آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 28-12-2010   #1


الصورة الرمزية عبدالله فهاد البجيدي
عبدالله فهاد البجيدي متصل الآن

بيانات اضافيه [ + ]
 رقم العضوية : 2557
 تاريخ التسجيل :  28 - 12 - 2010
 أخر زيارة : 02-01-2012 (12:20)
 المشاركات : 152 [ + ]
 التقييم :  10
لوني المفضل : Cadetblue
افتراضي ديوان الشاعر / عبدالله فهاد البجيدي





مساء الخير .. أبيات بسيطه مصافحه أولى ..
ياذيب سلملي على معشي الذيب .... مصافحه اولى.. ..


إن كان في نفسي حسدأحسد الذيب=أحسدك ياصاحب كبار الهقاوي !
ياذيب لو مالك حقوق ومواجيب=يكفي قنيبك لا طفى كل ضاوي !
ويكفي بمشيك ماتعرف التساحيب=حتى عشاك تصير وحدك خلاوي !
لاصار اسمك ذاكره عالم الغيب=خل الوحوش الباقيه بالف هاوي !
الجن لاشافك يشوف التعاذيب=يترك دروبٍ يمها كان ناوي !
تسرح على كيفك من دون تعقيب=بالنفد والصحراء وللضلع قاوي !
رمزالشجاعه والجروح العواطيب=وبنظرة عيونك كل الاعدى بتساوي !
اسندتلك من دون كل الاصاحيب=مابي تشوف الخلق عين الشقاوي !
عين تبي محبوبها يصبح إقريب=اللي فراقه متعب اللي يداوي !
النفس تصبر والصبر به متاعيب=ومن لا صبر كثرة عليه البلاوي !
العرف وهبه والاماني دواليب=عليك تفتح قفلها بلا رشاوي !
والناس خلت راعي الصدق والطيب=وبدل ردي الخام ببشت الحساوي !
أحيان اقول الفكر يحتاج ترتيب=واحيان أحس إني من الفكر خاوي !
الفقر مايلزمك تسرق تبي تجيب=تحمد الله واستمر بالدعاوي !
وليا دعاك صويحبك لفعلة العيب=قله انا موعود بحفلة غناوي !
ماهو ردى تصرف العيب بالعيب=ترى الردى تتبع سفيه وغاوي !
يارحمة الله يارجال المصاعيب=مثلك يابن هذال والا العطاوي !
كل الطيور اشباه شكل ومخاليب=بس الفعل يفرق عليها النداوي !
الحرف يفرق بين ترغيب ترهيب=واللي يحب الهاء يصبح جلاوي !
ياما عشقت جلوس روس المراقيب=اسلي الخاطر ولا اسمع شكاوي !
ياذيب سلملي على معشي الذيب=مكازي اللي بالمواقف شفاوي !
ماجاته الشهره بكثر المكاتيب=ولاجاته بسلطه وحب ورجاوي !
خذاه بفعل المرجله والتراحيب=يوم القبايل بين غزو وعزاوي !
مذرى لربعه من سموم اللواهيب=ومدهال لشيوخ العرب والفداوي !

ا خ و ك م:
عبدالله فهاد البجيدي ’’


 
 توقيع : عبدالله فهاد البجيدي



قديم 16-01-2011   #2


الصورة الرمزية عبدالله فهاد البجيدي
عبدالله فهاد البجيدي متصل الآن

بيانات اضافيه [ + ]
 رقم العضوية : 2557
 تاريخ التسجيل :  28 - 12 - 2010
 أخر زيارة : 02-01-2012 (12:20)
 المشاركات : 152 [ + ]
 التقييم :  10
لوني المفضل : Cadetblue
افتراضي مليون يصرف في براطم بهيمه



مساء الخير ..
ابيااات نقلت الى هذا الصرح الشامخ وها انا اعيدها بعد الاذن
للأثبات .. فلنتكم بالعقل والمنطق .

مليون يصرف في براطم بهيمه ....

البارحه مانمت ضايق ومغبون=عيو علي بالنوم ناسٍ غشيمه
ناس بفعله تغضب الرب وشلون=بأسبابها خشاش الصحاري سقيمه
زمل عليه العفش ومحزم عيون=قام يتخبط وانتثر بالعتيمه
وين الرجال اللي من الله يخافون=وين الرجال اهل العقول الحكيمه
البل عطايا الله لها عشق مجنون=ما غيره زود ونقص بقيمه
يامغلين الذود تكفون تكفون=ما للفسق إلا عواقب وخيمه
مدري جهل بالدين والاتعرفون=والا هياط ونفعها ظل غيمه
تباشرو بيناتهم جاك مزيون=كنّه يبشر بالعراق العظيمه
ناس توكل طفلها خبز بديون=ومليون يصرف في براطم بهيمه
شوفو عزيز داخل الحبس مسجون=مسجون من كثر الكرم والحشيمه
وألا عجوز ضامها الوقت والهون=ضناه واحد رافضاته حريمه
الجود والاحسان والرفق والعون=أربع ماهي بدروبكم هالعقيمه
ياليتكم ناس حريصين وعفون=ولا نعمة تنكب عسى الله يديمه
انا بدوي في سلمنا حيل مفتون=واذواد نملك بالسنين القديمه
يوم إنها مابين طاعن ومطعون=نذود عنها ماخذوها غنيمه
يالايمي لو لك معاوين ومتون=ما زعزت شخص فرد بالشكيمه
الحمد لله دايم إبليس ملعون=النفس تصبر لو ظروفه أليمه
تبطي ويبطي من بنا عمره ظنون=اموووت لكن ماتشوف الهزيمه


اخوكم :
عبدالله فهاد البجيدي ’’


 
 توقيع : عبدالله فهاد البجيدي



قديم 20-03-2011   #3


الصورة الرمزية عبدالله فهاد البجيدي
عبدالله فهاد البجيدي متصل الآن

بيانات اضافيه [ + ]
 رقم العضوية : 2557
 تاريخ التسجيل :  28 - 12 - 2010
 أخر زيارة : 02-01-2012 (12:20)
 المشاركات : 152 [ + ]
 التقييم :  10
لوني المفضل : Cadetblue
افتراضي يابنت انا قلبي مثل قلب صدام !



مساء الخير .. عدنا الى الوطن الغالي بعد غيبة شهر وعدنا لكم بما يحوز على
رضاكم ان شاء الله ,,


يابنت انا قلبي مثل قلب صدام ! .. ..


مع السلامه ياجميلات الاحلام=مع السلامه من منامي محذوفه
لاصار خلي ناكرن ماض الايام=احرقت انا ليل السعد مع كشوفه
غلطه ويشهد نوح حبري بالاقلام=إني عشقت ولا توقعت عوفه
يابنت كل الحزن والهم وآلام=ذيابةٍ صارت لقلبي تحوفه
مشاعري تقصدبك اشواق وهيام=وفيت لك والغدر كل يشوفه
يابنت عمري ماترعرع بخدام=عشته على صد الزمان وظروفه
الارض رمضا ما شكت منها الاقدام=والوجه يضحك مايبين كلوفه
يابنت راس المال فزعات ضرغام=وقول النشاما مايخلي ضيوفه
يابنت انا قلبي مثل قلب صدام=يموت عز ولا تثنى سيوفه
إن مارفعت الاوله بين الاعلام= مافيه شي يستحق الحسوفه
راسي رفيع ولا يدنق للاقزام=محيت منهو شايلاته حروفه
هذي خلاصة شاعرك عاش مقدام=اللي بلسانه من ينابيع جوفه
سلمني التاريخ عشقي على خام=يقول فكه والهبايب تلوفه
واليوم فوق شداد بيديني خطام=درهمت درهامٍ بليا نكوفه
يارب تنسيني وفا ذيك الاعوام=والذكريات اللي مضت لي مخلوفه



أ خ و ك م : عبدالله فهاد البجيدي ,,


 
 توقيع : عبدالله فهاد البجيدي



قديم 29-04-2011   #4


الصورة الرمزية عبدالله فهاد البجيدي
عبدالله فهاد البجيدي متصل الآن

بيانات اضافيه [ + ]
 رقم العضوية : 2557
 تاريخ التسجيل :  28 - 12 - 2010
 أخر زيارة : 02-01-2012 (12:20)
 المشاركات : 152 [ + ]
 التقييم :  10
لوني المفضل : Cadetblue
افتراضي اليوم انسى يووووم اني عشقتك !!



مساء الخير .. ابيات بسيطه عسى ان تحوز على رضا ذائقتكم .
اليوم انسى يووووم اني عشقتك !!.. ..



من اول غالي على الروح نبديك=واليوم لو تحتاجني ما وصلتك
من اول بين المخاليق نفديك=واليوم لو تاخذ سنه ما فقدتك
من اول حبك اسرني بياديك=واليوم شفني سالين ما ذكرتك
من اول اشتاق صوتك واحاكيك=واليوم يزداد الوله ما زهمتك
من اول اقطع مسافات وآجيك=واليوم خالفة الطريق وهجرتك
من اول محدن بعيني يحاليك=واليوم حتى بريشتي ما رسمتك
من اول عطشان كلي يناديك=واليوم لو إنك نهر ما غرفتك
من اول اعرف وش اللي يسليك=واليوم كنك مسأله ما فهمتك
من اول طيفك يجي بالشبابيك=واليوم جتني صورتك ما عرفتك
من اول صبر الجمل بالمهاليك=واليوم عظمك منكسر ما حملتك
من اول تعرف من اللي يواسيك=واليوم انسى يوم إني عشقتك



ا خ و ك م : عبدالله فهاد البجيدي ,,


 
 توقيع : عبدالله فهاد البجيدي



قديم 03-06-2011   #5


الصورة الرمزية عبدالله فهاد البجيدي
عبدالله فهاد البجيدي متصل الآن

بيانات اضافيه [ + ]
 رقم العضوية : 2557
 تاريخ التسجيل :  28 - 12 - 2010
 أخر زيارة : 02-01-2012 (12:20)
 المشاركات : 152 [ + ]
 التقييم :  10
لوني المفضل : Cadetblue
افتراضي وزيرنا يدعو الشعب لأندماجه !!!



وزيرنا يدعو الشعب لأندماجه !!! .. ..



يقطعك ياوقت غدة فيه الاذناب=تامر وتنهى بالزجر واللجاجه !
خليتها تامر على عكف الاشناب=من عقب ماتسوى فروخ الدجاجه !
لا كثر مالك تمسكك كل الاطناب=ولا قل مالك طير وسط العجاجه !
ياصاحبي ما للبخل عندي إعجاب=انا الجبل وراع البخل كالزجاجه !
ما احب انا راعيه لو هو من اقراب=هذا طبع نفسي ولا ابغى علاجه !
مدري خطا مدري تكبر بلا اسباب=بس الاكيد إني مخالف مزاجه !
البخل مايحتاج تفسير وإعراب=وعشان اخدمك اقض لي الف حاجه !
ياصاحبي حذرى الردي بين الاصحاب=يبين لك وقت اللزووم إنعواجه !
لا تكثر الشرهات ولاتكثر إعتاب=قلبه مريض وعاقدلك احجاجه !
ياحر لا تحرص على بوم وغراب=خلك عزيز النفس وخل السذاجه !
ماهي عوايد صاحبك صكت الباب=والفيل ما غلاه ياكود عاجه !
لابارك الله بمزحة تنشي احزاب=ولابارك الله بالفتيل وسراجه !
إن ماخدمك المال في رفع الارقاب=ابعد عن اسواق الرجوله وحراجه !
ياما خسرنا بالمواشي وينساب=ولا هججة جمل الحمل طق صاجه !
الدين من سهم المعادين منصاب=وزيرنا يدعو الشعب لأ ندماجه !
الكل يبحث عنك يابحر الالقاب=وأنت العسير اللي شديد أجاجه !
ابغض بشر من حطني شخص كذاب=وانا قليل العرف عند ابن ماجه !
قول العدو استقبله برد بالاعصاب=وحكي الهوى غير الفعل والمواجه !
ياصاحبي بع الردي واشتر تراب=وحتى ترابك لا يقارب سياجه !
وأذا بلاك الله واصبح من انساب=لا تبتلش واعطه عناوين باجه !






عبدالله الفهاد البجيدي ،،


 
 توقيع : عبدالله فهاد البجيدي



قديم 28-06-2011   #6


الصورة الرمزية عبدالله فهاد البجيدي
عبدالله فهاد البجيدي متصل الآن

بيانات اضافيه [ + ]
 رقم العضوية : 2557
 تاريخ التسجيل :  28 - 12 - 2010
 أخر زيارة : 02-01-2012 (12:20)
 المشاركات : 152 [ + ]
 التقييم :  10
لوني المفضل : Cadetblue
افتراضي قيادة المرأه ... عبدالله البجيدي



صباح الخير ...
قيادة المرأه انا ليس معها وليس ضدهها ..! ولكن نحتاج لعدة سنوات وقليل من الدين والادب وإحتراام الاخرين والنظام .

قيادة المرأه ... عبدالله البجيدي ..


ياشين من يعلم عن الواقع الشين=ويقلب شداد المعرفه في سباقه
ناسٍ تبلونا وتبلو هل الدين=عميان مدري قالبين الطباقه
مستعربه ماتعرف السلم من وين=والا عرب تعلمت لف باقه
يقلدون الغرب والله مساكين=والغرب مبطي معالجين الاعاقه
حنا بلشنا في قضية مزايين=وهم يطلبو حق المره بالسواقه
تفلسفو بإعلام يحتاج تسنين=لو يلبسون خياش قالو اناقه
ياحظكم موبايلي او بعد زين=كلن يبي يطلع رقم ....
وبالقايله كسبان راع الدكاكين=وياطول طولك يالسرى للحلاقه
هو يحسب إنه عايشن وسط برلين=للعلم وقته والمشي للرشاقه
جالس يسولف لي عن الدور عشرين=والساس عنده بالحديد الدقاقه
أبوك!! شارعنا شكى والف تامين=من الحوادث والغشم والطقاقه
العسكري واقف على شمال ويمين=ولاحدٍ تقّيد بالنظم والافاقه
ياراعي الفكر العوج فتح العين=المجتمع مليان جهل وطفاقه
يبيلنا ايام وشهور وسنين=ندرس مفاهيم الادب واللباقه
إن كان عطلاتك بلندن وبكين=شف التعامل عندهم والرفاقه
صف الحجر مره ومره وثنتين=من شان قدّرك ماتشوف إحتراقه
لا تنثر الميا على حفنت الطيين=وع البشر للدين لو فيك طاقه
أرجع اقول ايام وشهور وسنين=نفقد تلفت بالإشاره وحماقه







أ خ و ك م : عبدالله الفهاد البجيدي ,,


 
 توقيع : عبدالله فهاد البجيدي



قديم 29-07-2011   #7


الصورة الرمزية عبدالله فهاد البجيدي
عبدالله فهاد البجيدي متصل الآن

بيانات اضافيه [ + ]
 رقم العضوية : 2557
 تاريخ التسجيل :  28 - 12 - 2010
 أخر زيارة : 02-01-2012 (12:20)
 المشاركات : 152 [ + ]
 التقييم :  10
لوني المفضل : Cadetblue
افتراضي ياللي نسيت الغلا والشووووق !!



هيجنيه للتواصل .. ولقد طرحت بالانشاد .
ياللي نسيت الغلا والشووووق !! .. ..


ياللي نسيت الغلا والشوق=يكفي من الوقت ماجاني
طوقتني بالحسايف طوق=وخليتني صدق ندماني
اظلمت من عقب ما أنت اشروق=ولعت نيران عدواني
خذيت قلبي بليا عوق=ونهايته صرت خسراني
عطيتني وعد بالمنطوق=وانا على الوعد ضمياني
راع الهوا دايم مسروق=في عهدنا وعهد جداني
اسوق ما املكه لك سوق =وانسى الجماعه وخلاني
يابنت جرحي غدا مفتوق=اقضي على الهم واحزاني
الناس ماترحم المخلوق=ولا تقدّر فلان وافلاني
اصد عنهم تقل المصفوق=واجلس بعيدٍ ووحداني
الحزن خليته بصندوق=ماينعرف كود بلساني



اخوكم : عبدالله فهاد البجيدي ,,


 
 توقيع : عبدالله فهاد البجيدي



قديم 10-08-2011   #8


الصورة الرمزية عبدالله فهاد البجيدي
عبدالله فهاد البجيدي متصل الآن

بيانات اضافيه [ + ]
 رقم العضوية : 2557
 تاريخ التسجيل :  28 - 12 - 2010
 أخر زيارة : 02-01-2012 (12:20)
 المشاركات : 152 [ + ]
 التقييم :  10
لوني المفضل : Cadetblue
افتراضي بشار ابشر قربت كلّه ايام !!



يسعد صباحكم .. حسبنا الله ونعم الوكيل اللهم انصر المسلمين .
بشار ابشر قربت كلّه ايام !! .. ..


سلمت يادرع الجزيره والاسلام=يطول عمرك ياحزام السعودي
ياحر يازيزوم ياسيف ضرغام=ياشبل ابوك ولا تخاف الفهودي
إنت الكرم والطيب وابوٍ للايتام=لا قلت ابو متعب صدوق الوعودي
حذّرت منهو ولع النار بالشام =ابن الخروف المفتري اليهودي
طغى تكبر عذب الشعب وإعدام=شيبان تبكي ما لقو من يجودي
قلت الفعل ماهو على دين وإحكام=إلى هينا ماعاد نرضى تزودي
ماهمك إيران ٍولا همك إعلام=ولا يهمك دامنا بالوجودي
حنا سلاحك ياملك حنا الغام=حنا الفشق والطايره للحدودي
حنا مقابيس الوغا وقت الاظلام=حنا الوفا في دمنا من جدودي
بشار ابشر!! قربت كله ايام=نهايتك يا..... عاقر جحودي
الله يعز بلادنا وكل الاسلام=ويبقى الامن محفوظ ليوم الوعودي






محبكم : عبدالله فهاد البجيدي ,,


 
 توقيع : عبدالله فهاد البجيدي



قديم 08-09-2011   #9


الصورة الرمزية عبدالله فهاد البجيدي
عبدالله فهاد البجيدي متصل الآن

بيانات اضافيه [ + ]
 رقم العضوية : 2557
 تاريخ التسجيل :  28 - 12 - 2010
 أخر زيارة : 02-01-2012 (12:20)
 المشاركات : 152 [ + ]
 التقييم :  10
لوني المفضل : Cadetblue
افتراضي قصفتني يانعيم العود ... قصفة معمّر لمصراته !



صباحكم ورد .. وكل عام والجمييع بخير .. طرق يعجبني دائماً .( مداعبه )
قصفتني يانعيم العود ... قصفة معمّر لمصراته !


يابنت خدك زهر وورود=والزين عدا علاماته
يابنت خوفي من المعبود=مرسل محمد بأياته
روفي علي ياغصن عنقود=متمايلٍ من عناباته
القلب من قربكم محسود=قامت تهدم مناراته
من سبتك صرت انا مفقود=بالمجلس اشبه لمركاته
قصفتني يا نعيم العود= قصفت معمّر لمصراته
سور الغلا صايرٍ مهدود=مكشوف عشقي ورمعاته
إن طعتني إترك المنقود=تعال نطوي سجلاته
وإن كان غيري عليه تعود= يارب تستر من سواته
انحاش بين العرب مطرود=اقشع رصيفٍ ولنباته
سيارتي بابها مردود=يطيح ! عايش بنكباته
الحظ مقفي وانا مقرود=والقلب ياكثر غلطاته



اخوكم : عبدالله الفهاد البجيدي ,,


 
 توقيع : عبدالله فهاد البجيدي



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:59


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام