طاب الكلام / بقلمي

القصيدة / موجهة الى خوالي النافل من ولد سليم من حرب

طاب الكلام وطاب نظم الجزالي=انظم جزيل القاف والراس مرفوع
انا رفعت الراس بمجلس خوالي=اللي لهم بالطيب وقفات واطبوع
انا اشهد ان المدح جاله مجالي=سر ياقلم واكتب من الشعر ينبوع
بالمجلس اللي فيه زحول الرجالي=أبدع جزيل القاف والهزل ممنوع
اثبت كما تثبت شموخ الجبالي=ماتهزني ريحٍ ولاني بمفزوع
اقدي الاقدام واثبت مقالي=وقول الخطاء عن عكف الاشناب مرجوع
اثبت وجودي وارتقي للمعالي=قولي صريحٍ للوفيين مسموع
والطيب ساسي في جميع الحوالي=مايفوتني فعل المواجيب واسنوع
في حزت الضيقات لي اجتوالي=حبل القسى بيدي لاشك مربوع
وامد للفزعات باقي حبالي=والا الردي حبله على طول مقطوع
ولاصار بعض الناس جرفٍ هيالي=اشوم نفسي ماستمع له ولا اطوع
راع الوفاء والطيب هو شف بالي=لوماتربطني به قرابات واربوع
سلم على راجح كريم السبالي=ابن جازي حيث الكرم فيه مزروع
من عادته شيل الحمول الثقالي=تاريخ مجده بالنواميس مطبوع
وسلم على محمد ونافل وغالي=سلايل غازي فيهم الطيب مصنوع
وسلم على حجر بعيد المنالي =ابن غزاي اللي به الطيب مجموع
وسلم على فهد حميد الخصالي =واخوه تركي والنظر قدم مدفوع
ابوهم المعروف ياهملالي=عقيل اللي كنه الغيث وارجوع
ياالله عسى الجنه لروحه ظلالي=ومع النبي واصحابه يصير مشفوع
ومانساك ياللي للمدايح مثالي=فهد بن راجح بك القاف مسجوع
يشوش راسي كل ماقلت خالي=انت الكرم والطيب ياوافي البوع
العز عز النافل اول وتالي=تاريخ معروف بالكم والنوع
هم تاج راسي محتمين التوالي=عدوهم في كل الاحوال مفجوع
اقولها والراس بالحيل عالي=والحق يقال وصاحب الحق متبوع

نايف الشويب السليمي