14-10-2011 | #11 | |||||||||||||||||||||||
|
رد: شارك بموقف حدث لك ..
---------------------------------- هذا الي مهولن ودابل تسبدي في نفس الوقت Thank you Al Maha for passing by |
|||||||||||||||||||||||
|
14-10-2011 | #12 |
|
رد: شارك بموقف حدث لك ..
قلت مار مثلهم واحدة إسمها محماسه والثانية مطحنه لا وعيالهم الصغار واحد إسمه فنجال والثاني غسال الفناجيل اتسذب عليه وهو ينصفر قعيٌد بن لهيمص الدغيليب الماخوذ إنسدح من الضحك
ههههههههههههههههههههههه >>> مت ضحك اوما غسال كبيره مها فيه احد يوقف بجنب الزرافه وهي رقبته مترين زين تسوي فيك هالزرافه هههههههههه استمتعت صراحه بمواقفكم وخصوصا موقف ابو عارف لوه نكهه مضحكه جدا |
|
14-10-2011 | #13 |
فـــاقد الشيء لا يعطيه
|
رد: شارك بموقف حدث لك ..
موضوع جميل
لي عوده بإذن الباري |
|
15-10-2011 | #14 |
|
رد: شارك بموقف حدث لك ..
موضوع حلو يافواز وتشكر عليه...
المواقف واجد ولكن هالحين خوذوا هالموقف... قبل كم سنه ايام الشتاء والربيع كنت طالع للبر وتخبرون البر اذا الواحد رجع الا وهو صاير شكله غير خصوصا اذا صار به عج وهوى... قبل لا ارجع ضرب معي واحد من الضروس (هو خربان خلقه لكن ماصبر يعني لازم يصير تنكيد)... واوصل عيالي للبيت بعد المغرب واروح ادور على دكتور اسنان لأنه يوم جمعه وقليل من مراكز الاسنان يفتحون (ما أداني مستشفى ارامكو والا بجنب البيت)... المهم حصلت احد المستشفيات الخاصة بالدمام وعندهم طبيب اسنان واتسفت عليه الا انا اشهب والثوب مروح من الغبار والدخان واللي يشوفن يقول هذا من هالرعيان يعني راعي غنم وسوداني... قال اجلس على الكرسي (الدكتور من احد الدول المجاوره)... شاف اللي يبي له هندسه قال هذا ماله الا الشيل قلت اقلعه... وهو يعطيني ابرة المخدر قال انتظر شوي... المهم وزبـدة السالفه عنده ممرضه فلبينية واقفه ورى راسي وهي تفتح معه موضوع (ولا احسب النساء قبله جريئات هاللون) طبعا كلامهم بالإنجليزي المشكلة انهم قالوا هالبدوي ماهو داري وش نقول... وخذ ياقرقره بينهم كلام وسخ لأبعد الحدود يعني الواحد يستحي لايقولوه... وهو كل شوي يلتفت لي ويسأل اذا احس بتنميل بخدي والا لا وأنا اقول لا حتى أشوف اخرته مع هالوسخين... المهم خلصوا موضوعهم قلت صار تنميل وشال الضرس ونا ودي التفت اشوف وجه هالسلقه لأني ما انتبهت لوجهه يوم ادخل عندهم... خلص وأقوم وأطالع لوجهه الا عجوز شمطاء تجيب الهم وهو شباب... وأقول بقلبي الا يا ابن الذينا هالحين مالقيت الا هالجنيه وربعنا يحلفون بحياة بنات ديرتك من زينهن وذرابتهن وانت اخرتك فلبينيه وعجوز... نزلت للإستقبال وانا ساكت وهي معي والمصعد بأخر الصاله... فتح المصعد وطلعنا وأشيل القطنه اللي هو حاط بمحل الضرس وأسأله عن أسم الدكتور وكم تكلفة الخلع باللغة الإنجليزية لا وباللكنه الغبرا وهي تطالع لي وتقط الملف بالارض وتهرب للدرج من العجله تبي تروح تعلمه اني اعرف وش قالوا واصيح عليه قلت ابي اعلم مطاوعة السوق عليكم لأني ما أدري وش يقال للهيئه بالإنجليزي وانا اعرف ان الاجانب يقولون للهيئة سوق مطوع... وعقبه كرهت هاكالمستشفى كله... وهذا واعذوني على كثر القرقر... وتقبلوا احلى تحيه... |
شكل القمر اليوم
الحرارة بالظهران الآن |
15-10-2011 | #15 | |||||||||||||||||||||||
|
رد: شارك بموقف حدث لك ..
---------------------------------------------------- خوش قصة وسالفة كلها توحفة يامناكد يالبدوي إلا وشلون صدت هالدكتور وسلقته العقوز ياحلو هالكشفة بس مايستحون التسلاب الهيئة الملكية ROYAL COMMSSION والكومشن هذه تنطبق على كل الهيئآت ماعدا هيئة الأمر بالمعروف والنهي عن المنكر يسمونها MORALITY |
|||||||||||||||||||||||
|
15-10-2011 | #16 | |||||||||||||||||||||||
|
رد: شارك بموقف حدث لك ..
الله يحييك يالحضري... الهيئة مابه بحله المشكلة الامر بالمعروف والنهي عن المنكر... و MORALITY مصدرها MORAL وتعني أخلاقي... مثل بوليس الأداب Morality Police... منكم نتعلم ياشايبنا... وهذا اسمه الصحيح حسب اللوحه... The Protection of Virtue and Suppression of Vices تحياتي للجميع... |
|||||||||||||||||||||||
شكل القمر اليوم
الحرارة بالظهران الآن |
16-10-2011 | #17 |
|
رد: شارك بموقف حدث لك ..
هلا وغلا بالإستاذ مناكد ياسيدي العين ماتعلا على الحاجب لكن سالفتك هذه ذكرتني بقصتي مع doctor تفاحة إستشاري طب الأسنان:
الذي فكرت إنه دكتورة وقلت ابي اشوف هذه الدكتورة التفاحة أكيد إنها صاروخ فكرتها ملكة جمال العالم. وعملت معها موعد وقبل الموعد في 4 ساعات رحت لأشهر حلاق ومزين وكأني في ليلة دخلتي ولمع ياملمع صبغ يامصبغ ووقشر يامقشر حتى صار خشمي تقل جذع فجلة زدقني تقل ركبة عتز وطلعت من عنده ب 1500 ريال. وعلى العطار ورش لاترش لاترش وشم لاتشم حتى تشعللت الأماكن المقشرة وطلعت من عندهم ب 750 ريال و مريت على المغسلة الأوتوماتيكية للسيارات ويغسلونن أنا وسيارتي نسيت لا أقفل الدرايش من نشوة اللقاء بتفاحة هذه وقبل ساعة من الموعد وأنا مرتز عند الإستقبال. قال عندك موعد قلت نعم بعد ساعة ولكن انا جاي من رأس تنورة ومستعجل ولا أشوف عندكم زحمة فقال أبشر الدكتور ماعنده أحد أطلع للدور الثاني الغرفة رقم 22 قلت تمام . والقط الدرج مثل الصاروخ وعلى الغرفة 22 أأدخل أدخل يمار سوداني كبر الفيل وتركي كبر الخرتيت احسبي غلطت بالغرفة قلت أبي الدكتورة تفاحه قال السوداني آي هزا الدكتور تفاحه. شوهويلقطني بيدي ويجضعني على الطاولة ويحط في فمي خشبة ويقوم يهمز ضروسي وهم يلقون لهم واحد مسوس هو آخر العنقود ضرس العقل وهم يشلعونه بزرادية ويملون افمي قطن يمار بجانبهم محاسب مصري وهم يناولونه ورقة يمار فيها 1750 ريال قمت إشر له كيف كثير قال هازا يا إبني ضرس العئل وياخذ الدراهم وعلى الصيدلية 585 ريال أدوية. كل هذا يهون مع جزاء أم عارف لي يوم شافت شكلي وحالتي شكة إن فيني بلاء من شكل الحلاقة والأطياب والملابس والحوسة قالت إيه أكيد إنك متزوج مسيار وتصك الباب دوني بالمشاية إلى الصبح بالشتاء بغيت أوت برد وسجل موقف. الإستنتاج القلب خضر والعقل مافيه والقرادة واضحة وعدم التثيت والنواياء السوداء. وسلامتكم. |
|
16-10-2011 | #18 | |||||||||||||||||||||||
|
رد: شارك بموقف حدث لك ..
-------------------------------------------------- حتى أنا ضحكت من ضحكك يالمها هههههههههههههههههههههههههههاي هههههههههههههههههههههههههههاي بس شكلك مبسوطة على الموقف اليس كذلك؟ لاتجاوبين فقط قولي اللهم إجعلني فاكرة ماني شامته. لإن المسل يقول لاتضحك بأخيك يعافيه الله ويبتليك بكرا تروحين تبين تشوفين الدكتور تفاحه تطلع لك عجوز إسمها تفاحه هههههههههههههههههاي أما إستنتاجك لما يستفاد تحفه تحفه توحفه نعم لا أحد يشتري تفاح قبل مايشوفه يطلع له تفاح بيطري شكراً لمرورك الرائع لاهنتي وتقبلي فائق تحياتي وتقديري كمان اليس كذلك. |
|||||||||||||||||||||||
|
16-10-2011 | #19 |
تلقاني منجضع بظل المربعة
|
رد: شارك بموقف حدث لك ..
هههههههههههههههههههههههههههههههه
كل مواقفكم حلوه والي اعجبن المها هههههههههههه اشوى الي مالهمت شيلتك وبلشتي بروحك والله عاد من صغر اللسان على الزرافه ههههههههههههههههههههه الله يسعدكم وتشكرات لصاحب الموضوع |
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام