ديوان الشاعر / مرزوق الرمالي

مع التحيه والتقدير

,, المعذره ,,!!!

	ماحرك القلب غيرك يا الغلا يا الوليف=درب المحبه خلا لك والمحبه كشاف راحت عليك المروفه يا العنيد العنيف=تبعد مع الحرفنه وتنفذ الاحتراف زرع المحبه سقيته من رذاذ النزيف=حتى حميت الجذور من الجفا والجفاف وان جيت با الحمل الاثقل ما طلبت الخفيف=الا ترا كبريائي ترفض الانعطاف قومت حرب البسوس بخاطري والصريف=واجبرتني للجلوس بكرسي الاعتراف صيفي شتا يا مليح الوجه وشتاي صيف=جو الاحاسيس فيه من الهجوس اختلاف لنك بعيني ملاك ولا لوصفك وصيف=والعشق موج وبحر وانت الذرا والضفاف استرسلت لك خواطر ما تنوش الرصيف=يمكن تنوش المشاعر والشرف والعفاف والمعذره وان بدا جور الظلام الكثيف=في حال سلك الحرير يجر للانجراف وانا عسفت العسيف ولا تركت العسيف=كنه عروس تباها في ليال الزفاف

اتمنى ان تصل الى ذائقتكم

	.., خذ راحتك..,

خذ راحتك كان الشجون همست لك =واللي معايا عنك يبقا معايه
حتى ولو بيض الليال اغرست لك=يقضي على غرس المشاعر ضمايه
ان كان نفسك بالجفا وسوست لك=اتبع هواها لين حدّ النهايه

-----------

	ماني بقايل لك اجلس ياغلا لا تروح=اتبع هوا النفس في ليل الهوا والصباح روحك تدور مطامحها وانا لي طموح=واهم حاجه رضاة البال والانشراح زرع الغلا ورد لا مني زرعته يفوح=اسقيه من هجسي الصافي سواة القراح وانا لي اسلوبي الواضح واحب الوضوح=وان جيتني بالتسامح قلت كلي سماح خذ راحتك مابعد هالروح تبديل روح=لا تشرب الا من الحالي وكبّ الملاح ارقب على ماتبي من عاليات السطوح=اللي يريحك سوّه واتبع الارتياح لا تلتفت لي ولا تحسب حساب الجروح=اسرج خيول الخيال وخلها بالبراح والى, وصلت القناعه جدّ والا مزوح=ادخل على ماتراه انه لشخصك مباح علك ترد برضا خاطر خذاه النزوح=ابعد مع النازحين وزاحه الاجتياح وانا على ما انت خابر ماهدمت الصروح=باقي على كبريائي والشموخ الوشاح

-------------

لا جيت لي مدّ اليمين وتكلم=اخذ معك واعطي وافتش كلامك
علّ وعساك من المآسي تعلّم=تحفظ مراتب قيمتك واحترامك

مع التحيه والتقدير

	,, احتملتــــك ,,

	يا مليح الوجه مدري ليش قلت وليش قلت=يا علامات الرضا لا تجزع القلب الجزوع تدري اني ما هضمت ولا جحدت ولا خذلت=والمساحه با الثلاثا نفس حجمه با الربوع لاتحداني وانا كلّي شموخ ولا نزلت=انتبه للخط الاحمر ما وراه الا الرجوع ماعلي من الزعل كانه ينوش ليا زعلت=ارتقي فوق الزعل وارقى على متن الطلوع راحتك خذها ولكن حط نقطه يا وصلت=وانت واصل واتصالك ينفصل قبل الخضوع زهرة اللون البنفسج من خطا اللمسة قتلت=واعتبرتك منت قاتل بس دهورك الشروع وانت في نص المسافه لانجحت ولا فشلت=والقطاعه ما تمادى كود با القلب القطوع كلمة تجرح شعوري تجرح اكثر لو خجلت=لاتوقع من خفوق(ن) يكره الظلما يفوع اعرف انك لو دهلت من الاماكن ما دهلت=ما تعلّي كبرياء ولا توقعها وقوع واعرف انك لو علا قولت هلا فيك احتفلت=احتفالك ما يولّع با الدهاليز الشموع احتملتك واحتملتك واحتملتك واحتملت=واحتمالي ما يوصل منهجي متن الخنوع والنهايه لو نقصت بخاطري والا اكتملت=ما يبيحن الخفايا اللي ورا هدف الضلوع

مع التحيه والتقدير

,, المعركــــــــه ,,

	يا فاتنه ما تجاهلت وتجاهلتك=ياهيبة المعركه والرمح والرامي بعت الخطا والجفا من يوم قابلتك=ماكنّك الا ملاك حل قدامي حتى شعرت الوهم من ارض شايلتك=انه تميد وحصاها يلمس اقدامي مدري من الشكل والا كبر منزلتك=والا من الهيمنه والهول وهيامي روحي تهاوت وانا با الحيل جاملتك=من سطوة الليل فوق الشمس والنامي زايمت الاثقل وشاكلني وشاكلتك=المس ضلوعي واحسه تضرم اضرامي وكنت احسبنّي اسولف في مغازلتك=واثري ليالي سكوتي تسبق ايامي لو هي على الكيف ارضيتك وزعلتك=لكن وقوف الضمى يثر على الضامي كل البها ملبسك والموت راحلتك=ومن الهوا موقعك با الموقع السامي كن الحلا لك لحالك ورث عايلتك=وانا وريث الذهول وجرحي الدامي تدرين اسهل مصيبه يا تخيلتك=انسى غلا الاصدقا واحقاد الاخصامي

مع التحيه والتقدير

.,, مد اليمين ,,.

	مد اليمين لكل يمنى سليمه=ويمناك لصحاب الردى لا تمدّه رد بقدر لاهل الوجيه الحشيمه=ورد(ن) يقدر غيرهم لا تردّه عد الكلام اللي ينومس كليمه=وهرج(ن) ينزل قيمتك لا تعدّه هد المباني والظنون العقيمه=واترك بنايات الوفا لا تهدّه شد الحبال اللي تشد العزيمه=واللي تهبط خلها لا تشدّه لد النظر فوق الفجوج العتيمه=وعلى دهاليز الخطاء لا تلدّه حد العدو حتى حدود الهزيمه=وصاحبك لحدود الخطاء لا تحدّه سد الطريق المنتهي با الوخيمه=ودرب(ن) يوصلك الرضا لا تسدّه ود الودود المندفع من صميمه=ومن لا يود وممتنع لا تودّه رد اللئيم وخل عندك شكيمه=واعط الكريم ليا طلب لا ترده

مع التحيه والتقدير

.. الحـــرووف .. ..

	اشعلت بحروف القوافي ضوّي=واللي يطفي شعلته طفيته وصلتها حد الغلاف الجوّي=راعيت ذوق وذوق ما راعيته كل الحروف اللي صداه يدوّي=جل اهتمامي للبروز اوليته اخذت عبره من عبارة لوّي=خليت شي وشي ما خليته ماهمني خبط الخطا المتلوّي=لو للوصول يلات ما لويته مالي هدف الا ثبات رسوّي=والغصن من هزالولع هزيته رمح الطنا يمنع علي دنوّي=وانا بعد من خاطري حييته زاحمني الهاجس وانا متروّي=شديت حبله من رضا وارخيته وان جت على مقياس توي توّي=البرق اخلته والرعود اوحيته البث ياصل والعقول تسوّي=حبيت الف والف ما حبيته الغث يضعف والسمين يقوّي=هذي براءة ذمّه وبريته

اتمنى ان تحوز على رضاكم

.. اسوي للجفا موال ....

	مليح الوجه والمبسم حقيقه خوذها عنّي=ولكن خذ حقيقه غيرها يا نجل الاعياني رهيف الحس ما يقبل غرور الذات والمنّي=وانا طبعي حجر عثره يردك لا تحداني زعامتك بجمالك تنتهي لا جيت به لنّي=اعبّر قبلها مركز وهي با المركز الثاني وراك ابعد ترا ما كل واحد يقترب منّي=وترا ما كل مشرب يا غريب الطبع يهناني خطيه ترتكب لا جا على بالك تجننّي=وانا ماني حروف كتاب تكتبني وتمحاني تعاليم انتمائي ماتذوب لشي يفتنّي=وشموخي من وراك ودون يامرني وينهاني مادام اخطاك فيك ابعد ولو فرقاك تحزنّي=والا منك لقيت الصح دورني وتلقاني ابنسى سيرتك والا تناساها ولا ,كنّي=ولاكني عرفتك كان تقدر انت تنساني اهيجن هيجنة فرقا على فرقاك واغنّي=واسوي للجفا موال عل الهم يجفاني على مبداي لو زاد الشقى ما يختلف ظنّي=ازيد من السعاده مشتراي بقيمة احزاني غريب الطبع لا ترتاع لو مرك مية جنّي=امانه لا تسوي شي لجنونك على شاني

مع المحبه والشكر والتقدير

., روس المــوت ,. ..

	معاذ الله يا سيف الردا ما تثلم الساطي=اقوله من هجوس(ن)يلمس الرايه بدون احراج رفيع المرتبه لا تلتفت للمنهج الواطي=طموحك عالم الهيبه وروس الموت والابراج زمان ارجع قضى,قبل السنه والموقف الخاطي=وبدا عام الزروع المثمره والري والانتاج وعد, هز الظنون المبطيه لو كان متباطي=بعد من علّق القربه وصدّر شرق من هداج اذا حب الوصول اغلاط فل تكتب من اغلاطي=وثوابت ليلة الاسرا ثوابت ليلة المعراج انا ماهمني معطي وابن معطي ولا عاطي=سوى العشق الكبير وكل جرح(ن) له دوا وعلاج مليك الحس حسادك تنوش الجمر وتواطي=تبي تاطا علو الكبريا وتحرّك الكرباج ولكن خلهم با الموج وانت اللي على الشاطي=ترد وتحتضن حضن الزبد لا ردت الامواج معك كل الاماكن والغلا لرضاك مخباطي=على روس الحروف اللي تسوي للغلا منهاج معاذ الله يا سيف الردا ما تثلم الساطي=اقوله من هجوس(ن)يلمس الرايه بدون احراج

مع التحيه والتقدير .. .,.ـ الطنايـــــــــا ـ.,.

	يا اللي تمنّا وامنياتك لا ضريع ولاحمل=اكبر خطيه تطلق عنان الخطاء واكبر خمال يا (حاشي ) ابعد من وراك ولا تحكك باالزمل=هرج(ن)بلا مضمون حنا ما نعده راس مال حنا نعامل كل من يعمل على جنس العمل=ما ندّعي با الاكتماليه. وللّه الكمال شمر عزيزه ما همل صيته على ظهور الهمل=فوق النجوم العاليات. وبا الجنوب وبا الشمال وشلون احمل كل حرف(ن)فوق ما لا يحتمل=لن الحمول من الطنايا فوق حد الاحتمال اهل اليقين من الوفا ما هو يجوز ومحتمل=اهل السيوف الساطيه والخيل ربات الجمال شمر مرابط خيلهم ماهي على مربط جمل=عز الفروسيه وعز اللي عليه الوقت مال تاريخهم هز الحروف الابجديه واشتمل=غطّا مساحات الفضا.فعل ,ومكانه,واشتمال تاريخهم مجد العروبه وانت مغويك الامل=ما هو جريح(ن)بين نزف المهزله والاندمال ولا ذم تاريخ القبايل لا جديد ولا سمل=افعالهم مثل الجبال وعد حبات الرمال

الله يرحم والديّ الطفله ريف ويسكنهم الجنه, والله يحفظ ريف بين اهلها وجماعتها

ويسعدها في الدنيا والاخره..

يا ريف اباكتب من دموعي لك حروف ..

	وقت القشر دايم با الاخطار محفوف=وياكثر ما خلا حلا النوم ينعاف اكبر مصيبه شوفة الدمع مذروف=بعيون طفل(ن) يشحذ الموت الانصاف يا ريف اباكتب من دموعي لك حروف=ياريف انتي غير عن كل الارياف انتي صغيره ما تعديتي الخوف=والخوف جا يمّك واصابك ولا خاف الام راحت والابو راح محذوف=وانتي مع الماساة ترجين الانكاف ترجين جيتهم والاحضان والشوف=وايام معهم فوق الاخطاء والاعراف بين الرجا والياس والحزن مكشوف=طفله تبين امك ليا حد الاسراف طفله تبين الاب هيبه ومصروف=فقدتي اللي يرفعونك با الاكتاف توّك صغيره والشقى جاك معزوف=ودمع البراءه فوق الاوجان ذراف يا ريف اباكتب من دموعي لك حروف=يا ريف انتي غير عن كل الارياف

مرزوق محمد الرمالي