قصيدة للشاعر/ حبيب ظاهر الحسيني

صباحـ/مساء الخير ،
كيف حالكم الجميع ،،
هذي قصيدة للوالد/ حبيب ظاهر الحسيني - أطال الله بعمره على الطاعه - ،
قالها من زمان قي وقت مثل وقتنا الأيام هذي ،
وحبيت تتطلعون عليها ،
وأرجوا من الله أن ترتقي لذائقتكم ،،

القيض راح وبرَّد الجو ياسعـود=والوَسم قرَّب والمطر محترينـه
قلبي يفز لشوفة المزن ورعـود=وشوف السحاب ليا تقافا غشينه
عقب المطر يازين ياذعذع النود=في ديرتٍ يابـو بـدر خابرينـه
ياحلو شب النار والكبش موجود=شرقٍ من ام رمـاح ياعارفينـه
أرضٍ خلا مابه مغازيز وحفـود=مدهـال بـدوٍ توهـم نازلينـه
منزال بدوٍ دلَّهـو شمَّـخ القـود=ترعى نبـات القفـر ومدلهينـه
لاشفت أنا الخلفات مع تالي الذود=وصغِّير الحيران تسمـع حنينـه
لايابعد شوف الدلافيـن وقـرود=شوفة مغاتيـرٍ هلـه قاهرينـه
لاقالوا الَّلبة بها العشب ماكـود=وفيحان شافوا للكما فيه عينـه
أنا أشهد إنه غآآيتي يافتى الجود=ياسعود هو طب القلوب الحزينه
قلته وكلٍ لـه مـرادٍ ومقصـود=وختامها الريحـان ياسامعينـه

7
7
7
7
7
7
7
هذا وتقبلوا سلامي
وتحية لكم جميعاً ،،
جزااام...

صح السانوه
هوصويدز والله
تسلم يمناك يالنشمي على نقلها لنا
وجهك ابيض اخوي

تقبل مروري

اقتباس المشاركة الأصلية كتبت بواسطة متعجب صح السانوه هوصويدز والله تسلم يمناك يالنشمي على نقلها لنا وجهك ابيض اخوي تقبل مروري

------------------------------------------------------------------------
يآهلآ وغلآ فيك متعجب .....
صح بدنك ،
وآلله يسلمك ،،
ووجهك أبيض يالغآلي....
شآآآكر لك مروورك آلرآآئع....
لآهنت..

جزام نقل جميل لاهنت

وبارك الله فيك انرتنا بجديدك

صح السان الشاعر حبيب ظاهر
وسلم بنانك اخي جزام

نقل رائع يالنشمي

اقتباس المشاركة الأصلية كتبت بواسطة أم سلطان جزام نقل جميل لاهنت وبارك الله فيك انرتنا بجديدك

-----------------------------------------------------------------

هلآ وآلله آم سلطآن ......
آلآجمل هو توآجدك هنآآآ .....
لآهنتِ على آلمرور....

.

اقتباس المشاركة الأصلية كتبت بواسطة هوجاس صح السان الشاعر حبيب ظاهر وسلم بنانك اخي جزام نقل رائع يالنشمي

------------------------------------------------------------------
يآهلآ وغلآ فيـــك هوجآس...
صح بدنك ،، وتسلم على المرور....
أشكرك على الثناء الرائع....
لاهنت...

الشاعر الرائع @ حبيب الظاهر
كلنا نتوق لشعره وقصائده ويعلم الله اني بودي يكون لهُ ديوان خاص بقصائده
وأتمنى ان تسجل لهُ عضوية بإسمه وتنزل القصائد بإسمه لكي نضع لهُ ديوان مع دياوين شعرائنا وشاعراتنا
يستاهل أبو ظاهر

جزااام
لاهنت يا غالي على اتحافنا بقصيدة الوالد اطال الله بعمره وعمرك وعمر الجميع

خالص التحايا لسمو شخصك النبيل

اقتباس المشاركة الأصلية كتبت بواسطة المشرف العام الشاعر الرائع @ حبيب الظاهر كلنا نتوق لشعره وقصائده ويعلم الله اني بودي يكون لهُ ديوان خاص بقصائده وأتمنى ان تسجل لهُ عضوية بإسمه وتنزل القصائد بإسمه لكي نضع لهُ ديوان مع دياوين شعرائنا وشاعراتنا يستاهل أبو ظاهر جزااام لاهنت يا غالي على اتحافنا بقصيدة الوالد اطال الله بعمره وعمرك وعمر الجميع خالص التحايا لسمو شخصك النبيل

------------------------------------------------------------------------------مشرفنا القدير.... .
أشكر لك هذا الإطراء للوالد ، وأنت عارف يابو غازي الوالد ماله بالنت ، ولكن إن عشت فسأنقل لكم مااستطعت من قصائده ،
شااكر لك على هذا المرور المميز ، وأطال الله بعمرك وأعمارنا على الطاعة ، ،،
لاهنت ..

جزام

اشكرك على نقل هالرائعة للشاعر حبيب ظاهر الشمري
سلمن اياديك وصح السان الشاعر الف

تقبل مروري