قصيدة اعجبتني

هذه القصيدة للشاعر محمد المحلكم

قابلتها دون موعد يوم الاثنيني

وصديت متعمدا ً بالصد بلعاني

قالت محمد هلا وان كنت جافيني

عقب الغلا يامحمد ليه تجفاني

قالت محمد علامك كنك ناسيني

ماكنت اضنك مع الايام تنساني

قلت الخلا وان ذكرتك ويش تبغيني

مبغاك في قلبي ودمي وشرياني

رحتي مراح الجفاء يابايره فيني

رحتي وانا قولك لحظه على شاني

قالت تناسي من الي راح ذلحيني

واسمح جميع الخطايا كان تبغاني

وان كان ماتسمح الي صار ياعيني

بصد وأقول يكفي منك ماجاني

قلت ارحلي مابقى بينك ولا بيني

ودعتك الله وانا الي كنت غلطاني

ودك تصدين ولا ماتصديني

معاد قلبي على لقياك ولهاني

ماتعبت نفسي على طرد المقفيني

ماني على طردة المقفين شفقاني

بهديك بيت ٍ قبل ماروح يكفيني

من واقع الوقت بيت الشعر ملياني

من خانت اخوانها من شان ترضيني

بتخونني لجل ترضي واحدٍ ثاني

	الله الله هذا اللي يسمونه السهل الممتنع ياملا العافية يامحمد على حسن الاختيار فعلاً بعض القصائد كانك تشاهد الحدث امامك تقبل مروري ودمت بود

تسلم يمينكـ شاعرنا

وصح السآآنكـ ولسان شاعرها

احترآآآآآآآآآآآآمي

وتقديري

[quote=محمد الشولاني;210325]

من خانت اخوانها من شان ترضيني

بتخونني لجل ترضي واحدٍ ثاني

[/quo
ياسلالالالالام والله العظيم ذا البيت انه زبدة القصيدة
جعل يمناك ماتمسها النار يالشولاني على النقل الرائع
وصح لسان قايلها
لاهنت خيو

ارحب يابو نايف تراحيب المطر

اسعدني وشرفني تواجدك في متصفحي يالسنافي

لا عدمناك يالذيب

تقديري واحترامي،،،

ارحب اخي العزيز نافل الغانمي

اسعدني وشرفني مرورك يالذيب

تقديري واحترامي،،،

هلا ومرحبا اخي عرار

اسعدني جدا مرورك يالنشمي

تقديري واحترامي يالذيب،،،

اختي الفاضلة كحيلا وبنت رجال

اسعدني مرورش على متصفحي

وجنبش ربي النار

تقديري،،،