ديوان الشاعر / نهير النمش

حاسب طلوعك !!!

	وش جاك يالحر الضرير النداوي=يامودع فروخ الحباري شرايد حاسب طلوعك يابعيد الهقاوي=ماكل طلعه يلتقا به فوايد خلك حذر واحسب حساب الخطاوي=اهجر دروب التهلكه والنقايد خلك على الطوله زعيم وطناوي=اضرب على الكايد وبالك تحايد الدلبحه تكسر ظهور العزاوي=والدنفسه فرت عقول الولايد ياما سمعنا من سرود الحكاوي=لاشك ندرابه سلوم وعوايد دربك خضر مد النظر للحراوي=واترك علومٍ للوراء والوعايد وان عودت ياصاحبي للنخاوي=اجهر بصوتك يازبون الكوايد وان كان ماحن الضمير النحاوي=الطير لامن جاع عشه فرايد اهل المدينه يشتكون القراوي=والحلم طيش وضيعته الوسايد في هالزمن كثرة علينا البلاوي=وحنا بنعمه مالقينا سعايد هذا زمان مكبرين الدعاوي=اهل النفاق معذربين البدايد جربت في دنياي مر وحلاوي=وميزت مابين الفرح والنكايد ياكثر صدقاني بوقت الرخاوي=وياقلهم وقت المحن والشدايد وخابرك يالحر الضرير النداوي=تقدر تصيد جزالها والفرايد

نهير ملك شعر !!!

	جيبوا لي القرطاس والحبر والقلم=وصبوا من الرسلان والهيل ماليه وخلوني اجمعّ شتاتي وألملم=افكار راساً من هنا الحظ خاليه انتاج فكري , للنشاما وحصري=اهداااء للي عزته فوق عاليه مني (لملك الشعر) اعذب حروفي=نهير ملك شعر القوافي وواليه ( الطيب) يجذبني ويحيي عروقي=( والمرجله) تثمر بها روح باليه تجذبني اخلاقه وطيبه وعزته=وتعجبني ردوده وملحه وحاليه خفيف روح وثقل عقله مزهيّه=وسمو روحه تحتفي به غواليه يالذيب يالضرغام ياسيد الكرم=عشاك صيدك من مخاطر مفاليه ياللي على العليات ترقى وتفتخر=المجد يزهابك ويرسم عواليه اشبهكّ بالحر الاشقر ليا ارتفع=عن الثرى صوب الثريا حواليه ليا شاف زول اللي تباها بريشه=فج السحاب وعاث في جول جاليه او ضابطن دك الحصون بعساكره=جازم وحازم وانتخى بسم غاليه قدامه الموت الحمر والتعازي=وراااه شعبن مابقي به تواليه يامالك قلوب النشامى وشعرهم=كفاك ربي من لواهيب صاليه اقبل سلام الشاعره بنت شمر=عن مدح غيرك يافتى الجود ساليه

الرد على الشاعره قمرا الشعر

قمرا الشعر !!!

	حي الجواب وحي قافٍ بداليه=وحي الحروف اللي لفتني بتاليه بهرتها لعيون قمرا من الحبر=في دلة التقدير والشوق صاليه اصب له فنجال يعجبك لونها=تستاهله بنت الرجال الشكاليه القاف جاني كاملاتٍ معانيه=وروعته يابنت الكرم في هلاليه يامرحبابه عد مالاح لايحه=واعداد ماهبت هبايب شماليه يامرحبا بحروف قمرا وحيها=اعداد مايشتاق غالٍ لغاليه قمرا الشعر حماه ربي من البلا=وحماه من شر الزمان ولياليه بنتٍ لها بالشعر صوله ومنزله=تقطف ركادة شعر ماهي عجاليه ترسم بها وجه البدر ليلة الدجى=وبجوهر الابداع تقول طاليه لاجيت اوصف ضاع عني وصفها=لانه رقت فوق الفكر عن محاليه بنت الرجال الطيبين النوادري=اللي على الطوله طوالٍ مداليه ونعمٍ بها وقت اللقاء لعتزوبها=يشهد لهم خويهم في علاليه له ريشة الرسام في عالم الفضاء=له النقاء رمز الوفاء في خصاليه ملك شعر لي الفخر في وصايفه=ولي الفخر في شعرها مع جزاليه مدحك وصلني واتشرف بجيّته=في وقتي اللي راح واللي بقاليه

ترحيبيات !!!

	الشاعر ضاري حائل يابن نمش رش السما ماطر الجـود=واسقى رياض المنتدى في حضورك حياك يانهير عـدد ماركـز عـود=واعداد رمل النفد طالت شبورك بوجودكم نرقـى مسافـات وسنـود=بالعون زاد النـور بشعـاع نـورك عسى دروبك يالخوي سهود ومهود=والمنتدى يطرب بصافـي بحـورك ردي على ضاري حائل شكراً جزيلاً عد ماذعذعت نود=لحضرت جنابك جعل دايم سرورك فيك اتشرف ياعسى حالك بزود=شورك يعاوني وابي منك شورك الطيب لك ياشيخ ماضي ومشهود=وانت السعد والطيب والدور دورك عساك دايم وانت في عز وسهود=ابهج فؤادي زين صافي شعورك الشاعره نـــدى واقول وش هالنور والثريه موجـود=نهير زعيم الشعر لبـى حضـورك جيبو المداخن وانطحو النمش بالعود=لك دورنا الترحيـب والقـاف دورك هات القصيد اللي به الجود معّهـود=متّع فرحنـا مـن لفانـا عبـورك يامرحبا بـك عـد ماهبـت النـود=واعداد ما قرْيَت نـوادر سطـورك ردي على ندى اهلاً هلا واهلين انتي فري قود=شكراً على الترحيب وباقة زهورك عسى حياتك دايم الدوم في زود=ياللي علينا فاح نادر عطورك مادامني من بينكم صرت معدود=بقول للي هاب طارت طيورك والمعذره بعض القوافي له حدود=عسى الذي قلته يجمل غرورك الشاعره أم نواف هـــلا بـالـلـي وجـــوده شـرفـنــا=وجود مثله زاد الاشراف بشراف بالـلـي حـضـوره غـايــة هـدفـنـا=حـي الاميـر اللـي لفانـا بميـلاف القـرم ابـو نشمـي لحبـه عسفنـا=اللـي زهـت فيـه كـل الاوصــاف ردي على ام نواف يامرحبا باللي لفاهم سلفنا=اعداد ماهبت عواصيف الاصياف والشكر للي يوم جينا عرفتا=نكن له كل احترامات الاطياف جتنا تراحيبك وإلها وقفنا =لك الشكر يا أختنا يا أم نواف الشاعر طلاع الزميلي زان جوي واستمع نبرت اشعاري=له صدا في خافق الـود عزافـي لاجل نهير اشلعه واسر يالساري=كوكباً للشعـر للصعـب عسافـي ولبو فارس وابن بليهد والضاري=فحول شعر الفن لاغنـو القافـي واتنومس بكل الاخوان وامـاري=كل منهم صافيـاً كافيـاً وافـي وكل شاعر بالتماثيـل بيطـاري=فوق راسي منزله ولد الاشـرافي ردي على طلاع الزميلي جمل الله حال وافين الاشباري=عد ماهبت هباهيب الاصيافي وانت ياطلاع بالطيب لك كاري=عادتك ياصاحبي باللزم شافي والبليهد والظفيري مع الضاري=الكل منهم دايمٍ قرم وسنافي والشكر موصول للكل بالداري=يشمل الجنسين من كل الاطرافي والسلام اختام مع طيب الاذكاري=للجميع اعداد نبوت الاقفاري الشاعره تدى مسيت بالخير يانهيـر=ياجيت متعت بحضورك نغليك بالحيـل يالخيّـر=ونفرح ليا خصّنا نورك ولكافيهنا يالخوي سيّر=واقرط علينا من زهورك ردي على ندى يامرحبا فيـك ياصغيـّر=اعداد ماتصفصف شعورك يالله يــارب لاتغـيـّر=الستر والخير وسـرورك الشكر مخصوص ومجيّر=لحضرت جنابك ومامورك

عيد الفطر عام 1433هـ

	يا محلا للعيد سوق التهاني=باجمل عبارات الفرح والتباشير لاحبابي الغالين قاصي وداني=اللي لهم عندي معزه وتقدير تقبل الله صومكم لرمضاني=وتقبل الله سعيكم ياهل الخير وعسى مكاسبكم كنوز الجناني=من واحدن يعلم بكل التدابير واختامها ارجو قبول الاماني=مني لكم اعداد مارفرف الطير

إلى قلوبكم آخر ماكتبت

لعبــه وكذبــه

	من لاكسب في اول العمر معروف=عقب الهرم مايرتجي رد الاحسان الناس بالدنيا حكايات واصدوف=وما يرتكي للكايده غير ذيبان الطيب مايعمل لاجل حاجة ظروف=وهبه من المولى وهبها للأنسان رجلٍ مهو في هرجة الغير مكلوف=سلم عليه وقله إنك بليهان هذا زمان البهرجه صار مالوف=للي سوالفهم خرفات الاديان صرنا حكاية كل حاقد وملقوف=كلٍ على كيفه يعذرب بالاوطان السالفه ماهي مواثيق وحلوف=السالفه لعبه وكذبه وراء اعلان هذا انفتاح الراي سبب لنا حتوف=خلا حكيم الراي جاهل وغلطان المشكله ماهي جماعات وصفوف=المشكله تشويه سيره بالاذهان واللي كسب في اول العمر معروف=ماعاد يلقى من يجازيه بأحسان

أسـحـم الـوجـه

	علمك دهاني ياأسحم الوجه ياذيب=لك بالزمان الأولي طولت اشبار كان الوكاد انيابك الشرس للهيب=وصار الوكاد اليوم صبرك على النار شفني خطرت الياس كنه معازيب=وشفني نويت اهج ياطرب الأخبار وشف هالوله طير رماده هوى الغيب=يامال فرقا العين ياراعي الثار راحت سنيني وامتلا عارضي شيب=ابي الوقار اللي يذّكر بالاذكار مامن ردا بس البخت عذره يخيب=ومامن قدا ياعاذلي ويش ماصار ياجامع علوم الوزاء للرخاء عيب=ماتدري انك بالعرب تكسب العار كل المراجل للطنا تنتخي طيب=فاحت عطوره فل ريحان الازهار من عصر ابوخوذه تفوح المواجيب=يالآدمي وشلون تنسى هل الكار لى شايبٍ مابين عوج المحاديب=عاقل وماله في عديمين الأفكار وش هالزمان اللي رفع ناقل الريب=وضح النقاء راحت على كف غدار يامن ذكرلي عز وقت التراحيب=اليوم راحت مالقينآ له آثار وضعك ذهلني ياأسحم الوجه ياذيب=لك بالزمان الأولي طولت اشبار

ابيات منوعه

	ياصحابنا ياهل الشبه=الله يعوضكم اللي فات مديرنا كلنا نحبه=الله يجيره من النكبات راع الردا يعاقبه ربه=هو الذي يعلم السيات ومن يعمل الطيب مانسبه=والله يوفق هل الطولات راع الهوى يابو مشعل هاضت شجونه=والبدو يامسندي ترهم هواويه النفس من ضيقة الايام مشحونه= والعين عافت لذيذ النوم موليه يالله بنوٍ علينا يرخي اردونه=ايخضب الارض وتحدر عواليه ---------------------- رسالة جوال مبطـي وانــا تعبــان حيلــي ومهدود=ومن لـي ثمان سنين هالنفس طابت كنت أحسب إن الطيب بالغير محمود=أثــر البـــلا بالنـــاس لاطبـــت خابت يابو نمش بعــض البشــر مابهم فود=أو إن بعـــض الخلــق عـمــداً تغابت فايز الثويني الناس فيهــا يافتـــى الجــود ملهود=كــم واحــدٍ اخـطــت ظنونــه وعابت لاشــك يبقــاء بــه صنـاديــد وفهود=زحــول الرجــال اللـي للمجاد جابت وامــر تدلل وش تبــي يافتى الجود=امشي معــك يامــن الانــذال هابت نهير النمش

ابيات خرجت غصب اتمنى انت تقبلوها مني
مع العذر وتكرمون عن ماورد فيها من الفاظ

إلــــى مــن يهمه الأمــــر

	البارحه ماغمض الجفن بنعاس=ماذقت يالعربان لذ الرقودي اسرفت بالتفكير وضاقنّ الانفاس=واعوذ بالله من بليس اللدودي إذا وجودي به مضره على الناس=عز الله اني مااستحق الوجودي الله خلقني ياهل العرف حساس=اعرف ملاعيب الكذوب الجحودي المشكله شايب وملعون ابو ساس=وتكرم عنه كل الرجال الفهودي اللي لهم بالمرجله كل نوماس=اعلومهم في كل يومٍ تزودي انا مضايقني عليّمٍ بلا راس=تلفيق ملعون الكديد الحقودي يحكي لك الطيب وللسم دساس=ولا من بغيته بالحقيقه شرودي ياما فقدنا اجواد باسباب هلاس=فرق شعبهم لان قلبه حسودي وإذا وجودي به مضره على الناس=عز الله اني مااستحق الوجودي

مجاراة من الشاعر مشعل التريباني

	يابو نمـش يامسنـدي طايـل الـــراس=الظـلـع مـاهــزه كـثـيـر الـحـشـودي الا وجـودك عـــــــز راســن ونـومـاس=يـعــل يـفــداك الـحـسـود الـحـقـودي اللي يدس السم في وــط الاكيـاس=ويبيـعـهـا لـلـغـافـلـيــن الــرقــودي اللي اليا طـب المجالـس لهـا حـاس=بهـروجـه الـلــي يـدبـلـن الـكـبـودي هــذي يفصلـهـا بـوزنــن ومـقـيـاس=والـثـانـيـه جــابــه بـلـيــا حــــدودي حطاب للاعراض في شذرة الفاس=وعــن الــلاوازم يانـصـنّـه لـبــودي

مجاراة من الشاعر عبدالعزيز بن بليهد

	بشر خبيثين النوايا بالأتعاس=اللي دليّه بالفسيله ورودي التافهين قلوبهم سود وانجاس=مهما عطيته خير شره يزودي مادمت يارمز الشرف حي نبراس=يفداك ملعون الكديد الحقودي مرد ملسون الخطيه للأفلاس=اللي يوزه مع قرينه قرودي يكرم مقامك ويهبا كل بلاس=يابو نمش دربك عزاز وسنودي

مجاراة من الشاعر طلاع الزميلي

	اكفخ تعلاء ومنزلك هامة الراس=وفي راس عيطا لك مكان وجودي نهير نمش لصلبين الاشوار نبراس=دين وفا واخلاص وصدقاً وجودي قول وفعل لصروح ألأمجاد عساس=للعاليه ولاعلى المعالي يرودي للحالي أحلا من الشهد بأوسط الكاس=والمعتدي يصبح لناره وقودي نهير وربعه بالفخر شالو الكاس=مجلا لشمر يحتمون الحدودي وابو نمش عرفه معزه ونوماس=ويبقا معانا رغم خشم الحسودي واللاش ماله عند ألأجواد مجلاس=عند الرجال القاطعين الحدودي لاجا الموا جه فر عن الوجه نساس=يزوغ قلبه عن المواجه شرودي ويابو نمش قدرك علئ العين والراس=ومع الطنايا أكفخ وترقا سنودي

مجاراة من الشاعره قمرا سماه (امل الشمري)

	اذا وجودك به مضره على الناس=ماباقين غير النساء واللحودي يامالكن طيب المعاني والاحساس=آثار رجلينك مطر بالنفودي انت الفخر قدرك على العين والراس=واللي حكى حكيه لفصله يقودي انت الذهب انت الجواهر والالماس=قليل مثلك بالبشر في الوجودي يفداك من راكاه بالهرج جلاس=اللي على عرض الآوادم يجودي غبي فارغ جوف للدم لحاسّ=شرود مقطوع النسب والجدودي حنا لعينك نقطع العنق بالفأس=صغيرنا من عزنا جاه زودي تبي فعل ولاّ قصايد وحراس=ولاّ قنابل من مشاعر عنودي خذ الكلام اللي من الراس للراس=قمرا تحدا لجل عينك فهودي

مجاراة من الشاعر/ أسـير الوفـاء ( أبومـراد )

	ياللـي بطــيبك نلــت محــبة الـناس=بقلوبهــم حــبك من الله يـــزودي صفق الهوا لاهنت ياطيب الساس=يفـداك من يسعى بشـرٍ حقـودي تكــدروا مـن شـــايبٍ جــاك دلاس=له بالدسـيســه صادرات وورودي ما خاف ربه ما سـعى غــير بإفـلاس=ماقــام به ما يجــي من يهــودي لا يشــغلك يابـو نمـــش أي دسـاس=أنت الجـبل =ماحركــته الرعـودي القــافله تمشــي ولا إنــتابها إعماس=ولا الجعـر تقـدر تعيقـه بعـودي أو جالب الما صافيٍ ثم به حاس=ولا عكِّــره سـاق الخـباثه صيودي إلـى دعــى الداعي لفــيناك حـــراس=إبشــر بعـزك فعل ماهي وعودي أنـت الشموخ أللي كـما لمعـة الماس=بسـامي عــلومك رقـيت الســنودي يطـيب فـالك يافتى الجـود لابـاس=أنـت الكـبير لطيب أصلك تعـودي تعـرف غـلاك إللي تمكَّـن بهـا الراس=يفداك راسـي يابعد هالحسـودي وصــلاة ربي عــد ذِكــره بقـــرطاس=وعداد من لبوا بيـضٍ وسـودي عـلى النـبي الهاشــمي ســيد الـناس=وآلـه وصحـبه ومن تلاهـم بـزودي

أشباحنا

	كل دربٍ خذانا سكته طاله=ماوصلنا نهاية غايةٍ فينا جرحنا من نزيفه كثرة أمثاله=وأيامنا لاجفتنا فعل ايادينا أشباحنا لاسكتنا طالت حباله=وان نطقنا تغير كل ماضينا صبرنا لو تفجر بانت افعاله=وضيمنا لو شكانا شال اغانينا كل ثوبٍ لبسنا زان تفصاله=ماقوينا نعاتب في تلاقينا قالو الوقت فات الوقت بامآله=باقي الوقت وحنا في أمانينا نزرع الحقد فينا وحقدنا ماله=نحسب البغض مطلب لاجل يغنينا نطرد الضل ندري مابنا داله=وأثر هالضل هارب من بلاوينا نسعد الضيق وحنا الضيق بأحواله=نكره الفرّح وندري مايدانينا نكتم الغيض وحنا حالنا حاله=انداري الجرح والا الجرح هارينا وش بلانا نعاتب صادق أقواله=واحدٍ ماحدانا بس بالينا وكل دربٍ خذانا يمته طاله=وان وصلنا نسينا غايةٍ فينا

رحل من الدنياء عمي / مطر جازع الحسيني الشمري
مساء يوم الاؤبعاء الموافق 21/1/1434هـ
اسأل الله العلي العظيم ان يجعله في جناة النعيم
انا لفراقك ياأبا مقبل لمحزونون

عمــي شقيـــق ابــوي مــن دارنا غــاب

	بيديك ياربي مفاتيح الاسباب=وانت الذي تعلم خفيات الاسرار يارب عفوك مالنا عنك مجناب=نرجوك لطفك بالدعاء سر وجهار يالله ترحم من وصل كل الاقراب=وتجعل له الجنه نجاةٍ من النار ويالله تعوضه خيرمن بعد الاتعاب=وتجعل مقره مع نبيه والابرار عمي شقيق ابوي من دارنا غاب=ودع محبينه وسافر عن الدار له سيرةٍ عطره على كل مرقاب=سيرة شرف يشهدله الضيف والجار ملجاء اليتاما من عنا حر الاكراب=شيٍ حقيقي ياهل الطيب والكار اوصيك يامقبل على وصل الاصحاب=اصحاب عمي وانت من روس الاحرار دايم على العليا تقدم ولا تهاب=عساك تسلم من صواديف الاخطار انت العوض بين القرايب والاجناب=في راس عمي ياعسى قبره أنهار ولانعترض حكم الولي رب الارباب=هو الكريم الواحد النافع الضار وصلاة ربي عد ماترمش اهداب=على النبي اعداد ما تذكر اذكار

نهير نمش الجازع