آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 21-08-2014   #1


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي ديوان الشاعر / عيد بجاد بن شده





قالو تكلم قلت عندي هوايه
قالو تكلم قلت عندي هوايه=ماكل شعرٍ لاسمعته هويته
ابى الذي صافي سوات المرايه=وان ماحصل شرواه ينهد بيته
شفي وعندي ياجماعه درايه=اعرف مسالك منهجي الامشيته
رايي وكلٍ ياملا عند رايه=وغيري ترا فنجالهم ماخذيته
يزعجني اللي مايجيد الرمايه=وش لون يرميني وانا مارميته
غره زمان العولمه والجبايه=رجلٍ ضعيف وهقوته مستميته
هو يحسبنه بالمثايل كمايه=وانا لالا بعض الجماعه هجيته
حطيت له بين القبايل دعايه=وعلى تويتر والتواصل دعيته
والله لاحطه تحت فية عسايه=وان ماتركني بالمعاني كويته
ماني مدور عند شرواه طايه=لو عضني ناب الدهر مانصيته


عيد بجاد بن شده العتيبي


 

قديم 22-08-2014   #2


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي عزي لعودٍ ظروف الوقت حدنه



عزي لعودٍ ظروف الوقت حدنه

عزي لعودأ ظروف الوقت حدنه=ذاق الجفا والمصايب والعواقيبي
يكن غيضه ويخفي واهج الونه=كنت حيام الذواهب للمغاريبي
في حنت القيض واللاهب كواهنه=وردأ على الماء خلاء عوج العراقيبي
وساجن وداجن وجال العد عافنه=وسرت بهن فاطرأ من شمخ النيبي
شيبأ من الشيب بالممشى شعتهنه=عرندسن من كبار الفطر الشيبي
من جل ذودا بعيد الدار داجنه=مع دربها يتعبون اهل المناجيبي
عطت بهن خايعن ماعمرهن جنه:=فيه الثعالب تضابح مع نما الذيبي
من اول الليل لان الفجر شافنه=سر(ن)على ساقت الفاطر جناديبي
وعقب السرى والعطش ورد(ن) هواهنه=مع درب ملحاء من السود الحنازيبي
والعود طاويه والله ماطواهنه=غصب(ن) على شاربه ولاعلى الطيبي
غصب(ن) على شاربه بالبيت خلنه=خلنه البيض في صدره لواهيبي
هلت عباريه من زايد جفاهنه=من عادة البيض يجفن الاصاحيبي
الله يعوضه كريم الوجه بالجنه:=الخالق الرازق اللي يعلم الغيبي


الشاعر:عيد بن بجاد بن شده


 

قديم 23-08-2014   #3


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي تال العشي عديت راس النزاوه



تال العشاء عديت راس النزاوه


تال العشاء عديت راس النزاوه=وسقت النظر بالعاليه تالي عصير

وذكرت عصرٍ مثّلوه السباوه=عصرٍ مضى ياناس مافيه تقصير

عصر البداوه والطرب والعزاوه=مع ضف قوم يكرمون الخطاطير

لطامت العايل بسرد الفلاوه=وفي سلمهم للحيل تلقا جزازير

وهنيت شخص مانشاء بالبداوه=مرتاح ماشاف الضعن والمظاهير

ولاتل قلبه حب ذود(ن) نقاوه=فنس الخشوم اللي تنومس على البير

لاجاء نهار الورد فيها عداوه=تدحم هل البوش الحمر والمغاتير

واليا ندبها اللي يعرف النداوه=تسمع صريخ لحِيَّها بالبواصير

سودن طوالن مادخلها رخاوه=شوف النعش بخدودها عز يامنير

وان شدوا البدوان مع درب ناوه=وجروا جرايرها يبون المحادير

فيها مع الممشى جراه ورهاوه=يازين رد عيالها تالي عصير

في خايعٍ نبته جديد وحلاوه=الديدحان مع النفل له نواوير

شرق النفود وغرب جو السماوه=قبل الشواوي يشترون الحناتير

ولاسج باله بالوفاء والنقاوه=مع عندليب(ن) ماربت بالجواخير

يطرب لها المشتاق كل الطراوه=عسلوجتن ماهاتفوها النواطير

ماهوب مثلي فيه هم وشقاوه= اليا ذكر نزل السلف والدواوير

عاف الحضاره والكلا والهداوه =حضارةٍ فيها الطفش والمزامير

والنوم فيها والكسل والرادوه=وراع الولع فيها يشوف التفاكير



عيد بجاد ابن شدة العتيبي


 

قديم 24-08-2014   #4


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي بنات فكري جديد الطرس داعيته



بنات فكري جديد الطرس داعيته

بنات فكري جديد الطرس داعيته=تفتل وتنقض اليا صوت لها الداعي
لوكان نضم الغزل ماهيب هاويته=وعن منهجه سكرت مندوب الاسماعي
لكن مشعل دعاني له وانا جيته=من شان مشعل حضرت اليوم فزاعي
يامشعل انا طويل الرجم عديته=واعلنت فيه الهزيمه بعد مطلاعي
وانته شعاك الهوا والغي طبيته=طبيت سوقٍ يخسِّر كل بياعي
وجريت حلو اللحن ياشعيل جريته=من حب زين التهايا عذب الاطباعي
دولاب فكرك على التشبيه فريته=في وصف غرون يخضب عشر الاصباعي
تبيني العب وانا ياشعيل خليته=ماعاد لي يالبناخي فيه مرجاعي
لو جاني اللي زمان فات حبيته=عطيته العلم واخبرته بالاوضاعي
راعي دليقٍ بوزر الشول غاذيته=وعينن هدبها ظليل وسود ووساعي
وخدٍ مثل شاشت التلفاز مبديته=باسلوب غنج الهوا ماهوب دلاعي
للي يعرف الوفاء ياشعيل مهديته=ورد السفرجل تبرَّع به تبراعي
وتردد القول ياويلاه ياليته=بمبيسمن مثل نور البدر لماعي
والعنق منتوق والمجدول زاويته=والبطن بطن العسيف اللي مع الراعي
والعمر في نسل حواء ماتحليته=نبنوب موزٍ بوسط الجم شراعي
واليوسفي من جمال البيض حاويته=والمذهب الحنبلي في فكرها شاعي
لو تعترض لي ورونقها مسويته=اقفيت لو الهنوف تلد وتراعي
لو انها بنت شيخ ظاهرٍ صيته=والبنت ياشعيل تعجب كل طماعي
ماعاد لي في طريقٍ مي ماشيته=ربيع مي ابتداء ونهيت مرباعي


الشاعر:عيدبجاد ابن شده العتيبي


 

قديم 24-08-2014   #5


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي يانايف الروقي همومي غزتني



يانايف الروقي همومي غزتني

يانايف الروقي همومي غزتني=من هاجسٍ تواق والفكر داعيه
على هنوفٍ في صباها دعتني=على الشرف والعز مااحلى مباديه
الشاهد الله بالجفى ماجفتني=لكن سلم البدو ياصاح جافيه
اضعانها وديارها فارقتني=واليوم يامشكاي ماابعد حراويه
ياما برمش عيونها خاطبتني=رمشٍ لبيب القلب يجهل معانيه
بين البشر بعلومها جاهلتني=والقلب مني جوهر الحب كاويه
ياليتها في دنيتي رافقتني=الجادل اللي كنها بكرة التيه
سجيت معها والحوادي حدتني=والرونق المكنون في دار راعيه
سفرجلٍ ناطع وفيه اسحرتني=السلسبيل مع اعذب الهرج تهديه
تفتن عشاشيق الهوا وفتنتني=والرامي التفاق تخلف هقاويه
لوشافها القاضي بدر ماشمتني=والله لينظر بالمحاسن ويفتيه
ويقول شفت الفارهه وابهرتني=واليوم انا ياناس بالشرع باغيه
في نهر درياق المناوي رمتني=وبنات فكري بالغزل هيجنت فيه
العب هجيني ذرب في كل حتني=والدرسعي نحذف شوايب معانيه
في رنقها يابو هلا عذبتني=وراع الهوا ياناس بان الخلل فيه
خذت سحر هاروت ماقابلتني=من كف شخصٍ باحْمر المال شاريه
بقمارها وفنونها شوقتني=عزي لعيد بجاد ماهوب ناسيه



الشاعر عيد بن شده العتيبي


 

قديم 25-08-2014   #6


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي يقولون يابو عبيد مالك ومال الناس




يقولون يابو عبيد مالك ومال الناس=تريح وصل مع العباد المصليني
وخذ زاد من دنياك قبل اللحد والياس=ترا العمر فاني والمخاليق فانيني
وانا اقول بعض احيان لادق بي هوجاس=الاحي حمام الورق والناس ممسيني
واحب الكرم واهل الكرم واكره الانجاس=رفيق الرفيق اللي على العسر والليني

عيد بجاد بن شده
؟؟؟؟؟؟؟؟؟؟؟؟؟؟؟؟؟؟؟


يقولون لي ياعيد خل البداوه عنك =وانا كيف اخلي سلم ابوي وجداني
انا ياجماعه بالمدينه يجيني ضنك=تهل السنه وتطوف ماشفت جيراني
عباد"ن" تبيع وتشتري بالربا في البنك=عصافير مال"ن" بين كافل ودياني
ليا جاهم المحتاج من ضيم ولا زنك=تواصواعليه وحطوا الشان بالشاني

الشاعر:عيد بجاد بن شده


 

قديم 27-08-2014   #7


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي قالـت سـلام وقلـت يامرحبـا اهليـن



قالـت سـلام وقلـت يامرحبـا اهليـن

قالـت سـلام وقلـت يامرحبـا اهليـن=قالـت تهـلـي وانــت ياعـيـد شـايـب
قلت الهوا يابنت سلم المحـبـيـن=قبلي تـرا بـصري جـرالـه عقـايـب
وابن الدجيما مـات وانتي تعرفيـن=والشمري يابنـت تحـت النصايـب
علـى الحفايـر مـات يامنقـع الـزيـن=من حب محبوبه عـن النـاس غايـب
ومجنون ليلى راح مع ناس ماشين=من حبها غادر ديار القرايب
خاوى السبع وجندلوه المخاوين=في سيرته شاف الوزاء والمصايب
على الذي تاخذ عقول المودين=بوصافها يابنت فيها عجايب
وانتي عليك من الوصايف نياشين=علـيـك يابـنـت الحمـولـه ذوايــب
وعليك عنق وخـد وغضايـت العيـن=يطـرب لـك الـطـراد لـوكـان تـايـب




عيد بن شده المرشدي


 

قديم 27-08-2014   #8


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي لديت فيه النظر جالس على ضؤه



لديت فيه النظر جالس على ضؤه

لديت فيه النظر جالس على ضوءه:=قالت علامك تلد العين ياعيد:
قلت ايه انا شفت خد(ن) صاطع(ن) قوه:=ياحلو شوف النحر والعنق والجيد
قالت غليّم وتوه بالغزل فتوه:=ماله ومال المهار الندر الغيد:
عمره ثمان وثلاث وعنده اجروه:=ويش لون ينظر ثمر غال العناقيد
قلت آه انا ياجميله كلي مروءه:=ياشبه شقح(ن) غزيزه للاجاويد:
قالت حسبناه توه ياعرب توه:=والورع يابوي يفهم رونق الغيد:
قلت ايه انا يامنايه عندي حموه:=وعرف بنات المها من عندل الصيد
قالت نصحناك واللي جازلك سوه:=الفرق بيني وبينك فيه تفريد:
واقفيت والقلب منها عايف(ن) نوه:=واقفى الضعن عن لطيف الروح يازيد
اقفى ضعنا عن اهل الطيب والخوه=البدوا شدو مغيرت المواعيد:
وبعد سنه شفتها يازيد محلوه:=وتكرر العذر عن هرج المقاريد:
جتني على العيّلم اللي ممتلن جوه=للبدوا في لاهي الجوزاء مواريد:


الشاعر:عيدبجاد بن شده


 

قديم 28-08-2014   #9


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي يا بو زبن مالك ومال الديين



يا بو زبن مالك ومال الديين

يابو زبن مالك ومال الرديين=اخذ الذهب واترك ردي الشوايب
واخذ التجارب من زحولٍ ميامين=واترك علوم قريّبيّن الحظايب
والحب له رونق وناسً ملبـيّـن=حب العذاراء يامحمد مصايب
لاعرضت لك عندليبن على الديّـن=وامجدلن من فوق الامتان ذايب
وخدً سوات البرق بين الودادين=وعواتق(ن) فيها تشوف الغرايب
والعين حوراء مثل عين الشياهين=شيهانتً تاكر طوال الرقايب
تأكر رقايب نجد بين الحفيفيّـن=في ديرتً عنها اكثر الناس هايب
والردف شط اللي على امه وضيّرين=مع ذود مصلاحً يحب الركايب
امه لها من لاطم التّيه جدين=وابوه عنقود الجمال الظرايب
والعنق عنق ادميتً مع ضرابين=قادة عراجيد المها مع زرايب
راع الهوى لوتاب عن طرده سنين:=تبقى جروحه في ضميره عطايب:
لو يجحد اللي راح لا بده يبين:=ولو قال أنا قد تبت ما هوب تايب:
لا عرضن خطو البنات المزايين:=نجل العيون معكرشات الذوايب:

يشوف لرموز المحبه نياشين
=وباسبابها يصبح من العقل غايب
وليا بغى ينسى تعنيه ثنتين=تغريدة القمري و برق السحايب
ويشكي على الاصحاب قبل الموالين=حيث المحب ايشوف ظلم الحبايب


الشاعر عيد بجاد بن شده


 

قديم 28-08-2014   #10


الصورة الرمزية عيد بجاد بن شده
عيد بجاد بن شده متصل الآن

بيانات اضافيه [ + ]
 رقم العضوية : 4004
 تاريخ التسجيل :  21 - 08 - 2014
 أخر زيارة : 01-05-2020 (08:51)
 المشاركات : 471 [ + ]
 التقييم :  64
 اوسمتي
درع التميز شاعر متميز 
لوني المفضل : Cadetblue
افتراضي غنيت بالطرق القصير



غنيت بالطرق القصير

غنيت بالطرق القصير=واحوف بيت الشعر حوف
النهر مايشبه غدير=يجرف عناقيد الصروف
وانا بديدنها مدير=وألطم زعانيف الانُوف
عشير للطيب عشير=واللاش شرواه محذوف
ياغلام زاورك النذير=يدحم بجنبه والكتوف
يعوم في بحرٍ غزير=ويسبح بفكره والكفوف
رد المهند بالجفير=ماعاد تنفعك السيوف
تثير والا تستجير=قمرك آفل للخسوف
لكن دور لك خبير=مدرك بغمقات الحروف
من سرعته يمكن يطير=لا يعجل بالنكوف
شوفه مع الغدراء مُنِير=وبالنور مايقدر يشوف
حقير بالمسراء شرير=زهوف بالحجه زهوف
يعرب ويجهل بالضمير=ينوف بالبرصه ينوف
عطه التذاكر بالمسير=وعطه الحلايا والوصوف
خله يفر مع النفير=ويمشي على رؤوس القنوف
نظير بالمجلس نظير=يحب تفتيش الرفوف
وخط الرساله بالحرير=والطرس حطه بالظروف
واكتب عليها دير دير=رهبان حناء دير ادوف
تاصل اليا بابا زفير=اللي يرحب بالهنوف
ويرقد على صدر الغرير=ويلعب على كل الصنوف
مسكين مايقدر يسير=لو حج مايقدر يطوف
مستشعرٍ يشبه جرير=ويرقص على دف الدفوف
ودريد مايشبه زهير=الفرق واضح ياجحوف
ضرير في عقلك ضرير=دايم عن الجزله عزوف
لكن برطل للوزير =يمكن يزوجك العيوف
والبوم تسمع له صفير=بالليل ينعق بالكهوف
والارمني شّراب شير=لو كان مايكرم ضيوف
يخر مع ميسا خرير=وحط المضّرب بالردوف
ذليل في ليلٍ مطير=عند ام عامر بالحجوف
الخيل ماتنجب حمير =والهجن ماتنجب خروف
والطير مايقدر يطير=لاصار بالريش مخطوف
والنار تخر زمهرير=ثلجٍ مغاتيره حزوف
قر القرار مع القرير=ماعاد تنفعك الحلوف
ياغلام لا تنثر نثير=ازنف ترا طبعك زنوف
المونسه تصفر صفير=والراس لاالذيل معكوف
تسير ولا تستخير=الخصم زيزوم الصفوف



عيد بجاد بن شده العتيبي


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:47


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام