آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 13-10-2020   #1


الصورة الرمزية بدر الخمسان
بدر الخمسان متصل الآن

بيانات اضافيه [ + ]
 رقم العضوية : 4678
 تاريخ التسجيل :  02 - 08 - 2019
 أخر زيارة : 11-05-2023 (09:11)
 المشاركات : 60 [ + ]
 التقييم :  10
لوني المفضل : Cadetblue
افتراضي ديوان الشاعر / بدر الخمسان





جروح المعاناه
جروح المعاناه
انا أشهد ان أقسى جروح المعاناه =لاصارت طعون القرايب كثيره
صبرت حتى وصل الصبر منهاه=مبطي وسيف الشعر داخل جفيره
لو هو بعيد الساس تقفي وتنساه =والكل منكم ينتحي له بديره
تاخذ حقوقك من عيونه وتجفاه =وتلقى من عيال الاجاويد غيره
مار القريب اللي يعدك من اعداه =هذا على كبدك سواة السعيره
تعطيه من خيرك وبالشر يجزاه =عفن السجايا والصفات الحقيره
لارحم أبو عرقً على الخبث جراه =دامه تذرى بالنسب والعشيره
شفت الحسد والحقد بيح خفاياه =وفي نفعتي دايم يدينه قصيره
غره سكوتي يوم ماببحث اقصاه =وقتً مضى ماودي اجرح ضميره
واليوم دام الصبر واصل لمنهاه =والصبر علقم والتجارب مريره
معاد فيه مجاملات اومداراه=اقفا زمان التضحيات الكبيره
اللي يقدم شي بالمثل يلقاه =والصدق مايزعل نقي السريره
ومن لاوقف جنبك اليا صرت تنخاه =لاتلتفت له بالظروف العسيره
ومن لايداري خاطرك ليه تدراه =لاصار هو نايم وعينك سهيره
واللي جحد طيبك فلا تتبع رضاه =يحسب على مثلك عمى بالبصيره
ومن لا يحشمك لاتجي له و تنصاه =لو حدتك يمه سيوف شطيره
واللي زعل لو الغلط منك ماجاه=يزعل وترويه البحور الغزيره



الشاعر بدر الخمسان


 

قديم 15-10-2020   #2


الصورة الرمزية بدر الخمسان
بدر الخمسان متصل الآن

بيانات اضافيه [ + ]
 رقم العضوية : 4678
 تاريخ التسجيل :  02 - 08 - 2019
 أخر زيارة : 11-05-2023 (09:11)
 المشاركات : 60 [ + ]
 التقييم :  10
لوني المفضل : Cadetblue
افتراضي يافاتنه



يافاتنه



وشلون اعبر لك عن احساس الاشواق=لجل اشتياقي لك تعجز التعابير
الصبر عن لاماك ماعاد ينطاق=والبعد جرحه دمر القلب تدمير
يلي عليك اجمل قصيد الغزل لاق=حيث ان وصفك فوق كل الغنادير
الله عطاك الحسن مع زين الاخلاق=وبالقلب حبك فوق كل المعايير
يافاتنه ي مرضيت كل الاذواق=حبيبتي في وصفك اشعاري تحير
في غيبتك ياالفاتنة خاطري ضاق=سهران ليلي في هجوس وتفاكير
ابادل الونات ضايق ومشتاق=شوق الصحاري للمزون المزابير
مايحتمل قلبي تناهيد وفراق=البعد قاسي والليالي معاسير
يلي تمكنتي لحالك بالاعماق=وسط الخفوق جيوش حبك طوابير
وعن حب غيرك مغلقن قلبي اغلاق=يامنتهى الاحلام واحلى المقادير


بدر الخمسان


 

قديم 26-10-2020   #3


الصورة الرمزية بدر الخمسان
بدر الخمسان متصل الآن

بيانات اضافيه [ + ]
 رقم العضوية : 4678
 تاريخ التسجيل :  02 - 08 - 2019
 أخر زيارة : 11-05-2023 (09:11)
 المشاركات : 60 [ + ]
 التقييم :  10
لوني المفضل : Cadetblue
افتراضي شمر



شمر
اخترت لي من قمة الشعر طاروق=بأهل المكارم و الصفات الحميده
من الادب مدح السناعيس والذوق=بأهل الفعول الوافيه والاكيده
تاريخهم عالي على كل شاهوق=ونظراتهم نظرات حرً بعيده
لاقلت شمر هامتي ترتفع فوق=ولاقلت حايل ترخي السحب جيده
شمر وشمر له على هجسي حقوق=ماوفيت حقه لو كتبت القصيده
لاحدتك دنياك وأصبحت مزنوق=ازبن عليهم تاخذ الي تريده
شيوخً تبل حلوق وتسكت حلوق=اليا وقفو عشت الحياة السعيده
اكرم من الي لاذبح يذبح النوق=واطنخ من اللي م يهمه رصيده
يارمش شمر سجل العلم ماثوق=نفس الكلام اللي نقوله نعيده
لاقلت شمر هامتي ترتفع فوق=ولاقلت حايل ترخي السحب جيده


 

قديم 01-11-2020   #4


الصورة الرمزية بدر الخمسان
بدر الخمسان متصل الآن

بيانات اضافيه [ + ]
 رقم العضوية : 4678
 تاريخ التسجيل :  02 - 08 - 2019
 أخر زيارة : 11-05-2023 (09:11)
 المشاركات : 60 [ + ]
 التقييم :  10
لوني المفضل : Cadetblue
افتراضي وجدي على خوة الوافين




وجدي على خوة الوافين
وجدي على خوة الوافين=الصفوه طوال الايمان
الكل حرً يشوق العين=خوة وفاء تبعد احزاني
محزم ظهر كلهم غالين=عنهم هبا كل شيطاني
فيهم جزاله وعز ودين=ابطال في كل ميداني
نبي نسج القدم ماشين=الشوق للبر يشعاني
البر فيه النفوس تزين=حبه تمكن بوجداني
جو ربيعي وفالن زين=طبن لمن روحه تعاني
يرتاح من زحمة وروتين=يلقى له علاج مجاني
حتى السعاده عليه تبين=مرتاح في كل الاحياني


بدر الخمسان


 

قديم 09-12-2020   #5


الصورة الرمزية بدر الخمسان
بدر الخمسان متصل الآن

بيانات اضافيه [ + ]
 رقم العضوية : 4678
 تاريخ التسجيل :  02 - 08 - 2019
 أخر زيارة : 11-05-2023 (09:11)
 المشاركات : 60 [ + ]
 التقييم :  10
لوني المفضل : Cadetblue
افتراضي المرجله



المرجله
المرجلة يتعب لها طيب الفال=تبغى شجاعآ مايهاب الهزيمه
تعرف بفعل الطيب ماهو بالاقوال=وتبغى لها همة ونفسآ كريمه
المرجلة مانالها غير الابطال=للي على الطالات فيهم عزيمه
دايم وهم لطيب والجود مدهال=اهل المواقف والقلوب السليمه
والمتلزم بالدين في كل الاحوال=يلقى السعادة والهنا والحشيمه
والطيب ماهو بس في كثرة المال=ياكم فقيرآ له فعولآ عظيمه
وياكم غني ماهو بمحسوب رجال=راع الردى فيه المدايح ظليمه
حتى ولو فيه اجزل الشعر ينقال=مدح الردي عند النشامى جريمه
وترى الردي موجود في كل الاجيال=دايم يجي في كل قومآ بهيمه
وطبع الرجل لاصار للهرج نقال=ماله مع اهل الطيب قدرآ وقيمه
ياشين حظ اللي وقف جنب الانذال=باع الضمير ولابقى فيه شيمه
يشوف ابن عمه تحت ظغط الاهوال=وانحاز صوب اهل الردى والنميمه
على ابن عمه شان يوم الدهر مال=ولاقدر اهل المرجلة والحشيمه
مثله خسارة يحسب حساب رجال=حيث الرجل يكرم عن اهل الشتيمه


الشاعر بدر محمد الخمسان


 

قديم 20-12-2020   #6


الصورة الرمزية بدر الخمسان
بدر الخمسان متصل الآن

بيانات اضافيه [ + ]
 رقم العضوية : 4678
 تاريخ التسجيل :  02 - 08 - 2019
 أخر زيارة : 11-05-2023 (09:11)
 المشاركات : 60 [ + ]
 التقييم :  10
لوني المفضل : Cadetblue
افتراضي الصاحب



الصاحب
الصاحب الي يبـتليني بغـيبه=ابي اتركــه ماني بمجبور انا فـيه
ابي اتغاضـى والـولي هو حسـيبه=ماهــمني لجـل التفت له واقـديـه
خلـه ايولي خوته وش نبي بـه=خـله ايولـي والمـــقــادير ترضــيه
اقفـيت شـامخ كـن محدن دريبـه=بدمح خـــطاه وبــبتعد عـــن خــطاويه
امشـي على وضــح النقى واعتـلي بـه=في راس مشـراف يـضيع النظـر فـيه
اسج وادلـــه عن همـــومن كــئـيبه=لو هيـض الهــاجوس ماني امــخفيه
والقى من عيــــال الحــمـايل امصــيبه=من خـوته زادن شــرف يـوم اخـاويه
رجلاً اليــاصك الصلــيب ابصلـــيبه=ياقــف معـــي من قبل لا انتخــي فيـه


 

قديم 27-05-2021   #7


الصورة الرمزية بدر الخمسان
بدر الخمسان متصل الآن

بيانات اضافيه [ + ]
 رقم العضوية : 4678
 تاريخ التسجيل :  02 - 08 - 2019
 أخر زيارة : 11-05-2023 (09:11)
 المشاركات : 60 [ + ]
 التقييم :  10
لوني المفضل : Cadetblue
افتراضي حنا_بدو




حنا_بدو
حنى بدو هاماتنا فوق الغمام =حنى بدو فينا الاصالة والكرم
حنى بدو ذوق وشهامة واحترام =حنى بدو سادات من بين الأمم
اللي يصافينا لقا خير وسلام =واللي يعادينا مبشر بالندم
حنى بدو وافعالنا فوق الكلام =الموت ناقف له على ساق وقدم
حنى بدو يكفي فخر منا الإمام =عبدالعزيز الفيصلي رمز الشيم
حنى سعوديين عالين المقام =عدونا في كل حالة منهزم
يقولها شاعر هجوسه ماتنام =على الجزالة فيه طنخات وعزم
بداوته عنده على صدره وسام =في جو نقذه والقصايد له طعم


كلمات: بدر محمد

لاتنسى الاشتراك بالقناة


https://youtube.com/shorts/2N0QuYD0EFI?feature=share


 

قديم 25-06-2021   #8


الصورة الرمزية بدر الخمسان
بدر الخمسان متصل الآن

بيانات اضافيه [ + ]
 رقم العضوية : 4678
 تاريخ التسجيل :  02 - 08 - 2019
 أخر زيارة : 11-05-2023 (09:11)
 المشاركات : 60 [ + ]
 التقييم :  10
لوني المفضل : Cadetblue
افتراضي مــن خـــان داره يعتـبـرخـان ديـنــه



مشاركتي في مسابقة الشيخ فرحان بن نايف الجربا الوطنية
وحصلت علئ المركزالاول ولله الحمد
مــن خـــان داره يعتـبـرخـان ديـنــه
الـلـي يـخــون الـــدار تـبــت يـديـنـه=ضــده رجـــال يحـفـظـون الأمـانــه
هــــــذا الـــوطـــن بارواحـنـامـفـتـديـنـه=نمـوت مانـرضـى علـيـه الخيـانـه
مــن خـــان داره يعتـبـرخـان ديـنــه=الــخـــايـــن الــغــدارمــالـــه ضـــمـــانـــه
هـــــرب ورافــــــق شـــلـــة خـادعـيــنــه=طـــاوع هـــل الفـتـنـة وغـــره زمـانــه
الاواخــــســـــارة يـــاتـــعـــب والـــديـــنــــه=مع الشقا مع السهر والحضانه


بدرالخمسان


 

قديم 14-10-2021   #9


الصورة الرمزية بدر الخمسان
بدر الخمسان متصل الآن

بيانات اضافيه [ + ]
 رقم العضوية : 4678
 تاريخ التسجيل :  02 - 08 - 2019
 أخر زيارة : 11-05-2023 (09:11)
 المشاركات : 60 [ + ]
 التقييم :  10
لوني المفضل : Cadetblue
افتراضي اشتاق لك



اشتاق لك
مافيه شي اسرع من الوقت وياك =لو هي سنة ماكنها الا ثواني
لاتجرحين اللي من سنين يهواك=غيابك اقسى من ظروف الزماني
اشتاق لك في غيبتك واتحراك =قلبآ يحبك في غيابك يعاني
لاتحسبين ان طول البعد بنساك =حبك عروشه ثابتة بالمحاني
ياصار مافيه امنية غير لاماك =ياجرح قلبي كان قلبك نساني
ماالوم قلبي يوم عن غيرك اغلاك =انتي هوى روحي وكل الاماني
زادت على كل العذارى مزاياك =يافارقة ذوق وجمال وحناني


 
 توقيع : بدر الخمسان



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:17


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام