المحاورة بين الشعراء والشاعرات

صح
صــــــح السنكم شعراء نشاما شمر

كفو شعراءنا الكرام

ياربعنا ياهل الشبه=عويد القرم من شافه
متصفح الشعر ماطبه=يالله عسى ماهي عيافه
نغليه بالحيل ونحبه=ونحب شعره وسولافه
نطلب عسى يسعده ربه=ويعود بالخير مع قافه

اقتباس المشاركة الأصلية كتبت بواسطة نهير النمش ياربعنا ياهل الشبه=عويد القرم من شافه متصفح الشعر ماطبه=يالله عسى ماهي عيافه نغليه بالحيل ونحبه=ونحب شعره وسولافه نطلب عسى يسعده ربه=ويعود بالخير مع قافه

يابعد حيي يابو نمش
والله ماانتبهت غير هالحين والعذر والسموحه على التأخير
وصح الله لسانك يالعزوة

عويد الهم يلعب به=عجز يشيله على اكتافه
النت عافه مع الشبه=واحيان ياقف على اطرافه
والنفس ماعاد هي طربه=ترى الطرب صرت بأخلافه
الهم ياخوك وش طبه=وطير السعد مر ماظافه

الغالي ابو نمش والسامعين
عسى ماتجيكم الهموم واسف على هذا الرد اللي مش ولابد
تحياتي لك يالعزوة

اقتباس المشاركة الأصلية كتبت بواسطة عويد المغيليث يابعد حيي يابو نمش والله ماانتبهت غير هالحين والعذر والسموحه على التأخير وصح الله لسانك يالعزوة عويد الهم يلعب به=عجز يشيله على اكتافه النت عافه مع الشبه=واحيان ياقف على اطرافه والنفس ماعاد هي طربه=ترى الطرب صرت بأخلافه الهم ياخوك وش طبه=وطير السعد مر ماظافه الغالي ابو نمش والسامعين عسى ماتجيكم الهموم واسف على هذا الرد اللي مش ولابد تحياتي لك يالعزوة

صباح الخير يابو محمد
انت واهل الشبة الكرام
الغالي انت من الرجال الاكفاء والحكماء ومنهم يشيلون الحمول الثقيله ويقدرون على تحملها وتهون ان شاء الله
اتمنى على الاقل تناسي بعض الامور لصالح نفسك حتى تتمكن من ضبطها بدون التأثير على نفسيتك
ونفسية ابنائك اعقلها وتوكل على الله فديتك

اقتباس المشاركة الأصلية كتبت بواسطة المشرف العام صباح الخير يابو محمد انت واهل الشبة الكرام الغالي انت من الرجال الاكفاء والحكماء ومنهم يشيلون الحمول الثقيله ويقدرون على تحملها وتهون ان شاء الله اتمنى على الاقل تناسي بعض الامور لصالح نفسك حتى تتمكن من ضبطها بدون التأثير على نفسيتك ونفسية ابنائك اعقلها وتوكل على الله فديتك

الغالي ابوغازي الله يصبحك ويمسيك بالخير
وماعليك زود يالعزوة
وماكتبته من خربشات هي مجرد رد على العزيز ابو نمش
ولكن هالخربشات ارادت ان تضهر هاكذا
اشكرك يالعزوة
تحياتي وامنياتي للجميع

اقتباس المشاركة الأصلية كتبت بواسطة عويد المغيليث يابعد حيي يابو نمش والله ماانتبهت غير هالحين والعذر والسموحه على التأخير وصح الله لسانك يالعزوة عويد الهم يلعب به=عجز يشيله على اكتافه النت عافه مع الشبه=واحيان ياقف على اطرافه والنفس ماعاد هي طربه=ترى الطرب صرت بأخلافه الهم ياخوك وش طبه=وطير السعد مر ماظافه الغالي ابو نمش والسامعين عسى ماتجيكم الهموم واسف على هذا الرد اللي مش ولابد تحياتي لك يالعزوة

ولايجيك الهم ان شاء الله واسأله سبحانه وتعالى ان يوفقك لكل خير وان يستر حالك

وبيض الله وجهك الا كله وافيه وشافيه عسى عمرك طويل والعذر انا كتبته بعد مافقدناك

ولا أحسب ان الظروف تاتي كذا ولكن الحمد لله على كل حال كل مايحصل لنا في الدنيا هو

اختبار لقوة صبرنا وتحملنا وانت يابو محمد رجل كفو وللحمول الثقال وربك يكتب اللي فيه الخير

الف شكر لك على الرد وعذراً لك مني ايضاً

صح السنكم .... يالشعراء ..... كلن بسمووه ..... ياخلف ابوي

ابلشوني ناس عن فحوى الامور=يحسبوني صرت رجال بليد
والله اني دوم رجال صبور=واعرف ان الله يفعل مايريد
لايزيد الهرج والشاعر يثور=والطلق لو ثار قولو وش يصيد

نبي نهيف على الصمان

****

اسند علي اخوي الشاعر العذب / فرحان الظفيري (عابر سبيل) :هذه الابيات ولايخفاكم قلبه خضر


عابر له اسبوع وهو طفشان
ولا غـفـى لــو ربــع سـاعــه

كـم تـف مـن كاسـه وفنـجـان
وزقـــارتــــه دوم ولاّعــــــــه

رايح وطي با الهواء يافـلان
حـب البنـي يـا الخـوي لاعـه

لاشــاف مــن زيـنـهـا فـتــان
وده يــجــره فــــي ذراعـــــه

مــار الـبـلاء هـيـئـةٍ شـيـبـان
الله هاديـهـم عـلــى الـطـاعـه

كـل واحـد متـنـش وفسـاقـان
يبـرم عصاتـه فــي اصبـاعـه

احـسـن نـغـازل فــي الـبـران
مــابــه لاهـيـئــه ولا بــاعـــه

نبـي نهـيـف عـلـى الصـمـان
يــذكــر لــنــا زان مـربـاعــه

ونشوف راع الوضح يا فلان
بـالــذود بـالــروض رتــاعــه

نسـلـم عـلـى قـائـد الـغــزلان
ابــا تطـمـن عـلـى اوضـاعـه

نبـي نحبحـب هـكـا الحـيـران
ونهـدي علـى الزيـن دراعــه



وهذا الرد مع جميل وفائق التحايا :

ان كان لأهل الهواء عنوان= فانت الهواء وانت مطلاعه
لك بالغزل ،والعذارا شان =هن راس ماله .. ومطماعه
حييت يالعاشق الولهان =عد العشاشيق واوجاعه
ويامرحبا فيك يابليهان = يامن شكا قلة اسناعه
الحب ياخوك له بيبان= والناس بالصيد طماعه
والزين ياصار بالدكان = يصير للشاري بضاعه
وطرد المقفين للورعان= ولأهل اللحا السمع والطاعه
لو كل زولٍ دخل برزان= ينصاد... ماياقف شراعه
مار الهواء ذوق واستحسان= بلكي بعد همس سماعه
وشرواك مايقبل الحقران= والعز جوّه ومنجاعه
والبر لاجيت له فرحان= يمين يسلا عن اوجاعه
فيه الحلا والطرا الوان= تبعد عن الخلق ورعاعه