21-04-2006
|
#1 | |
 
|
الشمري والعنزي وسالفة العود
 فيه شمري وعنزي صديقين ما يتفارقون ابد وكانو عايشين على الحلوه والمره وكانت بينهم عشره ويغلون بعض ..وانت يالعنزي كان ولد شيخ .. وحتى نفس الشي كان الشمــــــري ولــــــد شيخ المهـم.. دارت الايام وتفارقو كلا ما يدري عن الثاني بعد فتره من الزمن .. كان العنزي يحب القنص .. وفي يوم ذهب العنزي يم القنص وكان مع ربعه يقنصون .. اظلم عليهم الظلام وكانو قريبن من عرب نازلين بالمكان وكانوا حول حايل قال العنزي نبي نمرح الليله عند العرب وباكر نكمل المسير . راح انت يالعنزي يم شيخ العرب وهو بالطريق شافه الشمري فرسه مقبله وعرفه انه للعنزي وقال لابوه الضيف اللي جاء فلان عشيري وعرفه الشايب .. المهم يوم اقبل العنزي فز له الشمري وتعارفو وتعانقوا ورحب فيهم وقام بالواجب .. ويوم سرو الجماعه وكن نام بقوا انت يالشمري والعنزي جالسين يتسامرون ويقصدون على بعض.. سال الشمري العنزي انت وش صار لك بالدنيا انت اعرست جاك شي من الاعيال قاله العنزي لا والله ما اعرست قاله ليه قال ما لاقيت بنت الحلال اللي تملى عيني .. سكت الشمري .. سال العنزي الشمري قال وانت وش صارلك قال انا اعرست السنه الماضيه بس ما جاني شي من الاعيال الى الحين .. المهم فرح انت يالشمري .. ان العنزي صديقه ما اعرس , قال الشمري للعنزي ابي ازوجك وش قلت قال العنزي من هي بنت الحلال قال الشمري ابي ازوجك اختي ومالي الا هي وش قلت فرح العنزي وافق . وقل الشمري انا ابي اسالك سؤال ليش ما طلبت مني اني ازوجك قال العنزي من زمان وانا ابي منكم بس اللي اعرفه عن شمر انهم ما يعطون البعيد ..راح الشمري وقال لابوه قال ابوه والله الولد ولد شيخ ويستاهل بس ياولدي خذ راي اختك .,. قال الشمري انت قله . قال ابوه لاوالله انت قله لانه هي تحبك وما ترد لك طلب .. المهم راح الشمري وقاله لاخته وقالت اخته ما لاقيت الا تزوجني العنزي وشمر اللي هذا كبره .. قاله والله يامره العنزي عشيري ودي ازوجه وانتي تعرفين العلاقه اللي بينا .. المهم وافقت البنت.. وقم يالشمري وزوج اخته للعنزي وهو يرسله معه ورح به يالعنزي لاهله وترك القنص.. يوم اقبل على اهله وقم نزل المره من الذلول واركبه فوق فرسه تقدير له لانه بنت شيوخ .. المهم يوم اقبل على ابوه قال ابوه من هي البنت اللي معك قال هاذي مرتي بنت فلان الشمري قال ونعم عزالله انك ظفرت بنت الشيوح .. ويقوم ابو العنزي ويقيم عرس بسبع ليال .. بعد العرس بفتره كانت الشمريه جالسه بالبيت وكان العنزي دايم كل ليله يروح عند ابوه بالمجلس المهم وتلتم نساء عنزه على المره ويسألنه انتي من هم اهلك .. وكل مره تجي وحده وتسئله انتي من هم اهلك .. تضايقت البنت قالت يحيف انا تاركه اهلي شمر وجالسه مع العنزيات ويسئلني انتي منهي وانت بنت فلان المهم زعلت وكانت عنده عبدته وقالت له خليك واقفه بره البيت واذا حاء العنزي اشر لي .. جاء العنزي بالطريق واشرت العبده للشمريه انه جاء وقومي انتي يالشمريه وصوتي للعبده تعالي اسمعك قصيده اليوم كتبته .. وهي تجي العبده وتسمعه القصيده بصوت عالي حتى يسمع رجله العنزي ويوم اقبل العنزي على الباب وسمع مطلع القصيده وهو يوقف يبي يسمع كل القصيده .... القصيده : قالوا وش اصلك قلت انا شمريه ,,,,,,,,,,,,,,,,,, ديره اهلي حايل ومرى اجدودي ياناشدا والله ما بك حميــــه ,,,,,,,,,,,,,,,,,, وانا اشهد انك من موارث عنوزي تكفون ياهل الصيت ويقو عليه ،،،،،،،،،،،،،،،،،، شوفوا حياتي عيت تجـــــــوزي ويقو: يعني شوفوني :) سمع العنزي القصيده ودخل على مرته بس ما اطرى شي وقالت الشمريه هلابك انت جيت قال العنزي توني جاي راح العنزي للفراش ونام وقومي انتي يالشمريه وقولـــــي للعبده روحي يم فرسه وحطي لطمه به علف للفرس حتى ما ينسمع صوت الفـــــرس يوم جاء اخر الليل واسري انتي يالشمريه لاهله مع عبدته بفرس العنزي وتشــــوف له راعي بالطريق وتسال ع درب شمر وقاله اذا انتي ناصيه يم شمر انا اوديك لهــم راحت ووصلت لاهله وقالت لاخوه السالفه.. وقال الشمري لاخته مادام اهل العنزي ماقالو لك شي الباق يغارون منك المهم .. ويوم قام العنزي من فراشه الصبح شاف الفرس ما هي موجوده درا انا المره راحـــت لاهله وقم يالعنزي وروح لديار شمر ويوم وصل لشمر ويجي للشمري وقال يافلان انا سالفتي كذا وكذا قال الشمري انا عارف بالسالفه .. قال العنزي انا ابي ارجع المره حتى لو قالت لي اني اعيش معكم هنا انا مستعد بس ترجع لي قال الشمري انـــا اساله وارد لك.. ورح انت يالشمري وقل لاختهالسالفه وقالت اخته انا ما ارجع الا اذا حل اللغز هي فطينه الشمريه له مقصد باللغز والا هي عاشقته .. ورح يالشمري وقل للعنزي الموضوع وقال العنزي وش هو اللغز قاله الشمري عود يكلم العود؟ وحجر يكلم الحجر؟ بس احل اللغز انا مستعد ابوي شيخ والعلامه موجدين بديارنا اكيد يحلونه ورح العنــزي واسال عن اللغز.. وصل لاهله وقال لهم اللغز وما لقا حل ورح حتى وصل العراق وهــــو يسأل عن الحل وما لقا ورجع لاهله خايب وصار منعزل بس يفكر بالحل ومرت سنه هو ما لقا الحل وكان دايم يجلس لوحده ويشب النار ويضرب على الربابه كان دايم علـــــى هذا الموال ومرت عجوز من عنده وشافته ونهجت لاهله وقالت وشفيه ولدكم قالت امه ان العنزي انعزل لوحده بس يضرب على الربابه ويقصد ويفكر بلغز وقالت العجوز أي لغــز قالت امه السالفه كذا وكذا .. سكتت العجوز وراحت يم العنزي وقالت له ياولدي انت من انت قال انا ولد فلان شيـــخ العرب قالت ونعم .. قالت العجوز ياولدي انا مالي احد لا اخو ولا زوج ولا بنت ومنقطعـــه ابي اتعلل كل يوم معك بالمكان.. قال العنزي حياك الله بعد يومين جت العجوز للمكان ولقت العنزي مايفارق المكان وسألته انت وشفيك ضايق قال من هموم الدنيا . قالت لا علمني بالصيحيح قال العنزي انا سالفتي كذا وكذا وما ارجـــــــع مـرتي الا اذا حليت اللغز قالت العجوز لغز سهل ياولدي فــــــــرح العنـــــــــزي وقــــال وش حلـــه قالت ياولدي العود يحاكي العود هو الربابه اللي انت تضرب عليه كل يوم والحجر يحاكي الحجر هو الرحا ياولدي وفرح العنزي وقال انت صادقه وقالت له اي ياولدي رح رجع مرتك وهو يروح ويبشر ابوه بالحل وقال ابوه اذا حل العجوز طلع صح عز الله ان اهديها 1000 وضحى.... يو اقبل شافه ابو الشمري قال يافلان عشيرك جاء ومعه الحل اجمع جميع العرب من شمر اللي نازلين عندنا وذبح بعيريــــن جاء العنزي ورحب فيه وقم انت يالشايب واقيم مناسبه كبيره وجمع شمر كله حتى ما يشرهون عليه يوم زوجه للعنزي من بد شمر المهم بعد العشاء وقم انت يالشمري واسال العنزي وش حل لغزك وقال الحل قال الشمري عز الله انك تستاهل اختي يوم زوجتك .. ورح العنزي ورجع المره وتعيش الشمريه معززه عند ديار عنزه وكان متقصده تبي تقهر نساء عنزه يوم سالوا عن اصله وعاشت معه الى اخر العمر كل الود/ الشمااالي |
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
