القصيده قالها مرخان راعي الجوف وهي من القصائد النادره

هذه القصيده قالها مرخان راعي الجوف وهي من القصائد النادره قالها بعد غارة الامير:محمد العبدالله الرشيد على عربان عنزه في منطقة الجوف وهي من القصائد النادرة وليعذرني أخي القارئ الكريم عن عدم الوضوح في بعض الابيات لأنني نسختها من مخطوطة قديمه من مكتبتي الخاصه ويبدو ان المخطوطه كتبت على عهد الرشيد لأنك بالكاد تستطيع قرائتها :

الكيف توه طاب لي والكرى زان = وشربي نقع بين الضلوع الصناديق
عصر الخميس أمسيت والقلب فرحان = جتنا علوم مثل قطف الزماليق
العلم جابه لي جرّيد وفاران=احلى من السكر على الكبد لا ذيق
قالوا نهب ريف المراميل بدوان =وخلى بوادي الجوف ناس مشانيق
هي هقوتي بك يانضايض كحيلان=الله يعطيك السعد والتوافيق
ياشيخ يانمر الجبل حام الاوطان=حماي بالضيقات تالي المساويق
عديت يامسطور الاولاد ضرمان=متحمل تبغي منافر ضنا القيق
وادليت بوادي الجوف واذهبت عربان=حمايل ضاعت غروب ومشاريق
وسيلت وادي الجوف من دم صبيان=ناس على نثرة دماكم مشافيق
حلوا بهم بالجوف طلقين الايمان=ستر مروين الرماح المزاريق
كون جرى بالجوف ماهو بالاكوان=على دغيم جان علم التصاديق
تشبع به الضبعا مع الذيب سرحان=و بقع النسور الهدف تاتي مخافيق
محرم لها بالخوف مروي شبا الزان=كرمة عزيز الجار ماهي تشافيق
ثاريك يادغيم من الربع حيوان=وش لك بشيخ يشلق الصيد تشليق
ياتيك بجموع وحضر وبدوان=ورقط تدفق ازرق السم تدفيق
حل القضا والامر من والي كان=تبغى الفراق ولا يضيل التفاريق
حامن عليكم يابن هذال عقبان=راجن وداجن واطلقن منكم الريق
نشبت مخالبهم بكم والخفي بان=واقبلت من دار السعه لمغزل الضيق
اغداك ياغادي الجدا كثر الاضعان=وخلايق معكم تلفق تلافيق
سلقا وملقا والكثيرين حبلان=غروكم المعدان عقادة الزيق
تناطح بهم ياتايه الراي فرسان=ياما اذهبوا من قبلكم من مخاليق
ياما دعاكم مسندي شت نجران=خبتوا وسبتوا مع كثير الطواريق
ساقكم سوق العير والمقطع القان=كم واحد عن حلته قبلكم سيق
خليت بيت الحرب واقفيت غضبان=واقفيت تنهق مع حــميــرٍ نواهيق
الجيش خلي واقفت الخيل شردان=صارت على الحبلان ضرب وتضييق
هذي عوايدهم معفين الاوطان=ضياغم بالكون بلالة الريق
اخوان نورة من اول وذا الوان = مروين عطشان القنا بالمساويق
قزوك عن الحايط ولذات الاوطان=عن دار جدك والحقوق المطابيق
عدوهم ماهو من الناس ربحان=يمرح وقلبه بس يصفق تصافيق
وصديقهم يمشي مع الناس طربان=ويرتع خلاوي بالرياض المشاريق
ذا قول من لا دار بالقيل الاثمان=والصدق بين مايروق تراويق
عاداتكم كفوا المدايح بالاكوان=خصم الوزر نطاح حمر القواقيق
وصلاة ربي عد مايذن اذان= والا عدد مارفرفن الغرانيق

منقـــول

مرخان من بني تميم حسب ماسمعت ذكره الهربيد في قصيدته المشهوره

وحطاب اللي بالصحن ينفض الغيد=ومرخان اخوعتقاء نحاز العيالـي

الأخ الكريم شخصيه مستهدفه

مشكور الله يعطيك العافيه على النقل الجميل الفاخر

وحقيقه اول مره اسمع هذه القصيده لاهنت فاضلي

تقبل تحياتي

شكراً لك على إيراد هذه القصيدة التاريخية الجميلة بارك الله فيك




تقبل فائق التحية والتقدير لاهنت يالمستهدف

اللهم صلي وسلم على نبينا محمد وعلى آله وصحبه أجمعين
أهلاً وسهلاً بشخصيه مستهدفه حياك الله ومرحباً بك ملايين بشبكة منتديات نشامى شمر
آمل أن تجد مايرضيك ويسعدك وأن تُـفيد وتستفيد.
شخصيه مستهدفه
تسلم الله يعطيك العافية نقل جميل وفقك ربي ورعاك.
تقبل فائق أطيب التحايا والتقدير

عافاك الباري
شكري وتقديري

مشكور على هذه القصيدة النادره

والحقيقه ذكر اسم الشيخ دغيم بن هذال شقيق الشيخ عبدالمحسن بن هذال يعني ان القصيده

قديمه بعض الشي وقبل 1300ه تقريبا . فقد كنت اتوقع كونها في السنوات الخمس الاخيرة قبل

سقوط امارة الرشيد لعدم اشتهار هذه القصيده والله اعلم