ديوان الشاعر / نهير النمش

الشروح العقيقه !!!

	ياناس لو نقدر نغيّر جهدنا=الزيف فينــا ماقــدرنا نعيقه ياكم شلنا حملنا من سعدنا=واليوم كلٍ صـار يجرح رفيقه الوقت غيّر صدقنا من لهدنا=ياهي سوالف كلنا مانطيقه عقال لكـن ياحكينا جلدنا=ناخـذ ونعطـي بالشروح العقيقه ننزف قهر والوقت كله جحدنا=واحوالنا ماعاد يلمع بريقه مهما كسبنا للذهـب ماحمدنا=هذا بلانـا مانحـب الحقيقه نعرف بلدنـا يوم ننسى بلدنا=ياما بحثنا للطريقه طريقه ياما على عذب المشارب وردنا=تاريخنا يكفيك عنه عتيقه وان كان مانقدر نغيّر جهدنا=الزيف فينــا ماقــدرنا نعيقه

في يوم الخميس ليله الجمعه الموافق13 / 6 / 1433 وبصحبتي الشاعر والأخ الغالي / احمد الجريفاني
تشرفنا بدعوة ولقاء الأخ العزيز / نهير نمش الحسيني الشمري واستقبلنا بكلمة يالله حيهم وهذه الكلمة شعار لقبيلة شمر في انحا الجزيرة العربية
استقبلنا الرجال في كل حفاوة وتكريم وتشرفنا بالسلام على والده ورحب بنا اجمل ترحيب حفظه الله وتشرفنا بالسلام على جماعته الكرام في قرية ضبيعة شمال حائل
وبهذه المناسبة قلت هذه الأبيات المتواضعه بالأخ الغالي / نهير النمش

قصيدة الشاعر فرحان بن رشيد الظفيري !!!

	رحنا على البترول نبي نهيّر = ملبياً دعوات شبل الحسيني يم الكريم اللي طيبه يحيّر = انا اشهد انه شيخ ذرب اليميني نهيّر جبل عالي ولاهو قصيّر =على مسافاتٍ بعيده يبيني شهمٍ ولد شهمٍ وبالراي نيّر = راسي على مبداه في كل حيني لاهو بماغرورٍ ولابمتطيّر = متواضعٍ محبوب عقله رزيني سديد في رايه حكيمٍ وخيّر = نعم الرفيق ونعم ذاك العويني ان حدتك دنياك عندك نهيّر = هداج تيماء لاحدتك السنيني يفرح ليامن جاه ضيفٍ مسيّر =يعشي الضيفان كبشٍ سميني له مجلسٍ واسع ولاهو صغيّر = مدهال لكرام اللحا الغانميني من لابةٍ حمّاية ام الحويّر=حامينها في حد سيفٍ سنيني طناينٍ لسلومها ماتغيّر = غلبا تخلّي كل قاسي يليني

فرحان بن رشيد الظفيري
حائل

@@@

بسم الله الرحمن الرحيم

اخي الشاعر الجزل / فرحان رشيد الظفيري

اولاً شكراً لك على قصيدتك الموجهه لي واللي اتشرف عظيم الشرف بها

ثانياً العذر على التاخير والقصور الرد ماهو قدر المقام ولكن هي محاولة رد

طبعاً منصور هو اصغر أخواني

فرحان ابو فارس بالافكار نيّر .. من طيب ساسه مايحب الدويني !!!

	منصور مادام انت اخوي الصغيّر=دوك القلم واكتب كلامٍ ثميني عليك بالجزلات وبالك تغيّر=اختر لنا النادر وربك يعيني حي الجواب اللي لفاني مجيّر= من شاعرٍ دايم وقافه حسيني اهلاً هلابه عد هلة اقصيّر=واعداد دورات الفلك والسنيني جتني بيوتك والفكر به تحيّر=من قو نظمه تطرب السامعيني لحظة قريته قمت فيها اتخيّر=لقيتها اخيار نقوة فطيني فرحان ابو فارس بالافكار نيّر=من طيب ساسه مايحب الدويني شاعر كبير وللجزايل مضيّر=عريب ساس ولابته شامخيني ياجيت له عاني تره مايتنيّر=تلقاء الشبب والطيب والطيبيني ظفران للأجواد ماهم مطيّر=ارداهم اللي يشبع الجايعيني ظفران ستر الجادل اللي تذيّر=لاصاحن الخفرات جو فازعيني اهل البويت مزبنين المنيّر=من ماضي الازمان يالعارفيني واختامها اقبل تحية نهيّر=ابن نمش جازع نهار الحسيني

إليكم كما أتت سج الفكر واتى بهذه الكيبوريه

طرقت الأبواب !!!

	يسج فكري مع الهاجوس واغني=(يامل قلبٍ يلوعه طاري الفرقا) راحن بي ايام عمري لين لاعني=ويلوعني ياجماعه نايح الورقا اصيح في عالي المرقاب واوني=وفي داخل القلب نارٍ تحرقه حرقا ماهو على شان بنتٍ دلها فني=والا على شان شوف الجادل الطرقا عشرين عامٍ وانا الاقدار يكوني=والحكم للواحد اللي ينجي الغرقا اطرد للأسباب والاحلام يلهني=والكبر جمع هروسه يامل الفرقا طرقت الابواب والاسباب هدني=جنوب مع شامها للغرب والشرقا رجواك يامن خلقت الأنس والجني=انا على باب عفوك اطلب المرقا بيديك الاسباب والارزاق والمني=اطلبك ياخالقي لاتقطع العرقا وان سج فكري مع الهاجوس بأغني=رحماك ياعالم رعوده مع البرقا

ابو طلال !!!

	اعداد مادارة دواليب الافكار=واعداد ما بالدار وايضا البوادي واعداد ماخط القلم سر واجهار=واعداد ماهدو طيور الهدادي واعداد ماهب الهواء وهز الاشجار=واعداد مايزرع ويجنا الحصادي اسلم وسلملي على طيب الكار=ابو طلال اللي على الطيب بادي تكفاء يابو طلال ياصلب الاشوار=ياطير شلوى جعل دربك سدادي تكفا ترا تكفا لها حيل مقدار=عند الذي مثلك كريم الايادي اقبل وجاهة من رفع صوته امرار=يبغاك ترجع ياحكيم المبادي

تايه الفكره !!!

	الرجل أحيان مايقوى الكلام=وأن بغاء ماقال شيٍ مهتويه الدروب أكثار والدنيا تمام=يمكن الرجال يفهم من أخيه السلام أوقات مايصلح سلام=ينعكس احيان لو تقدر عليه ياعذولي كف لاتبدي ملام=العقول أصناف والعاقل نبيه ياحياة الذل للقوه حسام=ياورود الحقد بالزرع الرفيه عن بياض الوجه طيّرت الحمام=ياحكيم الراي والعلم الوجيه يالوجيه البيض وش رد العلام=علموني وش جرا للناس ليه ياكثر ماشفت بدروب الظلام=تايه الفكره تهرب من ذويه ويارفيق الخير ياراع الحطام=الكبير الرب والفاطن بديه الكباير عذربت ناسٍ حشام=والمخابر خيبت ملح الوجيه والرجل أحيان لو قال الكلام= ياخذ حساب العواقب من سفيه

شفت الجميله وانا حساس !!!

	اسقط على الرنج يادواس=ياشوق من نهدها نزي القلب كنه على محماس=كنه على نويرة القزي قربني لازاهي اللالباس=في جانبه لزني لزي يوم التحظ كنه القرناس=عيون حرٍ ليا فزي شفت الجميله وانا حساس=وعزي لحالي ويا عزي باسبابها صابني هوجاس=وراع الهوى ماله معزي اضحك واجامل جميع الناس=وغرامها هزني هزي

موت الورق !!!

	البحر حظ البحر ياوسع صدره=مايغثه كثر من جاه وابداله والقلم موت الورق ياقضاء حبره=والورق درب التعابير ياساله الله الله والفضاء عاليٍ بدره=الدروب اتسكرت والزمن شاله عذرها من عذرها ماجبر كسره=ضاعت اماله على مضيع اماله شايفٍ حاله وهو بايخ الكشره=ماتعذر من مساعيه وجداله شوقها ياشوقها علم الخبره=مابهم من يعرف السر وامثاله والله اني ياولد عارفٍ قدره=وادري انه نازلٍ تحت منزاله من بذر لابد يقطف جنا بذره=كلٍ ومحصول زرعه ومكياله

الضلعين !!!

	وش بلا حدب المحاني يرزمني=غلطة الشاعر بعشره يالحنايا ان حداه الصمت رده للتمنى=وان ثناه الصيت جوزي يالنوايا ان نخيتك ياظنوني شرفني=دام لي حشمه مثل كل الطنايا الردي عنه الهقاوي يرفعني=هقوتي فوق الشوامخ له مزايا الصبر والطيب والله علمني=اعرف النزهين من شين الحلايا اعشق الطيب وظنه مثل ظني=واكره اللي شغلهم جمع الحكايا انشد الضلعين عن عزه وثني=مجدنا يافلان باقي له بقايا

ياعيد مالك في حناياي؟؟؟ !!!

	ياعيد مالك في حناياي مدهال=بين المحاني غابت افراح طاريك ياعيد ليتي توني ظمن الاطفال=لك فرحةٍ بعيونهم حضهم فيك اول نحبك حيـل ياطيّـــب الفال=واليــــوم فاتتنـا حـــلاوة لياليك ياعيد شفني لابسٍ ثوب وعقال=رزه وكشخه والهقاوي شرابيك ماضي وحاضر وانت ياعيد رحال=نفرح بجياتك ونزعل بتاليك ياعيد كنا بحشمة رجال لرجال=راحت مبادينا على همس ماضيك كنا ولازلنا على ذكر الاطلال=نعايد بعضنا والسعد في حراويك ياعيد ليتك في حناياي تجتال=بين المحاني ترجع افراح حاليك

المصاب جلل والموقف اقوى بكثير من الشعر محاوله رثاء فقط
رحم الله ولي العهد الامير نايف بن عبدالعزيز واسكنه قسيح جناته

نعزي مليك الدار !!!

	ياوطنا رحل رجلٍ عزيزٍ مقامه=يجبر الله عزانا في عريب السلايل الامير المحنك شيخ عز وفخامه=منبعه من مواكير الحرار الاصايل به نعزي مليك الدار واهل الزعامه=والعزاء للمبادي والقيم والطوايل به نعزي هل الطولات واهل الشهامه=وبه نعزي هل الحسبه وكل الحمايل وبه نعزي عنودٍ تستتر في لثامه=اشهد انه هدف من عقب واف الخصايل هيلعيٍ رقاء للمجد وارقب سنامه=ماتعسر مسيره رغم كل الشكايل قاد امن الوطن للخير ستر وسلامه=مع تحدي عصور العلم شال الثقايل نطلب الله عزيز الملك منشي غمامه=يرزقه جنة الفردوس بعال النزايل جعل ماقدمه يلقاه يوم القيامه=ونطلب الله يجيره من سموم الملايل وبعد نايف يجينا من يقود الجهامه=هيلعيٍ مثل نايف يقود الرحايل