاد

...................

شعـــر / عامـــر ( عطر الحكي )

عاجـــز !!

عاجــــز !!!!!

	انا عـــاجزاً عن طب نفسي واعالج ناس = تطيب العـــــرب تبرى وانا علتي فيه انا اكثــــر بـــلاي وعلتي زايد الاحساس = فزوع وجـزوع ولي على الطيب ماريه انا لو بغيت اشرح وادون على القرطاس = يبي لي ورق مـــع حبر والوقت حوليه عموماً يطول الليل يسري بي الهوجاس = وادقق بصفحات ٍ طواها الزمـــــن ليه

............
شعر / عامر ( عطر الحكي )

سقـــــم العــــــين !!!!!

	هلي لاتلومــــوني على القلب ختـم الزين = اليا جـــاء الخطـاء مني رجاءا ً تناسونه فان غضتكم في يـــــوم اعوض وارد الدين = خطايه اليا جــــاء بالخطـــــــاء لاتجازونه ترى الحب ياللي ماتعرفون سقـــــم العين = تهـــون العلل كـــل المصايب تجي دونه ولاينفعـــــه بكـــره ويمكـــــــن يجي بعدين = دواه الحقيقي نـــــور عينـــــــه تجيبونه حكمني غرامــــــه حكــم قاهـر وله تمكين = ضــــربني بجــــــدول حب ماضن تقرونه على سطعش خانه وخدمـة عمل شهرين = ولــــو درتم العالــــــم لايمكـــــن تفكونه

...............

شعر / عامـــر ( عطر الحكي )

عطني اجــــــــابه ؟؟

	أنشــــدك يالعـــــاقل وعطني أجابه = إجابة ٍ تجلــــــى ســــواد ألظلامي لأصــــرت ناوي شي تخشى عقابه = شيئــا ً حــلال وفيه بعض ألحرامي شيئـــا ً ثمين ان كـــان محدن درابه = واليــا دروبه ناس فيـــــــه الملامي فيه الخطـــــــــــورة فيه نار ألحرابه = أمـــا حيــــــــــــاه بعـــــز وإلا عدامي أما نجحت وصـــــــرت مثــــل الذيابه = اللي عـــدت والناس عنهـــــا نيامي اللي عدت في ليل مـــــــــابه رقابه = وشـــالت فريستها وعادت شمامي وإلا سقطت وطحت في وسط غابه = فيها وحـــوش جياع وأنت ألطعامي داو العليل اللي كــــــــــــبير ٍ مصابه = عطــــه العلاج اللي يزيل ألسقامي

..........

شعـــر / عامــــر ( عطر الحكي )

اقتباس المشاركة الأصلية كتبت بواسطة سليمان بن جبيل رد متواضع على الشاعر الجزل اخوي العزيز - عطر الحكي ----------------------------------- حييت ياعطر الحكي وانجذابه = ياصانع بيوتاً عليها الكلامي حييت ووجيه الليالي تشابه = ولا تفرق عيون الكفيف العتامي وش ضيق اصدور الفضا والرحابه = ضاقت وصارت كبر جحر الحرامي قضيتك ياصاحبي به غرابه = حليتها وتقول وين المحامي لاشك من باب الوفا واللبابه = وراسن يورد كل عطشان ضامي بيت الملامه لاتقرب لبابه = تذبحك رمية واحداً غير رامي كم راس رجالاً عزيزاً جنابه = اسمه كبير وصار حدر الاسامي من عقب مايفرس بضرسه ونابه = سامي ولد سامي وشرواك سامي دارت عليه من الليال انقلابه = وعود يعض من الغبون البهامي الحر مثلك ماقعه فوق لابه = والريش ماطير وليد النعامي الوقت عدأ صاحبك عن جوابه = ودي ولا كملت غاية مرامي -------------------------------------------------------------------------- ارجو المعذره الرد على عجل وقد يصيب وقد لايصيب لولا احترامك لاْجلت الرد باكر ارجو قبولها بصدر رحب والصفح عمابها من قصور مع كل الاحترام - اخوك -سليمان البلوي

اقتباس المشاركة الأصلية كتبت بواسطة مطلق البخيتان :::::: :: : . ! حكيك خطير.. ونيتك في جنابه = مخاطرٍ لامن نشرها حيامي عواقبه حسب الهدف في ضبابه = ممكن وجع لاشك ممكن عدامي مدري ولايدري سوا من درابه = اللي يعرف الرسم خلف اللثامي ان كان لك حظٍ يجيبه وجابه = عز الله أنك فوق هام الغمامي ترجيك ناسٍ ماترجى السحابة = وتخدمك ناسٍ ماتخدم الكرامي وتشوف شيءٍ يصدمك بانقلابه = شواربٍ بعد انعكافه نوامي ياعطر ياعطر الحكي واللبابه= الله يوفق خطوتك وأنت سامي جازف اذا هو ضايقٍ بك رحابه = وعند الولي ياعطر حيٍ يحامي النايفة يسعد بها من رقابه = والطامنة مابه لمثلك مقامي :: : . !

الى الشعراء العمالقه كلاً من الشاعر / سليمان بن جبيل والشاعر / مطلق البخيتان .... حفظهم الله
السلام عليكم ورحمة الله وبركاته ،
انه ُ لاشرفاً عظيم لي ان اجاريكم بالشعر فانتم بحور وانهاراً عذبه في مفرداتكم الشعريه ،
اخواني سامحوني على التقصير والتأخير فانني كنت في عزاء لاحد اقربائي ، فلتمسوا لي عذراً حفظكم الله

مجاراتي !!

	اهلاً هلا بالخط يامرحبابه = يامرحبا تعداد رش الغمامي من رايح ٍ يرعد ويبرق سحابه = يمطر كسير ويستهل الركامي القاف زان وساع هل انسكابه = بكليشته واسم عليها وسامي تاصلك ياسليمان شعر وخطابه = انته ومطلق والكرام الحشامي في منتدى شمر أحفاد الصحابه = لكم تحياتي وجل احترامي جاكم خبر ماني مدور معابه = وماني مشمر للصغيره كمامي الحلم ماينمو بوسط الكابه = ماحققه من يكسرون العزامي رجل ٍ على الشدات ينقل صوابه = ورجل ٍ تحروبه هشاش العظامي والله يالولا السر لاقول جابه = يسري بها التايه بوقت الظلامي قصرتها مالي ومال النشابه = أحلام تبنى والحظوظ الخصامي

...........

شعـــر / عامــــر ( عطر الحكي )

شــــوك الأكبــــاد !!

شــــوك الأكبـــــاد !!

	رميت شباك العنا مير ماصاد = حظي رمالي بالشبك حر مملوك مسكوا جناحه والمخالب بها قياد = مبروك لك ياطير والفين مبروك عسى طريقك ماتجي فيه الانكاد = وارجوك سامحني على الغلطه ارجوك زود ٍ على مافيك ماعاد تزداد = فات الآون وصرت ياطير مشبوك دعوى بلا قاضي ولا عندي إسناد = لو جيت أحاول فيك بالغصب فكوك حطيت لك مع خيلهم سرج وشداد = لو جيت تطلب عفوهم منه معفوك يصغر مقامك عندهم دون ترداد = وتزعل خواطرهم أليا جيت شافوك اصبر وقرب لاتحاول بالأبعاد = من خوف كلمة روح مع ناس غووك أخاف أنا وياك للحب ننقاد = نزرع ثمر وردي ونحصد بها شوك ويصير كل اللي عملناه مافاد = أنا حدوني عنك وانته يحدوك واعلم ترى جرح الهوى شوك الأكباد = صعب ٍ يداووني ويصعب يداووك والله ماقلته لكم كذب وعناد = مير البلى من بينا الدرب ممسوك هذا وقلبي صد ماعاد ينعاد = وانته موفق مع ربوع ٍ تولوك وقفت عن درب الهوى فى أخر الماد = قريت قصة واحد ٍ فيه مدروك بس اعتبرني صفر في وسط الأعداد = تكميل خانه بين ناس ٍ يحبوك

..........

شعـــر / عامــــر ( عطر الحكي )

الغرباء !!

الغرباء تسوقهم الأقدار ... ويطوي بهم بساط الريح رحلتهم المجهولة لتسنتر بهم الصدف إمام قلوب خاليه من الاهااات لم تحسب حساب الأقدار المكتوبة ولم تتوق مخيلتهم لأبعد من محيطهم !! : ثم يرحل الغرباء وتتبعهم الأنظار وتهفو إليهم الافئده كمن يتبع سراب وهو ظمآن !! ويبقى العطش في كبودنا وقلوبنا ... لم نروي عطشنا من الغرباء .. آتوا إلى هنااا بصمت ورحلوا بصمت وبداءت رحلتنا مع الصمت !! : لا آمال موعودة بالعودة ... نقتفي أثرهم ولا نجد سواء تمتمة على أذاننا صوت خافت يتهيأ لنا بمناجاتهم !! هل هذا بصيص أمل ؟ بأنهم يهتفون لنا ... هيهات ثم هيهات ثم هيهات ياقلبي !! ولا نملك سواء النظر تجاه ... اتجاه طريق رحيلهم .. فدائما انظر إلى ذلك الطريق مبتسما ً للذكريات ! كذلك الغرباء لايرحلون حتى يستحوذون على قلوبنا !! ............. بقلـــــم / عامــــر ( عطر الحكي )

اقتباس المشاركة الأصلية كتبت بواسطة الضاميه ابنسقّ افكاري والآعب حمام الدوح=بجزل البيوت اللي تهيجن واغنيبه ابكتب قصيدة جبتها من صميم الروح=واذا مارتسم حلمي فياوالله مصيبه اببني من احلامي خيالن عظيم صروح=واجودّ من اخلاق النشامى مقاضيبه انا شاعرة والقاف بابه علي مفتوح=وابفتح شبابيك الاماني واهليبه انا قاصرة رجلآ وحلمي قصير شبوح=ولكن ابحلم ياعسى ربي يجيبه ابي فارس احلامآ يداوي بدون جروح=ابي مخلصن يملك فؤادي بلا غيبه مثل صالح اللي بالمراجل خذا له شوح=صليب القرار ولينةّ راسه الطيبه وابي فارسن مثل السنافي مع المسروح=امين وكريم وقدم قومي اماريبه مثل عطر ياعطر الحكي قلبي المشفوح=يبي مثل عقلك ناقص العرف ماليبه وابي مثل نخوة راس مطلق كفانا نوح=وراهي الحكي مايلزمن راهي الخيبه كريم الخصال ونلتمس للعزاوي فوح=بروحه ليا هزت معاليقي الريبه وابي مثل شاطي تستدل الغشامى ضوح=بشعره وطيبه ترتوي من مشاريبه حميد السجايا باح حرفه بطيبه بوح=خصيم العدى تلطم وتنزف مضاريبه وابي مثل خالي واكتبوا ياعرب باللوح=محمد بدمه خالط عروق اقاريبه ابي مثل وقفاته مثل هيبته مملوح=مثل حر دمه لاحتمت في محاريبه ويعجبني سليمان وافي بلا مصلوح=ابي مثل رقة خف روحه واساليبه ابي واحدن مثله عذاب وحزن وفروح=يلبسنيّ حروفه وقلة عذاريبه وابي مثل جرح الشعر ياحلمي المجروح=اللي بطلاته على الربع له هيبه عديم وصخيف وحاجبه بالطنا مفضوح=رقيق وجميل وماوطت رجله العيبه وابي مثل شاعرنا على النايفه بتلوح=له البيضاء اللي جابها من مخاليبه سميحان خيطّ بالشعر ضامرن مسفوح=يسوق المراجل من لحيهّ واشانيبه وابي مثلك يانداء طيبكم مفضوح=يآل المفضل عزكم من مجاذيبه جميل المزايا صافيه نيته بوضوح=عطيب المكاوي باذل المال من جيبه رسمت الصفات بلون حلمن غشاه طموح=لفارس خفوقي ياعسى ربي يجيبه وابختم لكم قافي بلا مقدمه وشروح=عن قصور شعري اعتذر يامعازيبه

الى الشاعرة / الضآآآآآآميه ....... سلمها الله

السلام عليكم ورحمة الله وبركاته ،
اشيد واهيب بقصيدتك العصماء ومااحتوت عليه فكره وسبك ،
وهن كذلك النساء العربيات يتوسمن بالرجال ويتخيرن كما يتخير الفارس فرسه !!

لله درك ودر أبويك وعشتي على العز والخير مدى العمر ..... آآآآآآآآمين

مجاراة الشاعرة / الضآآآآآآميه !!

	ألا ياخلود الضاميه شاقني هالبوح = وقمت اجذب أبياته مع الليل واسريبه ألا ياعذاب القلب من حظي المذبوح = وحظ ٍ قصّر عن حسنة الوجه ياخيبه حباه الله الرحمن في قافه المطروح = على منبر الشعار يامن يجاريبه أقوله وأنا اللي يالنشامى على يفوح = عبير القوافي يوم جتنا مناديبه تمنيت متمثل وباب المنى مسموح = على الجادل اللي عاليات ٍ مناسيبه ولدها يجي مثل الفهد راكب السابوح = تهاو على روس الفوارس نواشيبه نخوه العذارى ساعة النطح والمنطوح = يبرد لهيب القلب يشفي لواهيبه خواله بعد حيي يا ذابح ويا مذبوح = ترفرف بيارقهم على النصر والهيبه أنا ياخلود الضاميه مابغيت أبوح = وأغرد مع القيفان شرق ٍ وتغريبه ولكن قلاني سمه الخافي الذحذوح = تصاعد على قلبي ودشن تعاذيبه ابرقا سنود ولو فؤادي ملي قروح = تساعفني الهقوة على المجد وارقيبه ختمت الجواب وقبل أودع وقبل أروح = أقول أنتي الأولى في بوحك وترتيبه حفظك الذي حافظ سفينة نبيه نوح = وهيالك المطلوب والقادر يجيبه

شعـــر/ عامـــر ( عطر الحكي )