ذبحت انا اللي

صقــر الشـــمال

الابيات وصلتني من الاخ الشاعر صقر الشمال الشمالي
وظمنها لغز بل الغاز وسوف اوافيكم باـلرد عليه .ان شاءالله

ذبحت انا اللي ......؟

سجل يابن سوعان صدق اعترافي
....... وانا الذي عن كل ماصار مسئول
يابو فهد جاك الخبر بالقوافي
......جاك اعترافي واترك القيل والقـول
واللي ذبحته . يذبحه كل وافي
........ والحق له سيفً مجرد ومســلول
ذبحت أنا اللي بوسط النفس خافي
...... في كل نفسً خيله أتصول واتجول
يشوف لكن للأسف ما يشافي
...... وعند الذي به خير ماهوب مقبول .
خلف أعيالً وصفهم له يظافي
........ لكنهـم يأتـون فـي عــدة أشكول .
منهاجهم قطع الرحم والتجافي
.......ورفيقهم عـن طيبة الفال معزول .
رفيقهم من خالقه ما يخافي
....... لكــن لبـوهـم تايه الـرأي مـذلول .
يابو فهد حذراك لاتكون غافي
..... حد البصيرة والبصر واقبل القـول .
عطني جوابك والخبر يالسنافي
...... ولعـل ردك يابن سوعان ما يطول .
ابغي توردني على عـد صافي
....... ياشـاعرً نوعه مع الناس مقلـول .
أخـــوك
صقــر الشــمال الشـــمالي

شاعرنا القدير محمد سوعان الربيع
تسلم وصح السانك والسان الشاعر صقر الشمال الشمالي
ابيات من العيار الثقيل وونتظر ردك شاعرنا بلهفه يالنشمي
خالص التحايا لسمو شخصك النبيل

صح لسانك ولسان الشاعر

بن ســـــــــــــوعآآن ............................. ))

سلــــــــــــم النآقل .. والشآعر ... إمتنآنـــــــــــي لكم