قال من صاغ القوافي وغاص بحورها

قال من صاغ القوافي وغاص بحورها=وكلما هـاضـت هـمـومه تهـيض اشعارها
الـضـمـايـر بالـقــوافـي تـدور سـيــورها=في خـفــوق الـلـي تـنـقـى لــذيـذ اثمارها
يفـهـم عـيـوب الـتـمـاثـيـل عـنـد كسورها=وكـلـمـا تـصعـب قـوافـيه زان احضارها
حايل رياضن تخـالـط عـبـيــر زهـورها=والصخى والطيب يجري بوسط اسوارها
حايل الـعــزه والامجــاد طول عصورها=ومن كفوف اهل المراجــل تسـيـل انهارها
حايل الـتــاريخ يرقــد بـوسـط قــبــورها=وانـشـد اللي بالــتـــواريــخ حــاز اخـبارها
انـشــد اللـي حـاف جـالـه وذاق مرورها=عن سيوفـن يجهـل الناس غيب اسرارها
كان واشـنـطــن تـفـاخــر بكـثر قـصورها=او نـواطــيـح الـسحـايـب وطـول ادوارها
تفـتـخــر حـايـل بحـاتـم وطـيـب جـذورها=مع سبـاعــن تغـلـي اللـيـل في مشـوارها
وتفتخرباللي رجى الناس فـضـل خـيورها=والضواري من سـبـاعه تهاب اخـطارها
وعقب حاتم جــت رجالن وشالـت دورها=لـيـن شـاعــت بالـقــبـايـل لــذيـذ اذكـارها
مثل من عــشــى ذيـابـن شـكت بدهــورها=والــذيـابـه بالـمـهــونه تـعـاف اعــمارها
راح لـبــيــوتــن بـعـــبــده يـذري سـورها=عــن لـواهـيـب الـثـــريـا علـى مصهارها
قــام لـلـخــاطــر مكــازي شـبـيـه نـمـورها=ومن حـلاله حــط لـلـذيـب جـزل خـيـارها
لـك يـمـيـنــن يامـكـازي تـفــوح عـطـورها=وحـزت مـن بـيـن القبايل رفـيع افخـارها
اشـهــد انـك يامـكـازي كـسـرت ظـهــورها=وان كـفــك تـشـبه الـمزن وقـت امطارها
وبالـوسـيـطاء واللحـيــدان حـــس نـجـورها=في بـيـوتـن يـنـعـش الروح ريح بهارها
او كــرم راع الـلـحـيـســه بـعـالــي قـورها=فوق خـرفـان الـنـشـامـى يسوق اعـذارها
شاربـن مـن نـبــع الاسـلــم وطـول شبورها=ماشكوا ضـيـق الليالي وجـور اسعـارها
من رجـالــن بالـشــدايــد عـطــت مـيـسورها=والـقـلـيــل بـعـيــن الاجـواد يمـلـى دارها
وراعي جفيفاء عطى الناس قـبـل حضورها=لـه كـفــوفــن بالـمـكـارم تـزيـل اكـدارها
او سـمـيـراء وابـن جـلـعــود يـسـكـن دورها=وابن سيف بوسط بقـعـاء يحـط ازوارها
ماتـنــول الـطـيـب نـفـسن شكت مخـسـورها=ولا خذى الفرسه بخـيـلـن يهاب اضرارها
وقـام بالجـنــفــا شـجــاعــن عـلى مجـدورها=وهــو عــدو(ن) له يطـالـب عـقـيل بثارها
وطاح فايز لاجـل بـنـتــن شكـت مـن جـورها=ومات مـن بـعــد الـمسافه وطـول امتارها
ياتـواريخـن بالانـــوار حــبــر ســطـــورها=وياعــقــولـن بالـشـــدايـــد تـزيـن اشــوارها
حايل سباع الـمــراجــل وكـور طـيـــورها=وهــي خـيــولــن بالـمـعــارك يـثـــور غـبارها
ياقــــنـــاديـل الـلـــيـــالـي ونــور بـــدورهـا=ويامـشـاهـيـــب الـكـواكـب وضوح اقـــمارها
راس أجا وركون سـلـمـى يشـعـشـع نورها=مع صـواريــم الـنـشـامى وطــيـــب جوارها
ياوعــودن بالـفــــعــايـل تـمــد جــســـورها=وياهــروجــن بالـلـــوايـح ثـبــت مـســمارها
مـاتـغـــطــي طـيــب الايــام كـلــمــة زورهـا=وشمس قـيـظــك مايحـجـبـه غلـيـظ ستارها

من رجالن بالشدايد عطت مقدورها

والقليل بعين الاجواد يملى دارها

ونعم والله

ماتنول الطيب نفس شكت مخسورها

ولا خذى الفرسه بخيلن يهاب أضرارها

صدقت

صح السانك

لك كل الأحترام والتقدير

رأوينا القدير الشاعر الكبير / فواز ابن غسلان

صح كلك ودام قلمك الذهبي النير

لك كل الود والإحترام

من رجالن بالشدايد عطت مقدورها

والقليل بعين الاجواد يملى دارها

ونعم والله

ماتنول الطيب نفس شكت مخسورها

ولا خذى الفرسه بخيلن يهاب أضرارها

صح السانك وعلاء شانك

الروقي0000المشرف العام000اخوصرخه

اشكركم جزيل الشكر على مروركم وتعليقكم النبيل يالعزوه لاهنتوا

تحياتي لكم

ابن غسلان
رااااااائع بمعنى الكلمة لاهنت يالغالي
صح السانك

صح ألسانك .. ياراوية الجبل .. وسلم قلبك ...

لا يوجد ما أقوله ..

لكن .. والله وألف نعم .. يابن غسلان ...

دائم ... متميز ... ودائم متفرد ...

لله درك من شاعر ,.. ولله درك من راويه ..

تقبل مرور ...

ودمت بحفظ الرحمن ..

الراوي ابن غسلان



صح الله لسانك ملااااااايين


تسلم يمينك على ما ابدعت به ..!