آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 19-05-2006   #1


الصورة الرمزية فيصل اللويش
فيصل اللويش متصل الآن

بيانات اضافيه [ + ]
 رقم العضوية : 128
 تاريخ التسجيل :  14 - 05 - 2006
 أخر زيارة : 19-02-2009 (11:51)
 المشاركات : 69 [ + ]
 التقييم :  10
لوني المفضل : Cadetblue
افتراضي ديوان الشاعر / فيصل اللويش







طعنة الخنجر







يابنت ماجــــابني حـــبٍ ولافـــــراقي= شراي موتٍ ضحك من طعنة الخنجر
مليت حـــلي دخــــيل العشـره وثــاقي = دمعك ســـواده ماثنى القـــلب لاقــرر
لايابقايا الطـــــــــريق المظــلم الشاقي= قررت ابمشي ولاأخــــــافك ولاأتعثر
ياما مشيت الــــدروب ولاتعــب ساقي= حتي القصب مازرعـته قصدي السكر
وش عاد لوصار خصرك ناحل دقاقي= والردف من زود ثقـــله ماقوى وحدر
والا الشـــــــفايف شفق والناب براقي= جيدك يغار النــور من جيدك ويتفجر
ماانتي بتـــــــفاحه ولاانـــــتي بدراقي= والحق منــــهو يشـــــبه الرمان لاثمر
وش عاد لو بينك وبين الحـــلا عناقي= وش عاد لوصــــار خدك كنه المرمر
وادري انا لازعـلــــتي ماني بـــلاقي= مثلك ولكـــن عـــزيز النــــــفس يتأمر
عمر الغصن مايطول ان عافه الساقي= وعــــمر الكــــــما مارواه الوسم لابـكر
هجـــرست انا للذلول وقفـــــت نياقي= وطوحت خرج ٍ ملاه الشــــــيح والعنبر
ماعاد لي لامكـــــــــان ولاني بهاقي= وربي قــضيت وقــــضى وقتي ولااقدر
أجلس دقيقه عقب ماخاطري ضاقي= يابنت انا طـــــالــــبك خـــلـــيني اتيسر
وش فيك مستـــغربه من ثورة أخلاقي= وش فيك كــــــن الدلع عن شفتك وخر
مافز سيفي عشان ترحــــب أعـــماقي =ولاقــلـــطك عـــرق ولاهـلى ولافــكر
لان قلبي اكبر واصـغر منه أشـــواقي= واكبر من اني اجــامل حضرتك واكبر
يابنت انا لي جماهـــــيري وعشـــاقي =أكتب لهم شـــــــــــعر وأثرهم ولاأتأثر
واترك انا لامشـــيت فبعضــــهم باقي =مني عشان ان طـروا بيتي طروا شمر
كلي انا لشمر وكل شعري واروراقي= وكل عـــرق فيني نبض او ساعدٍ شمر
وأدري بعضهم يحفظ البيت لاانساقي= والبعض الاخــــــر يحفظه لكن مكسر
يكفيني لامن طراني شخــص يشتاقي= ويطرب لشعري ليامني قصــدت أكثر
يابنت ماجــــابني حـــبٍ ولافـــــراقي= شراي موتٍ ضحك من طعنة الخنجر
مليت حـــلي دخــــيل العشـره وثــاقي = دمعك ســـواده ماثنى القـــلب لاقــرر
لايابقايا الطـــــــــريق المظــلم الشاقي= قررت ابمشي ولاأخــــــافك ولاأتعثر


 

قديم 14-09-2006   #2


الصورة الرمزية فيصل اللويش
فيصل اللويش متصل الآن

بيانات اضافيه [ + ]
 رقم العضوية : 128
 تاريخ التسجيل :  14 - 05 - 2006
 أخر زيارة : 19-02-2009 (11:51)
 المشاركات : 69 [ + ]
 التقييم :  10
لوني المفضل : Cadetblue
افتراضي ديوان الشاعر / فيصل اللويش





(( أبو متعب ))









 

قديم 15-01-2007   #3


الصورة الرمزية فيصل اللويش
فيصل اللويش متصل الآن

بيانات اضافيه [ + ]
 رقم العضوية : 128
 تاريخ التسجيل :  14 - 05 - 2006
 أخر زيارة : 19-02-2009 (11:51)
 المشاركات : 69 [ + ]
 التقييم :  10
لوني المفضل : Cadetblue
افتراضي ديوان الشاعر / فيصل اللويش




شموخ الصهيل






شــاعــرٍ ضاق صــدره في هجـــوســـه غرق= ماحــســــب للمسافة والطـريق الطــويـل
كيــــــف تمـــــشي طـريقٍ عن مســارك فرق= كيف تلقى الهجوس لبعض صدرك سبيل
امــســك الـهـــم قـــالــوا (واحــذفـــه بالـــورق)= قــلــت وش ذنــبها (والـــهــم حمـلــه ثقيل)
ليـــش احـــــذف الهموم اللي بعضــــها خرق= بشت صدري وانا اللي اعشــق المستحيل
تـــدري المـــوج بــحرٍ (غـــص ملـــح وشرق) = لكـــن انه بلــــعها (عقــــب صـــــبرٍ جميل)
هــو كــــذا الهم دايم في ضـــــــلوعي حرق =كـــــل ضحكة غصــــن وده يطول ويميل
كـــــل ماجـيــــت ابــــرقد من عيـــوني سرق =كـــــل ليـــلة منـــام وكـــل لحـــظة مقيـل
أنــقــذف في صهيــلي كـــل جـــن أستــرق= وعَطُـفــن بــه خيــوله من شموخ الصهيل
وش علــــيه الســـــما والغـــــيم لاح وبرق= الـــلــــــــبن مادفـــــقه ولايشــق الصميل
النصـــــر صــــــــبر ساعه والالم لو زرق =رمح ناره (ووقـــض بالســـــراج الفتيل )
(بـــردٍ وحـــر)(رعشــــه والتـــفــاف) (وعـــرق)= (وارتجــافة اصـــابع)( وانتفـــاضـــة شلـــيل)
(وابـــتســــامة خـــبيـــثٍ)( وانــــتصــــارة ارق) = (وانـــــكســــارة نعــــاسٍ في عيون النحيل)
في كيـــــاني نخـــيل وكـــل ريـــــــحٍ طـرق = صوبــــــها تمـــيل.. (لكـن ماتطيح النخيل)
ادري ان القصــــــيد اعـــذب من الما وأرق = وادري ان الــــورق للــــــهم شال ويشيل
قـــــالوا امســــك همـــومك وارمها بالورق= قــــلت مابي ازيــــد الحــــمل حـملٍ ثقيل





 

قديم 20-02-2007   #4


الصورة الرمزية فيصل اللويش
فيصل اللويش متصل الآن

بيانات اضافيه [ + ]
 رقم العضوية : 128
 تاريخ التسجيل :  14 - 05 - 2006
 أخر زيارة : 19-02-2009 (11:51)
 المشاركات : 69 [ + ]
 التقييم :  10
لوني المفضل : Cadetblue
افتراضي






قبلان تكفى ( صوتيه )



للتحميل



مؤمنين بقدرنا لامفر ومناص = والقضى والقدر لله غيب وخفى
تكفى قبلان تكفى قبل يوم القصاص= تكفى ننخاك باللي للنبي اصطفى
سايقين الله اللي له تطخ النواص = ثم خادم بيوت الله واهل الوفى
ترحم اللي عيونه مالحقها الغماص = مايذوق النعاس من الالم والجفى
مات ألفين مره والندم فيه غاص = وألف مره خفوقه ينتفض لاغفى
شف عيون البشر في مدة ايدك شخاص =والبراد التضرع والسماحه دفى
لاترد اليدين اللي لفت لك خماص = ردها بطان واسق اللي لطيبك لفى
القرار بيديك وفي يديك الخلاص = ومن عتق دم يتبع سنة المصطفى
وانت تعطي وفكر قبل يوم القصاص = وارحمه وأعلم الله يعفو لمن عفى





 

قديم 31-12-2008   #5


الصورة الرمزية فيصل اللويش
فيصل اللويش متصل الآن

بيانات اضافيه [ + ]
 رقم العضوية : 128
 تاريخ التسجيل :  14 - 05 - 2006
 أخر زيارة : 19-02-2009 (11:51)
 المشاركات : 69 [ + ]
 التقييم :  10
لوني المفضل : Cadetblue
افتراضي حمام الوجه






بدون مقدمات

حمام الوجه



طارت حمامات الوجيه وبقينا = نبكي حمام الوجه يوم انه يطير
وصرنا نفكر بالوجــيه ولقينا = وش له نفـــكر هو بقى فيه تفكير
حتى دروا فيــــنا وحنا درينا =أمه بليا مستحى ولابها خير
مادام طأطأنا الرؤوس وحنينا =اقلامنا ماغير نكتب وش يصير
يعني زرعنا بس وشهو جنينا =أخبار وشوية هوامش وتقرير
أسف.. بقت بعض الصور في يدينا = تحكي حكاية موت أمه وتقصير



فيصل اللويش



 
 توقيع : فيصل اللويش



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:54


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام