دنيا الميانه

ليست جديده ولكن طلب مني الشاعر القدير / رويضان الجسار

ان اطرحها هنا ولكي ترتقي بأطلاعكم عليها هاهي بين يديكم

وللامانه قديمه لها حول عشر سنوات


((دنياء الميانه))

لاتشوفني في لون غيري امانه=مادمت تقوى تقصر الهرج عني
الشكل غيري بس عزي مكانه=العلم عني وصل العلم مني
ان كنت ناسي كل دنيا الميانه=خلك بحالك واستقر وارجهني
بعض السواهي في ركوده شطانه=ساكت وفي راسه ثمانين جني
حطمت ابو جد الحـقـير وكيانه=وسفهت ابو وجهين مايمتحني
كم انشغل فكري بكايد زمانه=ماتهت من جوره ولاخاب ظني
ياقلت زانت خربوها العفانه= وان قلت شانت الظنون اشغلني
وشلون نلدم جرح زاد طغيانه=وشلون نفهم كل وقت التمني
مادام فينا كل طيب وليانه=نبقاء على هالحال ظلم وتجني
هذا على هذاك ماهو تكانه= وهذى على هذيك رقص وتغني
وان شفتني في وجه غيري امانه=هات الحقيقه واقبل العذر مني