ديوان الشاعر / مشعل عسام التريباني

((((ارفع مقام بن عمك))))

ارفع مقام بن عمك يارفيع المقام

	ارفع مقام بن عمك يارفيع المقام=واذكر مزاياه يامن جاء لذكره مجال انزل ولد عمك القمه وراس السنام=واشهر جزال الفعايل منه عند الرجال علّق فعول بن عمك فوق صدرك وسام=هو ظل راسك الكان احتجت برد الظلال تراء مهوعيب ذكرالطيب والاّ حرام=العيب حشّت رجوله في رهيف السلال والا تر المدح محدن ملحقك به ملام=منلا فرح لابن عمه تر وجوده وبال واللي اليا اطري ولد عمه تلفّت وقام=ودّك ايقوّم من المجلاس وسط الرجال شرواه لاتعتزيبه في نهار الزحام=خله يروْح ويلحق في سجل الحثال يستاهل المجد شبلاً حزت الازدحام=يظهر محاسن ولدعمه ويرفا الخمال خلقت ثقال العظايم للرجال العظام=وحشو الزلق باللوازم ماتشيل الثقال مايرفع الراس كوداهل الفعول الجسام=والاضعيف الهقاوي مثل جرفن هيال

* (((مشعل عسام الغافل التريباني))) في٢٣/٢/١٤٤٤هجري

((((مدح للاخ جهز البريكي))))
عندماتبرع بكليته لوحده من الجماعه بيض الله وجهه وكثرالله امثاله ورحم الله والديه

ابيات مدح وردثنا بالاخ جهز سايرالبريكي الشمري

	ياقريني يانخيتك لاتغيب=هات جزل الشعر وانق المفردات خابرك ياقلت لك عطني تجيب=حاضرن لهل العلوم الغانمات اكتب الجزله من الطرق العجيب=اذكر الطيّب زبون الطايلات ياجهز فعلك على غيرك صعيب=يا البريكي ترتكي للكايدات يابن ساير صاحب الصدر الرحيب=المراجل بذرتك وانت النوات انت لك بالطايله حض ونصيب=وانت فيك المجد له وصف وسمات وانت مركا اللي بوقته مستصيب=واشهد انك ترتكي للمعظلات نلت عرش المجد بالفعل الرهيب=واعتليت اعلا المنازل والصفات تنقذ الملهوف والجسم العطيب=وترتكي للحمل وقت اللا زمات صرت سبّه في شفاء العل المريب=وفزت بالثنتين لوهن متعبات مر خصن كلوتك للجسم الكئيب=والمريضه صرت له سبّة نجات فزت بالمعروف والاجر الرهيب=والعلوم اللي تداولها الروات عشت والله يالعريب بن العريب=ياالحسام الفذ يانسل الدهات جعل شمسك يابن سايرماتغيب=يالاصيل بن الاصيل بن الدهات والله انه لوكتب فيك الاديب=مايكفي لوكتبنا معلّقات

(((مشعل عسام الغافل التريباني))) في /٦/٣/١٤٤٤هحري

((((((((البكره)))))))))

البكرة اللي مع دبشكم زعجناه

	البكرة اللي مع دبشكم زعجناه=ماشوف له في فوز الاشواط تمكين شفت السلف قامت تسابق مطاياه=وانا ذلولي للاسف مادري وين ارسلتها ابغا الفوز بالوجه والجاه=وابيه تجيب الجايزه بالميادين وهفت مهف الدلو ومقيط ورشاه=يوم ازدحم عد الروى باالمروّين ضاعة ذلولي مادري كيف ابا القاه=راحت مثل ماقيل ما بين عودين وين الامين اللي عليها ومنّاه=ياحيف وشقومه تنيساء المظامين اشره على اللي شرة الرجل تنصاه=اللي برز باسم الرجال المسمين اللي تكفل لي برعيه وسقياه=وحفظه من اللي ينهبون السمارين هوكيف يتر كها وينسا حلاياه=وينساء الوداعه مع صفوف الثقلين ماقا دها ظمن الجموع المكنّاه=والا تخلا عن مجال السلاطين

(((مشعل عسام الغافل التريباني))) في١١/٣/١٤٤٤هجري

(((اشهد ان ابومشاري حي فاله)))

اشهدان ابومشاري حي فاله

	اشهد ان ابو مشاري حي فاله=نعم والله راعي الكف النديه فاتحن بابه ويكرم من عناله=يالفاه الضيف يفرح في مجيّه مدهلٍ لهل الوفاء واهل الشكاله=الرجال اللي سوا لفهم جليّه المراجل شال حمله وارتكاله=بالصخاء شال المكارم في يديه هيلعن حاز المعالي في فعاله=ماحسب للمال كثره من شويّه يشتري فعل الكرم من حرماله=به على كسب المراجل غايريّه شو شليّن قمّت الامجاد طاله=بالكفوف الي لمع بالطيب ضيّه ابلجن للمرجله يرخص حلاله=ما كنز ها با البنوك المر كزيه لوكتبنا فيه مانوفي خصاله=ما توفّيه الحروف الابجديه من نوادر حرب وابو فرز خاله=الصخي راع الكفوف الحاتميّه

(((مشعل عسام التريباني الشمري)))
في٢٠/٣/١٤٤٤هجري

ملاحظه للتوضيح فقط البيت الاخيرقلت فيه

من نوادر حرب وابوفرز خاله

ابوفرزهوالشيخ فدغوش بن علوي الدغيري العلياني الشمري رحمه الله

** (((((((يامركز التفتيش)))))))
في؛ ٤/٤/١٤٤٤هجري

ابيات مداعبه قلتها بالاخ الغالي سميحان فهد السويدي كثرالسفريات وانا اعلق عليه اقوله انت عاشق انت والعجيلي خليف

	يامركز التفتيش دوّرسميحان=واليالقيته رجّعه يم حيّه= ورعن ركب جيبن جديدن وبطران=وروح عليه بسهلتن جرهديه مدري سرابه صبح واللا مسيان=والا توال الليل والاضحويه ولادري مساره شرق والااشمل الاّن=ينزل من المر جوم يم البنيّه يسترجع اللي فات مع درب بدوان=يوم الشراشف مع خطات الرعيه شقر البنات اللي تقل وصف غزلان=نجل العيون مرود عات الشفيّه ثقال الردوف الي كما شطوط قعدان=ونهو دهن بيض الحمام المتيّه شالن قليب الورع واقفاولابان=يمكن لحق درب ابوصالح خويه بالخيمة اللي شودحت بين عربان=وافريهم شغل الطفال الدفيّه ومشيّدينن بيتهم سرواعلان=بقرن الشمال اللي فياضه عذيه

(((مشعل عسام الغافل التريباني)))
ملاحظه فيه كلمه يمكن ماهي واضحه
ينزل من المرجوم يم البنيه
البنيه يسوونها البدومثل الجم من خشب الارطا والغضاءوالمرجوم الي هوالرجم من الرظم هذا للتوضيح فقط

(((ابانصح الي ينقصه بعض الامور)))
في 15/4/144‪4هجري

ابانصح الي ينقصه بعض الامور

	ابانصح الي ينقصه بعض الامور=امسك عضيدك لا تفكه من يدك احذر يجي بك كبرياء والاغرور=وينساك اخوك وولد عمك وولدك تصير عند الناس جانبك مهجور=واليا كرهوك الاصدقاء قل سعدك خلك على زلات صدقانك صبور=تر الرفاقه هم حجابك وعمدك وتر الرفاقه ياحصل بعض الامور=ظلّك اليامن اشهب القيض ظهدك وكنزالرجال اسرارها وسط الصدور=درعن من العزه كساء كل جسدك والضيق شيطانن يحدّك للحدور=واليا توحد بك على الراس هبدك يسقي بذورك لين تبتدي الزهور=واليا استوى زرعك تقدم وحصدك اصبرعلى الصدقان في يسروسرور=وابد الموده في بروقك ورعدك ولافيه مخلو قن سليم من القصور=الكامل اللي من مهين الماء أوجدك

(((مشعل عسام الغافل التريباني)))

(((ياصرت َمنت لشيل الاثقال حمال)))

ياصرت منت لشيل الاقال حمال

	ياصرت منت لشيل الاثقال حمال=تبي تضيق بك البسيطه وتجفاك خلك هديب الشام شيال الاثقال=وابرك لحمل الطايله لاعدمناك والاذن سكرها عن القيل والقال=ناسن تميلح لك وياغبت تشناك عليك باللي هرجته تشرح البال=امسك على قبضة يمينه بيمناك وافتح سجل المجد ياطيّب الفال=ورحّب بالي ينصاك واطلق محياك

(((مشعل عسام الغافل التريباني))) في25/6/144‪4هجري

(((ياقريني يانخيتك لاتغيب)))

ياقريني يانخيتك لاتغيب

	ياقريني يانخيتك لاتغيب=حضّر المعنا وهات الجزل هات من عيون الشعروالنظم العجيب=اكتب الجزله ونق المفردات القوافي طب والشاعر طبيب=يفهم امراض القلوب المزمنات ويكتب الوصفه لمن عقله لبيب=يكتب الوصفه عبرسبع اللغات من بحور الشعرحضّرت الرهيب=ياكتبت الشعر جبت النادرات انصح الي للنصايح يستجيب=لايدقق باالعلوم العابرات خل صدرك مثل ماقالو رحيب=ولاتسمّع باالعلوم الفايتات التسمّع في هزيل الهرج عيب=سدباب الحكي قدام الروات حط فوق مروج الفتنه صليب=لاتتيح له الفرص للطايشات الجمه عن كل مايوذي القريب=واحرمه نقل العلوم التافهات

(((مشعل عسام الغافل التريباني))) في 8/7/144‪4هجري

ابيات في الاخ العزيز طارق الجنفاوي

	ابوزياد (الله ) يديمه ويغنيه=اناشهد ان العود عقب وليده دايم على كسب المراجل مساعيه=يفني على كسب المراجل رصيده طلق اليمين ويرفع الراس طاريه=راع الصخى ياعل ربي يزيده راع المظيف اللي يرحب بناصيه=من لابته والا من اياء بديده مشرعن بيته لجمعئ عوانيه=تقصر عن افعاله حروف القصيده قرمن تقدم للنشامى صيانيه=شدق الصحون الي ثناالثقل جيده لوامدحه بالشعر ماني بموفيه=حتا ولوصغت البيوت الفريده يقصرعنه شعري وتقصر معانيه=حتاايش لوصغت البيوت العنيده لكن نبي نكتب وباالشعر نطريه=واذكر مزاياه الكثار العديده الله من فضله يزيده ويبقيه=وايمد عمره باالحيات السعيده

((مشعل عسام الغافل التريباني))
في ٨/٩/١٤٤٤هجري

انايادعاني واحدن مثل ابوزيدان

	انايادعاني واحدن مثل ابوزيدان=تحضر بحور الشعر وانقى خزايزها ازخرف بيوت الشعرباللول والمرجان=نوادرن من غالي اللالماس ابروزها يستاهل اكتب فيه من ندر القيفان=طلق الحجاج اللي به المفرده تزها جينا نبارك عرسكم يارفيع الشان=اجمل تهانينا من القلب نبرزها لانك تحلى بالكرم والكريم معان=ومن التواضع خير الاخلاق وابرزها ومن لابتن مايجهله كاينن من كان=يوم السنين شحاح تعرف غرايزها قبيلة الاسلم هلا الفعل بالميدان=عند الحميه صعب والله مبارزها هلااللحيسه كان شح الزمان وشان=بصيانين باالزاد تتعب ركايزها من روس شمرمنبع المجدوالاحسان=قبيلتن باالطيب تعرف مراكزها شمرهلى الطولات من سالف الازمان=اصل الصخى غريزتن من غرايزها وابي السموحه كان مني حصل نقصان=ببياتي اللي يمكم جيت امايزها وتمت وصلى الله على خاتم الاديان=رسولن تقدم للرساله وعززها

(((مشعل عسام الغافل التريباني )))في ٢٩/١٠/١٤٤٤هجري