ديوان الشاعر / مشعل عسام التريباني

بسم الله الرحمن الرحيم
الشاعر\مشعل عسام التريباني الشمري
((الفلوجه))في 24\3\1434هـ

الفلوجه هذه الايام !!!

	قّواكم الله ياهــــــــلا الفلّوجه = على العميل المفتري والجـــــاني اصل الشهامه تعتلون بروجه= مــــامنكم الخـــــايف ولاالجباني ارواحكم با المرجله ممزوجه = شجعان من شجعان من شجـعاني ثوراتكم لازم يجــــي منتوجه = سيلٍ عــــرمــرم يجرف الودياني طوفان مـن بحرٍ يروّع موجه = الويل للــــــي حاشـــــه الطوفاني الله فتح للغانمين فجـــــــــوجه = والرزق عندالله عظيم الشـــــاني دشّـــوغياهيب البحور وهوجه = تخلـّصو مـــــــن خادم العدواني شـــوفو رقبة المالكي معووجه = يبـــــي مع الشـيعه يحط العاني ثروة بلدكم شــــــــالها بدروجه = يبـــــــي يزوّدبه رصـيد ايراني جاب الرصيد ودخله بخروجه = يبــــــــي يقسّمهاعلى السستاني يا المالكي ودّع ورجلك ســوجه = اطلع مـــــن الديره لدارن ثاني المشنقه يالمالكـــــــي مفجوجه = كما تدين تدان يا الفهمـــــــاني ان قاله الله ماتشد ســـــــروجه = على ظهرمهرهـ وبنت حصاني لاشــك وجهك قول وين تلوجه = من كيد بطش مــزبنين الجاني مـــــدام تقــــــدركل قاعٍ دوجه = واظن وقت المنتهى لك حاني

بسم الله الرحمن الرحيم
الشاعر\مشعل عسام التريباني الشمري
المرحوم باذن الله عبدالله الفندي قبل قصاصه طلب ابنا وادي بن شايع قال لهم تكفون اعفو عن خالد لاتخلونه قالو ابشر جزاهم الله خير ورحم الله عبدالله الفندي برحمته الواسعه واسكنه الجنه دار الابراروفي هذه المناسبه كتبت هذه الابيات والى القصيده
((رحلت ياراع الصخاء))في 3\4\1434هـ

رحلت ياراع الصخا منبع الجود بمناسبة العفو عن خالد محمد فارس بواسطة عبدالله الفندي!!!

	رحلت ياراع الصخاء منبع الجـــود = عســـــاك تنزل وســط جنات وانهار يابن سعــــيد ياذرى كل مضــــهود = نسل الرجال اللـــي لهم مجــد واذكار لولا القدرياحل مــــاهـــــو بمـردود = لاقـول ردّو عنه مــــيلات الاقـــــدار شيخن يزف الجاه والسيف مجـــرود = جاهه ســـبب نقذت مساجين واصغار شيخن بذل با النصح جاهن ومجهود = غيثن علـــــى نفوس المساجين مدرار انقذ بجاهه واحــــدن كان بقـــــــيود = قـــيّد بقــــيد الموت قصـــاف الاعمار مثل الطوير اللي با الاقفاص مصيود= يلفـــــح ولاكن طاح ريشــــه ولاطار جاه الفرج من عقب ماهو بمســــــدود = با اســـــباب بن فندي ذرى كل محتار يعل بن فــــندي بجـــنات وخـــــــلود = تستقبله حــــــورن تبخـــــــــتر تبختار تستقبله با الورد والمســــــك والعود = والحل والـحلّه ويحـــــجب عـــن النار تستقبله بيضا مـــــــــن الحوربورود = وتفـــــرش له المضجع بديباج وثمــار ويقال له لاموت وابشـــــــرلك الزود= بشرى من اللـــي عالمن كل الاسرار لك منزلن فــــــي عالي الخلد موجود = منزل ســــــعه مافيه ضيقات واكـدار وشكــرا كثير بدون تخصيص وحدود= لعيال وادي فــــزعت الضيف والجار واخــــــوانه اللي حازو المدح والجود = صلـــــبين الاريا والميامــــين الاخيار الغانمين اللـــــــــــي كما شامخ الطود = والطود مـــــن يرقاه ماحاشه اضرار انتم كــــــــــــرمكم واحتن مالها حدود = فـــــــــزتو بعتق ارقاب وابعتو اشرار ترفع لكم بيضا ترفــــــــرف بها النود = رايت وفا واجــــلال تقـــــــدير واكبار دغيرات ربعــــــي دايمن تكسب الفود = الكل مـــنكم للجـــــــزيلات مــــــغوار وصــلو عـــــد د مايلعب الريح بالعود = على الرسول المصطفى ســــيد الابرار

بسم الله الرحمن الرحيم
الشاعر\ مشعل عسام التريباني الشمري
((رد على طلال الاحيوات))في 6\4\1434هـ

ردعلى طلال الاحيوات عساهـ تنال اعجابه واعجاب الاخرين!!!

	ياراكب اللي يامشى يسبق الطــــير= من نوع لكزز جيب مافيه زيّه صمم يصخر نازح البعد تصخـــير= يودع بعـــيدات الفيافــــــي دنيّه من دار اخو نوره مشى حزّت اعصير= والفجـــــــر طب الدولة الهاشميّه فوقه غلامــــــن ضارين للمشاوير= صميدعــــن من لابتن شــــمريّه من روس ربعن ينطحون الطوابير= شــــمرهل النخوات واهل الحميّه يحمل رســـاله به تحــــــيه وتقدير= لطلال شــــوق الجادل العسوجيّه واليا وصـــــلته خـــــــبّره بالتفاسير= تفســــــير مارسل لي وماقال ليّه وقله زمانك فـــــيه خله وتغــــيــير= ماهـــــــي سوات اعلومنا الاوليّه راع الكـــــرم ماله مع الناس تقدير= والكدش ربطة فـــــي مكان العبيّه هذا زمان اللــــــــي يصر الدنانير= سمّوه شـــــيخ وقيل مابه حليّه لو كان وزنه مايزن ربع قطــــمير= سمّوه راع الجود معط الحــذيّه والعــــرف هذا مشكله شكلها غير= ينفاه دين الله وســـــــــــنة نبيّه والعشق كم دمّر رجالٍ مشاهــــير= مـــــن سبّته وردو حياض المنيّه لكن اليا بـيـّن نشــــــــير المغاتير= مــــــا للــــــهوى لـذه ولا قابليّه عز النفوس اكرام والخاتمه خـــير= عـــــند الكريم العفو والمغفــــريه وابي السموحه كان بالقاف تقصير= منك الســـــــموحه يازبون الونيّه

عايد السويدي!!!

	ياطيـر ياللـي بالسمـا صـرت حــوام=ماشفـت عسـاف البـيـوت الجزيـلـه غايب عن الساحه يجي عشرة ايام=اعنـي شمـوخ المرجلـه والفضيـلـه شـاعـر ومتمـكـن بتطـويـع الاقـــلام=شعره مثـل قطـف الزهـر بالخميلـه كـانـك لقيـتـه قـلـه الـنــاس هـيّــام=يـبــون يـقــرون الـبـيـوت الجـمـيـلـه حيـثـه عـزيـز ودوم للـمـجـد جـــزام=والـجــود عـنـوانـه وهــــو ينتـمـيـلـه رجـل كريـم ومــن صـواريـم واكــرام=دهـمـان لاخــان العـمـيـل بعمـيـلـه الـمـوت يـردونـه كـمـا تــارد احـيــام=خــصٍ لـيـا شــب المـعـادي فتيـلـه فخـر القبيلـه مـدري الـدرع وحــزام=والا السيـوف المرهـفـات الصقيـلـه عاشو بني عمـي عزيزيـن وحشـام=دغـيـرات عــز المجـتـمـع والقبـيـلـه

شعر عايد دواس الماضي


بسم الله الرحمن الرحيم
الشاعر\ مشعل عسام التريباني الشمري
رد على قصيدة اخوي الغالي ابو بندر(عايد دواس الماضي)الله يبيض وجهه من كل شهر 30ليله وارجو المعذره من القصور لاني والله تعبان شوي
((ردعلى ابو بندر))في23\3\1434هـ

ردعلى ابو بندر!!!

	ناصر عطونا البوك واعطونا الاقلام = واكتب وانا املـــي لك بيوتن قليله اكتب لابو بندرعــــدد حصو الاهرام = ســــــلام منـــي عد رمل المسيله واعدادسكان الوطن شــــــرقٍ او شام = واعــــداد ماهب الهـــواء كل ليله وقلـّه سبايب غيبـتـــــــي يابن الاكرام = وعكه عسـا يا القرم مهـــي طويله عســـــــــاك ماتشك البلاوي والاوهام = ولاتشتكـــي ظيم الســـنين المهيله لبّســــتني با المدح جلباب ووســـــــام = مــن طيب راســـك ياعزيز القبيله حيثك من الشهمين عــــــــذبين الانغام =عيال الســــويد اهل الفعول الجميله جاورتكم يا القرم تسعة عشـــــــــرعام = راحة وكنه ضـــــرف يومن وليله بن ســــــــــند جاري على الطيب مقدام = رحيل عســـا مــــدة حياته طويله مانســــــــــــــاهـ والله لو يطولن الايام = ياما علـــى راســــي تحط النثيله مانــــــي ولدعفنن جحــــــــودٍ للانعام= مانسا الرجال اللي غمرني جميله ومــــــن يجحد المعروف ينفاه الاسلام = واللـــــــــي نفاهـ الدين واعزتيله وصلو علـــــى ســـــيد الملا خيرالانام = صفوة قـــــــريش ونافلٍ كل جيله صلو عليه اعداد ماســـــــــــارت اقدام = واعداد ما سيلٍ جـــرى مع مسيله

بسم الله الرحمن الرحيم
الشاعر\ مشعل عسام التريباني الشمري
((الشعر ))13\4\1434هـ

الشعر ديوان العرب ياللي تسبون القصيد

	الشعر ديوان العرب ياللي تسبون القصــــــيد= ياللي تقول الشعر فـــــي هذا الزمن والله هبال لنا اسوتن بالمصطفى ياراعـــي القلب البليد= له شاعرن يهجا العداء بالشعر فـي وقت القتال حسان بن ثابت عدو الشرك باليوم الشـــــــديد= شاعر رسول الله لنا في ماكتب مضــرب مثال هو خير من تضرب به الامثال بالشعر المفيد= شعره تفكك به جموع الشـــرك وايصيبه جفال لو كان مابالشعر زود ولايســــــــــــــر ولايفيد= ماقرّه الشارع وامر حســـــان وافسح له مجال والشعر تاريخ العرب به يحفظ الفعل المجـــيد= تحــفظ به امجـــاد العــــروبه لاتعرّض للزوال والشعر ينصح به صغير السن وايعوّد رشـــيد= وتلقابه الحكمه مــن اهل الراي وكبار الرجال والشعر فيه الموعظه موروث من جد لحفـيد= موروثنا اللـــــــــي نفتخر به بين عم وبين خال والشعر فـــي عهد العروبه فيه ضدٍ للضــــديد= تذكـــــــــر به افعال الرجال اللي يشيلون الثقال والشـــــــعر به ترفع كفوف التايبين من العبيد= وتنطق به السنت البشــــــر لله خوفٍ وابتهال ليتك تقدي سابقك ياراعـــي الـراي الســـــديد= مانت بوكيل ادم علــــــــى ذريته يابن الحلال ياطير ياطير السعد ياللــــي على الغرّه عنيد= اكفخ بجنحان الســـــعد وادم المخالب بالجزال اما تصــــيد القايده والا مهــو لازم تصـــــيد= صيد الضعافه ضعف مايهو الهزيل الا الهزال اشهر سما ياطير لين تحصل الصــــــيد الفريد= الحــــــرالاشـــــقر دايمٍ يعلو على روس الجبال هذي نصيحة شاعرك عساك منها تســــــتفيد= وتعــــرف مقدار الجنيه وتحـــــترم قدر الريال امسك مســـــــار الصح واحذر لاتهس ولاتحيد= حتــــى تســـــــير القافله من دون هسّه واختلال انظر بعين العقل والتفكير والراي الرشــــــــيد= وتفوز بالعليا ويحســب لك حسابك بالمقال واخفظ جناحك للكبار ولاتجـــــــي فضٍ مريد= وخلـّك مؤدب لاتجـــــــي خبلٍ سريع الانفعال هذي صفات اللي يبــي ياخذ من المدح المزيد= ويحتل مرتبة الشرف وسط الرجاجيل احتلال وصلو عدد ماغرّد القمري على روس الجريد=علـــــــــى رسولٍ خصه الله بالمكارم والكمال

بسم الله الرحمن الرحيم
الشاعر\ مشعل عسام التريباني الشمري
((يالله بمزنن مدلهمن مجلل))في28\2\1434هـ

يالله بمزنن مدلهمّن مجلـّل = سحّن غدق ينفع هطوله بلاضر

	يالله بمــــزنن مـــــدلهمّن مجلـّـل= ســــــــحن غدق ينفع هطـــوله بلا ضر غـــيثن مغـــيثن يـنفـع الدار ياهل= خيرن علــــــى شبه الجــزيره بلا شر اربع ليالن فـــوقها المـــزن يهطل= لين ايتساوى القاع والطعـــس الاحمر وياقف عشر ساعات ويعود ينزل= يامايــشـــــــق الطعـــس سيله ويحدر يركــــــدهواه وياقف المزن ويعل= لين الطــــعوس يحــوّله مثل الابحر ثمّـــن تحـــوّ ل واحــتن كنها الزل= تخالــط ازهارهـ بالازرق والاصفر تلقا الزهـــربه يشـــــــبه الزل يافل= زلول شــــيرازن زهت عــند متجر ولونه على جيد الصحاري اليا حل= يكـــــس النفود ويكســي الظلع والبر فــــيه الصحاري للــــبوادي تجمّل= كــــــنه هــــنوفن عــند خلن تمخطر تقول عــذرن ســـرّها عودة الخل= لبســـت لبوسن تبهج الصدرواتســـر وريحه الياهب الهوا يشفـــي العل= يشــــف النفوس بريحـــته يوم يزفر ريح النفل يافاح مع ريحـــة الطل= طب النفوس اللي عليها المرض مر وترتع به الاذواد حم الذرى الجل= مــدة كــــريمن عندهـ الرزق الاوفر من شان راع الــبر لو راح مامل= اليا طلع للـــــبر للــمدن مــــــاكــــر يطرق نظــــرعينه بالازهاروالفل= ويشغل بخلق الرب فكــرهـ ويبصر ســــبحان ربن رحمته عمّت الكل= يعطــــــي بلامنّه وللكـــــسر يجــبر ماضاق مــــن طلبت عباده ولامل= يفــــــــرح بطلبتنا وللــــــذنب يغفر

بسم الله الرحمن الرحيم
الشاعر\مشعل عسام التريباني الشمري
((ترحيبيه بالشاعر\ سميحان فهد السويدي))24\4\1434هـ

قصيده ترحيبيه بالشاعر\ الكبير سميحان فهد الشمري

	هلاعد برقن بالسما له تشعشاعــــــي= وماهل همال المطـرواغـــــرق التربه ماطاح وبل الوسم واخضرّت القاعي= وانبت خصيب الارض وانحلة الكـربه ومالجّوالبدوان داعــي ورى داعـــي= وبانت خيول القوم سربه ورى ســـربه عددمن يسبّح بالانامل والاصباعــــي= من شــــــــان فضل الله يناله ويظفربه حيّـيت ياسميحان ياراهـــي الباعـــي= تريحيبة اللي شاف غالي عقب غـــربه باسم النشامى كل ابوهم بالاجماعــي= مــــــثلك نرحّــــب بانظمامه ونفخــــربه شاعرولك با الجزل مشتا ومرباعــي= تطعن بجــــزل القاف وتحنــّــي الحـربه والطيب لك يانزه الاشناب ينصاعــي= لك مجلسـن جزل الســـــــــواليف تذكربه من لابتن ضرباتهم تشف الاوجاعــي= اولاد زامـــل يوم الايام مضـــطــــــــربه سيوفٍ على جمع المعادين قطاعـــي= فرنن شـــــديد الحــــروالخصم يصهــربه عدوهم عقب الســـطرجاك مطواعي= مــــــــــن فعلهم تلقا جـــواده تقنطـربه اسقوه من بعد السطر سم فعفاعـــــي= ياشــــــافهم قامــــــــــت جواده تقهقـربه وبيوتهم يفرح بها كل من جاعــــــي= ببيوتهم كل الطــــــــــــراقــــــي تباشربه وقصيرهم لوهوكما الزبد ماماعــي = تمضي ليالي فترت العمرماشــــــــــعربه

بسم الله الرحمن الرحيم
الشاعر\ مشعل عسام التريباني الشمري
((البارحه مع عالم الشعر سجيت))في 19\4\1434هـ

البارحه مع عالم الشعر سجيت

	البارحه مع عالم الشـــعر سجـيت = غصت البحور وجبت منها الثمينــي فـــــــي غيهبن فيه النوادر تمشـيت = ومـن ندّرالاشعار جبت السمــينــي طبّيت في ســـوق الجزال وتنقـّيت = وشريت مايطرب ســموع الفطيني دفعت جهدي فيه واشبعت وارويت= والشـــــــعر باْحضان الدفاء محتويني يقول مرحب فـــــي قدومك وحييت = عطنا من اللـــــــي جاد فـيه القريني وردت عد الشعرمن عقب ماظميت= يالله علــــــــى جزل الكلام تهديني يالله دخيلك كل ماصبحت وامسيت = مـــن نزغـــــت الشيطان لايعتليني يالله تـثبتـنـــــي علـــى الحق تثبيت = ياعالمن ماكان يخفـــــــي كــنينــي ابا انصح اللــــي بالاوادم شمامـيت = الله لايشــــمّت بنا الشامــتــيــنــــي على الهيب النار لاتســــكب الزيت = وتصــــــير سبّة روعة الغافلينـــي ياللي على ضعوف الاوادم تعاليت= الكامل الله والبشـــر ناقصـــينــــي سبحانه اللـــي عالمن كل ماخفيت = ومبدّلن عســــــر الليالي بلينــــي ياما خفض من واحدٍ عالي الصيت = وياما رفع من عالمن معسرينــــي سبحانه اللي يخرج الحي من ميت = ومن صلب الاحياء يخرج الميتيني توب وتذكـّر ســـــــطوته ياتعديت = هو الذي يقبل نداء التايــبـينــــــي يغفــــــــر ذنوبك كان فيها تماديت = راع المكارم مكرم التايــبـينـــــي والخاتمه يارب انا ارجعت واويت= ولرضاك اعفـّر ياإلهي جبينــــي وادعوك يامني على الارض خريت=عســــاك من قبح الكلام تحميني

بسم الله الرحمن الرحيم
الشاعر\مشعل عسام التريباني الشمري
((جتك الاصيل بندّر الشعر مسروجه))في 23\4\1434هـ

جتك الاصيل بندّرالشعر مسروجه

	ســلامي سلامي من محبه ومن تقدير= ريحت شذاه بزاكي المسك ممزوجه ســــلامــي لبوماجدعدد مايطيرالطير= وماناحت الورقاعلى عالـي ابروجه ســـــلام منــــي له وابا اكرره تكرير= كـن النحل فـــــي مقدمه حط منتوجه وش لون حالك يابو ماجدعساك بخير= جتك الاصيل بندّرالشـــــعرمسروجه انشدك عن حـــــرن كفخ ثم تل السير= رام الســــــــــما وانا تكدّرت بنهوجه طيرالسعد يافريح مار ان طبعه غــير= رام اسما عـن مسلك الارض وفجوجه مدام راع الطــــيرماجا منه تقصــــير= خــــلـّه يهـيم بعـــالم الجــــو وايدوجه نبــــي نبيع الوكــــروانهجّره تهجـــير= ونقول له شـــــوف الجناحين مفروجه الفح الياما يصفـــــي الجو بعد اعصير= حوم بسما ربـــي وسوج الفضا سوجه مايشرب العطشان من مد كف الغـــير= ولايرسي الزورق على عاتي الموجه ووزن النوى ماترجّحه قشرة القطمير= وترالدروب يكـــدّراهل الســـفرعوجه وقال المثل جمع النمل صار للبعــــير= واحذرخبيث الناس لاتسـمع هـــروجه

بسم الله الرحمن الرحيم
الشاعر\ مشعل عسام التريباني الشمري
هذا تركي الحويفي الحربي بناخي للدغيرات وقبل سنه تقريباصارت هوشه بين الشباب عيال عم لي مع واحد ريس لهم باحد الشركات اللي تصلح الخط في حائل وضربوه ودخلو السجن والرجال نبي نقابله وعيا لايواجهنا وعيا لايعلمنا ببيته وكل مانتصل به يقول خلهم يتادبون شوي المهم الحويفي معه بالشركه وفزع لنا وضغط على الرجال حتى تنازل واخذ حقه طبعا عطوه فلوس لكن اول مايبي الفلوس المهم لولا الله ثم لولا الحويفي كان يبطون بالسجن وفي هذه المناسبه كتبت هذه الابيات
((الحويفي))

تركي الحويفي الحربي !!!

	بيض الله وجه تركــي طليق الذراع = البناخــــــي سليل الجود نسل الاسود ياردالجم باعه ياقصـــــــــر كل باع = مثل هدّاج راهـ الجم شـــــيخ العدود صاطين فرخ حرن صيرميّن شجاع =هيلعـــــن باللوازم يانخــــــــيته يزود يابعدكل رعــــــد يدن جــبانن رعاع = يابو نايف يعلك دايمــــــــن بالوجود يوم ضاق الفضابــــــي مابقابه وساع = انتخالــــــــي وقال الخال يرقا سنود احتنادون خاله عن عيون الســـــــباع = وفك خاله بعدماكان رهــــــن القيود قال انالك ذرى ياخال وامـــرك مطاع = الصعيبات تسهل ياعـــريب الجدود وانجلت كل ظلمه ثم بان الشـــــــــعاع =من زبن للحويفي زابنن راس طود شاع صيت الحويفـــــــي للمخاليق شاع= ياعسى الله يفكه من عيون الحسود اسمعويالاوادم واصــــــــغو الاستماع = وسّع الله لبو تركي بضيق اللحــود