آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 26-07-2008   #1


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي ديوان الشاعر / زاهي





اول مشاركة لي في منتداكم المميز

الليل عدّى ولا ادري كيف قد عـدّا!





الليل عدّى ولا ادري كيف قد عـدّا!=أذكر بديت القصيد وعفـت مرقـادي
طرتلي اللـي بعمـري كلهـا تفـدى=أم الجمايل علي مـن قبـل ميـلادي
ياراكبن شـاص مثـل الحـر لاهـدا=ولا كما ذيبن أمعـط بالدجـا عـادي
يمشي قطوعن مـع النفـدان ماهـدا=معه مراسيل قلبـن حاديـه حـادي
ياصـل لأمـن خيالـه دوم يتبـدى=ولياطرتلي همل دمعي على أخـدادي
أعد انـا أيـام بعـدي عننهـا عـدا=وأعد شوفي لها هو ثالـث أعيـادي
بعدي عنـه ياجماعـة هدنـي هـدا=وأدري بها في بعادي عافت الـزادي
تقول اشوفك ليامـن نومـي امتـدا=وافقدك لاقمت والهج باسمك أنـادي
البعـد يالغاليـة مالـي عنـه بـدا=البعد لوهو صعيبـن عـز وأفـوادي
الـرزق ماياتـي الا راعـي الجـدا=ماهوب للـي بيتـه كبـر وسـادي
صح التغرب مريـرن خـص لامتـدا=لكن حوى التجربة مع عرف الأجوادي
والـود ماينحكـم بالقـرب والبعـدا=شوفي بعادي لكـم ياغايـة مـرادي
اشتاقلك شـوق مايوصـف ولايحـدا=فاق اشتياق الأسيـر لفـك الأقيـادي
فاق اشتيـاق الـذي ينقـاد ويقـدا=للشوف لاجاه عقـب العقـم الأولادي
ليتي بقربك وأحـب الرجـل واليـدا=مادام رجلك تحتهـا جنـة الهـادي
لأهديلك العمر كله لـو غـدا يهـدى=ياأم الجمايل علي من قبـل ميـلادي
الليل عدا ولاأدري كيـف قـد عـدا=أذكر بديت القصيد وعفـت مرقـادي


 

قديم 30-07-2008   #2


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي



دور لنا جنحان / إلى ابو ندا



ياليت لي مثلك جناحين ياطير
لاضاق صدري طرت عن كل مخلوق

انفض جناحيني مع الجو وآطير
وابعد بهمي عن لقا كل مطفوق

يابو ندا لو كنت أبا أخالف السير
دور لنا جنحان لاجيت للسوق

في سوق الأعضاء وهات معها المسامير
ضاقت علي الأرض وأبي السما فوق

وياونةن بين الضلوع المحادير
اشفت على قلبن من الهم مصفوق

داجت ولاجت لين ماعينت خير
وصار الخطر بالروح يالقرم محقوق

من صاحبن خوته تسوى الملايير
خوة عمر ، بالطيب ماصار مسبوق

قرمن ولد قرمن خواله مناعير
أشفق على خوته بالحيل واتوق

ويش أنت ياحاتم وويش أنت يالزير
الله جعل به عن بني آدم فروق

متفرد بتطبيق (سرك غدا ببير)
بس اتضح (ماكل مطرود ملحوق )

أقفت به أيامن تولت مصادير
ويوم اقبلت دونه هطل وابل الموق

أقفى ولا بين لي أدنى معاذير
أقفى وقلبي به عواصيف وبروق

الحال عقبه لاقسم ماهي بخير
والنوم عقبه ماهنا أرمد الموق

والزاد عقبه لو يقلط مزابير
من عقب ابوخالد فلا هانين ذوق

ادري ليا قالوا تراها مقادير
صدمة وقلبي مارضى مننها يفوق

جيتك افضفض وانتسي شين يصير
وألعب معك يابو ندا كل طاروق

أنا من اللي بالمصايب هوامير
وانته رصيدك يمكن يكون مطبوق

أخون صغيرن لك وناولك تقرير
حبره رحيق القلب وأقلامه عروق

حرره في نادي ضمايره تحرير
وأودعه ظرفن بالختم صار مغلوق

يتنى جوابك ياسليل المناعير
عسى يبرد مابكبدي من حروق


 

قديم 23-08-2008   #3


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي



مساكم الله بالخير اجمعين



كم هو شديد على النفس فراق الاحبة


كيف اذا كنت اول من علم بذلك واول من رأى ذلك المنظر لأنه سينضاف اليه هم ابلاغ اهله واحبته بالامر


هذه مرثية بالغالي (طالب اللويش) الله يرحمه كتبت بالمشاركة بيني وبين الشاعر عبدلله طليحان الرمالي


اتمنى ان تحوز على اعجابكم




الحمد للوالي علـى كـل ماصـار = محيي العباد الميتـة مـن حفرهـا
المعتلي بأمره تصاريـف الأقـدار = أرزاق خلقه وحـده اللـي قدرهـا
وخلاف هذا يوم حلو الكرى طـار = وعين ابوصالح زود سهره دمرهـا
وفوق السهر دمع انهمر عقب ماحار = مثل المزون اللي غزيرن مطرهـا
الهـم حـدن أنثرالدمـع مــدرار = وشبت معاليقـي بحامـي سعرهـا
يوم المصايب جت بلاعلم وانـذار = عجـزت مالـي قـدرة اقتـدرهـا
وطعم الحزن ذقته بكاسات الأمرار = ومشكاي للقـادر يسهـل عسرهـا
(طالب) عقب فرقاه ضاقت بي الدار = وأظلم بعيني برهـا مـع بحرهـا
العلم جاء صفعة بلا سابـق إنـذار = مثل السما لاغـاب عنهـا قمرهـا
قالوا توفى مكرم الضيـف والجـار = اللـي خويـه زلّتـه مانشـرهـا
ماشفت مثله في سديديـن الأشـوار = تفـداه قومـن رايهـا ماستـرهـا
وتفداه ناسن مارعت حرمة الجـار = هل الردى والحسد ربـي حقرهـا
وتفداه ناسن ماهوت دوس الأخطار = يهوا الخطر ماقال هبـت لخطرهـا
مرحوم ،كم له من معـزة ومقـدار = اللي نـواة القلـب حبـه حفرهـا
مرحوم يا(طالب) عدد نبت الأشجار = وإعداد خلق الله بـأرض وبحرهـا
رفيق دربي فايقن طيـب الأقطـار = وللدين في صدره ديـارن عمرهـا
يشوم عن درب الرذيلة والأشـرار = من روس قومـن للثريـا نظرهـا
فيك العزم والحزم مع قو وإصـرار = جمعتها وأوصاف مقـدر حصرهـا
يالله طلبتك وأنـت للذنـب غفـار = يامحصين كـل الخطايـا تغفرهـا
جته المنية ضاحك ووجـه أنـوار= وسبابتـه منصـوبـةٍ ماحـدرهـا
تشهد شهادة حق تنجي مـن النـار = مالي إلـهٍ كـود منشـي مطرهـا
يالله طلبتك تجعلـه بيـن الأبـرار = ويسكن بفردوسك ويقطـف ثمرهـا
يالله طلبتك لاتعرضه علـى النـار = وجودك ولطفك كل خلقك غمرهـا
يالله تدله لاغـدا البعـض محتـار = عند السؤال بوسط مظلـم حفرهـا
بشهادته تنجيه من كـل الأخطـار = لاقيل من ربـك؟ يمينـه شهرهـا
ويالله حين الشمس تدنـو للأبشـار = إنك بظلـك تحميـه مـن سعرهـا
حيثه كريم اليد بإسـرار وإجهـار = قسم مكافاته مـع أخـو وسترهـا
قالواولاشيٍ نزل له عـدا أصفـار = أقسـم عليـه وقاسمـه ماجهرهـا
قاسمـه مابيديـه ماعدالأخـسـار = يلقـاه ولوينسـاه ربـي ذكـرهـا
ويالله مع اللي كنها بـدور وأقمـار = اللي صراطـك يالعظيـم تعبرهـا
للجنـة الفيحـا منازيـل الأبـرار = تجعلـه منـهـم يامسيرنهـرهـا
ويالله منزالـه مـع خيارالأبـرار = مع الرسول اللي المكارم حصرهـا
حيث إن خلقه بين الأنـام ماصـار = خلقـه برزمثـل النجـوم وقمرهـا
مثله فقيده خص إليا الزمـن جـار = وفقده مصيبة روح روحي صهرها
والله فلاشافت عيونـي والأبصـار = من قارب لطيبه بـأرض وبحرهـا
يشهد له الله منزل الغيـث مـدرار = ويشهد له اللي له مواقـف سبرهـا
يالله ياغـفـار ياخـيـر غـفـار = ياخالقن خلقك ومخلـف صورهـا
تغفر ل(طالب) كل ماهـل مـدرار = وماهب نسنـاس النسيـم وعبرهـا
وتغفر لنا يامنبـت عقـب الإقفـار = وتحسن ختام اللي حياتـه نذرهـا
في طاعتك يالله بإسـرار وإجهـار = مطيع لك وذنـوب نفسـه حذرهـا
هذا وصلوا عـد ماطايـرن طـار = وإعداد أشجـار الربيـع وزهرهـا
على الرسول المصطفى سيد الأبرار = شفيعنـا لامـن ربـك حشـرهـا.


 

قديم 22-10-2008   #4


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي



مجارات الكبار جميلة لأنها تنمي موهبة الشاعر خصوصا في القوافي المعقدة


هذه نتاج تحدي من احد الاعزاء لسلوك هذا الطاروق فكان ما أمامكم


أتمنى ان تحوز على اعجابكم:


تمشي رجولي دروب وترجع أدراجه





يابوظليل أشوفـه ضاقـت فجاجـه = في غرفة مظلمـه مـادل مخرجهـا
لهيب نـارن بصـدري دوم وهاجـه = يالله أنـا طالبـك ربـي تفرجـهـا
بأسباب ريـم سبـى قلبـي تغناجـه = عمهوجتـن طلتـه روحـي تبنجهـا
محبته فـي فـؤادي فلـن أبراجـه = فارقتهـا والمحاجـر بـان دارجهـا
ودموع عيني كمـا تيمـا وهداجـه = وجروح قلبي عجز عنهـا معالجهـا
أغرق بهمي وأقاسي شـدة أمواجـه = عجست روحي على فرقاه أبرمجهـا
ماله مثيلن من اليابـان ليـن آجـه = ومن البحور البعيـدة ليـن منبجهـا
عن ماسواها فؤادي صـك مزلاجـه = جمارك القلـب غيـره ماتخرجهـا
ماهمن اللي بدربي يضحك حجاجـه = لو بالمساحيق زادت فـوق بهرجهـا
همن حلاة الجمـال وسيـده وتاجـه = محبتـه تعجـز أبياتـي تجسـدهـا
يالله عقـب الفـراق تمـن بمواجـه = ويالله نفوسن كلاهـا الهـم تبهجهـا
تمشي رجولي دروب وترجع أدراجه = ومن زود مابي أعيف الناس واسهجها
دوم المحبـة يلـده نـاس هراجـه = كم عالمن بدلـت أحلـى مناهجهـا
عدا اللتي بيضها يطغى على عاجـه = روحي وروحه عظيم الشان دامجهـا
ياجامع الشمـل يالله عجـل أفراجـه = نبي زلاله عقـب كـدره وهامجهـا
يابو الجنحايـن شلـع يمـه وناجـه = قل طورفت والولـي لابـد يفرجهـا


 

قديم 21-01-2009   #5


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي




منتظر الزيدي وبوش



صبحكم الله بالخير

ولو ان وضعه هنا متأخر


لكن مثلكم يعذر


اسمحولي يالإدارة واسمحوا يامشرفينا = مابصدري كل شاعر منيتي لو له يسطر
(منتظر) سويت شيِّن عاجزة عنه يدينا = كم حكومة ماتجاسر في فعولك ماتفكر
انتبه يابوش حنا لو ملكتوا كل شينا = مانذل ألا بتبقى عزةٍ تكبر وتكبر
يإلهي يامجيب للدعا شل اليمينا = من خبيثٍ كللبٍ أصبح مع مرور الوقت يزئر
وشاعرٍ ماأثار ماينقل لجاشه والكنينا = وش يبي بالشعر قله عقبها لا عاد يشعر
ياعل يمنا منتظر للسلامه = وياعل يمنى المالكي للصواديف
إما شلل ولا لا أسد بإلتهامه = ومن فاتته نعله عسى راسه السيف


 

قديم 27-01-2009   #6


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي




ياسيادات المباحث



يسألون عن الحكم والحاكمية = مخبثين مالهم بالخير نية
يسألوني ناويينن ينكبوني = وأدري إني في نطاق الجاذبية
قلت أنا اللي دان في قوله ضميري = هالحكم بين الدول مافيه زيه
كود حاجة أتمنى وأتمنى = لو ملكنا حكمه بين البرية
من سرق تقطع على السرقة يمينه = كود سراق القلوب العاطفية
شفت أنا اللي رمشها غطى وجنها = عينها عين المها مابه مرية
سلهمت خجلا وأنا في سلهمتها = ضاع عقلي بالسحر والجاذبية
لو تشوف اللون الأبيض في ذهوله = حين شافه قال مابالكون زيه
لاتغطت ماتغطيها الغطاوي = لو تصف من الغطاوي فوق ميه
قدها الفتان هو سبة جروحي = زينها ينقد على زين البرية
شلت القلب المعنى من ضلوعي = شلته وأقفت وأنا حالي رزية
واغزارة دمع عيني في فراقه = عنده الرمة سواقي ثانوية
سارقه والحد ماطبق عليها = يالمحاكم اجمعونا في قضية
طالب يدها ولا ناوي تنازل = دون قطع ، قطعها والله خطية
ماسوى هذا سوى سمعا وطاعة = مخلص للدين ثم الوطنية
ياسيادات المباحث اسمحولي = كم بلووس مبتلي للمال مية
قلتها عن تجربة والله سلم = ليتني ماجيت أنا رفحا البهية.


 

قديم 27-03-2009   #7


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي ((تكفى لاتعدينا ترى الشر عدوى )) و (( لو عشت في باريس لاجله تبدوا ))




((تكفى لاتعدينا ترى الشر عدوى )) و (( لو عشت في باريس لاجله تبدوا ))




بسم الله







اخوي قصير الخليوي





الله من جور الليالي والإحباط = وحظ(ن) ليامني بغيته تحدوى
ياخوي ماهي ضربة عتاب وسياط = ضربة سيوف ودبك خيل(ن) وعدوى
الهم مفرط في حشا خيك إفراط = حتى يجر الصوت بالصوت حدوى
من غافل(ن) للجمر والنار ملقاط = ياما نصحته بس من غير جدوى
أقول له: لك خط وحدود ونقاط = تكفى لاتعدينا ترى الشر عدوى
الحلم راس الصبر للحالم بساط = يهدى من الله للصبورين هدوى
ياصبر قلب قصير ياثاني شباط = بك طلت القمرا وعزف(ن) وشدوى
عليه تفكيري خذا أشواط وأشواط = أحرق بصدري وأثلج الصدر وأدوى
وعليه قلبي عن هوى النفس ماأحتاط = ماشفت مثله بين حضر(ن) وبدوى
تغيرت في داخلي كل الأنماط = قلبي وروحي لأريش العين فدوى
يهديني الأشواق بحروف ونقاط = وإهديه شعر يشرح الصدر هدوى





وهذا رد زاهي الخليوي



حيالله الله ((المعجز)) على كل الأنماط = سمعت صوته بالشمال يتحدوى
وأرسلت له مرسال بالقاع ماياط = بلمح البصر أقفى وجان يتهدوى
مرسالنا ماعاقته طلعة الغاط = يمرها كالبرق والرعد لا أدوى
الحب ماينفع ولو منه تحتاط = وغصب عليك الروح ترهنه فدوى
وهجر الغوالي كنه مقادح اشواط = وبسبته كم للمنية وردوا
وانا ليا حبيت حبيت بافراط = لو عشت في باريس لاجله تبدوا
واقرد من مثلي حياته تخباط = قلبه مع الأحباب أهداه هدوى
غديت انا بالحب للزين مزقاط = أسهر ليامن الخلايق رقدوا
روحي وروحه حطهن وسط خلاط = يامحاول التفريق مافيه جدوى
لو جاء ((الربيعة)) منّه يصيبه إحباط = وفي عجزه الطاقم جميعه شهدوا
وجرح الهوى لو حاوله ألف خياط = عجزوا ولو للطب كله جردوا
لاتشتكي همي بلغ ألف أبو واط =وللعشق بالعالم قليل حمدوا


 

قديم 02-04-2009   #8


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي اوراق مبعثرة




اوراق مبعثرة


مساكم الله بالخير


ياسعد وش حيلة القلب المعنى = من هواها يالغلا والله تعنى
بعدها ياصاحبي فتق جروحه = الشقا والحزن في فرقاه غنا
أظلمت دنياي ياسيد الحبايب = أظلمت دنياي يوم أقفيت عنا
كيف أوصف شوقكم يانور عيني = الجبل لو فيه مابي كان حنا
ما أذوق النوم ودموعي تذارف = ما أذوق الزاد حالي تقل شنا
ياعسانا عقب فرقانا نتلاقى = هذي المنيا ليا قالوا تمنى



البارحة ماهي من البارحاتي = أنا أشهد إنه في حياتي غدت غير
يامشتت جمعي وجامع شتاتي = فرقاك شر ووصلكم غاية الخير
دكتور لو تشرح لما الليل ياتي = أنا مع اللي خدر القلب تخدير
اللي حرم عيني لذايذ مباتي = لاجله دموعي فوق خدي محادير
اللي يجيني بالسنة والسباتي = وصرت أتنيوم عل مسيارها يصير
دكتور لو صدت تحروا وفاتي = وما أظن يشفيني جميع التخاتير
دكتور لحظة شف خفوقي فتاتي = روفوا باللي عمره تحوطه مخاطير
دكتور لاتنصح ترا النصح فاتي = مايفيد نصح عقب ضرب البواتير



ألا ليت لي جنحان ياغاليي ياليت = أبا أطير لاضاقت بي الأرض واتركها
وإلى اشتقتلك ماأركب تكاسي ولاوانيت = إلى اشتقتلك بس الجناحين أحركها
ورب الخلايق بالملا ماحدن حبيت = سوى من ركاب الحب له غصب أبركها
خشيف فؤادي فتته بالغلا تفتيت = بسهم الهوى صابه بداجي معاركها
سبى العقل وفي غيره منه صابني تشتيت = غدا اسمه على لساني والآنام تاركها
خياله يجيني كل مانمت أو سجيت = ولامن بغيت أنسى تعيي جماركها
ذبحني غلاك وأنت مقبل ولا صديت = أجل كيف لو صديت دنياي أترركها
أنا لو فقدتك يوم ورب الملا ما أبيت = أجل في زعلك أهل المقابر بأشاركها


 

قديم 25-04-2009   #9


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي مساجلة مع الرآوي >> غزل



اقول :





يابو فهد فزعتك من قبل أولي = وش حيلة اللي له وليف يتغلا
اللي جمع زينن وعقلن ودلي = وفي خافقي فوق الخلايق تعلا
عداد حبه واصلن فوق فللي = وعن ماعداه القلب صد وتخلا
تصدق إني حين أوكبر وأصلي = صورة وليفي قدم عيني تجلا
فواز عفت الروح مما حصللي = لامن طرا بالدمع عيني تملا
فواز عفت النوم لفراق خلي = وأحس غلغلني ثمانين غلا
فواز حالي سله البعد سلي = عزي لعيني كان عني تولى
أقفى ولد الشوف لي في محلي = وهل الدموع وقال بألفين حلا
يابوفهد بالحب مثلي مقلي = ولا إنت خبرة دون درسن وملا
ياصاحبي لاتتركن دون حلي = عجل علي قلبي تقل وسط ملا.






رد ابو فهد :





ياللي رقيت النايف المستقلي = محدن لقى في عالي الظلع حلا
وش جاك يازاهي مع الريم قل لي = مثلك على نار الهوى مايخلا
ابشر تراني جيت يالقرم كلي = ولااقول للي يبي الافزاع كلا
افطن وحاسب خطوتك لا تزلي = كم واحد في زلة الساق ولى
واحذر قبال صويحبك لاتذلي = ان شاف جرحك قام فيك يتسلا
قبلك تراني ذقت نيران خلي = وطاح الخفوق برمشها واستشلا
اللي غرامه تل الاظلاع تلي = عين اشقرن فوق الحباري تعلا
وناديت لاجله ليت شمر هلٍ لي = تطلع خفوقٍ في قليبه تدلا
وقاسيت قيظي عقب نسناس ظلي = ولاساح فكري عقبها واسفهلا
اسهر ولااحدن من ربوعي فطن لي = رجلٍ الياشاف المفازيع هلا



 

قديم 23-06-2009   #10


الصورة الرمزية زاهي
زاهي متصل الآن

بيانات اضافيه [ + ]
 رقم العضوية : 1083
 تاريخ التسجيل :  19 - 07 - 2008
 أخر زيارة : 21-11-2010 (02:21)
 المشاركات : 367 [ + ]
 التقييم :  60
لوني المفضل : Cadetblue
افتراضي الليالي مضرسه



الهموم الله يلعن مترسه = ما أنقذت قلب همومه تفرسه
قلبي اللي لاعبن فيه الهوى = والمباعد ياقساه وما أشرسه
يوم حشت الخل دونه وقفت = لعنبوها وأبو أبوها ما أنجسه
مدت بدرب المواصل رجلها = هالمصيبة كم لسان تخرسه
إن نطق ينطق بها راع الثنا = من بهم رب الملا الطيب غرسه
مانطحها ألا زحازيح الرجال = ذيب للفزعات عمره كرسه
مايتفرج يفرجه لاستحكمت = بالصخا والجود كنه مدرسه
الصبر ياقلب لاتشكي عنا = لو تشوف إن الليالي مضرسه
مالك إلا الصبر ربك يفرجه = لو تشوف الكبد همه يمرسه


 
 توقيع : زاهي





شــــــ ألـــ 1000 ـــف ــــــكـــــــ لمبــــ أبو متعب ــــدعـنـا ـــــر


 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:39


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام