مــ1 / لا عوّدَت

26-04-2006

مساكم الله بالخير :)

مصافحه اولى لنشاما

لاعوّدَت يم الورق واستياقه=جاك القصيد بحور فـ بحور فـ بحورر
وان عوّدَت يم الصدر واختناقه =ماجيتك اشكي علتي ..وابكي الجور
وان كان قصدك بس / تشرح علاقه=ريّح طيورك / فكرك اليوم /مكسور
لا تفسر الما..تنجرف في غراقه=واتلى الحصيله ((ماء)) والفكر معذور ..!!
خذها من الآخر / وبسّك حماقه=بسّك حماقه..!وافهم الشرح بشعور
شفت ((المحيط)) الي مريرٍ مذاقه..؟؟=هذاك انا..! من جورة البعد.. مقهور
خفني ليامن صار موجي شفاقه=اغرقك/وافلج خاطرٍ منك /محسور
يافاتني ماعاد ل السر طاقه=قفّلت صدرك واختنق فيه عصفور..!!
اصرف من الجزلات باقه .. وباقه=و افتح قرار الصدر ..مسرح و جمهور
وانا اللذي برقى على كل عاقه=واعلن على الجمهور / شرعٍ ودستور
جمهورك الي ذاب صلب اشتياقه=مجبور ..يصغي للقوانين .. مجبور
يامعرّفٍ بالحب / معنى الأناقه=حبك انيق.. و ممتلي طيب /وعطور
صاحبك ماريّح على البيد ساقه=غره ضماك و صار ضامي ومغرور..!!
اقول منغر؟!..لا..ولاهي لباقه..!!=اقول متغطرس..على الرّي يالحور
ولاهو من اجل الحب بس العراقه = تجبرني اسند هامتي عالي الدور
يطيش راسي يوم امد البطاقه=لاعودت لصيت ..وابليس مدحور
ايبلله افخر يوم ربعي رفاقه=على الرخا والشد والراي والشور
وايبلله افخر يومك انت العشاقه=بس انت عطني من مشاعرك جمهور ..!!..

وسلامة هالوجيه