مطراش المغترب

بسم الله الرحمن الرحيم

مساء الخير لكم كلكم كبر ضلعان حايل (مشتاق ياهل الفله مشتاق )
يقول اخوكم المغترب سافر له مرتن من المرات الى المنطقه الشرقيه ,وبعد وصلتى للمنطقه مريت واحد من الربع يقال هدمول لى يومين بالخط ولانمت زين وحالتى حاله >>>>الله من القراده
..وبعد سلم الله حى الله هالوجه قلت ياهدمول ابيك تودينى يم بيت شوشان (هذا واحدن من الجماعه مرته اختن لى من الرضاع )المهم قال لى تر الرجال تووه راحل من بيته وانا اوهس عليه بس مشينا يمهم we3dfgvbhjk,

وشوين وحنا عندبيت شوشان واطق الباب وتفتح لى بنت عمى وادخل ابى ارتاح ....ميتن من التعب واخذتنى بيدى وقالت اسمع الكهرب مقطوع وانت راعى محلwe(4)

بس>>>>ليته سالمتن من بس هذى we(2)

عندى حريم ومعهن خالتك نمشه مر وسلم عليهن وتعد بوجهك يم المجلس (وانا اليا سمعت طارى الحريم اقوم اتميلح عندهن ولا الزير سالم )we987

واتنحنح واسمع الترحيب يالله حيوه ياخلف الحى والميت ياهلا بريحه الغالى .....وانتفخ شوين واتقدم يمهن>>>جاكم الاعصار ماشي يعيقه 480r480r

وبطريقى حسيت رجلى وطت شين لوين ولا سمعت الا فرخت الوغد حدر رجلى واسمع هالدعاوى اهبن سلط الله عليهن حريم الوحده تمزر من جيبه هالدعاوى (الله يعطيك العمى والطمس وهلم جر من هالدعاوى اللى تخرع ) :cool:

وهنا اصابتنى حالتن من البوهان واتعدى بوجهى ولا اطيح الا بالكاسات ودلالهن واحوس الدنيا واثرينى برجلى دفيت البريق اثريه منكفى بحضن حدى هالعجز... ولا سمعت الا قولت احيه الله لا يجزاك خيرwe(13)

وش جابك بهذا اقلعوه الله يقلعوه ...من جابوه بهذا ياعلوه ما يجيب الذود (بعذره منكب الشاهى بحضنه (ماتنلام ))......we(3)

وهنا اخذتنى اختى وقالت امش امش للمجلس انت تبى تجيب الموت لحدا هالعجز بس اقعد بالمجلس احسن لك ولى <<<

وافتحى الباب قالت من هانا وامشى لى خطوتين واجلس الا الارض ماهى مفروشه وهنا اسقط فى يدى>>>>يالربع هالليد يبي يغطى على سيبوه ليه we3erddfr
وبديت الوم نفسى لو انا رايح لبو غازى ماهو ابرك اربثت بالعرب حتى بيتهم مافرشوه وما بوه الا هالحريم وانا جبت العيد بهن.... بس يستاهلن >>>يالربع هالليد به نذالهwe(10)
ولا دريت الا بفتحت الباب ياطشاش الفناجيل والدلال من فوق راسى وهنا جتن الفرصه للشماته >>>>ماصدق على الله خبر wedc434r5

انتى ماتشوفين احرقتينى الاشي بسيط فتحى يا مال العمى

. قالت انا يهالثور وش مجلسك بهالسيب .. وليه مادخلت المجلس وانا استحى >>> حياوى علينا يامناحى الاوجهك دايرى خخخخخخخخخwe32345

قلت مهو هذا مجلسكم وانا من الصبح وانا اتحلطم..... اشوى ...و دخلتنى للمجلس واجلستنى على المركى وحذرتنى بعدم الحركه من مكانى هذا وجابت لى التمر والقهوه وانا ادرع بهالتمر ذابحن الجوع والفصم بيدى اجدعوه باى مكان متعود على جبه وبيت الشعر we(14)

وبعدفتره دخل علينا شوشان تووه جاى ويرحب ويهلى ويجدد القهوه ونتقهوى ونسولف وهنا اشتغل الكرهب (ياعله ماتعود )we7234dfvr

وشفت وش انا مسؤى بها لمجلس (مخليه تقل مجلس زيدى )

ولا قدرت اتكلم مستحى من عملتى بس مالى ذنب بها للى صار (صح والا لا ) وجابو لى فراشى يبونى انام .....وبهالليل اسمع سوالفهم ويضحكون عندها قررت الرحيل لديرتى
ويقولون (وجهن تعرفوه ولا وجهن تنكروه )


وفى الختام تقبلوا تحياتى

وسامحونى سامحونى


هذه احدى مطاريشى للمنطقه

قصه من بدايات المغترب بالكتابه اتمنى ان تحوز على اعجابكم

نريد ابداع الاعضاء

يامل الغنيمة ماعلمتن تسان مدوهجن معك لهالمنطقة يافلان we(4)
اغدي ابو غازي يقص لي بطاقة شوووون :cool:
اقول هو بقى شينن من الفناجيل والكاسات we987
اشي صب لي فنجل ابي اشمت بالعجوووز اللي انكب الشاهي بحضنه we3dfgvbhjk,
خخخخخخخخخخخخخ

عساك ماتفيد قناصيع يامغترب 66ecd56b48 هجو لعنبو حيكم لايرثع بحريمكم we987
خخخخخخخخخخخخخ

غزوة ابازيد we987

ياحبيبي انت هالوجه

اجل نكبة انت ههههههه
عوذا يالحريمه راحت وطي كم هو حار البريدز يالخو ههههههه

اقتباس المشاركة الأصلية كتبت بواسطة المهاجر يامل الغنيمة ماعلمتن تسان مدوهجن معك لهالمنطقة يافلان we(4) اغدي ابو غازي يقص لي بطاقة شوووون :cool: اقول هو بقى شينن من الفناجيل والكاسات we987 اشي صب لي فنجل ابي اشمت بالعجوووز اللي انكب الشاهي بحضنه we3dfgvbhjk, خخخخخخخخخخخخخ عساك ماتفيد قناصيع يامغترب 66ecd56b48 هجو لعنبو حيكم لايرثع بحريمكم we987 خخخخخخخخخخخخخ غزوة ابازيد we987

هذى يالبناخى سالفتن قديمه تاعى جدى

لاتخرعهم يالمهاجر ترن تغيرت هالحين مانى مقرود

اقتباس المشاركة الأصلية كتبت بواسطة طريخم ياحبيبي انت هالوجه اجل نكبة انت ههههههه عوذا يالحريمه راحت وطي كم هو حار البريدز يالخو ههههههه

هلا بطريخم

هذاك اول انا هالحين هاللى تشوف اهلهل بركه

شاكر لمرورك

ههههههههههههه

اقتباس وبطريقى حسيت رجلى وطت شين لوين ولا سمعت الا فرخت الوغد حدر رجلى واسمع هالدعاوى اهبن سلط الله عليهن حريم الوحده تمزر من جيبه هالدعاوى (الله يعطيك العمى والطمس وهلم جر من هالدعاوى اللى تخرع )

والى الحين عايش عقب دعاوي الحريم
ههههههههههه
الله يطول بعمرك
مشكور خيو
عجبتن سالفتك بالحيل

مثبت مع خمس نجومن يصقعن بصلعة متفاول:biggrin:

اهب هباك الله
انت وشنوحك رثعت بالحريم وبقشهن
لا وبعد صالدزن البريدز بحضن العجيز
زين ما قامت وخنقتك بغتفته
تسان منصرع من ريحة الحلتيته والعنزروت
هههههههههههه
سالفتن حلوه وجاز لي به هالمقطع

اقتباس قالت انا يهالثور وش مجلسك بهالسيب

ودي اتخيل شكل هالشنبات وجالس بالسيب
فطنتن بواحدن بجده يوم رمضان
رحنا يموه وضحك علينا عقب ما قعدنا على الكنب
يقول ما تستحون على وجيهكم ليه مخلين نعولكم عند الباب قلنا علشان نقعد قال عادي بنعولكم

اقتباس المشاركة الأصلية كتبت بواسطة سلمى ههههههههههههه والى الحين عايش عقب دعاوي الحريم ههههههههههه الله يطول بعمرك مشكور خيو عجبتن سالفتك بالحيل

هلا باختى سلمى

اهم شى انك ضحكتى

بعدين لاتخافين عمر الشقى بقى

سعدت بمرورك

اقتباس المشاركة الأصلية كتبت بواسطة ريال الفسحه مثبت مع خمس نجومن يصقعن بصلعة متفاول:biggrin:

ثبت على راحتك ثبت

ابوعمر الاصلع ماعينته لى مده ماشوف مشاركاته