ديوان الشاعر / عمر بن عبدالمحسن

ادعيك يا يمه والاقدار تمحيك..

	تصبّري يا عين محدن مشاكيك=محدن بيمسح دمعتك غير يمناي انوح وابكي والحنايا تناديك=ياللي فراقك موت بيّح خفاياي ادعيك يا يمه والاقدار تمحيك=والشوق والوحدة سروا بي لذكراي اعطيك عكازك واعضّد وامشّيك=والبّسك نعلك بريرة وبرضاي واليوم وينك آاااه يا كود طاريك=عقبك غدى الحرمان والبوح ملفاي ياحسرتي..مكّان صبحك (وشاهيك)=يحوشها التحنان قدام مركاي يا عل ربي يرحمك ما يشقّيك=ويصبّرن بالدين وتهون بلواي

عمر بن عبدالمحسن

ولا ذقت من ماها ولا الوقت بي لاقي !!! ..

	يقولون يا شاعـــــــر قصيدك كثير احزان=واقــــول الشقى نبضي واحاسيس خفاقي سألت القـــــدر مرة .. متى تقتل الاحزان =وقـــــــــــال انت ما تبرى ولا بالأمل باقي فلا عــــــــاد ياتيني من اصحابنا شرهان =وينشد عن الفرحـــة وسيع الفضا ضاقي انا الياس والحسرة وانا موطن الحرمان=وانا الوجــد والعبرة على ساقي اشواقي تواريت عن ذاتي وانا حاضــرٍ لي شان !=اسوق الصبر نوبٍ وهــــــو نوب سواقي اشد النضى حــــــربٍ على ظالمٍ ما كان !=ولا نلتقي ظــــــــــــــالم ولا جفت احداقي تمثنى النكـــــد روحي وانا واردٍ عطشان=برمضى الغبن حـــافي مع النوح ميثاقي عـــــــــــــزومي تقدّيني وانا ميّسٍ بحلان=خـــذ الروح ياربي ترى الموت لي راقي هــــــــلا بالكفن دامي على دنيتي شفقان=ولا ذقت من ماهـــــا ولا الوقت بي لاقي

عمر بن عبدالمحسن

ضباب يا قاري الكتاب !!! ..

	يبقى الأمـــل كذب وغياب =والياس شمسٍ شــــارقة مأساة يا دنيا العـــــــذاب=وروحــــــي بهمي غارقة الجــــهل وشـروح العتاب=فيها الجُمــــــــل متفارقه وبيت الأمـــــاني فيه باب=مجفـــــــي وضدي طارقه القاع وركـــــوم السحاب=والفرق نارٍ حــــــــــارقة يا واقـــــعٍ وسط السراب=عذبه زمــــــــاني سارقه زهــــاب يا شوفي زهاب=واشجار فكـــــري وارقة ضباب يا قــــاري الكتاب=والــــــــــعزم يلعج بارقه

عمر بن عبدالمحسن

للعريفي شيخنا درع ومدافع!!! ..

	للعريـفـي شيـخـنـا درع ومــــــــــدافع=ناصر الإســــــلام فـي طرحـه وفكـره ما بقى الا الحــــرب ياحرب المدامـع=في غــــــلاف المـزح والنيـات عكـره من بغــى التوفيـق والمحبـوب شافـع=ينصر الإســـــلام لو في ايديـه جمـرة وكــان هو مخلوق فيه الحسـن ناقـع=النبيّ اجمـــــل مـن اوصافـه وعطـره وفي حسن يوسف مــع القـرآن تابـع=الله اللـي زيّـنـه واعــــــــــطـاه ذكــره والله الخـلّاق منـه الـنـــــــور سـاطـع=اتّصـــــــف بالحسـن يـا ناسيـن ذكـره يا جيـوش الغــــــرب مـا فيكـم منافـع=لا حيــــــــا لا علـم .. للتغريـب سُفـرة النـبـي والـديـن والتطبـــــــيـق واقــع=لو يهــــود ( العُرب ) يزدادون حسرة خايـبٍ خـــــالـد وعاهـر .. فيـه طالـع=فيه سيما العــــيب .. والمنطوق كفره والقنـــــــاة اللـي بوسـط الـذل فــارع=قاطعوهـــا .. النـار للـي سـار بـامـره

عمر بن عبدالمحسن

ردي على من يقولون :
يا شاعر قصيدك كثير احزان

كل عام وانتم بخير ..

هذه القصيدة (( عيديّة )) لأمنا حائل وقد قدمتها في رابع ايام عيد الفطر
بمنتزه المغواة للعام 1434 هـ

مريت لبدة وناحت بالغلا ورقا !!! ..

	يشيب عـــــزم المعاني لا قصـد حايل=والعز تلعج بروقه والثنـــــــــــــا يشقا والمجـــــد حمله ثقيل ومن عجز زايل =وعيوننا من فرحها بالحــــــــــزن غرقا يا عـــــــــــــل عيدك يعود يعدّل المايل=وتشرق شموس الوداد وشفّنا يُسقا صـــــــــــدر المحبة بحورٍ موجها هايل=يزف من لا يبيه وســــــــــــابحه يبقى حبيت ســــــــــور الزبارة يا ضنا حايل=ومريت لبدة وناحت بالغـــــــــــلا ورقا ودجت بغريس الاميـرة مطمع العايل=وبــــــــرزان عيده حنين ويذرف الزرقا وعيرف تشـــوف وتنوف وتفتح الفايل=مثايلٍ للفخـــــــــــــــــــر ترقا ولا ترقا يسوق حـــــرفي فعول النادر الطايل=الوافي اللي تعيش حضـــوره الفرقا وطيت نار العــــــذول ومدمعي سايل=ولديت جــــــــرحي بعمري نيتي بلقا والروح فـــــــارع تحتها الصبر متهايل=تغازل الكـــــــــــــود عجْزت للوفا تلقا

عمر بن عبدالمحسن

يا عساه يدوم عز اشرف بلاد

	اذكـــــــر الرحـمـن خــلاق العـبـاد=مبتدي قـاف الفخر بارض السلام دارنا التحــــنان والماضـي ضمـاد=مهبـط القــــــــرآن ودروب الـمـرام نفتديـك آمــــــــــال وارواح وعـتـاد=والعدوا بالقـــاع ما يقـوى الغمـام استتب الأمن في ارضـك وســاد=واستقام الدين وانكــــرنـا الحـرام وفي قلوب الشـعب لك قدر ووداد=يا مليك العُــــرب يـا طُهـر الكـلام انت ابـو متعـب تقــــــود ولا تقـاد=نيّـتـك ملـفـاك عــــــدّاك الـمــلام يا شويـر الحــــــق جافيـك الرقـاد=للوفـا شفقــــان وارويـت الهـيـام يا عســـاه يدوم عـز اشـرف بـلاد=يثرب الإســــــلام وركـون الحـرام

عمر بن عبدالمحسن

يا فهيد قلبي غذاه الهم واسرف به..

	يا فهيد قلبي غــــــذاه الهم واسرف به=يا فهيد وين ارتحـــــــــل والحل ترحالي يا فهيد عيني جيوش الدمـــع تنزف به=يا فهيد ضــــــاق الفضا والياس منزالي يافهيد لوّك تشوف الحــــــال تاسف به=يافهيد عفت الحـــــــياة وضاعت آمالي يا فهيد ذاتي لحــــــــون الهم تِعْزَف به =يا فهيد حـــــــلمي بلاد وواقعي خالي يا فهيد شوري دريك الموت ِيسْعَف به =يا فهيد كــــــــــــله لغيري والصبر زالي يا فهيد عمري جنـــــاح النوح رفرف به=يا فهيد حظـــــــي بخيل وقطّع حبالي ويا فهيد ليت النـــوايا البيض يِحْلَف به =كان الحــــــــنايا غدت للحق مدهالي

#عمر_بن_عبدالمحسن

لا حول لا قوة ولا حزام ومتون

	قالوا علامك يا عمر دوم محـــــــزون =قلت البلا مركــــــاي والياس مجناي والعزم هـــــافي بامر الاقدار ممهون =والروح تتلي ظـــامي الشوق وبكاي لا حول لا قوة ولا حـــــــــزام ومتون =اسير جرحــــي والعمى يامر خطاي عجـــزت عن عينٍ لها الدمع مضنون=وبحلت في قلبٍ عصا صـــايب الراي ســــاقتني الأيام واضحيت مسجون=وسط النقايد والجــــهل والعتب ماي من عجْـــــــــزوا التبكير لا رج يِردون=يروون من تاليه والصـــــــــوم مبداي وتردين يالهــــــــدبا على ما يعَجْزون =شربك قراح العــــــــد والعِرف مرواي ان ما رويت بشوق والا فـــــــلا اكون =موتي ولا الحــــرمان يسكن حناياي

#عمر_بن_عبدالمحسن