ديوان الشاعر / سليمان بن جبيل

دن الرعد بالبشاير وانهمر نوه --- ديمومةً بالسما ترسل صواعقها
مشاركة ابنا وطننا وجنوده البواسل واجبه بكل مانملك واقلها ولو بمشاعرنا
وللمعلوميه اسم عوده الوارد بالقصيده هو ابن عمنا العميد عوده البلوي
مديرقطاع حرس الحدود الشماليه المستشهد قبل فتره قريبه

عاصفة الحزم

	دن الرعد بالبشاير وانهمر نوّه=ديمومةً بالسما ترسل صواعقها النصر رفّت بروقه وانفلق ضوه=جت له حراراً معكفةً سوابقها ياخادم الفرس ليلك بأوله توه=ينبيك ليل العشا عن شق شافقها قوه ولاحول بيديكم ولاقوه=واللّه من ليلةً تكشف حقايقها نوّه عن العلم لخمينيكم نوّه=وقل له سماكم غرب صبحه لمشرقها فينا الشجاعه أجبلة طبع وضروه=نسرف بها عند لازمها وننفقها وطية شدوق الرخيص نشوفها مروه=وكسرة سهم شوكة الحوثي نحققها لك نفتل خيوط برق الوقت مع حوّه=وربطة كتافك بعون الله نوثقها والا انت بايع وطن واسلامك مشوّه=واسمك تصنع وجنسيتك سارقها واليوم حيلك وحيل الرافضي سوّه=وخادم هل العمه السودا يرافقها عينت عوده ومن راحو معه خوه=اليوم خذ ضربة الثار وتذوقها احرارنا كل حراً لاعتلا جوه=مخالبه تدمي الضربه وتشلقها

سليمان ابن جبيل الميهوبي البلوي

بقبن --إلى احد ابناء عمي
من الارشيف

بقبن

	الجروح العميقه وين ابا القى دواها=لو لقينا المداوي مالقينا الخبير شحنةً بالصدور ان جاوزت منتهاها=مالها غير اهلها وانت رجلاً فكير جت تخطاء على دقات بقبن خطاها=في نحرها عقود وثوبها من حرير كنها زين معسول الشفايا حلاها=ليلةً والغنج يعرض بيقضة حذير جتك مثل الاصيل ان جاوبت من نخاها=لي عليك الرجال ولك علي المغير مثل هاك الشجاع بساحةً واحتماها=مامعه غير رمح وحد سيفاً شطير مزنةً غيمت وعمومست في سماها=وامطرت علم طيّب وانت جالك مطير جت تنشّد تبي ناصر وناصر دعاها=يجعل الله صباحه خير وامره يسير ان نصيته علوم الطيبات احتواها=والشكاله لها درباً بسيطاً عسير الشكاله عسيره والردي ماقواها=والكبود العطاشى وردها ورد غير يوم ترد العطاشا سبحةً في اقداها=ماتفرق رتوع الا نهار الصدير لاتلوم العطاشا مستخفه اخطاها=حدها لاهب البيدى تسعّر سعير طقت الجال الاقصى بس تومي ذراها=ليت من له بعير يقول ليه بعير جازت النفس شوفة عينك اللي تراها=ادري ان الزمان يدير وازريت ادير شافت العين ماعافت وقرب عماها=واعذاب النظير ان كف شوف النظير بندقاً ثور الله ملحها في خباها=حرها من سعير وبردها زمهرير و الله اللي خلق نفس الفتى واحتماها=عن مماته قبل يدني نهار المصير ورزق الانفس منه فقريها واغنياها=مصدر الرزق فاس ومصدر الرزق غير رحّبت فيك نواره جذبني شذاها=في شعيباً كساه الله بلوناً نظير ودقت اجراس بقبن واعلنت في سماها=سالفه وانتهت واللي جهل يستخير

(ابويوسف)
مع خالص محبتي لكم جميعً

بروق الاصايل

	الـصـدر يابـنـت الـعـرب فـيـه مـافـيـه=تكفـيـن مابـاقـي بـصـدري مسـاحـه يرعـد شمالـه نـو عشـق ومشـاريـه=ويسري علـى بـرق الغـرام وضياحـه والصـبـر بضـلـوع الـهـقـاوي نحـرتـيـه=ليـن ارتفـع للسـان صمـتـي منـاحـه طرقـتـي ابــواب الـغــلا مـابـهـا لـيــه=ومديت لك بكفـوف ماهـي شحاحـه تـعـال ابــا انــوّه عــن الـوضـع تنـويـه=واشـرح كمامرشـد دلـيـل السيـاحـه عـن خنجـر الخـدرات لـو قـلـت لبـيـه=وسـمـار لـيـلاً صـافـي الـبـدر زاحـــه غـرواً تمـكـن بالخـفـوق ولـعـب فـيـه=واستوطـن بـجـال الـغـلا واستبـاحـه ان اقبلـت ريـمـاً جـفـل مــن مفالـيـه=مـتــذيــراً تــقـــول مــاهـــو بــراحـــه عـنـقـه وغـــرة منكـبـيـنـه وعـيـنـيـه=وخـصـره وتـفـزيـز الـغــزال وصـبـاحـه مثله)وفرق الوصف في حجلة ايديـه=ورعـــيّ النبات)وبـالـنـوازي مــراحــه والا ان هـذا الريـم مـن بـاب تشبـيـه=واكـبـر دلايــل خـاطــري وانـشـراحـه عـلـيــه قـلـبــي مـومـيــاةً عــراويــه=اومـــاي صــقــاراً بــريــش الّـلـواحــه اقفا كما المهره على الكسب تنحيه=مهـرة شجـاعـاً راس مـالـه سـلاحـه وتمـت وانـا لـي مطلبـاً باقـي ارجيـه=يـبــرد معـاطـيـش الـفــواد بـقـراحــه

-
-
مع خالص محبتي للجميع

مدخل

لبيه ياسليمان يابن المواهيب=لبيه ياساس الفخر والكرامه
لبيه تبشر في جواب المطاليب=بيوت شعراً منزلتها الزعامه

يالايـمـي قـبـل لاتـجـرح عـلــى فـكــره=مايـوجـع الـجـرح غـيـر الـلــي يعـانـونـه
ادري ملامـك علـى النيـه ومـن فـطـره=مـاودك الـحـزن يقتلـنـي عـلـى هـونـه
لكـن المـلامـه لــروح المبتـلـي جـمـره=تحرق ضميـره وهـو محـروق مـن دونـه
اسكـت وخـل الحـزيـن يـصـارع العـبـره=لـعــل دمـــع الـعـيـون يــفــرغ غـبـونــه
مـاتـدري انــي يتـيـم امــال منـكـسـره=وانـي علـى نـار وسـط الصـدر مركـونـه
مقتول نصفي ونصف يعيش في سكره=واحلامي اللي رسمـت العـام مدفونـه
والصـبـر مـالـي علـيـه بحالـتـي قـــدره=مالـي جـدى غيـر دمعـي يـوم يطرونـه
وش حيلـتـي بالـقـدر لاحـدنـي بـامــره=بينـي وبيـن الحبيـب وضحكـة سنـونـه
ماظنتـي يستريـح القلـب مــن هـجـره=ويطـيـب جــرح الـفـراق وتـبـرد طعـونـه
يـاكـود مـوتـي يـوردنــي عـلــى قـبــره=واموت وانساه وانسى الحب وشطونه
اللـي ليـا جـيـت ابـسـلا مـرنـي ذكــره=وشتالنـي مـن سمـاي لعـالـم عيـونـه
الجـادل اللـي خـذا قلبـي علـى كـبـره=واحـتـل نـبـض الـوريـد وصــار مجـنـونـه

مخرج

ياهاجسي ماعاد فيها مجانيب=والعذر مايقبل ويقبل صيامه
مدام لك في ساحة الشعر ترتيب=مال للعذر بغياب صوتك علامه

الشاعر ناصر
*



وجهة نظري في احد ردودي على قصيده للاخ ناصر فرد على وجهة
نظري بقصيده واعتبرني الومه

وهذا ردي على الاخ الشاعر ناصر صالح البلوي


مدخل

*

حييت ياناصر زبون المواجيب=يانسل من يثنون دون الجهامه
عينيك واكتبها بدم اسحم الذيب=بالمال وسلوم الجدود ونظامه

*


*

اصـدورنـا مــن عـثـاث الـوقـت منفـطـره=وافكـارنـا مــن غـثـا الايـــام مشـطـونـه
ولانـي عـلـى الـلـوم لامجـبـر ولامـكـره=تـهـمـة بـريــاً بـقـصـة جــــرم مـقـرونــه
مـن جـور الايـام اخـذت الـدرس والعبـره=مضغـنـي الـوقـت فــي فكـيـن مغبـونـه
حافـي قـدم واستلـذ لشوكـة الـسـدره=خـوفـاً مــن الــداب وانـيـابـه ومـخـزونـه
تضيـق وتصيـر مخـرج سلـك خـرت ابـره=ودمعـة عيونـي عزيـزة قــوم مسجـونـه
لـوكـان يقـضـي لـزومـي كـــان نعـتـبـره=دمعـاً قضـى لازمــاً مقـصـور مــن دونــه
ماهو علـى ايـا سبـب وتجيـك منحـدره=الا مـخـافـة عـظـيـمـاً مـعـتـلـي كــونــه
والـلـوم قـاصـر اخـطـاه وبـاعـه وشـبــره=لـو كنـت جـايـع وطلـعـه مــال عرجـونـه
ارسـلـت وجـهـة نـظـر والـيـوم معـتـذره=خاطـرك يسـوى القصيـد وجــرّة لحـونـه
؟عطنـي يمينـك وخــذ للسالـفـه دبــره=واطباب الاوجاع حسب العرف مسحونه
نضـرب عـلـى روس قـومـاً مابـهـا كـبـره=ومـن روس الامـوال قـومـاً مايحسبـونـه
ونصبر علـى جورهـا لوهـو كمـا الصبـره=وعـهـداً عـلـي الـوفـا لايـمـكـن اخـونــه

*

*

مخرج

ما للحمول الا حدى شلخ النيب=يبرك على زوره ومجمع عظامه
جاه اووجاه وراس مال ومكاسيب=عندي وكلاً واجبه بلتزامه

مع التقدير للجميع


سليمان الجبيل البلوي

قد يجامل الشاعر رجل لقربه او لمعزته او من باب المصلحه
ولكن ليس اجمل من البعد عن المداهنه والمحاباه وتلمّس الحقيقه
فعندما تضع الرجل في مكانته ؟ستبقى كلمتك في مكانتها
كذلك هو ابو سلطان لن اخشى ما اقوله بمديحه بل اخشى ان انتقص من مكانته
كتبت ولكن لم اوفيه مايستحقه

اهداء لرجل فاضل/الشاعرمحمد سالم التلفيه البلوي

	شهـادتـي لـــو تـنـجـرح بالتلـفـيـه الله مـويــق=وش بينـت هــدف الضـلـوع ووش وراهــا ودًرت ميزت بك وإلى انت كبر طويق واكبر من طويق=في عيني اللـي ميـزت حجـم المقـام وقـدرت في ماحتويت من الفضايل والفضايل بك تليـق=لـيـت العـبـاد بـمـادرت تـشـرح لقـومـاً مــادرت انت الصديق اللي إلى قل الوفاء تبقى صديق=وانت الضميـر بليلـةً صـدق الضمايـر بـه سـرت ايــوالله انــك عــز ضـيـف وعــز جــار وللـرفـيـق=وصـفــة عـلاجــاً مـاتـبـاع وتـجــرةً مـاخـسًـرت والفزعه اللي في وعدها فيك والمصـدر وثيـق=ان طولـت يمـنـا البخـيـل ابمـدهـا وان قـصـرت تشهد على علمي دلالاً يبهجـن المستضيـق=والمدهل اللـي كـم بـه الاجـواد تمـت واقتـرت طـول الزمـان صحونكـم تنـدى ويغشاهـا بريـق=مــن ماتـجـود ايمانـكـم نـــار الـمـواقـد كـتًــرت وانـت الخـوي اللـي إلـى قالـو تخـيـر للطـريـق=رجــلاً إلــى وردت ركــاب الـلـوم ورده صـــدرت كلمـة وفـأ بضلوعنـا تمـرح لـهـا وقــت وتفـيـق=والـيــوم جـــا ميـعـادهـا ياطيـبـهـا لـــو بـــدًرت اقـولـهـا دام الـزفـيـر يـــرد لـلـصـدر الـشـهـيـق=قبـل السنيـن تغشنـا لـن سنـدت وان حــدًرت

تقديري للجميع

بسم الله الرحمن الرحيم
تبوك الوردوالمساحات الخضراء

تشرفت بدعوه من مركز الامير فهد بن سلطان الحضاري بتبوك
للمشاركه بفعاليات العيد وتمت المشاركه

تبوك الورد

	تمـم الله باالصيام البهجـه الروحيه=في ختام الختمه اللي ربنا عظمها ساجـديـن وعـابدين الله وندرى السـيه=ننبذ نفوس الطغاه إلى طغا ظالمها بعدهـاهـاض القـصيدوجت كماالمنقيه=وكل حمرا) ني كيتها على ميسمها وانتـقيـت مفيـحه بعـيـونها ماريه=عابره والرايه الخضرأ على مقدمها رفرفي بأعلى سما ياالرايه المحميه=ياالله انك من جمال العيد لاتحرمها اكحلي رمش المفاخر يااجمل سـعوديه=دام سلمان المبجل ماسكاً معصمها بايعت جـزل الفعايل في نهار الهيه=قال ياعشقة فهد ياعلني ماعدمها افخري به وانتخي به ياتبوك الحـيه=وارتسم ضحكة محياهاعلى مبسمها صـافحـت كـف الامير وقالت العيـديه=والتفت لمخططات بخاطره راسمها ساق من هـداج تيما واوجـهت غـربيه=لين لبّس فكرته على البحر خاتمها بعد صـارت مـزهـريةوردة الجـوريه=ثم لقبها تبوك الورد من حشّمها واكتمـل بالمترفه دل الجمال وغـيه=تستفز قلوب عشاق الوفأ بقيمها تحـفةًتحـت السما فوق الثرى مبنـيه=إعتنا بالمنجزات اميرها واكرمها والرجال اللي لهم بصـمة وفا مرئيه=مثل كف ابو عمر جعل الله يسلمها المساحات الخـضر والبنيه التحتـيه=هندسة فكره بساحات العمل ترجمها فـتـنةً للـعابرين وسـلوة الطـرقيه=تاجد السياح فيها كل مايلزمها والرساله؟ دلة امـير البلد مـجـذيه=فهدابن سلطان ابن عبدالعزيزالزمها للــبواسـل جـيـشـنا جـويه وبـريه=والبوارج بالبحور ودولةً ماعظمها صيـحـة الجاره لـها فزعاتنا فوريه=مانخلي ملح دمعتها يذوقه فمها حاكماً مايقصـرسـلاحه زروفه حـيه=انتهض والله وكبر لانتهض واضرمها علـمو ذاك الـجريح اللي بـرنّ كويه=ان من عالج جروحه جا لها يلطمها الوفأ بـسـلومنا له بالمـقابل زيه=والمراوغ لاعقدنا عقدته نحكمها

تحياتي لكم وكل الورد

أزف لكم جديدي
حبينا نغير شوي من الوضع الروتيني والرسمي ونعود
لآحد اغراض الشعر ونجدد في نفوسنا اغصانها كي لاتجف

ارقاب عطشايه تلافت على ماه

	مشـيـت وضـلـوع الـولـه ماتنـاهـن=وارقاب عطشايه تلافت علـى مـاه صـفـوة جمـامـه للعـطـايـا تـراهــن=وانا الصبـر ماقـواه والـدرب مضمـاه اعطيـتـه اجـمـل نــدري واغـلاهـن=واخذت هرجه باحها لي من حماه لـو حـط بوشـاح المعالـيـق داهــن=مايثنـي عزومـي عـن دروب لامـاه ياسيدتـهـن بالـجـمـال ان تـبـاهـن=كـلآ تبـي تكسـب رهـان المباهـاه جمعهـن الله ليـل فـرحـة حـداهـن=غنجن يحدن المشقا علـى اقصـاه استعرضـن وابـدن خفـايـا حـلاهـن=ماجمـل مزاياهـن وماجمـل مزايـاه زيـنـات) لـكــن يـعـلـم الله مـاهــن=فـي قـدر مايشبـع عيونـي بحليـاه قلت الغلا قالـت كسبـت المراهـن=انــه عـلـى جـالـك مـنـوخ مطـايـاه لكن ضلوعـك وش لنـا مـن ولاهـن=قلـت المـزن كلـه وبـرقـه وسقـيـاه واقفيت وضلوعي على مثل ماهن=وارقاب عطشايه تلافت علـى مـاه

مع تقديري ومحبتي للجميع

في اسعد المناسبات واجملها ليلة الجمعه الماضيه
زواج الاخ ابراهيم سالم الميهوبي شقيق اخي وابن عمي وصديق العمر الشاعر المعروف
محمد سالم الميهوبي عشرة عمر شارفت على عقدها الثالث لا اذكر تخللها شي من الشوائب
*
*
*

جنيه صافي

	هاجسي دام الصحيح جنيه والسلعه ثمينه=ان حكيت جنيه صافي وان سكتت جنيه صافي والله انك ماتساوي شي ربعي محترينه=كان ماجملتني والشعر لي والقاف قافي هزني وابحث خفايه لارحم صدر الغبينه=مايجود العود الازرق كان جمر العود طافي وانت تدري لو فجر صدر البحر خشم السفينه=البحر ماينتقص واللول والمرجان خافي انتهض ياهاجسي وافتح لي ابواب الخزينه=والجنيه اللي بلا دنه) على الفقري عوافي بعدها بفراش ربعاً كل فخراً مدركينه=وافياً مكيالهم واخذ الخبر من راس وافي في محل عيال عمي ساس حامين الضعينه=تاج راس المرجله لاقفو مدورت العوافي مرحبا رحبة وفا تضفي جوانبها السكينه=تلتحف قدر الرجال وتفترش طيب الملافي مرحبا ترحيبة الانصار في فتح المدينه=كل رجلاً له على مركا الكرم قدراً يشافي ب اسم سالم جعل رب الكون يمهل في سنينه=مدهلاً ماصك بيبان الزياره والمضافي معتبي للكيف بن وللصحن جزله سمينه=والحجاج اللي يرحب وان لفأ للبيت لافي والمراجل ورث ابوه من الجدود مورثينه=دافعاً عربونها في حد مصقول الرهافي والله انه مانخاني للمديح وجيت اعينه=والمديح اليا قصر عن لحيته عبرود هافي كل حر بوكرته والسبع يبقى في عرينه=والعرب ماغرها بالمقبلات وبالمقافي ماكره ماطيّر الباشك مخسر ناقلينه=كود ندّر منهن الجزلات يشكن الخلافي هم سيوفه ياالله انك عز بسيوفه يمينه=اذكر الله واذكروه من السيوف اليا الشلافي باقيه دنّة نجر لبو سعد بيني وبينه=الوفا ثم الوفا ثم الوفا بيّن وخافي عشرةً في عقدها الثالث حساب موكدينه=دهن مسك ودهن عود وسلسبيل الري صافي فاسرن للطيّبه يمناه وانتم خابرينه=وانتم شهودي نهار يصير بالوضع اختلافي

محبتي للجميع

!

!

!

	ردة فعل لتنصيب الشيخ دغيمان ابن منصور الميهوبي البلوي شيخاً لربعه عشيرة العبيد من المواهيب من بلي ليحل محل والده غفر الله له *وابو منصور رجل كفو وجمل ان برك شال وان قال طال ومحبوب بين ربعه الموالين والبعيدين من فرحةً بين الضلوع المحاديب=نوادراً هاضت وجتكم عوابر لعيون من للراي مثل الخطاطيب=وتوافقت روس الوفا والاكابر راي التوافق يشرح الصدر ومصيب=ياطيبها من روس عرف ومخابر الراي شورى صح عداكم العيب=راياً سديد وسطري يامحابر نصبتو اللي يستحق المناصيب=وانتم حزامه لا احتمن الصوابر نصبتو دغيمان قبل المكاتيب=حفيد جد ان صار للشبر شابر يستاهل الشيخه زبون المواجيب=راعي شداد جدود عن ساس كابر امجادهم يضلع بها مهرفل الذيب=الحي واللي في بطون المقابر شيخة هل الشيخه على منهج الطيب=ماهي مثل شيخة على ما انت خابر انتم مقعدت الرعو يامواهيب=اخوان بشرى لاعطا الليل دابر شيخة شداد وللهجافا معازيب=وعبيكم قبل البذخ والتكابر نطاحة القالات ستر الرعابيب=مزبن لمن ضاقت عليه المعابر فيكم يطيع المدح ويجود ويطيب=ويعانق فحول الشعر باالمنابر والمدح مايصرف كذيا من الجيب=البل لها سابر وللعلم سابر

	الى الشاعر الكبير/ أبو يوسف بسم الله الرحمن الرحيم الوسم يـــابن جبيل لاحــت بروقــه=والهاجس الغربي مع البــرق لانــاض يلومنــي شخصـــاً قريبـه عـموقــه=اللي هواه الــنوم والــثوب فضـــفاض اللي على المنسف يمينـه سبــوقــه=ولا فيه من وصف الرجاجيل ملحـاض عجّل لنـا التعبيـــر نفسي شفوقــه=وانتــــه حكيــم الــراي فتّــال نقّــاض الشعر بالــجزلات تـــنــزل لــسوقه=من فيض عِداً مثل هدّاج مـا غـــاض طرّف نهار الصيف يصعب الحوقه=وأنـا أتخيــل صــــورة الـبر وفــياض الوقت ضيــق والامـــال مخـــنوقــه=مــن جيهتــين ولا بهــا عـنه مركــاض

رد
على قصيدة الشاعر صويلح العبيلي البلوي
مع التقدير لبو فواز الشاعر الكبير صويلح صالح العبيلي

ختماً عليه الناس ترضى وتغتاض

	العلم ياصويلح جذبني صدوقه=من راس راع المعرفه جزل الالفاض ينظم قصيد محكماتن طروقه=ماطب في سوق الرخيصه ولاخاض عليه ختمك يالعبيلي وفوقه=ختماً عليه الناس ترضى وتغتاض نقضّت جرحاً مرمساتاً فتوقه=وهيضت صدراً له زمانين ماهاض كبدي على قضيت غرضك امحروقه=ونحايف ضلوعي صليبات وغلاض ساق الشقا جتك العزايم تسوقه=لو قلت ريّض عن مساريه ماراض سحابة المنشا نظيري تشوقه=لا ارخت سمار الما يما سيلها فاض والبدو كلاً ساق للريف نوقه=تمسي لها بفياض وتصابح فياض وان كان لك في بعض الاوضاع توقه=نمر طرقيه وتاخذ لك الحاض مالك بطيراً ماتسرك عموقه=ماباض غير الديك والحر ماباض الحر قبل الوقت يقصر سبوقه=يهوم للزرقا عن احباط الامراض ومن حاف فنجال المهيل يذوقه=من خوف هرجة راعي طوال وعراض

مع تقديري وكل الود للجميع