آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 15-09-2009   #1


الصورة الرمزية عوض مخلف الحسيني الشمري
عوض مخلف الحسيني الشمري متصل الآن

بيانات اضافيه [ + ]
 رقم العضوية : 1598
 تاريخ التسجيل :  19 - 08 - 2009
 أخر زيارة : 04-06-2014 (02:56)
 المشاركات : 54 [ + ]
 التقييم :  10
لوني المفضل : Cadetblue
افتراضي ديوان الشاعر / عوض مخلف الحسيني الشمري







السلام عليكم ورحمة الله وبركاته ...


هذي الأبيات قالهآآ الوالد الله يطول بعمره
بمناسبة عفو أبناء عماش عن بندر عايد الشمري ...
جزاهم الله عنا كـل خير .. وهذي ليس غريبه من أبناء عماش رحمة الله عليه







قبـل المثايـل باديـاًً بـسـم رحـمـان=الخـالـق الــرازق رفـيـع المـكـانـي
مرجع على يعقوب شوفه بلأعيان=من عقب ماهو من عماهن يعانـي
ومن بعد ذكر المعتلي قلـت قيفـان=عسـاه مـع درب الصـواب يهدانـي
بــدع القـوافـي تــو ماوقـتـهـا زان=يومـن ربعـي منهـم الطيـب بـانـي
أبـرسـل القيـفـان شـكـراً وعـرفـان=منـي لكـم ياخـوان نجـلاء تهـانـي
عاشوا بني عمي ذرى كـل بلشـان=زبـن المجـلا مــن قـديـم الزمـانـي
زبن المجلا يوم هي سرج وعنـان=يوم المطارد فـوق بنـت الحصانـي
تنازلوا بأمـر الولـي عالـي الشـان=عـن خصمهـم ماعـاد فيهـا مثانـي
جابوه عند الشيخ طلقيـن الأيمـان=بدخول عشره من ليـال أرمضانـي
قالـوا عفينـا عنـه لـلـرب سبـحـان=أجـراً لـوجـه الله جــزل الحسـانـي
ماهي غريبـه مـن سلايـل كحيـلان=عاداتهـم كسـب العـلـوم السمـانـي
مـن قبلهـم شيـخ القبيـلـة بليـهـان=بمنـيـف سـامـح يالله المستـعـانـي
فـي ساعتـاً فيهـا يغيـبـن الاذهــان=قــال العتـيـبـي مـايـوقـف ثـوانــي
ضيدان جعله فـي بساتيـن وجنـان=فـي جـاه مـن نرجيـه سـر وبيانـي
أدعوا معي تكفون من قلب ولسان=عـسـى مـقـره عـالـيـات الجـنـانـي
تمـت وصلـوا عـد همـال الأمــزان=على شفيـع النـاس قاصـي ودانـي


((وفي هذي المناسبه لايسعني إلآ أن أشكر جمــيع القائمين على هذا المنتدى اللذي نفتخر فيه ونعتز فيه))

هذا وتقبلوا تحياتي ،،،
عوض مخلف الحسيني الشمري


 

قديم 15-10-2009   #2


الصورة الرمزية عوض مخلف الحسيني الشمري
عوض مخلف الحسيني الشمري متصل الآن

بيانات اضافيه [ + ]
 رقم العضوية : 1598
 تاريخ التسجيل :  19 - 08 - 2009
 أخر زيارة : 04-06-2014 (02:56)
 المشاركات : 54 [ + ]
 التقييم :  10
لوني المفضل : Cadetblue
افتراضي هذه قصيدة قلتها بمناسبة تنازل أم جمال . جزاه الله خير



السلام عليكم ورحمة الله وبركاته
هذه الأبيات كتبتهآ بالأخت أم جمال عندما سمعنا عن تنازلهآ عن قبيل أبنهآ جمال رحمة الله عليه وأسكنه الله الفردوس الأعلى من الجنة .... قيل أنهآ بالأيام الأخيره من شهر رمضان المبارك
تقدمت للشيخ اللذي عنده المعامله وقالت أنا عفيت وعفى الله عن قاتل أبني وقيل أنهآ أتصلت على أم القاتل وقالت لهآ أبشري في أبنك
غفر الله ذنبهآ وجبر الله قلبهآ أنه على كـل شيءً قدير ونطلب من الله العزيز العظيم لها ومن أعانها على فعل الخير أن يجعلهم من المقربين له يوم لا ظل إلا ظله وهذا التنازل يعتبر تاجاً لرؤوسنا طيلة مابقينا في هذه الدنيا
وفي هذه المناسبه قلت هذه الأبيات ....
هذه قصيدة قلتها بمناسبة تنازل أم جمال . جزاه الله خير .. ..

فواز هات البوك وأكتب لي أمثآل = مدام أبوك لبدع آلآمثآل شايق
رد الثناء وآجب على كل رجال = واجب على المسلم يقول الحقايق
يالمنتداء ردوا على بنت الابطال = بنت الرجال مزبنة كل ضايق
بنت الرجال اللي لهم ذكر وآفعآل = عز الرفيق وللمعادين عايق
عسى ولدهاا عند ربه وأنآ سآل = في جنة الفردوس ظل وحدايق
في جآه من نزل تبارك والانفال = علام ساعات الزمن والدقايق
تنازلت عن حقها ماتبي مال = آجراً لوجه المعتني بالخلايق
آبوه ليآ عدوآ هل الطيب ينقال = الصيرمي ظاهر وسيع البنايق
الصيرمي نسل البطل طيب الخال = ياعل وجهه ماتجيه الحرايق
بيته لربعه كل آلآيآم مدهآل = ولآهو على جارات بيته موايق
ابمدحه بالقاف والحق ينقال = حيث اللذي مثله للآمداح لايق
من عزوتن بفعولها تشرح البال = لفعولهم عندي دليل ووثايق
زبن المجلا من قديمات آلآجيال = يوم آنها بالسيف والدم رايق
من ضامته دنيا لديارهم شال = قبيلتن علمه على راس فايق
تمت وصلو عد ماهل همال = على نبي الله حسين الطرايق
شفيعنا عند الولي يوم الاهوال = في ساعتن يخسر بها كل بايق


 

قديم 19-01-2010   #3


الصورة الرمزية عوض مخلف الحسيني الشمري
عوض مخلف الحسيني الشمري متصل الآن

بيانات اضافيه [ + ]
 رقم العضوية : 1598
 تاريخ التسجيل :  19 - 08 - 2009
 أخر زيارة : 04-06-2014 (02:56)
 المشاركات : 54 [ + ]
 التقييم :  10
لوني المفضل : Cadetblue
افتراضي طيري غدى تكفون وين الطنآيا ..... حزة هداد الطير جاله زواله




السلام عليكم ورحمة الله وبركآته



طيري غدآء تكفون وين الطنآيا ........ حزة هدآد الطير جآله زواله



بديت في عالم خفي النوآيا = علام مآ بالكون منشي خيآله
فرد ً صمد مآله شبيه وحلآيآ = من ضآمته دنيآه قآم وشكآله
بآمره نشت غر المزون الروآيآ = وبآمره رست فوق البسيطه جبآله
ومن بعد ذكر الله جزيل العطآيآ = نبي نقول من المثايل جزاله
بالقاف ابنخا طيبين المزايا = فكاكت المضيوم ماضي لياله
شمر عوايدها تفك الرعايا = يوم الجهل محدن طمع في حلاله
شمرآليآآآ . ركبوا بنات السبايا = لباسة الجوخ الحمر في قتاله
عادات شمر ما تهاب المنايا = خيالهم ينطح سريه لحاله
يردون حوض الموت ورد الظمايا = عدوهم ياشافهم ضاق باله
من غيرهم نبدي عليه الخفايا = ومن غيرهم نقعد بفية آظلاله
آنخآ الطنايا في جميع النحايا = شرقا ً وغرب وبالجنوب وشماله
طيري غدى تكفون وين الطنايا = حزة هداد الطير جاله زواله
دورة له بالعاصمه والقرايا = وآحترت مادري وين دارن مشاله
من راح عقلي راح وآظلم سمايا= ما آقول غير الله يعوض بداله
لولآ الحياء وآخاف تفرح آعدايا=صوت له بالنايفة من طواله
غديه يأتي يوم يسمع ندآيا= لآشك عني غيبة الطير طاله
من يذكره ياخذ جزيل الهدايا= ياخذ هديه غير كسب الجماله
وختـامها مني سلام وتحآيآ = عد النبات وعد سافي رماله



 

قديم 07-06-2010   #4


الصورة الرمزية عوض مخلف الحسيني الشمري
عوض مخلف الحسيني الشمري متصل الآن

بيانات اضافيه [ + ]
 رقم العضوية : 1598
 تاريخ التسجيل :  19 - 08 - 2009
 أخر زيارة : 04-06-2014 (02:56)
 المشاركات : 54 [ + ]
 التقييم :  10
لوني المفضل : Cadetblue
افتراضي ((وشلون تنشد ريف هذا السؤالي))



هذه قصيدة عوض الموجهه لبو ثاني

((وشلون تنشد ريف هذا السؤالي)) ..

الــبـآرحـه مضيــت لـيـلـي آلـحآلي =ســهـرآن مـآ بـيـن الــدلال الــبــغـآديد
لـي مـدتـ ـن نـوم الــعرب مـا طـارالي =يـسـوقـني هـمــي عـلــى غـيـر مـا أريد
يـا ابن حـمـد شيـن جـرآلـك جـرالي =مــا جـاك يــا عقلا جرالي على عـيد
من دمعتك دمعي على الـخد سآلي =غـصـبـ ـن عـلــيـآ يـا عشـير الأوالــيد
ذكـرتــني مــن عـقـب مـآني بـسـالي=يوم آنت تـنشد ريـف عن زيد وعبيد
وقتـ ـن مضى مآ فيك نسبة هبآلي =لاكن كبرت وصرة بالحسبه و غيد
وشـلـون تـنشد ريـف هذا السؤالي =تـبـي الـخبر مـن طـفلـتـ ـن ترضع الديد
مــآتــعــرف الـدنــيــا قـديم الـلـيــآلي =تـمشي وتـاخـذ مـن بـيـوت الآ جآويد
كـلـ ـن شكى منـها جـنوب وشـمالي =آسـأل وتـلـقـى مــا ذكــرنـــآه تــأ كــيد
آبــوك رآح و رآ ح آبــويـه و خـالي =ما كــنـهم يـالـقرم دآجـوآ مــع الـبـيد
لــو انـهـا يـا ابـن حـمـد ســوق مـــالي =نـاديـت انـا بــآسم الـهــيــافــا تـراديد
فـكــاكــة الـمـضــيـوم يــوم الـقــتـالي =لــيـا قـــام بــالـمـيـدآن عـج البواريد
يـرسـون بـالـمــيدآن مـثـل الـجــبـالي =صيآرمـ ـن تـرسي كـمـا يـرسي الحيد
لا شـك مـآلـه يــآلـسـنآفـي مــجـالي =شـيـن من الـمـعـبـود مـاعـنـه تصديد
الـعـمـر يـكـتـب مـن عـزيـز الـجـلالي =مـافــيـه لا مـهـلـه ولا فـيـه تـجـديد
آصـبر عـلى دنـيـاك صـبر الـجمالي =كــثر الــبكى مـآ فـيه غـير الـمـناقيد
تـمت وصلـو عـد وبــل الـخــيـالي =على مـحـمـد عـد وبـــل الرواعــيد

.
.


عوض مخلف الحسيني


 

قديم 09-10-2010   #5


الصورة الرمزية عوض مخلف الحسيني الشمري
عوض مخلف الحسيني الشمري متصل الآن

بيانات اضافيه [ + ]
 رقم العضوية : 1598
 تاريخ التسجيل :  19 - 08 - 2009
 أخر زيارة : 04-06-2014 (02:56)
 المشاركات : 54 [ + ]
 التقييم :  10
لوني المفضل : Cadetblue
افتراضي ياخليف ماصابك جرالي قبل عام



هذه الأبيات قلتها بالاخ العزيز :خليف نهار الحسيني الشمري حفظه الله امين بعد وفات ابنه رحمة الله عليه؟
الذي جاه يومه المحتوم في أخر اياام شهر رمضان المبارك عام 1431هـ انصحه فيها بالصبر واذكره؟
فيها ان سبق وان حصلي نفس هذا الموقف وهذا شي لا محال عنه
ياخليف ماصابك جرالي قبل عام..



البارحة يـوم الـمـخـالـيـق نـيـام = أقـالـب الجنبين عدي عـلى نـار
ليلي سرى مابين هاجوس وأحلام = كلن رقد وانا على الكوع سهار
فواز عطنا البوك مع زين الاقلام = اكتب وانا ابعطيك من صدري اشعار
مثـلي ومثل خليف ماظن يـنـلام = مـحـدن يـلـومه لو فـقـد عقله امرار
ياخليف ماصابك جرالي قبل عام = نفس الشهر ماصار عندك معي صار
اكبر عيالي راح يانسل الإكرام = جـاه الـقدر من ربنا وقـت الأسحار
فوق النعش شلناه والناس صيام = وانـته تـخبره واكـثر الربع حضار
دنياك هذا طبعها كــل الايـــام = يومن تزين ويوم تسقيك الامـرار
دنياك مدامت إلقاده وحـكـام = كلن ذكر ياخـليف قصاف الاعمار
ماجنبت ياخليف عن عود واغلام= لاشك خلك يا ابيض الوجه صبار
اصبر واقر سورة تبارك والانعام= واطلب لهم ياخليف علام الاسرار
انه يــثبتهم عـلى دين الاســلام = ويجعل منازلــهم بســاتين ونهــار
تمت وصلو عـد مايلبس إحرام =وما طب مكه من حــجيجن وزوار
على النبي الهاشمي خير الانام = شـفيع الامـة سـاعـتن مابه اعـذار
اشرف نبي يمشي على القاع بأقدام =عند الولي فضّل عـلى كل الابشار



 

قديم 20-12-2010   #6


الصورة الرمزية عوض مخلف الحسيني الشمري
عوض مخلف الحسيني الشمري متصل الآن

بيانات اضافيه [ + ]
 رقم العضوية : 1598
 تاريخ التسجيل :  19 - 08 - 2009
 أخر زيارة : 04-06-2014 (02:56)
 المشاركات : 54 [ + ]
 التقييم :  10
لوني المفضل : Cadetblue
افتراضي شمّرٍ يوم دور السيـف لـه هيبـه



شمّرٍ يوم دور السيـف لـه هيبـه.. ..

قال من يبـدع القيفـان ويجيبـه=يـازن القـاف ويبيـن معآنيهـآ
آليآ بغينآ المثل نحظـر منآديبـه=نآخذ الزيـن والهـزلات نرميهـآ
بين صفيـن مـن شمـر نغنيبـه=يوم قلـت المثآيـل ودي آهديهـآ
بدع آلآمثـآل تـوه زآن ترتيبـه=بالطنآيـا نبـي نكتـب قوآفيهـآ
باسم شمر هـلآ مليـون ترحيبـه=عند شمـر هـلآ مليـون واثنيهـآ
عزوتي بالقبآيل مآضيـن طيبـه=يرفع الرآس علمه عنـد طآريهـآ
من خبر قبلهم قـدم عشـى ذيبـه=عشو الذيب في مآضـي ليآليهـآ
شمرٍ يوم دور السيـف لـه هيبـه=آسئل النآس عن شمر ومآضيهـآ
بالمعآرك عـدوه مكسبـه خيبـه=من قديم الزمـن كـلا ً يدآريهـآ
شيخ آلآشرآف كل النآس تدريبـه=غزوته يم شمـر طآمعـآ ًفيهـآ
جآب الآشرآف من مكـه يمآريبـه=غره الكثر مـآ حٌسـب آلتآليهـآ
مآ درى آن الجبل شمـر تعييبـه=من هبآله يبي حآيـل وآرآضيهـآ
من هبآله يبـي يسكـن شنآخيبـه=مـآدرا آن الطنآيـآ دون بآغيهـآ
يوم شآف الطنآيآ صآبته ريبـه=دون سمر الجبل يسمع عزآويهـآ
قآل يآبيص جدع الخيـل تحريبـه=قآل يآعـم شمـر مـن يعآديهـآ
جآه حـراً يدمـر فـي مخآليبـه=قآل حول جوآدك جـآك رآعيهـآ
مهرتك يالشريـف اليـوم وديبـه=نآخذه منك غصبـآ ً دون تعطيهـآ
وخذت الخيل ودموعه على جيبـه=طآح مطعـون ومهـآره مخليهـآ
خيل آلآشرآف وخذت كيف تصخيبه=عند عبـده ومعروفـه بسآميهـآ
رآح مهـزوم مآحقـق مطآليبـه=جرح قلبه طبيبـه مـآيدآويهـآ
شي معروف ماقلتـه بهـم غيبـه=فيه عندي دليـل ً مـن قوآفيهـآ
بعـد مـآرآح لديـآره يوصيبـه=قآل شمر مدآمـي حـي مآجيهـآ
دون تقصير بالنـآس وموآجيبـه=آلآجآويـد كـلا ً دون عآنيـهـآ


 

قديم 01-01-2011   #7


الصورة الرمزية عوض مخلف الحسيني الشمري
عوض مخلف الحسيني الشمري متصل الآن

بيانات اضافيه [ + ]
 رقم العضوية : 1598
 تاريخ التسجيل :  19 - 08 - 2009
 أخر زيارة : 04-06-2014 (02:56)
 المشاركات : 54 [ + ]
 التقييم :  10
لوني المفضل : Cadetblue
افتراضي يآعيد سمآك غآلي بآآسم غآلينآآ .... منشآن ندله وننسى خآلك الغآلي




..
..
يآعيد سمآك غآلي بآآسم غآلينآآ .... منشآن ندله وننسى خآلك الغآلي .. ..


الــبــآرحــه و الـعـرب بـآ لـنــوم غـآفـيـنـآ=نـوم الـمـخـآلـيـق مـآيـطـري عـلـى بــــآلي
طـوآري الـقـلـب مـن نـــومـه تــصـحـيـنـآ =آقــوم مـن مـرقدي واقـعـد عـلى دلآلي
هـمــن يــفــآرق وهــمــن تــــو يــــآتــيـنـآ =حــآولــت بـــالــنــوم لا كــن مــآتـهـيـآلي
دمـعـي عـلى الخد يجري فـوق عامـيـنـآ =مـثــل الـهــمـالــيــل فـوق الـخد هـمـــآلي
حآولـت آخـفـيه لا كن عيـت الـعـيـنـآ=تـقــول يـآفــلآن تـكــفـى خـلـه آشــــوآلي
شـيـن حـصل كــل ربـعـي فـيه داريـنـآ=مـكــتــوب مـن ربــنـآ عـــلآم الآحــوآلي
صبرت والـيـوم صبري مآبقى شـيـنـآ=مـآعـآد عندي وسيله غـير الآمـثــــآلي
يـآعـيـد سمـآك غـآلي بـأسـم غـــــآلـيـنـآ =منـشـآن نـدله ونـنـسى خـالـك الـغـــآلي
يـبـيـك يــآعــيـد عـن خالــك تـسـلـيـنـآ=آدري بــقـصده عسى عمــره للـمهــآلي
شـوفــتـك يـــا عـيـد قـدآمـي تـكـفـيـنـآ =وآن قـيــل يــآعـيــد عــده والله آقـبــآلي
لــو آن خـالــك بـقـلـــبي لــه بـسـآتــيـنـآ=مـتـخلآفـن وردهآ مـن كـل الآشكــآلي
زرعــه تــغــذى عــلـى دم الـشـراييـنـآ=مـآدآمـني حــي صـعــب ـن مـنـه ينــزآلي
لآ شــك يـــآعــيــد قـلي ويش بيديـنـآ=آلآمــــر بــيــديــن ربــن فــوقـــنـآ عـــآلي


.
.
بقلم
الشآعر .. عوض مخلف الحسيني الشمري


 

قديم 25-02-2011   #8


الصورة الرمزية عوض مخلف الحسيني الشمري
عوض مخلف الحسيني الشمري متصل الآن

بيانات اضافيه [ + ]
 رقم العضوية : 1598
 تاريخ التسجيل :  19 - 08 - 2009
 أخر زيارة : 04-06-2014 (02:56)
 المشاركات : 54 [ + ]
 التقييم :  10
لوني المفضل : Cadetblue
افتراضي كل ماجيت أبرقد هيضتنيي حمامه



السلآم عليكم ورحمة الله وبركآته

هذي قصيده تحكي عن نفسها مايحتاج لتوضيحها


كـــل مـــا جـيــت أبـرقـد هـيضتـني حـمامه .. ..



قـــال مــن يــذكــر الله قــبـل يكـــتــب كــلامه=يــذكــر الله ويـشـكر نـعـمـته مـآجحـدها
دمعتي فـــوق خـدي صــار دربـه عـــلامه=دايـماً فـوق خـدي مـا يوقـف مـددها
كـــل مـــا جـيــت أبـرقـد هـيضتـني حـمامه=فــوق خـضـر الجـرايـد يوم تدعي ولدها
مــن ســبــايب آفرآقه نـاحــلاتن عــظـــامه=قـيـس مـيـتـن زمان وتـحّسبه في بلدها
آلـيـا سـمـعـتـه تـصـوّت عـفـت لـذة مـنـامه=ودمـعـتـي من عيوني زآد حسبت عددها
ذكـرتـنـي رفـيـقـن حـط فـي وســط خــامه=حــد عــلــمـي بـشـوفـه قـبـلـوه بـلـحـدها
كـيـف آبدلـه وآبنـسـى ضـحـكـتـه وآبتسامه=وكـيف أبـاعـيش دالـه فـي حـيـاتي بـعدها
كـــل يـومـن يـجـيـني منـصــرف مـن دوامه=حـب رآسـي وضـمـن بـالـيـديـن آلـ جسدها
جـعـل قـبـرن سـكنـبـه يـرتـوي مـن غــمامه=يـمـشـي الـسـيل فـوقه من قدايم رعدها
آطـلـب اللـه يـخـفـف وحـشـتـه فـي ظــلامه=مـالـنـا غـيـر ندعـي وآلأجـابه وعـدها
وزن الآمـثـال صعـبن يـآنـشــامــا نــظــامه=مـار تـكـفـون قــافــي لـحـدن ينتقدها
تـم قـافي وآبطـلب رحـمـتـه فـي خــتــامه=يـوم كـلا ً حـصـيـلـه بالصحيفه وجدها







 

قديم 28-04-2011   #9


الصورة الرمزية عوض مخلف الحسيني الشمري
عوض مخلف الحسيني الشمري متصل الآن

بيانات اضافيه [ + ]
 رقم العضوية : 1598
 تاريخ التسجيل :  19 - 08 - 2009
 أخر زيارة : 04-06-2014 (02:56)
 المشاركات : 54 [ + ]
 التقييم :  10
لوني المفضل : Cadetblue
افتراضي قلبي حزين وزاد حزنه مشاري



آلسلآم عليكم ورحمة الله وبركآته

هذي الـقصيـده اسندهآآ للأخ الغآلي .. سرآي جآرالله الحسيني

عندما توفيت ابنته ثرياء وبقى ابنها مشاري وهو صغير


آترككم مع القصيده .. وفيهآ مآيحكي
.
.

قلبي حزين وزاد حزنه مشاري .. ..



قـبـل الـمثآيل بـاديــاً بـــأسم بـآري = ربــا ً تـراجـــي رحـمـته كـــــل الآمه
فــردً صـمـد بـــأمــره تـهب الذواري= منجي ولد يعقوب من وسط جـمه
الـبـآرحـه عــدي عـلى صـلــو نـآري= الــنــوم فــارق و الــهــواجــيـس لـمه
مضيـت لـيـلي بـالهواجـيس ساري = قــامت تـجي للـقـلب من كــل يـمه
سـراي . انـا كـثرة عـلـي الـطـواري= واشـــوف قــلـبي زايــدن فـيـه هـمه
و الله يـا بــو سلـطــان لــولآ المزاري= لاصـيح للـغــآيــــب عــلـى راس قمه
قلــبي حزيـن وزاد حــزنـه مـشاري =يـذكر لـنـا باللـيـل يـنــشــد عـن آمه
يــدعـي ثـريـــا طـول صوته جهاري =وآن شــآف مــن يـشبه لزوله يخمه
صـغـير فـي دنـيـآه . مـآهــو بداري= تــوه صغـــير و مــآعــرف مـن يـزمه
دمـعـه عـلـيـها فوق الاوجان جاري = مثــل الـمـطــر مــن مــزنـتـن مدلـهمه
من سبته ضـاقــت علي الصحاري= و الــنـــوم يــا ســراي مـــانــي بــيـمه
نطــلـب لـهـا مـن يطـلـبـه كــل قـاري = آنــه مـــع الآبـــرار . ربــــي يــضـمه
دنـيـآك كـلآ شـاف مـنــهـا الـجواري= كـم واحـدن مـنها فقد شوف عمه
تـعـطــي وتــاخـذ ماتـريده جـبـاري= اكــبر شــنـب يـا مـسـنـدي مـأيـهـمه
آبـشـتـكي لـك يـابـعـيـد الـخــبـاري= خــابــرك تــفـزع مــع رفيـــقــك بذمه
عـنـد الـرجـال الـطيـبه لـك وقاري= مـن خـلـقـتـك مـا قـيـل فيك المذمه
مـدهــال نـزهـين الـعروض الخـياري= ومـثـلك على مـآقــيــل قـــد الـمهمه
تـكـفـى يابو سلطان ذيب الغداري= يـاشـوق مـن شـقـر الـذوايـب تـلـمه
آبحث ودورلي طبـيب آستشاري= نــبي نـعـالج ضــيــقــة الــصــدر يـمه
تـمـت وصلـو عـد ماطـاف عاري= عـلى شفـيع الـخلـق في وقــت لـمه




الشآعر .. عوض مخلف الجهبل


 

قديم 07-06-2011   #10


الصورة الرمزية عوض مخلف الحسيني الشمري
عوض مخلف الحسيني الشمري متصل الآن

بيانات اضافيه [ + ]
 رقم العضوية : 1598
 تاريخ التسجيل :  19 - 08 - 2009
 أخر زيارة : 04-06-2014 (02:56)
 المشاركات : 54 [ + ]
 التقييم :  10
لوني المفضل : Cadetblue
افتراضي ؟؟؟؟؟؟؟؟؟؟؟؟



هذه القصيده اسنتدها للشاعر نهير النمش
صوت وصدى رثاء .. ..

ضلعٍ بغرب تمير عديت عاليه=قبل أمس في وقت الغروب أعتليته
قلت الهموم آتفارقاً عند ماجيه=وآشوف همي زاد من يوم جيته
قلبي بعـد مرقاه كثرة طواريه=ياليتني يابو نمش مارقيته
ذكرعلي شخصً نحبه ونغليه=سافر وخلاني وأنا ماهقيته
يذكر عليه كل وقتٍ نصليـه=وان شفت مـن يشبه لزوله بكيته
سـاق الـركايـب وآتجه يم والـيه=من ساقهن يابونمـش مارجيته
على النعـش شالوه والناس تتليه=من ضمنهـم يم المقابر تليته
عليه دمع العين بانت مواريه=رجل الشماغ وجيب ثوبي مليته
لوجيت عن بعض العرب ودي أخفيه=يابو نمش يامسندي ماقويته
يابو نمش لو غاب مانـي بناسيه=أبتبـعه يامسـنـدي مانسيـته
الموت حق وكل عـبـدٍ ملاقيه=من خلص الأيام يرحل لبيته
بيتاً سكنبه عارفه وينهو فيه=لاشك ماقدر جيته لو بغيته
لقيت حراسٍ على الباب تحميه=قالولي إرجع وأمرهـم ماعصيته
قلت إسمحولي ودي أدخـل وآناديه=وأناآدري إنه مايجي لو دعيته
خلوني أدخل يم قبره وراعيه=من عرض مـن زار المقابر لميته
قالوا لنا وش ينفعك يوم تاتيه=الطين دونه وإنت بيدك بنيته
قلت أتونس يوم ادوج حواليه=وأرتاح لو بالمقبره مالقيته
وختام قافي نطلب الله ونرجيه=يارب تغفر ذنب عبـداً خذيته
تم الكلام ونذكر الله بتاليه=عد النبات وعـد من ماطاف بيته


رد الشاعر نهير النمش .. ..


يالله ياللـي كـل حـيٍ تعافيـه=ياحامين من ابرهه سـور بيتـه
يالواحد اللي كلنـا دوم نرجيـه=يالله ياللي كـل عـاصٍ هديتـه
ياعالمٍ ماقـال عبـدك ومخفيـه=ياواحدٍ كـل الخلايـق حصيتـه
ومن بعد ذكر الله هلا والف لبيـه=بالشاعر اللي بالوفا ذاع صيتـه
صوتك وصلني ياهلا والف احييه=اهلاً هلا واهلين حـزت قريتـه
الحـر مثلـك عاليـاتٍ مراقيـه=روس الشوامخ منزله يانصيتـه
بالطيب والطولات دايم مماشيـه=ينطحّك بالترحيب يامـن لفيتـه
عوض ولد مخلف زبون المشاريه=اللي ليا ضكـت سنينـي نخيتـه
يذكر عزيـزاً اتجـه يـم واليـه=ويقول انا من روحتـه مارجيتـه
العبـد يامشكـاي لله مساعيـه=لابـد ماتقضـي دروبٍ مشيتـه
الموت حق وكـل حـيٍ يلاقيـه=لو هو طريقٍ ياعـوض مابغيتـه
حركت شيٍ داخلي كنـت مخفيـه=له صفحةٍ في داخلـي ماطويتـه
لو طالت الأيـام مانـي بساليـه=يطول وقتي ياعـوض ماسليتـه
حبه بقلبـي شامخـاتٍ مبانيـه=وان قلت ابنسى ياعوض ماقويته
الشعر مايرثيه لو قلـت ابرثيـه=يجف شعري ياعـوض مارثيتـه
لاشك نطلب عالم الغيب يسقيـه=من حوضه المبرور وامره رضيته
حيثه رحوم وكل شيٍ لـه وفيـه=ماغيره احدٍ بالظـروره دعيتـه
ياناصر المظلوم من زمرة التيـه=ياواحدٍ كل المصايب جليتـه
وبختامها يـارب زيّـن ملافيـه=شخصٍ خلقته ثم بأمرك خذيتـه
وصلاة ربي عـد من قاـل لبيـه=على الرسول اعداد من حج بيتـه


 

 

مواقع النشر (المفضلة)


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:29


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام