آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 10-05-2010   #1


الصورة الرمزية عبدالحكيم التويمي الشمري
عبدالحكيم التويمي الشمري متصل الآن

بيانات اضافيه [ + ]
 رقم العضوية : 2089
 تاريخ التسجيل :  08 - 05 - 2010
 أخر زيارة : 11-08-2015 (04:36)
 المشاركات : 263 [ + ]
 التقييم :  10
 اوسمتي
شكروتقدير وسام مرثية ريف 
لوني المفضل : Cadetblue
افتراضي ديوان الشاعر / عبدالحكيم التويمي الشمري





بالشرق ميلاح..

هب الهبوب ولاح بالشرق ميلاح=وسترسلت في ليلها لي مطرها
تختال لعيوني وهي موت الارواح=يا غيمةٍ عقد الحزن في نحرها
تباشرت بالصوت يالعنبو اااااح=دليل ما فيني بقايا اثرها
ياظيقة المهموم يكفيني اجراح=ماعشت لجل امسي اعاني سهرها
اقوم لاكن قسوة الحظ لاطاح=يكسر مقادمها ولحدٍ جبرها
ياغير منهو سايق المزن برياح=يعلم خفاياها وساعة قدرها
رزّاق مخلوقه بلا رجل وجناح=وعلاّ من الحبّه مطالع ثمرها
هاذا وانا واحد له سنين سوّاح=في أرض دانت للطغاه وخسرها
راحت خذاها ليل مسكون الاشباح=والموت كل حين يتزرّق بشرها
شعبٍ يدّله زين من كثر ما راح=والساعة الغبرا مطوّل خطرها
شفت الدمار ومسمعي نوح وصياح=وقبور دون الحود للي حفرها
بالله ياوجه الامل بش بفراح=في جوّها في برّها وف نهرها


 

قديم 13-05-2010   #2


الصورة الرمزية عبدالحكيم التويمي الشمري
عبدالحكيم التويمي الشمري متصل الآن

بيانات اضافيه [ + ]
 رقم العضوية : 2089
 تاريخ التسجيل :  08 - 05 - 2010
 أخر زيارة : 11-08-2015 (04:36)
 المشاركات : 263 [ + ]
 التقييم :  10
 اوسمتي
شكروتقدير وسام مرثية ريف 
لوني المفضل : Cadetblue
افتراضي بين الغروب وبين طلعة شفقها



بين الغروب وبين طلعة شفقها ..

ليه القصايد تستحي من ورقها=برود ما فيني من انفاسها ذاب
جتني على الموعد وهبت اعتنقها=ماهي ب معصومه وانا حيل مرتاب
معشقوتي محدٍ بدالي عشقها=خذيتها شايب وخطيّتها شاب
هاجوس فكري يوم فز وطرقها=من حسنها طلّت لجل نظرة اعجاب
ياكثر تتعبني وبيدي عرقها=تاخذني من وقتي تبي حبر وكتاب
فجرت ذكرى الماضيات وحرقها=احساس شاعر فيه توضيح الاسباب
يا مفرح الظيقه بنفسٍ شهقها=مثل العمى قهقه على حزن الاهداب
تستوطن الخافق وهي من لبقها=قد خيرتني بينهن موت وغياب
الهم والظيقه وقلبٍ زهقها=واحد ومن ثنتينهن ما لقا باب
سحابة الماضي ولمعة برقها=صبّت على اوراقي سكاكين وحراب
بين الغروب وبين طلعة شفقها=اعيش صادق واكثر الوقت كذّاب
والليل سكرات المنايا وثقها=في روحي اللي عاشت العمر ب عتاب
للسالفه أول الساني نطقها=والتاليه يالله عفوك لها ناب


 

قديم 18-05-2010   #3


الصورة الرمزية عبدالحكيم التويمي الشمري
عبدالحكيم التويمي الشمري متصل الآن

بيانات اضافيه [ + ]
 رقم العضوية : 2089
 تاريخ التسجيل :  08 - 05 - 2010
 أخر زيارة : 11-08-2015 (04:36)
 المشاركات : 263 [ + ]
 التقييم :  10
 اوسمتي
شكروتقدير وسام مرثية ريف 
لوني المفضل : Cadetblue
افتراضي هـيـافـــــــــا



هـيـافـــــــــا ..


سميت باسم الله على كل ما قول=من خوف لاعين الحواسد تصيبه
مرسول مني خط بلعرض والطول=قولٍ يشادي للنشامى قنيبه
ذيبي عوى ما هو لذولاك او ذول=خص المنادى للرجال النجيبه
دغيرات هل الفزعه زحازيح وفحول=لاثارت الهيجا طليب وطليبه
حريبهم لاطاح ما هو ب مشيول=عند القا يدفع حياته ظريبه
تاريخ مجدٍ جابه الصيت منقول=بلمرجله والطيب ويمنا تجيبه
هيافا هيافا بلمواجيب ازعول=منهو نخاهم يبشر بعز ذيبه
الحق حق وفيهم الحق مقيول=والحق له منبر الساني خطيبه
وانا اليامن قلت وارسلت مرسول=طيبٍ افاخربه فخر واعتزيبه
هاذاك ابو احمد به يصول ويجول=ظنوة حشاه اليا تباعد طبيبه
ماهود واعزّاه ياحول يا حول=المعضله صارت من الله نصيبه
يرجى عسى في كل الاحوال مؤمول=يالله عسى عقب المرض يهتني به
شاف الفزع ممتد مجاهيم وخيول=وكلن على الطيبه يسابق صحيبه
طنخة هل المعروف من راس مفتول=ظياغمٍ كفو الرجال المهيبه
رجّالهم كنّه عن الطيب مسؤول=والطيب لو هو عيب ياكبر عيبه
سلام يا صلكم من القلب محمول=من الطّاش الى سنجار مافيه ريبه
والمعذره ان كان قصّرت بلقول=الشعر فيكم صعب والله انتهي به


 

قديم 21-05-2010   #4


الصورة الرمزية عبدالحكيم التويمي الشمري
عبدالحكيم التويمي الشمري متصل الآن

بيانات اضافيه [ + ]
 رقم العضوية : 2089
 تاريخ التسجيل :  08 - 05 - 2010
 أخر زيارة : 11-08-2015 (04:36)
 المشاركات : 263 [ + ]
 التقييم :  10
 اوسمتي
شكروتقدير وسام مرثية ريف 
لوني المفضل : Cadetblue
افتراضي جريح ومنكسر خاطر ومجدافي عصا اعما



جريح ومنكسر خاطر ومجدافي عصا اعما ..


جريح ومنكسر خاطر ومجدافي عصا اعما=خريفي ما وصل توه وطاحت مني اوراقي
خذاني موجي العاتي ورا القبّه انا والما=رياح الخوف تعصف بي وانا الغرقان بعماقي
سكوتي والسكوت احمد ولاكن شفتها تدما=جروح الصمت لا تبرا ولاهي تعلن افراقي
ابحكي لاكن اخطائي تذكرني ترى مهما=سنين العمر تمضي بك مع الحاظر انا باقي
تهددني خطاي اني عجزت القا سما وسما=خطاي اني لقيت وصار اول موت بحداقي
تراءت للعيون اشباح تهز النور بالضلما=تحايلني وانا من جيت جيت بكل اشواقي
غرير امسيت لين اصبحت بين الرامي والمرما=ألا ياركب خلوني كسيره بعد ذا ساقي
من اول كنت انا الساقي وانا الساقي ياكيف اضما=خذتني غفلة الطيب وصرت الضامي الساقي
امانه يا لسان البؤس امانه لا علي تكما=الى متى الى متى الى متى انا عراقي


 

قديم 27-05-2010   #5


الصورة الرمزية عبدالحكيم التويمي الشمري
عبدالحكيم التويمي الشمري متصل الآن

بيانات اضافيه [ + ]
 رقم العضوية : 2089
 تاريخ التسجيل :  08 - 05 - 2010
 أخر زيارة : 11-08-2015 (04:36)
 المشاركات : 263 [ + ]
 التقييم :  10
 اوسمتي
شكروتقدير وسام مرثية ريف 
لوني المفضل : Cadetblue
افتراضي هي كذا الايام والواقع صريح



هي كذا الايام والواقع صريح ..
هز جذعي وترك المابي يطيح=امسك الغصن المعدّل وكسره
ماعشقت من الكلام الا الصحيح=دون ذالك كل حرفٍ ماذكره
جرحك البارح سأل منهو الجريح=مر ليل الجرح مثل المنشره
تستبيح الدم وهنيّا ظريح=اذبح اذبح دامني لك مقبره
مات حلم الوصل ورداني طريح=بين كذب السالفه والمحبره
من عرفتك وانت للحينك شحيح=لعنبو حيّك ولو مثل اشعره
العطا وان قل يالوجه الفليح=تحتري في يوم يجي منه اكثره
ويش انا حتى تصد وتستبيح=حرمة العاشق وهو يا مصبره
لا تردّا حظ كسّاب المديح=تصبح الدنيا بوجهَ مسكّره
كني اللي كل ما ناضت يصيح=ظامي يتبعها ولاهي ممطره
خلني لاهنت بنسى وستريح=المواصل مايبيله جرجره
الهوى لامات بعيون الذبيح=ماتهمّه قبل موته غرغره
هي كذا الايام والواقع صريح=ومن يكابر بلخطا يستصغره


 

قديم 06-06-2010   #6


الصورة الرمزية عبدالحكيم التويمي الشمري
عبدالحكيم التويمي الشمري متصل الآن

بيانات اضافيه [ + ]
 رقم العضوية : 2089
 تاريخ التسجيل :  08 - 05 - 2010
 أخر زيارة : 11-08-2015 (04:36)
 المشاركات : 263 [ + ]
 التقييم :  10
 اوسمتي
شكروتقدير وسام مرثية ريف 
لوني المفضل : Cadetblue
افتراضي جتني تواسيني مع بسمـة شفـاه



هذه مشاركتي في مسابقة ( احساس ريف ) واتمنا ان تنال رضا الجميع
جتني تواسيني مع بسمـة شفـاه ..
جتني تواسيني مع بسمة شفاه=قالت يا ليت الوقت يرجع دقيقه
ألادمي يؤجر على عظم بلواه=ياريف وانتي بلمدامع غريقه
يا ريف ظمّيني انا أمك يا لولاه=هلحلم00 ما جيتك بأية طريقه
الليل لعيونك طوى القلب مسراه=شوفك دوى روحي وروضة حديقه
فزيت يمّه يمّه يمّه ابي 00ها=لا لا ابد مو حلم طيفك حقيقه
لمنهو تركتيني؟ للايام00أوّاه=أيام عمري في غيابك حريقه
بيدك عطيتيني لغيري ل يمناه=حتى اصبحت ايدي بأيده وثيقه
النار حر النار تصلاه تصلاه=أمي وابوي اللي سكت من يفيقه؟
بروحك فديتيني تقولين يالله=بنتي امانه هالّهب ما تطيقه
موقف عسى محدٍ من الناس يحياه=شفته بعيني والمشاعر رقيقه
يا مصعب الفرقا ليا صار فرقاه=فجأه يسابق لحظة الوقت ضيقه
ابوي توني ما تعلمت طرياه=حتى حروف اسمه سنيني تعيقه
طفله00لقا فيني الوله صدق معناه=طفله00وظحكاتي بحورٍ عميقه
صحيح عمري ما تماديت وياه=لاشك يعرفني اصولي عريقه
الصبُر يا قلبي على ما بكيناه=الموت كم فرّق شقيق وشقيقه
والوقت لو يقبل يلقّيك مقفاه=حقيقةٍ يا قشرها من حقيقه
اللي عرف اكثر تفاصيل دنياه=ما غرّه الوسمي ولمعة بريقه


 

قديم 14-06-2010   #7


الصورة الرمزية عبدالحكيم التويمي الشمري
عبدالحكيم التويمي الشمري متصل الآن

بيانات اضافيه [ + ]
 رقم العضوية : 2089
 تاريخ التسجيل :  08 - 05 - 2010
 أخر زيارة : 11-08-2015 (04:36)
 المشاركات : 263 [ + ]
 التقييم :  10
 اوسمتي
شكروتقدير وسام مرثية ريف 
لوني المفضل : Cadetblue
افتراضي ما مثل حذفة العصا رميْت القوس



ما مثل حذفة العصا رميْت القوس ..



وليدة افكاري بها عرق مدسوس=صحيح لا قالو ترى العرق دساس
كنت احتريها واخر الليل محبوس=فيها00ومنها الصبح مقطوع الانفاس
وش ذنبها دايم بها حزن محسوس=ولا هو بذنبي جيتها شاعر احساس
شاعر تفز لمعانقه طنخة الروس=ولأني عرفت ان الجزاله لها ناس,
خطيتها لأم النواميس ناموس=ل صفحة الغرّا ل يمناي نوماس
لو الكباتن همّها رَفعة الكوس=كلٍ خذى صوره وهو شايل الكاس
لاشك متعوب الرجاجيل مدروس=والساس لولا الساس مايرتفع راس
اسوق للعليا من العز ملبوس=لاضاق في شعري من الزود كرّاس
ما مثل حذفة العصا رمية القوس=والسيف ما يدني على ضربة الفاس
والضيغمي عزوة فخر كل سنعوس=والمفخره تاج ٍمرصع بالألماس
الامثله ان صح تعبيرها نفوس=صاغت معانيها درر رغم الافلاس
شعري على نار الجزيلات محموس=وليا ستوى دنيت نجره للاوناس
يجذب قنيبه من على القمّه جلوس=وانا هنا شاعر معاناة واحساس


 

قديم 22-06-2010   #8


الصورة الرمزية عبدالحكيم التويمي الشمري
عبدالحكيم التويمي الشمري متصل الآن

بيانات اضافيه [ + ]
 رقم العضوية : 2089
 تاريخ التسجيل :  08 - 05 - 2010
 أخر زيارة : 11-08-2015 (04:36)
 المشاركات : 263 [ + ]
 التقييم :  10
 اوسمتي
شكروتقدير وسام مرثية ريف 
لوني المفضل : Cadetblue
افتراضي نار الجحيم



نار الجحيم!!!

لا ياقصيدي ما على حظرتك زود=اصدق حديث المهتوي فيك قاله
الملهمه لعيون معشوقها اتجود=مذبح نحرها فيه روح الجزاله
تنهض بعاتق كنها مقدم الذود=تزها فخر ولّي كتبها زهاله
ماهنت انا لو كان في مطمعي زود=طلاّب واليمنا بها طيب فاله
يممت وجهي خاضع الراس بسجود=ل لله سبحانه وجلّ جلاله
ذنبي يذكّرني ليا مت بالدود=واسع مجالي في مضيقٍ انا00له
قبرٍ تمكّن جسم مطوي وممدود=اما بيمينك تستلم او شماله
هذي مواطن وقف شاهد ومشهود=يا حظ من ذخر المساعي لقاله
النفس والدنيا وثلاثهن رقود=يا قوهٍ في عصر ذل وجهاله
لقيت بالحاظر متاهات وحدود=وظلم احتلال اوطان باسم العداله
نستمطر الغربي نبي للثرى فود=واثر الغيوم اللي لفتنا رساله
مظمونها نبذه عن ايامنا السود=ونكون سلعه في يمين العماله
نموت ومن لامات ما هو بموجود=مفقود مابين الرجا والاطاله
مافيه عيب الاّ ترى منه منقود=وش عاد لو بانت محارب ارجاله
ليت الزمان اوّل له الحاظر يعود=ويكون ماضينا بلحظه بداله
لتشوف طرّاد المجاهيم مطرود=للارض ارضه والسما مو سماله
ابستشف من غيض روحي بمفقود=ياما كسبنا طايله وارتجاله
ان كان مالنصر شعله وبارود=كلٍ وظعنا عرضتٍ لحتماله
اللي حصل لو هو على شامخ الطود=ذيّر علّوه وستند عن مجاله
ياكيف والحاصل به الطفل والعود=راحو حطب ولأم تشوف اشتعاله
نار الجحيم اللي بها مننا وقود =جمّع غضبها بلعراق احتلاله
يحقلي لاقلت مبلي ومضهود=ويحق لمن يسمع ينزّل عقاله


 

قديم 30-06-2010   #9


الصورة الرمزية عبدالحكيم التويمي الشمري
عبدالحكيم التويمي الشمري متصل الآن

بيانات اضافيه [ + ]
 رقم العضوية : 2089
 تاريخ التسجيل :  08 - 05 - 2010
 أخر زيارة : 11-08-2015 (04:36)
 المشاركات : 263 [ + ]
 التقييم :  10
 اوسمتي
شكروتقدير وسام مرثية ريف 
لوني المفضل : Cadetblue
افتراضي ياسندباد



بسم الله الرحمن الرحيم

اشكر اللجنه على ما يقدمونه لشعراء نشامى شمر وانا واحد منهم000000000000
وهده القصيده قد دخلت قسم التنقيح والتعديل وظهرت كما ترون واشجع باقي الشعراء على دخول هذا القسم

ياسندباد ..

ياليالي لبسّيه اظلم سواد=لايمرّه صبح تكفى لو سهر
الغرور اعمى ارم ذات العماد=لين صارت جنّة المعني قفر
الخطايا تغتفر ان لم تعاد=او تراها مسلكٍ لقصى صغر
العبر للمعتبر ياسندباد=والحوادث للحكيم اصلاً عبر
جرهدي الارض توحي للسهاد=والوجوه المغبره عندي وعر
الحكايه الف من الرقاد=من جهل نفسي يفاجأني قدر
ياجحيم المستعر خذني رماد=والعذر والله ما عندي عذر
الصداقه حرب عدّه مع عتاد=والخيانه هي شعار المنتصر
ماحسبت ان البشر يصبح جماد=والحجر في قسوته كنّه بشر
علمتني غلطتي بأن الوداد=في زمان المصلحه نشوة سكر
علمتني كيف تحطيم الفؤاد=ببتسامه ثم طعنه بالظهر
علمتني محتوى ظلم العباد=بالاخص اللي طغى عقب الفقر
وطنتني هالجروح اقصى بلاد=ذقت فيها المر من ذاك الامر


 

قديم 05-07-2010   #10


الصورة الرمزية عبدالحكيم التويمي الشمري
عبدالحكيم التويمي الشمري متصل الآن

بيانات اضافيه [ + ]
 رقم العضوية : 2089
 تاريخ التسجيل :  08 - 05 - 2010
 أخر زيارة : 11-08-2015 (04:36)
 المشاركات : 263 [ + ]
 التقييم :  10
 اوسمتي
شكروتقدير وسام مرثية ريف 
لوني المفضل : Cadetblue
افتراضي زهرة شبابي في يميني صحيفه



زهرة شبابي في يميني صحيفه ..
اليل موحش والمسافه مخيفه=وحيد ما غيري عرف كم اعاني
يا طول دربي والنواظر كفيفه=يا قصر عمري في حياة الاماني
يا ثقل همي والسواعد خفيفه=وشلون اقاوم طيحتي يا زماني
ما فاتني ذوقني المر00حيفه=انام يمكن في منامي نساني
اظغاث احلامٍ فلا شك 00طيفه=امنين ماصديت عنه لقاني
كنّي سجين الامس واليوم00سيفه=جدّد مواعيدي مع موت ثاني
زهرة شبابي في يميني صحيفه=قريتها لاكن فقدني مكاني
اقفن ثلاثيني واقبلت 00ظيفه=باقي العمر مدري ش خلاّ عشاني
نفسٍ تعيش الذل والله عفيفه=لاشك مير اللي حداها حداني
الوقت من جوعي يمن برغيفه=كنّه ليامني طلبته عطاني
ماجيت مترجي على باب سيفه=اصلاّ نسيته كثر ماهو اناني
بلمختصر ماهو ل يمنى شريفه=يمنى رغم هالوقت مرسى المواني


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:00


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام