آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 30-06-2006   #1


الصورة الرمزية زاهي التومي
زاهي التومي غير متصل

بيانات اضافيه [ + ]
 رقم العضوية : 171
 تاريخ التسجيل :  28 - 05 - 2006
 أخر زيارة : 15-02-2024 (05:31)
 المشاركات : 110 [ + ]
 التقييم :  10
لوني المفضل : Cadetblue
افتراضي ديوان الشاعر / زاهي التومي








يا حبيبي لا تصدق لا تصدق يالحبيب=أني بنسى الحب لحظه أني بنسى ما مضالي
كيف أبنسى نور عيني و منهو لجرحي طبيب=كيف أبنسى من يعزن كيف أبنسى من صفالي
أنسى أهلي أنسى ربعي أن نسيتك يالصحيب=أنت روحي أنت عمري أنت كلي وراس مالي
يا حبيبي لا يغرك هرج عاذل ما يصيب=وأن حكالك في كلامه في كلامه لا تبالي
مقصد العذال واضح ما قصدوا خيرٍ و طيب=قصدهم واضح و باين قصدهم قطع الوصالي
يا حبيبي أنت عارف أنت داري بالنصيب=أنت داري الحظ عاثر عارفٍ باللي جرالي
تدري أني عن دياري عايشٍ مبعد غريب=ظرف حالي و جور وقتي لزم أسكن فالجبالي
و ظلم منهو مارحمني ظالمٍ ظلمه عجيب=كل فتره و كل لحظه يقوللي شد الرحالي
شتت شملي فرق جمعي صار لي مثل الحطيب=ما تركني في دياري ما تركني بالشمالي
يا فتوني يا جنوني صح أنا عنك أغيب=صح أنا ظالم و قاطع بس هجرك ما طرالي
تدري أنك يا عيوني عن عيوني ما تغيب=صورتك قدام عيني صورتك دايم قبالي
يا جمال الكون كله يا بعيدٍ يا قريب=يا بعيد الدار و اقرب من يميني للشمالي
مال عيني مال قلبي مالهم بعدك حبيب=أنت وحدك من ملكهم أنت وحدك في خيالي
يا حبيبي لا تصدق لا تصدق يالحبيب=كلمة أنسى مستحيله و حب غيرك ما طرالي


 

قديم 29-07-2006   #2


الصورة الرمزية زاهي التومي
زاهي التومي غير متصل

بيانات اضافيه [ + ]
 رقم العضوية : 171
 تاريخ التسجيل :  28 - 05 - 2006
 أخر زيارة : 15-02-2024 (05:31)
 المشاركات : 110 [ + ]
 التقييم :  10
لوني المفضل : Cadetblue
افتراضي ديوان الشاعر / زاهي الحمود



حنا العرب



لو ما يجي من قاسي الوقت بركان=ولو ما يجي من جور بقعا مصايب
ولو تصفي الأيام ما يصفي الشان=بعض قلوب العُرب فيها شوايب
بعض قلوب العُرب في كل الأزمان=طبع الردا من طبعها و الكذايب
حنا العرب فينا شراذم و ديدان=فينا نفوس ٍ دانيه بالحسايب
ناس ٍ تبيع الأب و الأم و اخوان=وناس ٍ تبيع احبابها و القرايب
باعوا زعيم ٍ ما يقدر بالأثمان=بأبخس ثمن باعوه و الله زلايب
باعوك يا صدام باعوا كحيلان=ابن العرب ينباع و من باع خايب
حنا من أجل المال ننداس ننهان=نكسب مذله و الفلوس السبايب
بعنا الكرامه مالكة كل عنوان=بعنا الكرامه و اشترينا النكايب
بعنا الشموخ و عزة النفس بأعلان=واقع أليم ٍ عايشينه غصايب
عقب السمو و رفعة النفس ننهان=عقب ما كنا فوق حول السحايب
تخضع لنا من واقع الذل بلدان=تشري رضانا بالسهل و الصعايب
من فعلنا عدواننا صابها جان=قولي صحيح و راجح القول صايب
حنا حكمنا الشرق و الغرب بأحسان=و فيها نشرنا الدين بأسلوب طايب
أفعالنا و أذكارنا في خبر كان=كانت و لا كنا كانوا مصايب
جدودنا أهل الشيم شانهم شان=سوو عجايب و الله أنه عجايب
و الله لو يدرون في ما جرى و كان=كان النسل ينشال من ساس شايب
لو هم يشوفوا خايب القوم سحمان=و الرافضه و أعوانهم و الزلايب
باعوا شجاع ٍ جاهد الغرب بأعلان=أعلن حروب العز جند كتايب
هزم جيوش الحقد في وسط ميدان=أرهب عدو الله سوا العجايب
صعب ٍ من أسمه صعب في يوم الأكوان=هو الزرقاوي و اصبح اليوم غايب
يا الله رجيتك يا عفو ٍ و رحمان=تسكنه مع النبي و الصحايب


 

قديم 15-08-2006   #3


الصورة الرمزية زاهي التومي
زاهي التومي غير متصل

بيانات اضافيه [ + ]
 رقم العضوية : 171
 تاريخ التسجيل :  28 - 05 - 2006
 أخر زيارة : 15-02-2024 (05:31)
 المشاركات : 110 [ + ]
 التقييم :  10
لوني المفضل : Cadetblue
افتراضي ديرة دمشق



ديرة دمشق


الصبح قبل الشمس تطلع بلحظات=قبل يفج النور قبل الشروقي
بآخر رحيل الليل بفراق عتمات=بأقبال نور ٍ في شعاعه يفوقي
سارت بي الخطوه على طول بسكات=و كتمت سري في حنايا خفوقي
مابيه يدري في بعيد المسافات=هراج سو ٍ للمشاكل يشوقي
خذتبي الخطوه مع الخط سجات=سجه و سجه سجة ٍ به فروقي
سجه بها وادعت دار القرابات=دار القرابه و من يجوني ***وقي
أربع طعش سته بدار البطولات=و خمسة عشر سته بدار البروقي
دار المعزه و الطرب و الملذات=دار الحيا دار الحيا و الحقوقي
ديرة دمشق اللي عليها سجالات=ديرة دمشق اللي بها كل ذوقي
جيته مع اللي في نهار المهمات=اللي يعز بخوته ما يعوقي
أبو شهد عز الخوي فيه فزعات=عز الرفيق و عز منهو محروقي
جيته بعد ممشى مع الخط ساعات=وصلتها قبل العصر لايفوقي
في وسط برزه ما حصلي معاناة=سكنتها ووالله ما بات موقي
ما بتت ليلي رايق ٍ فيه دبكات=في نادي الساهر سمعنا الدقوقي
و تاج الملك جيته بعد خمس فرات=جوه عذاب ٍ للهواوي يلوقي
و جيت العلالي بالليالي الأخيرات=جيته و جوه للعلو الشعوقي
فيه السعاده و الطرب و الملذات=و فيه البنات مهيضات الخفوقي
و فيه البنات اللي هواهن بليرات=لامن عطيته صرت أغلى معشوقي
بنت ٍ لها بالفن لعبه و نظرات=لعبه لها بالفن لعبه سروقي
تجلس بجنبك و السبب زود رشات=في كل رشه نسبة ٍ له تذوقي
بس الحقيقه جلسته تكتب أبيات=أجمل حروف الشعر و أحلى الطروقي
نظراتها سهم ٍ يصيبك بطعنات=سهم ٍ من الموت الحمر للحلوقي
نظرة رشا فيها من الموت مزات=و شمس ٍ غنجها يذبح اللي ***وقي
شمس ٍ و شمس و شمس حتى التنهات=محلا كلامه و الحروف بنطوقي
يا لعنبوها في عيونه حكايات=يا لعنيوها كيف شكله مخلوقي
هرجه و رب البيت فيه المسرات=( أفيك ) أنا منها دماري محقوقي
( أفيك ) أنا بدي ألف قلت هيهات=قالت بصدري قلت لونه يسوقي
قالت تحطه قلت يا للمعاناة=مقدر زعلها بس نفسي لفوقي
نفسي عزيزه ما أذله بلحظات=الله خلقها بالمعزه غروقي
فتنه و أنا فيها كتبت العبارات=فتنه عساها ما تصيب مخلوقي
الله أكبر كيف فيها مجالات=كوكب لحاله يا عذابي و شوقي
يا بو شهد يا عزوتي فيك هقوات=يا عزوتي فيك الهقاوي تلوقي
يا عزوتي جيتك من الضيق بأبيات=جيتك من الهم الذي صار فوقي
كيف الوسيله و الوسايل صعيبات=ظروف حالي يا عضيدي تفوقي
لا لا تخلي نازح البعد بشتات=لا لا تخلي من تولع يضوقي
هذي معاناتي بها ضيق و آهات=شكيتها لك حلها لا تعوقي


 

قديم 26-02-2007   #4


الصورة الرمزية زاهي التومي
زاهي التومي غير متصل

بيانات اضافيه [ + ]
 رقم العضوية : 171
 تاريخ التسجيل :  28 - 05 - 2006
 أخر زيارة : 15-02-2024 (05:31)
 المشاركات : 110 [ + ]
 التقييم :  10
لوني المفضل : Cadetblue
افتراضي علاقات الأصحاب



علاقات الأصحاب



أحبـاب حنـا لكـن الوقـت غـلاب= يبعـد قلـوب ٍ بالـمـوده سليـمـه
فرّق و شتّت كل من كانـوا أصحـاب= و اصبح نديـم ٍ مـا يدانـي نديمـه
وقت ٍ لحظته يفتن أخـوان و اقـراب= و يقسى على كل العقـول الحكيمـه
ولع بناره و اشعلـه بيـن الاحبـاب=حتى غدت مـن واهجـه مستديمـه
وشبّت شبوبـه وزود النـار حطـاب= يجمع حطبها و يوقده مـن جحيمـه
حطّاب ماكـر طايـح الحـظ مرتـاب= يحطب بفاسه ساقـط ٍ مـع هليمـه
قبّس فتـن نـار العـداوه بالارقـاب= وتطايـرة روس البـراءه و حريمـه
وروس الشباب الطيبه وروس شيـاب= وروس ٍ وفيه وروس ٍ أخرى فهيمـه
حرب ٍ ضروس ٍ فاتكه ترعب أرعـاب= دارت رحاهـا بالـديـار الأليـمـه
بارض الطهاره والوفا بارض الأعجاب= بارض العـراق الطيبـه و الكريمـه
بارض ٍ عزيزه عزها يوم مـا غـاب=عـز ٍ ورا عـز ٍ عسـى الله يديمـه
أرض المعارك حظها مـا أبـد خـاب= تصحى و لو هي من سنينه سقيمـه
حتى ولو ثـارت براكيـن و أتعـاب= و دجله بها تجري الدمـاء الحميمـه
لابد ما ترجـع علاقـات الا صحـاب= باوثـق عهـود ٍ للمحبـه قديـمـه
ولا بد ما ترحل جماعـات الاجنـاب= تجـر ذيـل الدانـيـه و الهزيـمـه
في همـة اللـي بالشديـدات حـرّاب= شعـب ٍ تعلـى للمعالـي بعزيـمـه
هذي الحقيقه و انطوت صفحة كتـاب= كتاب صدق ٍ ما انكتـب بـه ظليمـه


 

قديم 25-10-2007   #5


الصورة الرمزية زاهي التومي
زاهي التومي غير متصل

بيانات اضافيه [ + ]
 رقم العضوية : 171
 تاريخ التسجيل :  28 - 05 - 2006
 أخر زيارة : 15-02-2024 (05:31)
 المشاركات : 110 [ + ]
 التقييم :  10
لوني المفضل : Cadetblue
افتراضي هماليل الضغينه



هماليل الضغينه



من اعماق الخفوق اللـي سنينـه=ضياع و همّ واوجـاع ٍ دفينـه
من اعماقه اسـوق احـلا تحيـه=لبنت ٍ كل ابـو وقتـه حزينـه
جفاه الوقت الاقشـر و امتحنهـا=و لا شفته رحـم دمعـات عينـه
جفاها قبل عشر ٍ مـن بدايـة=ضيوف ٍ تحمل اصفار ٍ لعينه
سنة ما طبّـق الواحـد حـدوده=على تسع ٍ تلت تسع ٍ فطينه
جفاهـا ليتهـا الدعـوى جفـاوه=أبـد مـا كـان يلحقنـي غبينـه
ولكـن سيـد السـادات غـيّـر=بـأم العيـن أنـا شفتـه يهينـه
أهانـه يـوم نـادى لـه مبجّـل=يكن الحقد و اسـرار ٍ دفينـه
وجاها اللي علـى الـذل متعـود=و في جوفـه هماليـل الضغينـه
رفع ثوبه و نـال اللـي يريـده=و بعد الظلـم مشيوفـه سجينـه
بعد ما هي طليقـه فـي هواهـا=تغني من غنا الشـوق و حنينـه
بعد ما هي طبيب الجـرح كلـه=جروحـه باينـه باعلـى وتينـه
الا يا بنـت ابـو جعفـر تحيـه=تحيـه مـن ولـد شمـر ثمينـه
صباح الخيـر يالطهـر العفيفـه=صبـاح الـورد ولا ياسميـنـه
صباح الخير ياللـي لـك مكانـه=بقلـب الشاعـر اللـي تعرفينـه
صباح ٍ مـا يليـق الا بأسمـك=يافتنـه مـا خلـق ربـي بزينـه
يـادره حيّـرت شبـه الجزيـره=ومعها الشرق الاوسـط بالسفينـه
يانبـع الحُسـن ياهـمّ المتـيـم=يانـور البـدر ولا مـا تبيـنـه
ياوجه ٍ في سما سن الطفولـه=بـراءه و البـراءه مـن يديـنـه
ياروح الروح يابلسـم جروحـي=دواي أنتـي مـن همـوم متينـه
احبك واعشقـك مبطـي وتالـي=وليـن المـوت تاخذنـي يدينـه
حلفـت بخالقـي و الله حسيبـي=مخون الحب هـذي لـي مهينـه
مخونك لو يخونـك كـل غالـي=وعـد هـذا يابغـداد المديـنـه
وعد صادق ودجله مـن شهـوده=وعـد و الوعـد لازم تذكرينـه


 

قديم 07-08-2010   #6


الصورة الرمزية زاهي التومي
زاهي التومي غير متصل

بيانات اضافيه [ + ]
 رقم العضوية : 171
 تاريخ التسجيل :  28 - 05 - 2006
 أخر زيارة : 15-02-2024 (05:31)
 المشاركات : 110 [ + ]
 التقييم :  10
لوني المفضل : Cadetblue
افتراضي انتي حديقه



السلام عليكم ورحمة الله و بركاته

عذرا ً على طول الغياب

انتي حديقه ..

هزيت غصن العشق برياح الرحيل=واهتز لكن مـا انكسـر يقوالهـا
حطت عصافير الفرح ماله بديـل=شالـت لحونـه وابتـدى موالهـا
يا موجة الاحساس ما عدت القتيل=يحيي شعوري ديـرة ٍ لا جالهـا
وبل الغلا في ضامري دايم يسيـل=يسقي مع الوديـان كـل سهالهـا
يا مترفه ورد الامل ما هو ذبيـل=يقتل حضورك من جيوش اهمالها
انتي حديقه زارعه شخص ٍ بخيل=عينـه لهـا مـا يتركـه بلحالهـا
جنة فواكه حاطها عشب ونخيـل=نهـر العطـا فيهـا ولا يبرالهـا
يا جنتي فيك ارتمي وانـا دخيـل=خطين عندك ميّـت ٍ واحيـا لهـا
في مفرق الخطين طعم السلسبيـل=في مجمع الخطيـن دنيـا بحالهـا
قبلك هجوسـي وارده للمستحيـل=والحين ظميا لو تمـوت اشوالهـا
في طلتك شمس ٍ تزيل اعتام ليـل=منها تنفّـس صبحنـا ويصحالهـا
والا غيابك ظلمـة ٍ مالـه مثيـل=نور القمر يركض لها مـا نالهـا
دخيل ليلك لا حضن ردف ٍ ثقيـل=والا غشى دار السكوت وطالهـا
دخيل صبحك لا ابتسم طب العليل=تجف دمعـه مـا قواهـا شالهـا
تجف دمعه لا انظرت ساحل طويل=موجه جذب عتمه وهـو يحلالهـا
ما اقدر اقاوم نظرة الطرف الكحيل=لا يـا عيـون ٍ شدنـي ترحالهـا
يقصر نظر عيني على حد الصقيل=واشوف شهد ٍ في حَمَار اهوالهـا
عنده اذوب وذوقته نعم الحصيـل=اثمل عقب مـا اذوق يـا عقالهـا
يا وادي المتعه ترى مانـي هبيـل=اول وانا هالحيـن وسـط هبالهـا
بعدك عيوني ناظرت خصر ٍ يميل=ردفين مـن عقبـه لهـا منزالهـا
اموت بك يا منبع العشق الاصيـل=انتي غرامـي والهـوى لجبالهـا
وانتي حديقه زارعه شخص ٍ بخيل=وانا كسبتـه والوهـم مـا جالهـا




 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:01


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام