قصيده جديده

بسم الله الرحمن الرحيم

السلام عليكم ورحمة الله وبركاته


الافاضل الكرام أعضاء وشعراء منتدى نشامى شمر المحترمين

شاءت الاقدار وحالت الظروف دون تواجدي معكم بشكل مستمر في الفتره الماضيه ولاتزال ظروفي لاتساعدني على التواجد كما يعرفه المقربون مني من الطاقم الاداري الا أنني أكن لكم كل الحب والاحترام والتقدير سواء في غيابي أو حضوري وهذا مايسبب لي الارتياح النفسي 0

أحبتي الكرام اليوم حصلت لي الفرصه بالدخول فحبيت آتي لكم بهذه الابيات المتواضعه لعلها تلهي من أراد معاتبتي عن الغياب وبالاكيد معاتبة المحب وأنا معترف بالتقصير اليكم مايلي :ـــ

خانت الوقت يرجع للشقى لو صفاء = ماحد (ن) من زمانه والغدر مستريح
من يقول السعاده نورها ماطفاء = لو ضحك له زمانه يوم الاخر جريح
الغدر والخيانه عاملين حلفاء = أسئل الناس تلقى وآقعه والصحيح
ياكثر ماسمعنا من هروج القفاء = وياكثر مانشوفه من يدين الشحيح
وياكثر ماسمعنا من صديق هفاء = عايش (ن) في زمانه مادخل بالضريح
عقب حلو الصداقه بالسراب أختفاء = حطه الوقت جندي من جنود المسيح
حقق اللي يبيه وغايته وأكتفاء = حكَم القيض عنده ثم بان النضيح
علته جت من الله لاتحرى شفاء = لاتحرى الملا يح عقب شوف القبيح
وكم تنكر محب(ن) للحبيب ونفاء = من سكن باللحد مايسمع اللي يصيح
شفت من يزرع الجوري يحصده سفاء = مثل عفن الشهامه ماينول المديح
ماروت من سراب القيض كبد لهفاء = ومن تغمض عيونه عن طريقه يطيح
ومن حفر في صلاب القاع يلقى صفاء = ومن يحفر الجحوره للحيايا فحيح
ومن تحرى الوفاء من ناس مابه وفاء = مثل من دور الابره ودوه فسيح
ومن هرج مع ردي العرف ماقال أفاء = إبن شداد للثيران ماهو نطيح
ياخيالي توقف بس تكفى كفاء = خلني ودي أنسى عالمك وأستريح

شعر // صقر حمود الضويلي

الضويلي
اهلا وسهلا بعودتك الجميله
وهذا النص الراقي
صح لسانك يالغالي
وسلم بنانك
ورفع الله قدرك وشانك
دمت كا تحب

تغيب وتجيب السمين يالذيب
هلابك شاعرنا القدير صقر بن حمود الضويلي
عوداً حميد لبيتك الثاني شبكة ناشمى شـــــمر
صح السانك الف
يابو حـــــمود ....


خالص التحايا لسمو شخصك النبيل

بأبو حمود عوداً حميداً ياكحيلان

سعداء بهذه الطله المحمله والمثقله بالشعر وكما اعتدنا منك

صح قلبك وفكرك أيه الشاعر الجزل والكبير وطاب حظك يالشامخ

ابدعت بهذه الباذخه فارهة الجمال شعراً وابداعاً وفخامة معنى

دمت بخير وسعاده

يالله حيوه ..... صح السانك يالنشمي

الاخ صقرحمود يعطيك الف عافية على هذه الدرر صح لسانك وعلا شانك جميل ماخطت اناملك لتصافحنا به دام نبض قلبك وفيض قلمك واسعدك الله اينما تكون


خانت الوقت يرجع للشقى لو صفاء
ماحد (ن) من زمانه والغدر مستريح

صقر الحمود الضويلي ... صح السانك يالنشمي

الغدر والخيانه عاملين حلفاء
أسئل الناس تلقى وآقعه والصحيح
ياكثر ماسمعنا من هروج القفاء
وياكثر مانشوفه من يدين الشحيح
------------------------------------

:gfdcvh : الشاعر الجزل / صقر حمود الضويلي

شكراً لك على هالنص الأكثر من رائع لقد أبدعت وأمتعت بارك الله فيك.

صح الله لسانك وعلى شانك وتقبل تحياتي وتقديري وإعجابي :tyiop :

سلت يا رائع
جزلة من راس جزل
دمت بخير

صقر الحمود
صح السانك الف
تحياتي لك