آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 25-12-2014   #1


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي ديوان الشاعر / أحمد الأسلمي





.
.
.
.
.
السلام عليكم ورحمة الله وبركاته
أسعد الله صباحكم / مسائكم بتحية عطره جميعاً
تشرفت بتسجيلي معكم وإن شاء الله أكون عند حسن الظن
وهذه مصافحتي الأولى بينكم أتمنى أن ترتقي لتصل إعجابكم
شعر ٍ بلا حكمه ترى مصدر إفلاس


سبحان رب ٍفرق أجناس وأجناس=أحد ٍ يبي مقيآس وأحدن قياسي
أحد ٍ يصوغ الشعر در ٍ مع ألماس=وأحد ٍ يصوغ الشعر معدن نحاسي
وأنا بصوغه يشفي إجروح الأمواس=يشفي عيون ٍ طار منها النعاسي
شعر ٍ بلا حكمه ترى مصدر إفلاس=لو كنت ضايق في هموم و مآسي
ياصاحبي امرح وساير مع الناس=وإحرص على وقت الفروض الأساسي
وإحذر يجيك بتالي الوقت وسواس=على بني عمك تجيب الحساسي
تعيش عمرك بين هم ٍ وهوجاس=وتعيش وقتك في خماس وسداسي
لا تصير بين الناس عاذل وبلاس=ولا يصير طيبك بالزمآن إنعكاسي
ماقول عاشر من بلا مِر و إحساس=أقول جنب من طبوعه إنجاسي
هذي حقيقه كاتبه بين الأقواس=ترسي كما ترسي الجبال الرواسي
أنا أسلمي إعطي من الراس للراس=لو كان رايي بعض الأحيان قاسي





وسلامتكم ودمتم بخير جميعاً
أحمد فرج الأسلمي
.
.
.
.
.


 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


قديم 26-12-2014   #2


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي أقتدي بالطنايا وكل رجل ٍ يطيب



.
.
.
.
بسم الله الرحمن الرحيم
صباح | مساء الخير على الجميع
أقتدي بالطنايا وكل رجل ٍ يطيب
إنتثر كاس شعري والمعاني لهيب=والقوافي نجوم(ن) تعتلي في سماي
بارك الله بقاف(ن) منه العالم تهيب=الله اللي عطاني ماتجملت بعطاي
أعتزي بالجماعه وكل شخص(ن) أديب=والردي طول عمره ماذخرته وراي
أقتدي بالطنايا وكل رجل(ن) يطيب=وأفتخر باللحيسه هم شموخي وذراي
والمناصير ربعي علمهم مايخيب=الجبال المنيفه واضح(ن) فيها صداي
إلعبي ياقوافي خلي الضايق يطيب=وإلعبي يا معاني زايد(ن) فيها عناي
ينتثر بحر شعري وأفهمه يا لبيب=إن بغيت الجماعه وإن بغيت أصدقاي
دونهم حر كبدك دونهم ذيب(ن) وذيب=ماتهون الجماعه ولا يهون أخوياي
يبتعد عن طريقي كل شخص(ن) يعيب=في يميني بيوتي وفي يساري عصاي
فوق متن الصحاري وسط ذاك الشعيب=ضابط(ن) كيف راسي والخلا كنه خلاي
فوق ضلعان سلمى وسط ذاك الخريب=ألمح بيوت ربعي هذا رايح و جاي
لو تناخيت ربعي كل ربعي تجيب=إعتلي يا قوافي وأبعدي عني غثاي
إنتثر كاس شعري والمعاني لهيب=والقوافي نجوم(ن) تعتلي في سماي


دمتم بخير


.
.
.
للإستماع | سامريه



.
.
.




 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


قديم 29-12-2014   #3


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي الله من قلب ٍ طوى الهم حاله



.
.
.

بسم الله الرحمن الرحيم

السلام عليكم ورحمة الله وبركاته
الله من قلب ٍ طوى الهم حاله
الله من قلب(ن) طوى الهم حاله=ابطى طوال العمر يبكي خليله
حاول يعالج جرح صعب(ن) زواله=حتى هموم الوقت صعب(ن) يزيله
يبكي زمانه يوم جاله مجاله=يبكي قهر يبكي سنين(ن) جميله
يبكي شعر يبكي من أقصى خياله=يبكي بيوت الشعر تشفي غليله
يبكي حبيب(ن) راح أقفى ظلاله=حتى الجبال الصم تبكي رحيله
ماهي علاقة مال وإلا زماله=لا والله إلا حب وقف سبيله
ياليل خبرني وش آخذ بداله=ياليل تكفى علمن وش بديله
أشكي على شعري وشعري شكاله=وحروف شعري روحت لي دخيله
أشكي على سلمى وشرقي شماله=وأشكي على حايل وصارت قتيله
ياليت يقتلني ولا أذكر جماله=ليته عقب صده يكمل جميله
حرفي رقى رجم(ن) ولا أحد رقاله=ومن سبته طاحت حروفي عليله
كني كسير طاح يرجي عياله=صدو وراحو مالقى من يشيله
الين راح الموت يمه و شاله=أقفى وبكى هالحروف الجزيله
حاولت أوصل من خفوقي رساله=تبكي لها كل الجبال الطويله



أحمد فرج الأسلمي
ودمتم بخير
.
.
.


 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


قديم 04-01-2015   #4


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي ليه الحسد ليه الجفاء والمضــره



بسم الله الرحمن الرحيم
السلام عليكم ورحمة الله وبركاته
ليه الحسد ليه الجفاء والمضــره

يآ خاطـري مالك ومال المشـاريه=راح العمــر وإنتا عليهم تشــــره
لا تتبـع المقفي ولا عـــاد تــرجيه=أبعد عن المقفي بخيــره وشــــره
قلبـي خذا من هالــزمن ما يـكفيه=وياما انصدم منهم ثمــآنين مـــره
في خاطـري كلمه سنين ٍ تصــاليه=ايضاً على قلبـي ســــنين ٍ تمـــره
ليه القــرَيْب مايبي من يســــاويه=ليه الحسد ليه الجفاء والمضــره
إن كان حرفي يزعله في قـوافيه=يصفق جبال إطــويق ياما تســـره
في هالزمن يلقى رفيـق ٍيخــآويه=والا انا ربعي نجــــــوم المجــــره
من يشتري قلبي عيــوني تنــاديه=لو إن في عينــي مـلايين عبـــره
اول طـريق الطـيب كل ٍ مشى فيه=واليـوم يمكن بالمـلايين عشـــره
أحد ٍبهمه مالـقى مــن يــــراعيه=وأحد ٍ حيـــاته كل أبــوها مســره
صحيح من لا يعرف الحر يشويه=واللي عرف ثــوب القصيده يزره


أحمد فرج الأسلمي
ودمتم بخير


 

قديم 06-01-2015   #5


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي أول يجيبك غلا تبكي وتنصاني



بسم الله الرحمن الرحيم

السلام عليكم ورحمة الله وبركاته




أول يجيبك غلا تبكي وتنصاني
ياهم ياللي معي حركت وجداني=طالبك بالله تخفف عني إشويه
لا تصير مثل اللذي أبعد وخلاني=أبعد وخلا عيوني دون ماويه
حطيت كل الغلا بشعري وقيفاني=لو إن بعض الحروف إبصدري مخفيّه
صوت الغلا كالرعد يرعد وصحاني=وكل البشر بالغلا طاحت ومبليه
كتمت بحر الشعر إبوسط شرياني=واليوم هذا العتاب إبكل قافيه
وصلت شمس الشعر وأطلقته إعناني=وأشوف شمس الشعر أعطتني من ضيه
ليه الجفا يا غلا وش جاك تنساني=أقلام شعري عليك اليوم مبريه
صديت عني وأنا عدك من أخواني=ولاشفت زولك غصب أعطيته إتحيه
وش جاك مني خطا وإلا من لساني=حتى الخطا تقبله من حب راعيه
بشطب حروف الغلا وأشكل ألواني=ولا عاش منهو علينا جاب طاريه
حديتني بالعتب والهم يحداني=وهيضت قافن يعيش بصافي النيه
أول يجيبك غلا تبكي وتنصاني=واليوم كن الغلا صفحه ومطويه
ذكرتني باللقاء نسناسه أبكاني=وذكرتي بالغلا و للجرح ماريه
والله لولا غلاك لإعطيك بركاني=وقول تبطي مادام النفس بي حيه
خذيت طبع الشيم من روس شيباني=وخذيت بحر الشعر وأقصى معانيه
صديت من طيب راسي والله أعطاني=ناسن على الكايده تكسب مغازيه
بعيد وأرجع على اللي صار عنواني=بعيد وأرجع عليه أكرر الكيه
إن ضامك الوقت ترجع لي وتلقاني=وأعطيك كل الوفاء ماتملك إيديه
بعيش كل العمر في عالمن ثاني=وأعيش كل الغلا من دون جديّه
عشرين بيتن توضح كل ماجاني=والباقي يبقى معي إبكل سريه




أحمد الأسلمي
دمتم بخير
.
.
.
.
.


 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


قديم 11-01-2015   #6


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي بعض العرب شاعر ولكن مسيكين



بسم الله الرحمن الرحيم
السلام عليكم ورحمة الله وبركاته
بعض العرب شاعر ولكن مسيكين
بعض العرب يسوى من الناس ستين=وبعض العرب يسوى غلاف المجله
وبعض العرب شاعر ولكن مسيكين=( كل القصــايد مسكنه فــي مذله )
وبعض العرب شيـخ ٍولكن بلا شين=إيسكت العــالم وهــو فــي محله
وبعض العرب مجنـون عاشر مجانين=يومه يســـاوي عنده العمـــر كله
وبعض العرب مطنوخ عاشر سلاطين=خيـــالهم ينطــح ثمـــانين شِــله
وبعض العرب جاب المطمه مـلايين=وكن الفــرح سيف ٍبإيــده يسله
وبعض العرب يطرد سراب المقفين=كنه خــليل ٍفــاقد ٍعيــن خــله
وانا تــرى ماجيت أبي منك بعدين=ي أم العيــون الناعــسه والمظله
ماجيت أدور في حيــاتي وفيـيـن=ولا جيت أبي شهره ولا ريال .. لله
جيت أكتب الواقع بكل العنــاوين=( واللي زعل يلقى طــريق ٍ يدله )


أحمد فرج الأسلمي

دمتم بخير جميعاً
.
.
.
.


 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


قديم 01-02-2015   #7


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي من خلقت الدنيا وأنا شوف وآعيش



السلام عليكم ورحمة الله وبركاته
من خلقت الدنيا وأنا شوف وآعيش
ياعقلي اللي صاير(ن) به تشاويش=مايقبل التفكير وإلا النقاشي
من زود علمه طايح(ن) بالتطانيش=ومايزعجن إلا بوقت الفراشي
كنه يقول أدفع علي البخاشيش=وإلا علي إضرب دروب المماشي
حاولت أعدل فيه لكن على ميش=يطرد ورى المقفين وسط الخشاشي
مره يقول إني معك بالمطاريش=ومره يقول أدفع دراهمك كاشي
يلعب معي لعبه ولعبه على طيش=ونهاية اللعبه ترى الوضع ماشي
إذا زعل مني غشى راسه الريش=يقول عايش بين خاين وواشي
يقول ربعك عايشه وإنت متعيش=ونهاية التفكير تدخل نعاشي
قلت إبتعد عني عطاك المباليش=راسي من التفكير أصبح هشاشي
من خلقت الدنيا وأنا شوف وآعيش=اللي يجي برخيص يعطى إبلاشي



وسلامتكم


.
.
.
.


 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


قديم 17-02-2015   #8


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي شيلة : النخوة لقبيلة شمر / كلمات الشاعر أحمد الأسلمي آداء المنشد عبدالعزيز العليوي



.
.
.
.
بسم الله الرحمن الرحيم
.
.

السجين :
سعود ابراهيم ماطر الغيثي الشمري
ينخى جميع القبائل عامة وقبيلة شمر خاصة .
.
.
يا منتخي :
كلمات الشاعر / أحمد الأسلمي
.

اداء المنشد / عبدالعزيز العليوي
.
.

.
.
.
نرجو الضغط على أسم الشيلة في اليوتيوب لقراءة التفاصيل كامله في الأسفل ..
.
.
.


 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


قديم 22-02-2015   #9


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي صارت دموعي ملح والرمش بآرود



بسم الله الرحمن الرحيم
صارت دموعي ملح والرمش بآرود
إي والله إني من عنا الوقت ملهود=غطت ملامح نظرتي هالكآبه
الفكر كنه داخل القبر ملحود=يطويني الهاجوس حد الغرابه
الهم في صدري غدا ماله حدود=مثل الجبال الراسيه في ترابه
القلب مغتر كاسيه برق ورعود=مثل البرد لامن نشا في سحابه
وأضحك لوني من عنا الوقت مضهود=وآعاتب الحظ التعيس بكتابه
صارت دموعي ملح والرمش بآرود=والجرح مدمي ما يداوى صوابه
لو ماكتبت البيت مرسل ومقصود=ما كان حطيت الحروف بعتابه
بقولها لو جاني اليوم منقود =أصعب جروح القلب [ جـرح القـــرابه



أحمد فرج الأسلمي
.
.
.
.


 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


قديم 24-02-2015   #10


الصورة الرمزية أحمد الأسلمي
أحمد الأسلمي متصل الآن

بيانات اضافيه [ + ]
 رقم العضوية : 4072
 تاريخ التسجيل :  25 - 12 - 2014
 أخر زيارة : 08-03-2017 (10:36)
 المشاركات : 267 [ + ]
 التقييم :  14
 اوسمتي
شاعر متميز 
لوني المفضل : Cadetblue
افتراضي الف ٍاولف من جزيل العبارات



بسم الله الرحمن الرحيم

السلام عليكم ورحمة الله وبركاته
الف ٍاولف من جزيل العبارات
الف ٍاولف من جزيل العبارات=قاف ٍمرتب دون اي إختصارات
قاف ٍ مرتب مثل سرد الحكايات=بآ شكل المعنى حسب إختياري
الباء : برى حالي من الوقت هاجوس=من واقع ٍعشته تجاريب و دروس
والهم بأقصى هالمعاليق مغروس=مايفترق ليلي و وضح النهاري
التاء : تشوم النفس عن كل هافي=يوم العرب مابين مخطي و وافي
نتعب على كسب الكريم السنافي=والا الردي عمره ماصار إعتباري
الثاء : ثلاث إسنين عايش بالأحلام=أبكي على حلم ٍتوفى ولا دام
ما غير أنا والهم نركض لنا أيام=نطرد سراب ٍفي عجاج الصحاري
الجاء : جنيت من الأوادم والأصحاب=ناس ٍتساوي بالغلا عدة أرقاب
وناس ٍبصدري مافتحنا لها إحساب=والفرق واضح بين ( يمنى و يساري )
الحاء : حبست إحروف شعري بالأدراج=من خوفي الحاسد يجينا بالإزعاج
يعني على ما قيل منعاً للإحراج=أطبع على كل القصايد شعاري
الخاء : خذيت إمن الزمن جملة أوجاع=بأسبابها فرحي تحزم للإقلاع
ولو الجروح اليوم تسحب وتنداع=كونت لي بنك ٍجديد ٍإحتكاري
الداء : دوى حالي وصاله وطبه=يوم الهبايب وسط قلبي تهبه
حطيت له وسط المعاليق قبه=وجيش ٍ كبير ٍ يقتدي في قراري
الذاء : ذبحني دون أية نقاشي=كذب كلامي صدق اليوم واشي
يومه نظر عيني وساكن بجاشي=أعلنت من فرقاه حالة طواري
الراء : رمى قلبي وزود بلايا=وانا حياتي زايد ٍ به عنايا
ليته يشاركني غلاي و ضمايا=لو كان مايسكن بحايل دياري
الزاء : زوى حالي مع الهم غربال=خلا حروفي تكتب الوان واشكال
خلا عيوني تذرف اليوم همال=يهبط علي دمعي هبوط إضطراري
الساء : سهوم الحب طاحت بالأعماق=وكتبت لي حرف ٍعلى بيض الاوراق
أسهر طوال الليل ليا حد الأشراق=الين حرف الشعر طاح إبمداري
الشاء : شربنا حبكم حد الإدراك=وأنهاك عن صدك ولا كني أنهاك
قلبي ليا من سج في الليل ناداك=يضرب على شانك كثير المساري
الصاء : صراحه صدري اليوم مفضوح=ماعاد لي فيها مكاسب و مصلوح
راحت و خلتني متيم ومذبوح=هذا عمل نفسي وهذا خياري
الضاء : ضمى قلبي من الشوق ذباح=والبوح من صدري فضحني ليا طاح
كنه على صدري سيوف ٍمع إرماح=والمشكله منه رفعت إنكساري
الطاء : طوى حالي من البعد لاهوب=وأقفيت من كثر الهواجيس مغصوب
وصارت هواجيسي ملك تحته اشعوب=والهم مركز و الكسافه حواري
والظاء : ظلم قلبي وعزم بفرقاه=الجادل اللي أسعد بوقت طرياه
لا والذي كمل بعيني حلاياه=حبه على قلبي مفعل و جاري
العاء : عرفت ان الهوى دوم غدار=هذي الحقيقه ماتبي حرف و أشعار
أحس في راسي من الحب مسمار=يرسم على مخي جميع العزاري
الغاء : غدى صدري مولع حريقه=وجروح قلبي مثل نجد العريقه
ما غير أنا والحرف نرسم طريقه=نرسم عن اللي جفنه اليوم ذاري
الفاء : فلا ظني أبنساه يا ناس=من سبته صارت شفاياي يباس
واصبحت انا مع هبت الوسم قرطاس=أطرد سرابه مثل طرد الحباري
والقاء : قوافي منبعه من ضميري=ما يفهمه من كان عقله صغيري
واللي فهم عقله عليه إبيطيري=لازم نشوف اليوم له إستشاري
الكاء : كليت من الجفاء عدة أشكال=راحت حياتي كلها ناحل الحال
ولا تسأل الملتاع عن ضيقة البال=يمكن يهل العين مثل الخباري
اللا : لنا مع ضيقة البال موضوع=لاعتني الضيقه على صدته لوع
والقلب من أقصى محانيه مقطوع=على الذي يسمع ولاهوب داري
الميم : ماني عقبه اليوم طربان=إي والله إني ضايق اليوم تعبان
أتعب على اللي حطني دوم غلطان=وأكتب من أشعاري على جال ناري
النون : نار ٍتشتعل بي من أقصاي=ما تقبل الضحكه ولا تقبل الراي
لا تستمع صوتي ولاصوت شكواي=ومعها الغضي بالحيل ماهو بداري
الهاء : هدف قلبي من الحب ضايع=من واحد ٍيسمع ولا هوب طايع
الحب عنده بين شاري و بايع=وعلى زمام الصد بالحيل ضاري
الواو : ونت خافقي وش تبي تجيب=جابت جروح ٍفي حياتي معاطيب
وجروح قلبي لامست جرة الطيب=وصار الفرح ماله بعيني مواري
الياء : يعين الله على القال والقيل=من عالم ٍتبحث عن المال و الميل
ناس ٍتبي تقراء وناس ٍتبي تشيل=حتى الشعر يبغى يطالب بثاري
وختامها صلو على خير الأسياد=أعداد ما مزن ٍنشى معه رعاد
و أعداد ما حرف ٍ تبناه قصاد=صلو عليه أعداد رمل الصحاري



دمتم بخير

أحمد فرج الأسلمي
.
.
.
.
.


 
 توقيع : أحمد الأسلمي

ماكل فعل ٍ تنضرب فيه الأمثال
الفعل كايد والكـــلام بسهـــوله
فعل ٍ يموت وفعل يبقى للأجيال
وفعل ٍ تبيه الناس ماحد يطوله

#أحمد_الأسلمي


 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 10:03


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام