آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 27-11-2009   #1


الصورة الرمزية قبلان الخمسان
قبلان الخمسان متصل الآن

بيانات اضافيه [ + ]
 رقم العضوية : 1848
 تاريخ التسجيل :  27 - 11 - 2009
 أخر زيارة : 19-07-2012 (11:17)
 المشاركات : 62 [ + ]
 التقييم :  10
لوني المفضل : Cadetblue
افتراضي مصافحه اولى للنشامى /كل الجزيره داجت كروش بحماه،،وصرخه بكف عبيد يصرخ حديده





السلام عليكم ورحمة الله وبركاته

كل عام وانتم بخير

اغلى مانبدى به اخر ماكتبت

اهدا لنشامى شمر
مصافحه اولى للنشامى /كل الجزيره داجت كروش بحماه،،وصرخه بكف عبيد يصرخ حديده ..


طنيان والله والطنا واصل اقصـاه=لاني عجزت اكتب بشمـر قصيـده
اكتب وانقه واشطب اللـي كتبنـاه=ياحـي والله لابتـي مـن بديـده
حتى سمان الهرج تضعف بطرياه=لوخـط دم القلـب حبـرٍ وريـده
شمر واباصهل وادعي الشعر وانخاه=كانه على خبـري خيالـي وليـده
وان خانني في مدح شمـر بليـاه=لو يغرق الساحات قبـل الجريـده
شمر هلي مايعرف الطيـب لـولاه=حنا اخترعنا الطيب حاتم عميـده
في وقتها لو فـي بـراءة خذينـاه=من قبل حاتم؟بالصخى مدت ايـده
من قبل حتى ترسل الرسل بهـداه=والمصطفى يحمـل لـواء العقيـده
وحاتم ضيوف الدار خيلـه تعشـاه=رغم الجهل طي بصفاتـه فريـده
وحنا كرم حاتـم وطيبـه ورثنـاه = وقنا تجري الصفـات الحميـده
شمريعجز الشعر يحصي مزايـاه=رغم الكرم واللين روسـه عنيـده
يتلون شيخ(ن)تنثـر الـدم يمنـاه=وبامرالجنازه كـل طاغـي تبيـده
وكل الجزيره داجت كروش بحماه=وصرخه بكف عبيد يصرخ حديده
حتى الشريف بحد عروى نطحنـاه=وحرم يطب ديارنـا فـي نشيـده
وحرب الصريف وكم بيرق كسرناه=خمسة عشر بيرق وشمر وحيـده
ويامـا ويامـا كـم قوما"وليـنـاه=سجل لنا التاريخ بحـرف مديـده
وعبد الكريم اللي جزالن عطايـاه=لاقال خوذو تاخـذ اللـي تريـده
شيخ(ن)يمينـه بالعطايـاء تحـداه=من قبل ينطق بالعطا تعطي ايـده
وحايل شربنا هبت الريح مع مـاه=وشموخنـا يشبـه جبلنـا وحيّـده
حتـى ثراهـا يفتخـر لوطيـنـاه=وحنا عشقنا سهال حايـل وبيٍـده
عشقن وصل حد الجنـون وتعـداه=ماجربـوه اهـل القلـوب البليـده
قلته وانا من روس شمر هل الجاه=وانا اعتبر ماقلـت فيهـم قصيـده


 

قديم 29-09-2010   #2


الصورة الرمزية قبلان الخمسان
قبلان الخمسان متصل الآن

بيانات اضافيه [ + ]
 رقم العضوية : 1848
 تاريخ التسجيل :  27 - 11 - 2009
 أخر زيارة : 19-07-2012 (11:17)
 المشاركات : 62 [ + ]
 التقييم :  10
لوني المفضل : Cadetblue
افتراضي ديوان الشاعر / قبلان الخمسان



السلام عليكم ورحمة الله وبركاته


النشامى في هذا الصرح الجميل


اليكم مالدي

علها تشفع لغيابي

,,روح القصيد ..

يــامــلــهــمــه مـــــابـــــي جــمــاهـــيـــر واعـــــجـــــاب=لـــــــوكــــــــل عـــــــشــــــــاق الـــــنـــــبـــــط صـــفــــقــــولــــي
ولادور الـــشـــهــــره مــــــــــن اعــــــــــلام كـــــــــــذاب=يــــــــــــــــــــــــدرون ولا عــــــــلــــــــهـــــــــم مــــــــــــادرولـــــــــــــي
شـــــــــرد الـــبـــيـــوت الــــنـــــادره يـــــــــوم تـــنـــســـاب=تــعــلــن لـــعــــذب الــمــفـــرده عـــــــن وصـــولــــي
واسـمــوبــهــا وانــــــــزل بــــهــــا فــــــــوق مــــرقــــاب=مـــــــادوجـــــــو بــــيـــــاعـــــة الــــحـــــكـــــي حـــــــولـــــــي
وامــــــــــــدح بــــــهــــــا راع الــــعــــوايــــد لــــيــــاطــــاب=الــلــي كــســب قــولـــت كــفـــوو قــبـــل قــولـــي
ورد الثناء ومساجلت بعض الاصحاب=ومــــــدح الـطــنــايــا بـــكــــل مـــوقــــف بــطــولـــي
رســـالــــتــــن نـــــطــــــرق بـــــهــــــا عـــــــــــدة ابـــــــــــواب=والـــلــــي حـــمــــل تـــلــــك الــرســـالـــه رســــولــــي
والــيـــوم ابــكــتــب فـــيـــك يـــاســـود الاهــــــداب=وتــــبـــــا"لـــــعـــــدوانـــــي وتــــــــــــــــــــــــب لــــــــعــــــــذولــــــــي
بضـفـي عـلـى زلات الاصـحــاب جـلـبـاب=وربـــــــي خـــلــــق مــتــنـــي لــشــيـــل الــحــمــولــي
بـعــوضــك عـــــن غـيــبــت الـشــعــر لاغـــــاب=ابــــــــــي الـــقــــوافــــي تــمـــتـــثـــل لـــــــــــك مـــثــــولــــي
هجر الشعر كانـت تقـف خلفهـا اسبـاب=ولــجـــلـــك ســـلاطـــيـــن الـــشـــعـــر عــــودولـــــي
يـــاســـاخـــبــــه يــــاســــاحـــــره كـــــــــــــل الالـــــــبـــــــاب=يـــامـــذهـــلــــه وانــــــتـــــــي ســــبـــــايـــــب ذهـــــــولـــــــي
فجي ضلوعي واسمري خلف الاحداب=جــيــتــك غـــــــلا كـــلــــي بــعــرضـــي وطـــولــــي
اعطـيـنـي اكـثــر مــــن غــــلا نــــوت لـعـقــاب=يــــوم ان اخــــو نـمــشــه يــصـــول ويـجــولــي
وبـعـطــيــك مــاعــجــزوا يــقــولــون الاحـــبـــاب=لاخــــلــــواالــــدمــــعـــــات عـــــــنـــــــهـــــــم تـــــــقـــــــولــــــــي
طــــاريـــــك يـــفـــتـــح لــلــشــعـــر عـــــــــدة ابــــــــــواب=وشـــــلــــــون لامـــــــــــن الـــثــــمــــان ضــحـــكـــولـــي
وضميـت صفحـه ماحـوت حـرف كتُـاب=وشـــقـــر الـــذوايـــب فــــــي نـــحـــرك انـثــنــولــي
وطـــعــــم الــعــســـل بـــيــــن الـشــفــايــا لــــيــــاذاب=يـــبـــعـــد حـــــــــزن قـــلـــبــــي ويـــســـقــــي ذبـــــولـــــي
لاقـلــتــي اكـتــبــي شـــعـــر يـــطـــرب اطــــــراب=ابـــــي ارتـــــوي شــعـــرك وابــشــبــع فــضــولــي
قلت ابشري ترخص لك ارقـاب وارقـاب=لــــــــــولاك مـــاجـــبــــرت الــجـــمـــيـــع وقـــــرولــــــي
وحـصــلــت لـعـيـونــك عـــلـــى عــــــدة الـــقـــاب=مــجــنــون حــــــرف وقــبــلــة الــشــعــر زولــــــي
لــنـــك طـــقـــوس الـشـعـروحـروفــي اســــــراب=يــامــلـــتـــقـــى كــــــــــــــل الــــجـــــمـــــال الـــطـــفــــولــــي
يـــافـــاتـــنـــه مــــــابــــــي جـــمـــاهـــيـــر واعــــــجــــــاب=دامـــــك مــعـــي عــمـــر الـبــشــر مـاصـفـولــي


 

قديم 17-10-2010   #3


الصورة الرمزية قبلان الخمسان
قبلان الخمسان متصل الآن

بيانات اضافيه [ + ]
 رقم العضوية : 1848
 تاريخ التسجيل :  27 - 11 - 2009
 أخر زيارة : 19-07-2012 (11:17)
 المشاركات : 62 [ + ]
 التقييم :  10
لوني المفضل : Cadetblue
افتراضي ,,موجة شعر



السلام عليكم ورحمة الله وبركاته

اليكم مالدي



موجة شعر ..

يـاشـيـنــهــا لــقــفـــت مــــثــــل لــــمــــح الابــــصــــار=وتــقــطــعـــت كــــــــــل الـــســـبــــل فــــــــــي رحـــيـــلــــه
فــجـــئـــه كــــــــذا راحـــــــــت بـــلاســـابـــق انـــــــــذار=بـــــنــــــت الـــــدلــــــع وام الــــــرمــــــوش الــظــلــيـــلـــه
بــــاول شــهــر حـطـيــت لــــه كـــــل الاعـــــذار=وثــانــي شــهــر ضــاقــت عــلــي كــــل حـيـلــه
وثـالــث شـهــر كـــن الـحـشـى يـلـتـهـب نــــار=ايـــــقـــــنــــــت بــــــــفــــــــراق الــــخــــلــــيـــــل وخــــلــــيــــلـــــه
ورظــــــخـــــــت لــــلــــواقـــــع ولــــوكـــــلـــــه امــــــــــــــرار=واســتـــرســـلـــت عـــــبــــــرات عـــيــــنــــي هـــمـــيـــلـــه
وامــنــت بـــــان الــلـــي حــصـــل كــلـــه اقـــــدار=وصـــــــــــارت عـــيــــونــــي كـــــــــــل بــرق"تــخــيـــلـــه
احـيــان اقـــول الـمــوت قـصــاف الاعــمــار=لـــــــــــــــــــولاه مــــاتـــــبـــــعـــــد كـــــــــــــــــــذا مـــســـتـــحـــيـــلــــه
واحــــــيــــــان تـــلـــعـــبـــي هــــواجــــيــــس وافــــــكــــــار=واتــخـــيـــلـــه تـــحــــكــــي مــــــعــــــي كــــــــــــل لــــيــــلــــه
وتجتاحنـي موجـة شعـر مـثـل الاعـصـار=والـــهـــاجـــس الــمــســجـــون تـــخـــلـــي ســبــيــلـــه
وانــــــزف شـــعـــر يـــجـــرح تـقـاســيــم الاوتــــــار=مـــــــن خــافــق(ن)هـــد الـــزمــــن كــــــــل حــيـــلـــه
والـــحــــزن يـــرجــــف بـالـحــنــايــا تــــقــــل طــــــــار=وتـــطـــري عـــلـــي اشـــعــــار قـــيــــس وعــويــلـــه
ويطري علي وقتٍ مضى وارجع احتار=وتـاخـذنـي الــذكــرى غــصــب وانـحـنــي لــــه
كــــنــــا نــــغــــوص وبــالـــهـــوا نـــبـــحـــر ابــــحـــــار=فــــــــــــي عــــــالــــــم الــــعــــشــــاق قــــلــــبــــي دلــــيــــلـــــه
تــحــمــل مــشــاعــر طـــفـــل وتـــحـــب وتـــغـــار=وتـــشـــكــــي مــــــــــن اللهفــــــــــه وارد اشــتــكــيــلـــه
حـــبـــه طــفــولــي واضـــحـــن مـــثـــل الانـــــــوار=وكــــــــــــــــــــل الــــــــــبــــــــــراءه قـــــلـــــبـــــهـــــا يـــنـــتـــمـــيــــلــــه
كـــانـــت سـوالـفــهــا مـــثـــل طـــــــش الامـــطــــار=وصـــــدري لــهـــا مـــثـــل الــفــيــاض الـمـحـيـلــه
وبــلــســـانـــهـــا لـــــــــــــو بــيــتـــهـــوفـــن مـــوســـيـــقــــار=يــــســــواه شــــطــــر(ن)ذاب مـــــــــن سـلـسـبــيــلــه
تــحــفــظ ثــــــلاث اربــــــاع شـــعــــري وتــخــتـــار=ابـــــــيــــــــات تـــلـــقـــيـــهــــا والاخــــــــــــــــرى تــــشــــيــــلــــه
ودايـــــــــم تـــــــــردد مـــابـــقــــى شــــــــــي مـــــاصـــــار=وخـــلــــونــــي اســـهــــرمــــع بـــــــــــروق الـــرعـــيـــلـــه
والــــــوقــــــت دار وعــــــــــــادت الــــــوقـــــــت دوار=واســـتــــوطــــنــــت قـــــلـــــبـــــي هــمــوم(ن)ثـــقـــيـــلـــه
تـــمـــركــــزت بــالــقـــلـــب واظـــــرارهـــــا اظــــــــــرار=يـــانــــعــــمــــة الـــنــــســــيــــان روحـــــــــــــــي عـــلــــيــــلــــه
انـــــــهـــــــكـــــــنــــــــي الـــتـــفــــكــــيــــروالــــطــــيــــف لازار=احــــــــــس حـــــتـــــى احــــــــــلام لـــيـــلــــي بــخـــيـــلـــه
رســـــــايـــــــل وعـــطــــرورســــومــــات واشـــــــعــــــــار=وغـــــــــــــــلاه هـــــــــــــــاذا كـــــــــــــــل شـــــــــــــــي بـــقــــيــــلــــه
وبـعــض الاغـانــي لــــه حـكـايــات واســــرار=تــــــعــــــيــــــدنـــــــي لــــــلــــــذكــــــريـــــــات الـــــجـــــمـــــيـــــلــــــه
وبـــــعـــــض الامـــــاكــــــن لاتـــذكــــرتــــه انـــــهــــــار=لـــــكــــــن عـــــــــــزاي انــــــــــــي تــــحــــديــــت جــــيــــلــــه
اوفــــيـــــت لـــــــــه مـــــانـــــي مـــــخـــــادع وغــــــــــدار=وصــنــت الــغــلا بـعـيــون ضــــاف الـجـديـلـه
والــيــوم راحـــــت واصـبــحــت شــبـــه تــذكـــار=وقـــــلـــــبـــــي تـــــعـــــزيـــــه الـــســــنــــيــــن الـــطــــويــــلــــه
وامــنــتــهـــا مــــجـــــري الـــفـــلــــك يــــــــــوم يـــــنـــــدار=رب مـــــــلائـــــــكــــــــة الـــــــســـــــمــــــــاء تـــنـــحــــنــــيــــلــــه


 

قديم 03-11-2010   #4


الصورة الرمزية قبلان الخمسان
قبلان الخمسان متصل الآن

بيانات اضافيه [ + ]
 رقم العضوية : 1848
 تاريخ التسجيل :  27 - 11 - 2009
 أخر زيارة : 19-07-2012 (11:17)
 المشاركات : 62 [ + ]
 التقييم :  10
لوني المفضل : Cadetblue
افتراضي صوت وصدى فالح الناهي قبلان الخمسان



السلام عليكم ورحمة الله وبركاته

الاعزاء نشامى شمر

تشرفت في ليلة زواجي بحضور نخبه من الشعراء المميزين يتقدمهم العملاق راضي الشعيلي والمبدع سعيد العمودي
والرائع فالح الناهي والجزل فرحان فهيد وغيرهم من الشعراء الافاضل وكلعاده تناوبو على الابداع والتحليق بالشعر عاليا" واعادو للشعر هيبته وشموخه

اضع بين ايديكم تهنئة الاخ العزيز الشاعر /فالح الناهي

مع ردي وشكري وتقديري

صوت وصدى فالح الناهي قبلان الخمسان .. ..


مـهـمـا تعـانـدنـا تـصـاريــف الأزمــــان=ومـهـمـا إنشـغـلـنـا بـالـزمــن وإلتـهـيـنـا
وافـيـن للـوافـيـن لـــو كـــان مـــا كـــان=وش لـــــذة الأعــمـــار لـــــو مـاوفـيــنــا
والـيـوم جـيـت وخـاطــر الـــود شـفـقـان=أبـــــــي أشـــــــارك فـــرحــــة الـطـيـبـيـنــا
مــبــروك يــاعــذب التـمـاثـيـل قــبـــلان=مــبـــروك يـــــاواف الــخــفــا والـيـمـيـنــا
مــبــروك يــاراعــي الـحـمـيـا كـحـيــلان=مــبــروك يـاصــافــي الــغـــلا والـكـنـيـنـا
مــن لابــة علـمـه عـلـى راس مـابــان=عـــــزوة فــخـــر لا عــــــدو الـغـانـمـيـنـا
مـانــي بمـلـيـوم لـيــا قــلــت خـمـســان=لــلــمـــدح فـــعــــل ولـلـفـعــايــل يـقــيــنــا
من روس سنجاره ومن ساس نبهان=ركـــن لـلـشـمـر مــــن قــديــم السـنـيـنـا
عــز الطنـايـا يــوم روغـــات الأذهـــان=وضـاريــن بالـوقـفـه وذبــــح السـمـيـنـا
متوارثـيـن الـطـيـب مـــن روس جـــدان=حــاضـــر ويــشـــرح ســـيـــرة الأولــيــنــا
أعــزكــم وأنــــا عــزيـــز ولـــــي شـــــان=ولا طــــاب مـــــن لا يـغــلــي الطـيـبـيـنـا
قـبـلان عـرفـي بـــك قـصـايـد وقـيـفـان=ورافقـتـنـي بالـطـيـب لـــو مــــا ألتـقـيـنـا
أبــعــاد لـكـنــا عــلــى الـطـيــب جــيــران=بــعـــد الـمـســافــه تــقــهــر الـخـايـبـيـنـا
والـيـوم جـيـت وحــب الأجــواد نـيـشـان=ولـبـيـت يـومــن مـــن طـرفـكـم دعـيـنــا
مـهـمـا تعـانـدنـا تـصـاريــف الأزمــــان=ومـهـمـا إنشـغـلـنـا بـالـزمــن وإلتـهـيـنـا
يبقـى الوفـاء منصـوب لأمثـال قبـلان=وش خـانــت الأعــمــار لــــو مـاوفـيـنـا


فالح الناهي .. ..


للـشـعـر انـــا عـطـشــان والــبــال طــربــان=والـــبــــاركــــر فـــــــــــوق الـــــــــــورق يــحــتــريــنـــا
والـهــام شـعــري جـــر عـذبــات الـلـحــان=وقــــريـــــحـــــتـــــي وبــــيـــــوتـــــهـــــا جــــاهـــــزيـــــنـــــا
مــــــن قـــلـــت فـــالـــح يـالـقــوافــي والاوزان=قـــالــــت قــوامــيـــس الـــحــــروف انـتـشــيــنــا
ابــــو فــجــر شــبــل السـنـاعـيـس لاهـــــان=راع الــــحــــمـــــيـــــا مـــــــــزبـــــــــن الـــخـــايـــفـــيـــنـــا
يـامــرحــبــا يــاطـــلـــق طـلـيــقــيــن الايــــمــــان=بــالــوافــي الـــلـــي مــــــن وفـــــــاه اسـتـحـيــنــا
يـاقـدوتـي بـالـشـعـر واخــــلاق الانــســان=يــاصــاحــب الــبــيـــت الـشــهــيــر الـثـمـيــنــا
(انـــا مـــن الـلــي عـزهــم شـمــس ويـبــان=احـــــرار طـــــي الــلـــي تـــفـــك الـسـجـيـنــا)
حــطــيــت قـيـفــانــك ع الـــــــراس تــيــجـــان=واســقــيــتــنــا جــــــــــزل الــقــصـــيـــد ورويـــــنـــــا
وشـرفـتـنــا بـحــضــور مـلــفــت لــلأذهـــان=قــــــــــدام شـــيــــخــــان الـــزمــــيــــل اجــمــعــيــنـــا
ســبـــع الـجــمــوع وشــيــخــه ابــــــن ثــنــيــان=تــــرفــــع لــــــــك الــبــيــضــا قــــبـــــل لاتــجــيــنـــا
ولاهــي غـريـبـه وانـــت للـطـيـب عـنــوان=وربعـك لشمـر سـور حصنـن حصينـا
كــبــود الــزمـــل عــبـــده زحــازيـــح بـــــرزان=الــــــلــــــي يــــــهــــــوزون الــــجــــبـــــال وتـــلـــيـــنــــا
قــــومــــا" لــيــاطــبــو الــمــيــاديــن شــجـــعـــان=لـــعـــمــــارهــــم وارواحـــــــهـــــــم مـــرخـــصـــيـــنـــا
وويــبــار ســاســك لاتـعـزويــت صــفــران=مــركــاضــهـــم يـــــخـــــزي بـــلـــيــــس الــعــيـــنـــا
شــاعــر خــذيــت الــفــوز قــــدام فــرســـان=بـــالـــمــــركــــز الاول وفـــــــيـــــــك احــتـــفـــيـــنـــا
من شاعر ال سعود بالشعر كسبان=بـــتـــحــــدي الـــســــامــــر رفـــــعــــــة الــجــبــيــنـــا
لابـحـر خيـالـك جــاب لـولـو ومـرجــان=ولـــــيـــــاتـــــعـــــلا لـــــلـــــســـــحــــــاب اعــــتــــلــــيــــنـــــا
واقــبــل تـحـيـاتـي عــــدد طــــش الامــــزان=عـــــــســـــــاك فـــــــالـــــــح دوم دنـــــــيـــــــا ويـــــــنــــــــا




قبلان الخمسان


ملاحظه مابين القوسين من اشهر الابيات اللتي قيلت بقبيلة شمر

انا من اللي عزهم يشبه الشمس ,,احرار طي وعزوتي شمريه

للشاعر فالح الناهي


 

قديم 14-11-2010   #5


الصورة الرمزية قبلان الخمسان
قبلان الخمسان متصل الآن

بيانات اضافيه [ + ]
 رقم العضوية : 1848
 تاريخ التسجيل :  27 - 11 - 2009
 أخر زيارة : 19-07-2012 (11:17)
 المشاركات : 62 [ + ]
 التقييم :  10
لوني المفضل : Cadetblue
افتراضي ,,الدمار الشامل



السلام عليكم ورحمة الله وبركاته


اليكم مالدي

عسى ان تنال اعجابكم
,,الدمار الشامل .. ..


لبـيـه ياهـاجـس قصـيـدي مـســاء الـخـيـر=اقـــلـــط تــفــضــل حــــــان وقــــــت الـــظــــروره
خابرك تخضع لك هجوس الشواعير=بـــــك غـطــرســت راس الـجــنــازه وجــــــوره
ان رقـــــت وان مــارقـــت مــابـــه مــعــاذيــر=الــــــــــدم لــــــــــه وســـــــــــط الــشـــرايـــيـــن فـــــــــــوره
تــعـــال ابــيـــك تــصـــور الــقـــاف تـصــويــر=لــعــيــون مــــــن غـــــــار الـقــمــرمــن غـــــــروره
دمـــــــار شـــامــــل لــــوعــــرف فــتـــكـــه بــلـــيـــر=يــســتـــخـــدم الــفــيـــتـــو ويـــــرســـــل صـــــقــــــوره
ويــــدك حــائــل جــــو مــــن غــيـــر تـحــذيــر=بـــمـــقــــاتــــلاتــــن بــــــالــــــحــــــروب مــــــخــــــبــــــوره
حـــــوريـــــتـــــن ســـــــــــــــوة قــــــــلــــــــق لـــلـــغـــنـــاديــــر=تــكــتـــب شـــعــــر وانــــــــا دمــــرنــــي شــــعــــوره
تـاصــف غـلاهــا باليـمـامـه عـلــى جـبـيـر=وانـــــــــــا مـــــثــــــل قـــــيــــــس الـــمــــلــــوح بــــــــــــدوره
بــالـــعـــشـــق عـــديــــنــــا حـــــــــــدود الــمــعــايــيـــر=خـــــــــــارج نــــــطــــــاق الـــجـــاذبـــيـــه جــــــســــــوره
نـقـصــر عــلـــى شــانـــه بـعــيــد الـمـشـاويــر=لــــــودونــــــه الـــنـــهـــريـــن يــــســــهـــــل عــــــبـــــــوره
لاسـلـهـمــت تــاخـــذ مـــــن الــبــنــج تــخــديــر=ولــيــاحــكــت تـــكـــســـي الــنــســايـــم بــــخـــــوره
ضحكـه وهمساتـه وصوتـه معـي غيـر=والـنـاعـســات الــســـود مــصـــدر خـــطـــوره
مـــــــــاقـــــــــول مــــالـــــغـــــرورهـــــا اي تــــــبــــــريـــــــر=اقـــــــول تـــحــــدث داخـــــــل الــحـــفـــل ثــــــــوره
ولاقـول بنـت مصطـر المجـد تصطـيـر=لــــكــــن عــــلــــى هــــــــذا الــجـــمـــال مــــعــــذوره
تـلـعــب بـوجـهــات الـنـظــر لــعــب وتـثــيــر=وتلـفـت نـظـر كــل الحـضـور لـحـضـوره
كـــنــــه تــــطــــور ذوق الانــــســــان تــطـــويـــر=وتــــلـــــغـــــي مــفـــاهـــيـــمـــه لــــيـــــاشـــــع نـــــــــــــــوره
لاضــــــــــــــاق بـــــــالـــــــه يــــذبـــــلـــــن الــــنـــــواويـــــر=ولــيــابــكــت قــلـــبـــي كــــســــر حــــــــد طـــــــــوره
تعكس على افكـاري هـوى خطـة السيـر=فــــــــوق الــعـــنـــاد مــــــــن الــهــبــايــب غــــيــــوره
اســـكـــب لــــــه اشـــعـــاري مــــــوده وتــقــديــر=واضـــمــــى قــصــيـــده لـوسـقــتــنــي بــــحــــوره


 

قديم 29-11-2010   #6


الصورة الرمزية قبلان الخمسان
قبلان الخمسان متصل الآن

بيانات اضافيه [ + ]
 رقم العضوية : 1848
 تاريخ التسجيل :  27 - 11 - 2009
 أخر زيارة : 19-07-2012 (11:17)
 المشاركات : 62 [ + ]
 التقييم :  10
لوني المفضل : Cadetblue
افتراضي ,,ذكرى طلال الضيغمي



السلام عليكم ورحمة الله وبركاته


في احد المسابقات الشعريه
,,ذكرى طلال الضيغمي .. ..

ياهاجسـي مـالـك عــذر مـوعـدك حــان =دك الـــبـــيـــوت وحــــركـــــه عـــــــــن مـــحـــلـــه
خـلــه تــلاطــم بـالـحـشـى تــقــل طــوفــان =يـــــــــوم الـــعـــواصـــف والــــرعـــــود ارتـــكـــلـــه
خــلـــك مــثـــل قــلـــب الـجــنــازه بـالــكــوان =لامـــــــــــن تـــــرفــــــات الـــصــــبــــا زغـــــردلــــــه
يـرجــف بـراســي لحـتـمـى تــقــل بــركــان =لـومـاكــتــبــه خــــطــــرن عــــروقــــي يـــشـــلـــه
مـثـايــل" تـحـمــل نــفـــس شــعـــر قــبـــلان =والــنـــشـــر وحــــقــــوق الـــطـــبـــع يـحــفــظــلــه
يـكـفــيــه بــــــس انــــــه شــهــدلـــه بـلــيــهــان =شــهــادتــن تــغــنـــي عـــــــن الـــمــــدح كـــلــــه
راضي الشعيلي قال بالشعر لك شان =مــــبـــــدع وعــــــــــرش الـــذايـــقــــه تــســتــحــلــه
والــــــيــــــوم حــــــطــــــو لـلــشــواعــيــرمــيــدان =وجــــــــزل الــقـــوافـــي هــاجـــســـي فـــارســـلـــه
قـررت اشـارك ضمـن طلقيـن الايمـان =وكــــــــل ابــــلــــج" يــمـــنـــاه ســـيـــفـــه تـــســـلـــه
سـامـي هدفـنـا كلـنـا اصـحـاب واخـــوان =راضـــــــيـــــــن بـــالـــجــــنــــه ومـــايــــقــــســــم الله
وموضوعـي انسـانـي ومكـتـوب بنـسـان =كـــــــــــل الـــصــــفــــات الــــــنــــــادره يــنــتــمـــلـــه
جالي مجال وشفـت صـورت كحيـلان =بـالــمــنــتــدى مـــــــــن عــــزوتـــــي عـــزوتـــلـــه
طـــــــلال ويـــــــرد الـــصــــدا قــصــربـــرزان =وحـــائـــل عـــلـــى طـــاريــــه دمـــعــــه تــهــلـــه
مـن غيبتـه عجـزت لاكـتـب الــى الان =لـنــي عـجــزت اسـتـوعــب الــلــي حـصـلــه
اعــوام راحــت مـاجـلـت كـثــر الاحـــزان =اســـــــــــج والــــخــــافــــق هــــمــــومــــي تــــتــــلــــه
مــــرحــــوم زيــــــــزوم الــطــنــايــا هل الشان=شـــــيــــــخ يــمـــيـــنـــه غــيـــمـــتـــن مــســفــهـــلـــه
حــفـــيـــد حــــكـــــام وجـــنـــايـــز وفــــرســـــان =بــشــتـــه يــضــلـــل مـــــــن تــضــلـــل بــظـــلـــه
طـلال مـاولـي فــرض خـمـس الاركــان =نــنــســـاه لــويـــرضـــى الــشـــجـــاع الــمـــذلـــه
ولــــو نـسـيــو الـعـجـمـان تــاريــخ راكــــان =وجــبـــال حــائـــل غـــــادرت عــــــن مــحــلــه
والله لــــــــو مالله مــــــــلا قــلـــبـــي ايــــمــــان =قـــــلــــــت الـــحــــيــــاة بــــــلاوجــــــوده مــــمــــلــــه
لــكــن عــســـى باعث نـبــيــه سـلـيـمــان=يـــــدخــــــل طـــــــــــلال بــجـــنـــتـــه رحــمـــتـــلـــه
ولــو ماكسـبـت الـشـعـر مـانــي بـنـدمـان =مـــشـــاعـــري واحــــســـــاس قـــلـــبـــي وفــــلـــــه
عـنــونــتــهــا بـالـضـيــغــمــي خــيــرعــنـــوان =ذكــــــــــرى شـــــجـــــاع" ســـيـــرتــــه مــانـــمـــلـــه


 

قديم 19-03-2011   #7


الصورة الرمزية قبلان الخمسان
قبلان الخمسان متصل الآن

بيانات اضافيه [ + ]
 رقم العضوية : 1848
 تاريخ التسجيل :  27 - 11 - 2009
 أخر زيارة : 19-07-2012 (11:17)
 المشاركات : 62 [ + ]
 التقييم :  10
لوني المفضل : Cadetblue
افتراضي ,,,السحابه



السلام عليكم ورحمة الله وبركاته

لقلوبكم مالدي

,,,السحابه.. ..


للخيل فرسانن تدك الميادين=دواهين سفك الحمر ماتهابه
ولسيف رهبه في يدين السلاطين=وسطح القمر ماكل عالم وطابه
والحكم بالحكمه خذوه الحكيمين=اللي بهم سطوه ولين وصلابه
ولولا القناعه ماتعيش المساكين=ولولا الفراسه ماتعشى الذيابه
والشعر واداب الشعر له قوانين=ولاكل يمنى تستحق الكتابه
وانا الكتاب اللي سطوره عناوين=يقرا الكفيف وتنطق البكم مابه
الياحتدم جاشن زفيره براكين=شيطان شعري قام يلقي خطابه
مثل اخو هدلا لاخطب عن فلسطين=ايام عزه يوم كل يهابه
مغرور واثق قولي اللي تقولين=انا اللذي تبكي القوافي غيابه
ولو غبت اجي واطوع الصعب ويلين=واعيد لجزال البيوت المهابه
لني ورثته ورث من روس جدين=يوم الردي ورثه يزود حسابه
وصدق المشاعر ماتبيله مزكين=وتاصل قلوب الاثريا والغلابه
يكتبني الحرمان والحزن والبين=وتقراني عيون السهر والكابه
وتعشقني الدمعه وتستوطن العين=وتكرهني الضحكه واعيش بغرابه
مومن ولا اومن في مجال المحامين=لوبرو القاتل يلاقي عذابه
عشت الحياة ولالقيت متهنين=الا مطيعين النبي والصحابه
المومنين الصايمين المصلين=اللي تبي من عند ربه ثوابه
وبكيت يوم ان العمر خمسة سنين=دمعن محيرني غزير انسكابه
عانيت ظلم الا جرعت الامرين=والفقر كانت رغبتي تحت نابه
رتم الحياة ممل والمجتمع شين=وضروفها المدرك تضيع صوابه
واليوم ياشعري على عاتقي دين=بقدومهارحب عني باالنيابه
لاح بسما جوي بروق ونياشين=وتكونت في قدرة الله سحابه
وجتني يسوقنه رياح الخماسين=هتان نوه يستثير الكتابه
منشاه بالعارض قبل عام اللفين=بين البروق وبين خده قرابه
تخفي بردها خلف جمر الشفاتين=في بسمته غنج ودلعها ذاربه
وبرياض صدري والحشى والشرايين=هلت عبايرها وفكت حجابه
واسقت ضماي ونورن البساتين=ديمومتن رب السموات جابه
الروح صارت روح من بعد روحين=وسوال عمري توي اعرف جوابه
رحبت فيها من خفوقي ملايين=قلت ارحبي يادعوتن مستجابه
وقلطتها قدر وغلا بين رمشين=وسريتله عذب القصيد وسرابه


 

قديم 27-04-2011   #8


الصورة الرمزية قبلان الخمسان
قبلان الخمسان متصل الآن

بيانات اضافيه [ + ]
 رقم العضوية : 1848
 تاريخ التسجيل :  27 - 11 - 2009
 أخر زيارة : 19-07-2012 (11:17)
 المشاركات : 62 [ + ]
 التقييم :  10
لوني المفضل : Cadetblue
افتراضي مشاركتي في مسابقة ((شاعر الملك))



السلام عليكم ورحمة الله وبركاته

يسعد مسئاكم

مشاركتي في مسابقة ((شاعر الملك)) .. ..

فـــــــــي قـــــمـــــة الـــمـــرقــــاب لــلــشـــعـــر مـــــرقـــــاب=قــــــمـــــــة جــــــبـــــــل مــــــاكـــــــل ذيــــــبـــــــن عـــــــوابـــــــه
قمـة شعـر تصعـب علـى بعـض الاشنـاب=يـــــرقـــــاه مـــــــــــن جـــــــــــزل الــقـــصـــايـــد زهـــــابــــــه
يــمــنــع بـــــــه الـتــصــويــت صـــــــادق وكـــــــذاب=والــــــربـــــــح واســــتـــــنـــــزاف مــــــــــــــال الــــغـــــلابـــــه
وفـــــي قـمــتــه شــاعـــر مــلـــك هــــــز الالـــقـــاب=يــعــنـــي مـــلــــك شـــعــــر الــنــبـــط مـــــــن رقــــابــــه
شـــاعـــر لــعــبــدالله عـــمـــى عـــيــــن الارهـــــــاب=الـــــلـــــي اذهــــــــــل الـــتــــاريــــخ ســـــيــــــرة جـــنــــابــــه
وفـــي سـيــدي مـــن يـكـتــب الـشـعــر لاغــــاب=مــــــــــالــــــــــه مــــــــــبــــــــــرر لـــــــيـــــــبـــــــرر غـــــــيـــــــابـــــــه
الله وشــــــــــــــــــرع الله وعـــــــــبـــــــــدالله اســـــــــبـــــــــاب=هــــــــــذا الامــــــــــان الـــــلـــــي نـــعــــيــــش بـــرحــــابــــه
عـــبــــدالله الــعــبـــد الــتــقـــي عـــــــرب الانـــســــاب=شـــعـــبـــه غــــــــــلاه عــــــــــروق قـــلـــبــــه مـــشـــابــــه
يــبــايـــعـــه يـــفـــديــــه يـــــرخـــــص لــــــــــه ارقـــــــــــاب=يـــمــــوت فــــيــــه ويــعـــشـــق ارضــــــــن وطــــابــــه
يـــهـــيــــم فـــــيـــــه يـــــحـــــب صـــــوتــــــه لــيـــنـــســـاب=يــــعــــشـــــق شــــمــــوخـــــه مـــيـــلـــتــــه لــلـــعـــصـــابـــه
يـــحــــس فـــــــي قــلــبـــه وفـــــــاء كــــــــل الاقــــــــراب=وفـــــــي طـيــبــتــه عـــطــــف وحــــنــــان وحــبـــابـــه
ومــبــروزيــنــن صــــورتـــــه وســـــــــط الالــــبـــــاب=قــــصــــة غــــــــلا تــــذهـــــل حـــــــــروف الــكــتــابـــه
شـعـبــن فــــزع يــــوم الــمــرض جـــــاه وارتـــــاب=ولله ســــــــجــــــــد كــــــــلــــــــه نــــــــســـــــــاه وشـــــبــــــابــــــه
واطــــــفــــــال وايــــــتــــــام وعــــجــــايــــز وشــــــيـــــــاب=كــــلـــــن دعـــــــــا الله يــشــفــيـــه مـــــــــن مـــصـــابــــه
وعاشوا على الدعوات شهرين الاعصاب=وربـــــــــــــي جـــــــعـــــــل دعــــواتـــــهـــــم مــســـتـــجـــابـــه
وشـــــــفـــــــاه رب مــــــــــــــن تـــــــرجـــــــاه مـــــــاخـــــــاب=وازاح عـــــــــــــــن كــــــــــــــــل الـــــقـــــلــــــوب الـــــكـــــآبــــــه
ومـــــن وادعـــــه فـــــي سـفــرتــه عـــنـــد الايــــــاب=ســــــطــــــر لــــــــــــه اروع مـــلـــحـــمـــه واحـــتـــفـــابــــه
اســتــقــبــلــه بــــــــــاروع هـــتـــافــــات الاعـــــجــــــاب=بــــــقــــــلــــــوب كـــــــــلـــــــــه بـــالـــمــــحــــبــــه تــــــشــــــابـــــــه
وحــــــــل ومــحـــلـــه ســــيــــدي بــــيــــن الاهـــــــــداب=بـــــعـــــيــــــون شـــــعـــــبــــــن بـــــالـــــوفــــــا يــــحــــتــــذابــــه
شــعـــبـــن لــــــــو تــــــــوب الـشــيــاطــيــن مــــاتـــــاب=عــــــــــــن حــــــــــــب حــــــكـــــــام الــــــبـــــــلاد وتــــــرابـــــــه
يـــــــوم الــشــعـــوب تــقــســـم احـــــــزاب واحـــــــزاب=تـــســـفــــك دمــــــــــا والـــبـــنــــت يـــــنـــــزع حـــجــــابــــه
فـتـنــه تـضــاهــر ســلـــب واحـــــزان واضـــــراب=وفــوضـــى بـــــه الــعـــذرى يــهـــون اغـتـصــابــه
حــــــنــــــا وقــــفــــنــــا لــــلــــوطـــــن درع واحــــــجـــــــاب=وزدنــــــــــــــا ولا زدنــــــــــــــا ثـــــــبـــــــات وصـــــــلابـــــــه


 

قديم 11-05-2012   #9


الصورة الرمزية قبلان الخمسان
قبلان الخمسان متصل الآن

بيانات اضافيه [ + ]
 رقم العضوية : 1848
 تاريخ التسجيل :  27 - 11 - 2009
 أخر زيارة : 19-07-2012 (11:17)
 المشاركات : 62 [ + ]
 التقييم :  10
لوني المفضل : Cadetblue
افتراضي ,, شغب المشاعر



السلام عليكم ورحمة الله وبركاته

الاعزاء في هذا الصرح الغالي

التمس منكم العذر عن تقصيري وقلة تواجدي

ولكن العزاء انكم نشامى

دايما" مايعتب علي شاعري النادر عبدالله المفضلي

على الاخطاء الاملائيه وهذه المره خليت واحد يكتبلي هذه القصيده لعيونه ههههه

امل ان ترتقي لذايقتكم


,, شغب المشاعر!!!

شغب مشاعر فلسفة ذوق وابـداع=طهـر السحـاب وعالـم الجاذبيـه
ركن التميز لوحـةٍ كلهـا امتـاع=معزوفـةٍ وانغامـهـا شاعـريـه
اليا مشت حتى السماء تحسد القـاع=وان طالعت للغيـم جـت عقربيـه
وان سولفت تصغي لها كل الاسماع=وان فرعـت تبهـر نظـر والديـه
ولاسلهمت برموشها خدهـا ضـاع=مثـل الرمـاح بغـزوة القادسيـه
حورن عيونه فاتنه سـود ووسـاع=نظراتها بـه مـن سهـوم المنيـه
وعلى المنصه له مكانه ولـه بـاع=تضفي علـى جـو الحفـل قابليـه
تلعب ويطرب مسمعه صوت الايقاع=وليا أنتشـت غنـو لهـا سامـريـه
مشاعري في حبها تجمـع اجمـاع=وله في شرايين الخفـوق اولويـه
هذي هي اللي لجله الشعر ينصـاع=رسالتي بالشعـر واجمـل قضيـه


 

قديم 17-06-2012   #10


الصورة الرمزية قبلان الخمسان
قبلان الخمسان متصل الآن

بيانات اضافيه [ + ]
 رقم العضوية : 1848
 تاريخ التسجيل :  27 - 11 - 2009
 أخر زيارة : 19-07-2012 (11:17)
 المشاركات : 62 [ + ]
 التقييم :  10
لوني المفضل : Cadetblue
افتراضي مـن قبـل عصـر الفخفخـه والفخامـات,,ومـــن قـبــل حــتــى يـمـدحــون الــزلايــب



بسم الله الرحمن الرحيم
قصيده القيتها في حفل الشيخ الشاعر / محمد بن سعود البايح
(امير الجثاميه(

قال الشاعر قديما"
ياهل الركاب الضمر
يمينكم للبايح
تلقون تمر الحلوه
والسمن فوقه سايح

فـ قلت

مـن قبـل عصـر الفخفخـه والفخامـات !!



يـأهـل الـجـيـوب الـفـاخـرات الثـمـيـنـات=يمـيـنـكـم مـجــلــس مـضــيــف الـركــايــب
مضيـف شيخـن بالعـصـور القديـمـات=يـوم البشـر بظهـور عــوص النجـايـب
مـدهــل كـــرم يـــوم المعـيـشـه كـسـافــات=يــومـاً دلـــو الــمـاء عـلـيــهـا نــشــايــب
مـن قبـل عصـر الفخفخـه والفخامـات=ومـــن قـبــل حــتــى يـمـدحــون الــزلايــب
ومــن قـبـل شيـخـة عـابـديـن الـريــالات=ومــحــمــد الــبــايــح مـــســـوي الـعـجــايــب
شيخاً ورث مجداً رفع روس الأموات=وصيتـن يـطـاول ناطـحـات السحـايـب
مــــــرو تــقــهــوو ووصـــلـــوه الــجــزيـــلات=مــن شـاعـرً عقبله الشعر شـايــب
فــيــهـــا احــتــرامـــي لــلــكـــرم والـتــحــيــات=وفـيـهــا فــخـــر شــمـــر وقـــــدر الـقــرايــب
ســــــــلام يــــــــاراع الــــــــدلال الـــمـــركـــات=الـلـي شـكـت مــن حــر صـلـو اللهايـــب
بالمـجـلـس الــلـي شـامــخ مـثــل أبـانــات=يـدهــل لـونــك يـابـيـض الـوجــه غـايــب
رمــــــــزاً لــشـــمـــر بـــالـــكـــرم والــــمـــــروات=يفخـر بـه ألـي تحـت عـوج النصـايـب


 

 

مواقع النشر (المفضلة)


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:47


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام