آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام

العودة   منتدى نشامى شمر > ღ[| ₪ الأدب والتاريخ ₪ |] ღ > ديوان شــــعراء وشـــاعرات نشامى شمر

ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 20-02-2008   #1
الإدارة


الصورة الرمزية المشرف العام
المشرف العام متصل الآن

بيانات اضافيه [ + ]
 رقم العضوية : 1
 تاريخ التسجيل :  12 - 04 - 2006
 أخر زيارة : منذ 3 أسابيع (09:51)
 المشاركات : 13,611 [ + ]
 التقييم :  179
 الدولهـ  Saudi Arabia
 الجنس ~  Male
 SMS ~
لوني المفضل : Cadetblue
افتراضي ديوان / وشجرة الأمير الراحل الشاعر طلال العبدالعزيز السعود الرشيد رحمه الله






شجرة الامير الرااااحل الشاعر طلال العبد العزيز الرشيد رحمه الله





هذا الشبلُ من ذاك الأسد







من ذاك الاسد جده الامير عبدالعزيز المتعب الرشيد ( الجنازه)



ملاحظه



الامير سعود العبدالعزيز المتعب الرشيد (ابو خشم )

هو ابن الامير عبدالعزيز المتعب الرشيد (الجنازه)


 

قديم 15-04-2008   #2


الصورة الرمزية صَبـmـآ }~
صَبـmـآ }~ متصل الآن

بيانات اضافيه [ + ]
 رقم العضوية : 878
 تاريخ التسجيل :  14 - 02 - 2008
 أخر زيارة : 25-02-2016 (08:36)
 المشاركات : 2,683 [ + ]
 التقييم :  165
لوني المفضل : Cadetblue
افتراضي



يـابـعـد حـيي



قـالـت نـصـيـب وقلت يومـك تبينـي = غصـب علـى الـدنـيا .. يدك في يدينـي
لا تظلمين الـوقت وش ذنب الايـام = لــو اقــبــل اعــذارك يـعـيـي حـنـيـنـي
غديت ما بين الرجا .. فيك والـيـاس = هـذا .. يبـي منـي وهـذا .. يـبـيـنـي
ان قلت شنت وخاطري طاب كذاب = وان قلت ابيك ارخصت نفسي بعيني
خيرني امري بين اصعب خيارين = مـوتـي انـا او مـوت الاحسـاس فينـي



موت الاحساس


الليلة إحساسي غريب = عاشق وانا مالي حبيب
حبيت كل الناس لاموني = حبيت كل الناس باعوني
قلت أحب الحب أحسن = قلت أحب الحب أضمن
لا أحــن .. ولا أتــوه = ولا بعد في يوم أحزن
رضيت باقداري ونصيبي = صرت محبوب الحبايب
وصار كل عاشق حبيبي =الليلة غير .. شعوري غير
أشـواقــي غــيــر = حـتـى الأغــانــي غــيــر
صـدري سـمـا = واحـسـاسـي طـيـر
بس طيفك ماتركني = ظل ساكن تحت جفني
كــان وافــي = كان يذكر وإنت ناسي
إنت وينك ..؟ = كان هذا الفرق مابيني وبينك ..؟!
جيتني تشكي الزمن = وجيتك أبي أدفى
لقيت في قلبي وطن = ولقيت فيك منفى



اليـوم يـا بنـت مـن زيـي


اليـوم يـا بنـت مـن زيـي=الشمـس واردت عـلـى ضـيـي
جيت انتخي بالوجيه البيـض=يـا عزوتـي يـا بعـد حيـي
الجـادل اللـي حـلاهـا غـيـر=ضيـعـت فــي شمسـهـا فـيــي
بعيونـهـا سلسبـيـل رمــاح=و المـوت بالـسـود متهـيـي
موت و انا اموت انا بالموت=كثـيـرهـا غـــرّق شــويــي
لا قلـت تكفيـن قالـت جــاك=و ان جيتهـا فجـأه تعـيـي
و لا قلت مالي و مال الغيـد=قالـت وهـم بينهـم زيـي ؟
و ان قلت انا تبت مالي كار=مقفـي زمانـيـن عــن غـيـي
قالت و هـي تلتفـت للنـاس=طــلال مـوتـه عـلـى يــدي


بيني و بينك


بيني و بينك عرفـت المـوت=تـحــب و الـحــظ متـجـنـي
تبي الصـدق حبهـا منحـوت=و أصبحت منها و هـي منـي
أفرشلها القلب بالياقوت=و أقـول يـا دلـي إتمـنّـي
صدري قصور و مدن و بيوت=و هي المليك اللـي يحكمنـي
يا ويل ويلي عليها صـوت=تحكـي تقـل كنـهـا تغـنـي
و سكوتهـا غيـر كـل سكـوت=كـل شـي فيـهـا يكلمـنـي
قد شفت شمس زرعوهـا تـوت=بشفاتهـا الـتـوت متثـنـي
يا حلوها و القلم مبهوت=وش يكتـب بوصفـهـا عـنـي
هي دنيتي و الهوى و القوت=و إن غبت عن وجههـا كنـي
متغـرب و غربتـي تـابـوت=ميـت و أنـا حـي مستـنـي
قولو لها لو يفوت الفـوت=هـو ينفـع الصـوت متعنـي
و قولو لها و الله إلا مـوت=لـو خـاب فـي حبهـا ظـنـي


 

قديم 16-05-2008   #3


الصورة الرمزية صَبـmـآ }~
صَبـmـآ }~ متصل الآن

بيانات اضافيه [ + ]
 رقم العضوية : 878
 تاريخ التسجيل :  14 - 02 - 2008
 أخر زيارة : 25-02-2016 (08:36)
 المشاركات : 2,683 [ + ]
 التقييم :  165
لوني المفضل : Cadetblue
افتراضي



إن حـكـت



ان حكت غار السكوت من الحكي=وان بكت يحسد مدامعها الغرور
كنها والشمس خصم ومشتكـي=وبين ذيك وذيك عذبت السطور
الثرى يـا مايسـه مغروركـي=ومن يلومه ما يعرف سر الغرور
والجمال مرايته فـي وجهكـي=والبها له في جفن عينك فتـور
الحلا يـا حلوتـي شبّـه بكـي=منهكٍ حرفي ويشكي به قصـور
والحروف اتهني حروف اسمكي=والاريج اختال في عرس العطور
يا غريره ياغـرورى مسلكـي=تهت والا تاه عن كفي العثـور
في طريقي ضاعت الخطوه لكـي=ماتميز بين نـار وبيـن نـور



حـكـآيـة شـمـس



كنـك مـلاك وطلـع تـوه=الله وش كـثـر مـحـلـوه
ماعـاد بـه غيـرك حكايـه=جيتـي وكـل تـرك جـوه
الليل لـف ولمسهـا لمـس=بعيونك اغرب حكاية شمـس
وانتي الـى الحيـن نسايـه=ضيعت باكر عشانـك امـس
دايـم اقـرب وهـو يبعـد=وفي شفتـك للشفـق موعـد
ويحـط لاحزانـي نهـايـه=من غيرك اللي قـدر يسعـد
ياللـي تحليـن اي لـبـاس=يغار مـن جيـدك الالمـاس
حـرام تعـذيـب وكفـايـه=حني على الناس ياحلى الناس
والشمس تحضـر بميعـادك=مـن يقـدر يلـوم حسـادك
تغازلـك حتـى المـرايـه=(( .... )ياشمس والنـاس
بيضا وفيها سمـار الحـور=سمرا وفيها بيـاض النـور
مالـه بـدايـه ولا نهـايـه=من مثلك اللي جماله جـور
والكامـل بحـق وجـه الله=ياحلـوتـي كـامـلـه والله
ياللـي لكـل البشـر آيــه=من يشبهـك حلـوة الطلـه



لـحـن بـدو



حنـا ولا مـن قلـت حنـا تحـنـا=كل الكـلام بعطـر تاريـخ الاجـداد
المجـد هـم وهـام فينـا وغـنـا=حتى علينا من على روس الاشهـاد
يا كبـر حـظ الـي نخانـا و ثنـا=نشد له فوق الفخر سـرج وشـداد
ان هلـل التاريـخ غطـرف وطنـا=وان سولفو عنا رجاجيـل واجـواد
وان بان لك شمس ترى ذيـك حنـا=نشرق مدام الظلـم ظلمـا وحسـاد
يا بنت يمـي كـان رمشـك تمنـا=اشق لك ثوب السماء جـود وعنـاد
واشدلـك زمـلً جـفـن المعـنـا=واسري بوجهك لاغشى وجهي سهاد
يـا حلـو قـدك يـوم قـدك تثنـا=محدا تغنى فيك من خـوف الالحـاد
حنـا البـدو يابنـت هـذا لحـنـا=نحبك اكثـر لاغـدى حبـك جهـاد
وحنا البدو يـا بنـت لامـن نخنـا=بناتنـا يثالـث العـيـد الاعـيـاد
وحنا البدو يابنـت وان قلـت حنـا=فاح الكلام بعطـر تاريـخ الاجـداد




أنآ هوآي وبس بنت آلجزيره


يابن الحلال ان طعتني خل الاسراف=واترك جمال الغيد لاهـل البصيـره
الزين موبس في الملامح والاوصاف=الزين روح وعفـه وطيـب سيـره
مانيب من يهـوى سريـا وانصـاف=انـا هـواي وبـس بنـت الجزيـره
بنت الخليج اللي تمـاري بالاعـراف=وحنـا نمـاري باسمهـا كـل ديـره
مالي غرام بقـول وخـا وبالـزاف=اذبحتني عنـد الطرحـه المستديـره
احب قولة ياهـلا وعـل وماخـلاف=من بنت ثوبي بنت الارض النضيـره
اللي تحلاها الظبي حلـو الاطـراف=جمـال فـي عفـه ورقـه وغيـره
واللي بها سحر مهو سحـر عـراف=ياعـل عيـن ماتـراهـا ضـريـره
عطف وحنان وذوق في لين الاعطاف=والى كشفت لثامهـا شفـت أميـره
صعب على اللي بالردي شاف ماعاف=وحلوه على اللـي سنـه الله ضميـره
شمس الى من اشرقت والدجا طـاف=غابت نجومك غصب لو هي كثيـره
السيف مايزهى سوى كـف سيـاف=والخيـل دون حصانهـا مستخيـره
بس أنت دورلك على قـدك لحـاف=وان طعتنـي دور بدلنـا عشـيـره



مريض آللي فقد سلطآن



بشدّ لمشرق الشمس .. وبعلّق فوقها ديوان=أمانه لا وصلتي مغرب الشمس .. انثري قافي
أنا بلسان نجد أرسل .. قصيده شوق .. من ولهان=على زهور النفل ريح الخزامى .. تنّده الغافي
تنهّد بالقصيد طويق .. سالـت دمعـة الصمـان=من أنفاس القصيده .. انصرم طلع النخـل صافي
نختني للقصيد أرضٍ .. من الوادي .. إلـى بابان=ثراها يشربك حـبٍ .. و لا يرواك يا وافي
ألا يا شيخنـا حبك .. عليّ الله مـن الإيمان=ما دام انت الوطن و الدار .. ستر العاري الحافي
غلاك اللي شرب كل الجوارح .. لين صار احسان=غديت من الغلا ملجأ .. لمن حبك معه خافي
لنابك هيبةٍ تفرح صديق .. و تجرح العدوان=و لك منا رجال تعـد .. موتٍ دونك انصافي
تعلمنا المراجـل منك .. لـك بالمرجله ننـدان=و لا نلحق معك .. ما يلحق الإعصار مع سافي
كملت إلا أن عذروبك بشر .. و عن البشر شتـان=تطيح و تمترض .. ليتك مخلد دوم متعافي
سبقني للقصايد فيك .. من روس العرب اخوان=و لي بين الشموس .. سراج .. خوفي كيف ينشافي
و إذا كلٍ سبقني مدح .. اسمح لي بوصف انسـان=حنونٍ في ضلوعه .. قلب طفل .. بحس شفافي
تقل شمسٍ إلى من .. بان بسمـه يرجح الميزان=و كل الخلق عقب الشيخ .. سرج بعضها طافي
ألا يا أميرنـا .. هـنّ بسلامـة حالـك الخلان=فلا قبلـك مريض .. يهني الـزوار و اللافي
سِلِم .. من يوجع اقدامه .. و لا توجعه في ميدان=سلم .. من له دعينا الله .. رد الشيخ يا شافي
سلم .. من نار عينه تمن أهل الدار .. و الجيران=سلم .. من ضحكته تودع مريضٍ ميسٍ شافي
سلم .. من طوّع الشمس الشرود .. و عنها بعنان=تعلـق فـي معارفها .. و يمم راس مشرافي
إلى قالوا مريض قل .. مريض اللي فقـد سلطـان=و إلى قالوا بعيدٍ قـل .. قريب الهـمّ لسنافي
نخيت الشعر .. أوصف وش تحس الناس لكحيلان=و إذا خان الشعر شاعر .. عسى يكون الغلا كافي




إنـت آلـشـفـآ



هلا بك .. هي هلا اللّي قالها الصايـم ليـوم العيـد=هلا بك .. هي هلا اللّـي قالهـا للغيـث هالـوادي
هلا بك .. هي هلا اللّـي قالهـا يعقـوب بالتنهيـد=ليوسف يوم عاد .. وعاد شوفه .. وأنكـف الغـادي
هلا بك .. كثر ما أمّنت خايف .. أو رعبـت مكيـد=هلا بك يـا عـدو همومنـا .. وهـلال الأعيـادي
تصاغرت الهلا .. من كبر قدرك .. و اعذر الترديد=لأنك شامخ مثـل الجبـل .. لـه بالصـدى حـادي
حسدت الشعر .. يوم إنه طليق لك .. و أنا في قيـد=وجبته يوم جاك .. و شفـت فيـه مـرآة حسـادي
مهوب إنت المريض .. إنت الشفا .. يا قريّبٍ و بعيد=وانا أقول المريض اللـي .. فقـد طلّتـك فبـلادي
سلمت إنت .. و سلمنا من سلاماتـك عـن التنكيـد=أهنّيك .. أو أهنّي الناس .. أو نفسي و أنـا البـادي
يابو كل اليتامـى و الضعـوف و معسـر ومريـد=غديت الشمـس وقلـوب الخلايـق زهـر عبّـادي
عليك نخاف منك .. إلى رقدنا و إنـت فـي تسهيـد=تقل من كثر حب الخير .. صرت لنفسـك معـادي
تطلّبك المرض نفسك .. و قلت أبشـر بـلا تحديـد=فـلا والله أرد اللـي طلبنـي .. لـو يـبـي زادي
هذاك إنت الضليل الضافـي الوافـي منـاة الغيـد=هـذاك إنـت الكبيـر المنـور المنثـور بالكـادي
هذاك إنت الأصيل الماجـد الناجـد سليـل الصيـد=هـذاك إنـت الرفيـع المشـرق البـراق والهـادي
هذاك إنت الوفي العـارف الـوارف ربيـع البيـد=هذاك إنت العظيم الشامـخ اللّـي فـوق الأشهـادي
هلا بك .. و القدر بالصدر .. لا عجز القصيد يصيد=قصيدٍ لا درى إنّه فيـك .. سمـى شـارده عـادي



ورثـي إحـرآمي




أنا مابي من الدنيا .. وصول ٍ للعيـون الدعـج=وأظن الصدق يكفي .. لو أموت .. وورثي احرامي
حبيبي جاهل ٍ طاغي .. يحسب إن الجوارح ثلج=وأنا مالي شفاه وفم .. صوتـي ضيّـع احلامـي
إذا حبك ذبحني صد ّ.. كـل ٍ لـه بموتـه نهـج=تشهّـد بالعجـاج البيد .. قبـل تمـوت قدامـي
أنا غصن ٍ .. وأنت اوراق .. والعاذل خريف وعج=و وش عذر الورق والغصن .. لايابس ولاظامي
غديت الشايب اللي عاصب ٍ راس الزمان الحرج=كبير ٍ حز ّم الدنيـا علـى متنـه .. ولا قامـي
شليلي بالعفاف ابيض .. على حالته يومه نسج=تدور الناس والدنيا .. وأموت وورثـي احرامـي



صـديـق آلـطـفـولـه



صديق الطفوله وش جـرى لـك مـع الأيـام=هـي أنصفـت دنيـاك والا أنـت بـك مثلـي
فقدنـا ملامحـنـا مـثـل سـايـر الأنــام=عبـث بنـا جـور الزمـن والزمـن يبـلـي
وقفنـا جميـع وبينـنـا حـاجـز الأعــوام=صعيب ٍ وصولي لك .. ويا صعب لـك وصلـي
وأنا اشوف في وجهك طريـق غشـاه عتـام=وذاك النخـل واشــوف دارك ودار أهـلـي
وسدره .. هي أكرم مـن أهـل بيتهـا اللـوام=وفي وجهك أصحابي .. عصى مدرسي .. وفصلي
وعـود ٍ كبيـر ودايــم ٍ فالـظـلال يـنـام=فـي ذكرياتـي لـه بـعـد ملـمـح وجـلـي
وسـور كتبنـا فيـه ذكـرى عبـث وأوهـام=ولـي فـي عيونـك صـورة زانهـا جهلـي
بثـوب تبلّـل بالمـطـر والـتـراب وشــام=وأنا حب أسيـر الْعَـب وهـي حافيـه رجلـي
أنا وانت طفل وطفـل دايـم رضـى وخصـام=بكانـا سهـل والضحكـه أمـرٍ بعـد سهلـي
دعانـي بوجهـك نــاده ٍ يـنـده الأحــلام=معه رمح مدري هو علي غاضـب .. أو لجلـي
أنا كيـف أباصـل والأمـل خلـف مـو قـدام=كثير الأسـى والسِّهـد يـا مـن فعـل فعلـي



أوعـدكـ


أوعدك=إن كان بعدي يسعدك
الليله أرحل=
من الليله باختار الطريق=من الليله الليل الرفيق
=و أوعدك
ما أعاتب أو ألوم=إلا نفسي
و ما دام في قلبٍ معك=
أوعدك=
حبيبتي يا ليت=ما قولك يا ليت
=و ما قد تمنيت و شكيت
حبيبتي ويلي=لا من غدى جسري
أنا لنسيانك انتي ذكريات=
حبيبتي=ما أصعبه نسيان ذاتي
و إلا أقوم .. أوعدك=
=سريت
عن الليل اللي فـ عيونك=
=عن بلادك سريت
و أوعدك=
=إني أقول إني نسيت
بس أوعديني=
لا زارني طيفك و أنا وحدي=
=إني ما أبكي
و أنك في قلبي تموتي=و أنك على عيوني تفوتي
و ما أعرفك=
=و أوعدك
إني من الليله أموت=
=من يوم أقوم ..
أوعدك=
=أوعدك





حـكـوآ فـيـهـآ




خذَوْ في طاري الحلوه و جابوا=
=مسيكينه
بسيرتها تنابوا=
=و ذي صدق لشفاهي أبد ماهو قريب
بشر يا مصعب ارضاهم=
=و انا ماني حسيب
أنا سايق عليك الله لجل الله يا شامت=
=خلي الشوك من يدّك
و لا تطرف عيوني كحلت بالزين=
=لانام .. انا افداها اذا ودّك
يا هل ترى انتي وين يا بنت الشفاة ..؟=
=انا ادوّر عليك بصورتك
وينك ..؟؟=
=أنا كني لمست رداك و ايدينك
ما شفتك بكلّ الكلام=
=شفتك على سجادتك
كنك تصلين القيام=
=و ليلك سرى بعبادتك
ما اصدقه ..=
=و الهرج ابد ما هو دليل
ما اصدقه ..=
=يعلّ يفداك الذليل
الله يستر خوافيها =
=اللي حكوآ فيها






بـآريـس


واحد خايب .. حظه تعيس=
=سافر تقسيط لـ باريس
كذب على ام العيال=
=رايح ادور عمال
جمع الورث=
=حصاد الحرث
وقبل يسافر ياساده=
=سجل في نادي كالعاده
يسوي برنامج تخسيس=
=قام يدور شنطه تكفي
وكل هدومه قبل يصفي=
=عشره فنايل علاقي
وشورت وشراب ماقيس=
=قالت ام عياله تكفى
خذ لك لبس شوي يدفي=
=قال فـ باله مسكينه
والله قدامي اللي يدفي=
=قام يودعها وقالت له
خذ بالك يانور عيوني=
=وتعوذ دوم من ابليس
قال فـ باله يامسكينه=
=ومن عازمني غيره ..!
ناطرني ابليس فـ باريس=




يـآزمـآن آلـذل
أخر قصائده قبل وفاته رحمه الله


=يا زمان الذل
.. زل ..=
=ما بقى في الناس شيمه
وما بقى للعدل خِل=
=ومن كثر ما حنا صغرنا
صرنا حتى بدون ظِل=
=صرنا ما نملا المحِل
صرنا أمه تحتقرنا=
=كل أرذال الأمم
لاتصدق ياعزيزي=
=بالعروبه والقيم
يا زمان الشيخ بوش=
=يكفي هزأت المبادىء
يكفي أحرجت العروش=
=الكرامه يا طويل العمر ما تكفي النعوش
يا زمان البيت الابيض=
=إنت مالك أمر يرفض
تبغى هذا الدين أطول=
=تبغى هذا الشرع أعرض
إنت إكتب وإحنا نحفظ=
=مو غريب
لو نَحَسْب الخبث طيب=
=ومو غريب
نصرخ ولا من مجيب=
=ومو غريب
لو يكثر أعداد الأرامل=
=فبلاد ما ترضى الهوان
وحكومه ما تعرف تجامل=
=ومو غريب
لو تعتبر حتى عصا الكهل العجوز=
=أسلحه دمار شامل
يا زمن نهب المتاحف=
=جانا جيش الحقد زاحف
جتنا لعلوج الزواحف=
=فتشوا حتى العقول
وأسلحتنا في المصاحف ..!!=
=يا زمن أمريكا شكراً
أنتزعت الأقنعه=
=إنت ازلت الأقنعه
وانكشف وجه النوايا=
=واتجاه الاشرعه
ما نصدقهم خلاص=
=وما بقى من نسمعه
كل ذولا إمعه=
=بس خلك مستريح
الصحيح=
=يوم هب الحقد من واشنطن ولندن
كذب باسم المسيح=
=الكل فضل ينحني
وبغداد اختارت تطيح=
=يا زمان الازمنه خليك شاهد
إحنا مو ناقصنا واحد=
=هو صلاح الدين
احنا ألف مليون واحد=
=هم صلاح الدين
حنا بس بعيب واحد=
=هو .. فساد الدين
يا زمان الذِل=
=حِــل
قلت لك مالك حِل=






اتمنى اكون وفقت في إنجاز ديوان الشاعر طلال الرشيد رحمه الله

واعتذر عن اي قصور

تقديري


 

قديم 03-01-2009   #4


الصورة الرمزية فيصل الجبرين
فيصل الجبرين متصل الآن

بيانات اضافيه [ + ]
 رقم العضوية : 1221
 تاريخ التسجيل :  30 - 11 - 2008
 أخر زيارة : 25-09-2014 (10:42)
 المشاركات : 3,209 [ + ]
 التقييم :  132
 اوسمتي
وسام المركز الثالث وسام مرثية ريف التميز الذهبي المراقب المميز 
لوني المفضل : Cadetblue
افتراضي طلال ست سنين



طلال ست سنين









هذي احد القصايد الي كتبته عن الامير طلال رحمة الله عليه وعلى موتى المسلمين وبعد طلب الاخوان والاخوات هذي احد القصايد تنزل واعذرونا على القصور





طلال ست سنين مــرن بـدونـــــــك


والحزن بقلوب المحبين مســــجون


ماتت معزتنا بنظــــرة عــــــــيونك !!


وصاحت قصايدنا على حر مـــدفون


ابي اعتذر نسكت وهم يقــتلونك ؟؟



وابي انجبر اصبر على ظلم ملعــــــون



ان جيت ابي اكتب ينثني الحرف دونك



تموت المواهب والاوادم يغــــــــــــارون



امير .. شاعر .. عون من قال عونك


كريم .. محبوب .. وشجـــــاع .. وميمون


قصرت يـــــــديهم بالفـعــــــل ياصلونك


وان هم بغوا ننســـــــــــاك والله يبطووون


يالله ان كـــل الـبــشـر يســـــــــألونك


تغفر لابو نواف ياخالــــــــــــق الــــكـــــــون


وتجيب دعــــــوة من لجـــــو يطلبونك


وتفـــــــــرج لقــلـب من الهـــــم محــزون


طـــــــــــلال ست سنين مرن بــدونـك


والكــــون بعدك دون معنى ولا لـــــــــون





فيصل الجبرين


 
 توقيع : فيصل الجبرين



قديم 25-12-2009   #5


الصورة الرمزية الشيخه
الشيخه متصل الآن

بيانات اضافيه [ + ]
 رقم العضوية : 1472
 تاريخ التسجيل :  16 - 05 - 2009
 أخر زيارة : 06-09-2022 (04:34)
 المشاركات : 3,466 [ + ]
 التقييم :  139
 اوسمتي
وسام 
لوني المفضل : Cadetblue
افتراضي شيلة : ♥ღ♥ يا عزوتــي يا بعد حيـي



يا عزوتي يـا بعـد حيـي









اليوم يا بنـت مـن زيـي=الشمس واردت على ضيـي
جيت انتخي بالوجيه البيض=يا عزوتي يـا بعـد حيـي
الجادل اللـي حلاهـا غيـر=ضيعت في شمسهـا فيـي
بعيونهـا سلسبيـل رمـاح=و الموت بالسـود متهيـي
موت و انا اموت انا بالموت=كثيرهـا غـرّق شـويـي
لا قلت تكفين قالـت جـاك=و ان جيتهـا فجـأة تعيـي
و لا قلت مالي و مال الغيد=قالت وهم بينهـم زيـي ؟
و ان قلت انا تبت مالي كار=مقفي زمانيـن عـن غيـي
قالت و هي تلتفت للنـاس=طـلال موتـه علـى يـديي





الشاعر ..طلال الرشيد
رحمه الله








دمتم بوود ,,


 

قديم 20-01-2010   #6


الصورة الرمزية هيام الشمري
هيام الشمري متصل الآن

بيانات اضافيه [ + ]
 رقم العضوية : 1926
 تاريخ التسجيل :  19 - 01 - 2010
 أخر زيارة : 12-10-2010 (12:44)
 المشاركات : 37 [ + ]
 التقييم :  24
لوني المفضل : Cadetblue
افتراضي آ’,. طلال الرشيد آ’,.



مساكم جوري وصباحكم فل
هذي ابيات كتبتها امس لمّا شفت اسم اخوي " أبو طلال " برد
في موضوع لي بمنتدى للقبيله ومن طبيعتي وغصب علي إذا شفت اسم طلال .......
ومنّها مصافحه لنشاما الإبداع





يابو طلال اذكر طلال ويسكن الصوت بوفاه=أذكر طلال اذكر طلال ويمتلي حجري دموع
أبكي عليه أبكي عليه وينحصر صوتي بآه=ذاك الشموخ بداخلي بعده حياتي في رجوع
كان الحياة ومسكها يعطي ويكرم في عطاه=كان الربيع بدنيتي كان الضياء كان السطوع
كان الزهور بفوحها كان النهر .. يروي ظماه=كان الزهور لعابره زهره سكن وسط الضلوع
كان في ذكرى رجاه في بقايا من بقاه=نجم آفل في غيابه .. نجم مايرضى الطلوع
حتى القصيد بغيبته يبكي يزايد في بكاه=حتى الليالي والنهار وصبح مابه من شموع
هذا القدر والله كتب نرضى ونؤمن في قضاه=هذا القدر ياداخلي هذا القدر خلّك قنوع
من جروح الهم نوحي ياعذابي في رجاه=ياعذاب القلب يمّه يمشي لحزنه بطوع
من خلقت بدنيتي والناس من حولي جباه=من خلقت بدنيتي والوصل صاير لي قطوع
سعادتي ماتت بمهده والطفوله في رحاه=والليالي مدلجه والصمت في وصفي يذوع
وأنا طلبت المرتجى أسجد وشفّي في رضاه=أسجد وأنا ادعي ياعظيم ياكريم وياسموع
يافاضة الناس لحسابك واقفينٍ لك حفاه=ترحم حفيد المكرمين تجعل حياته في لموع
في جنّتك ترضى عليه وترحمن وافلح معاه=ياسامعٍ صوت الهيام جاك صوته في خضوع
تمثال روحي من جليد وليت تمثالي فداه=ليت ثمثالي فداه وينصهر حلم ويموع
حتى ابتسامة خاطري بين الشفايا في شفاه= والعمر مايِشفق عليه والموت قارب لـ. الشروع
هذي بحور العابره قامت تلاطم في براه=من يوم لاح اسم الأمير بين الأسامي في دروع
سميت بالله وابتديت والله عليمٍ في خفاه=وذكرت ربّي وانتهيت وصار حلمّي من شموع



ولقلوبكم نرجس


 
 توقيع : هيام الشمري



قديم 04-02-2012   #7


الصورة الرمزية البتول
البتول متصل الآن

بيانات اضافيه [ + ]
 رقم العضوية : 2972
 تاريخ التسجيل :  21 - 10 - 2011
 أخر زيارة : 30-01-2013 (07:19)
 المشاركات : 1,510 [ + ]
 التقييم :  39
 اوسمتي
وسام نجمة الشبكة 
لوني المفضل : Cadetblue
افتراضي ما قلت احبك للشاعر المرحوم {{ طلال الرشيد }}





 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:05


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام