وسط المليدا عالي الرجم نطيت

مـــصــافــحــه اولـــــى

ارجــــــو ان تـرتــقــي الـى ذائقـتــكـــم

وسط المليدا عالي الرجم نطيت = رجم ٍ طويل ٍ يدهله كل عاني
وسويت لي فنجال منه تقهويت = وناديت شيطان المعاني وجاني
وطرا علي مظنون عيني وهليت = دمع ٍ حبسته.. بالمليدا عصاني
وياراكب الفكسار صخن له الزيت = ودزه عشان الولف ولا عشاني
من وارد اليابان لامن تهقويت = ما يأخرك عن مطلبك لو ثواني
منصاه ابن عمي ليا من تعزويت = الصاحب اللي بالجمايل بلاني
فلاح انا لو قلت ياليت ياليت = ماتنفعن ياليت عشري ثماني
لامن طرالي داعج العين فزيت = ابوجديل ٍ وصفه الليل عاني
وابو خديد ٍ كن خده كما الليت = مبروم ساق وعودها خيزراني
وجدي عليها وجد حي ٍ على ميت = أو وجد منهو بالعنايه يعاني
قبل ثلاث سنين قفت وقفيت = قفا وفي معلوق صدري كواني
واليوم في دار ٍ رجاله مكابيت = شرقي جنوب العاصمه بأتزاني
بالخرج وأهل الخرج عندي مناحيت = خذو عشيري يوم ربي بلاني
منساه دامي حي والعمر توقيت = ليـن النصايب فوق قبري مباني
ذي قصتي مع منهو بصدق حبيت = وابي النصايح ياسهيل اليماني

جــزاء الــشـــمــري

رائعة من مبدع سلمت وغنمت يا البناخي واصل لنستمتع لك الغلى

هلا بك ياجزاء وحياك الله

مصافحة رائعه الله يحقق مرادك

صح لسانك ولاهنت

هلا بجزاء
هذا العشتز ياابن العم مضر بالصحة حيل
لام الله من لامك
صح السانك يابعدي

صح السانك يالنشمي
هلابك الف

هلابك اخونا القدير جزاء
سعداء لإنضمامك لقافلة شعراء وشاعرات شبكة نشامى شمر
صح السانك يالنشمي
ونتمنى أن نرى لسموك جميل ابداعاتك الشعرية فاضلي

خالص التحايا لك

يامرحبا يامرحبا والف هلا

جزاء الشمري

مصافحة راائعة راائعة تسلم يمينك

بنتظار جديدك

تحيااتي لك

جزاء الشمري
أهلاً وسهلاً فيك ملاييييييين وحياك الله يالغالي
صح لسانك ملايين وبإنتظار جديدك وفقك ربي ورعاك.
تقبل فائق أطيب التحايا والتقدير،،،

جزاء الشمري

مصافحه جميله وحضور راقي لاهنت
اتمنى ان يتحقق ماتريده والله يوفقك

تحياتي لك