ديوان الشاعر / عويد المغيليث

الشاعر نزهان البستان الاسلمي الشمري يقول .. ..

	مد اليمين وصافح النجم وارتاح= وخل المنيفي ينتخي للمنيفي لاهبهب الريح الشمالي واذافاح = ريح المهيل زي يوم الصريفي وهوسة طناياتنعش البرق لالاح =وانا زهابي تمرتين ورغيفي ومعاي لامن روح الليل مسباح =ماغير الاعبها سواة اللقيفي ومجدن يدوربداخلي كل مصباح = ولانمت صوت لسناعيس طيفي قلته وانالي روس الارقاب مسراح =وانا اسلمي من البعير طريفي تضيع هقوات الرجاجيل لياصاح = لاصار منت مخاوي لك شريفي يشوش لامن صاربه ريحة سلاح=وصت المشوك لا ارتكى بالرجيفي وصكن هلاهيل العذارى وذباح =عكف الشوارب لاغداله رفيفي بياع روح ولاعلى الروح مرباح =لاطوحن معط العطايف رزيفي ولافرعو طلقين الايمان ماراح =الى كبير وراعي للمضيفي عيال الشريف مجرعت الضد ذحذاح =من المنايا وسط قاع الزحيفي لطامة وجيه الرجاجيل لاباح = اقصى الخفا لين يحداه النزيفي كعم العنيف ودم الارقاب لاساح = تلقى وراه مروضين العنيفي عيال المصقل ذيب الاجرد سراح = يشبه حديهم لا انتخى ياحليفي الفين نعم وعلمهم عصمة رماح= وسيفي ليامن ادبر الوقت سيفي ملعون ابو منهو على الطيب ماطاح = شروا الشرافا ملحقين الضعيفي ولالي على قول التماثيل مصلاح =لاشك ضميري لوتمثناه كيفي

الشاعر نزهان البستان الاسلمي الشمري


اولا اشكر الشاعر العزيز نزهان البستان الاسلمي الشمري

على قصيدته الجزله والتي مهما قلت لن اوفيه حقه ولكن ليعذرني على قصوري

ثانيا يقولون راع الاوله ماينلحق وماردي هذا الا شكر وعرفان لهذا الشاعرب القدير00

ردا على الشاعر القدير نزهان البستان ....

	تسلم يمينك يابعد كل الاشحاح=لاهنت يانزهان نسل الْشّرِيفي قريت خطك وانجلا الهم وانزاح=ياللي لصعبات القوافي عسيفي نزهان جعل ايامكم كلها افراح=نزهان ومنزّه كلامك نظيفي من روس قوم ترجع الحق لو راح=اهل الحميا ماتهاب الكليفي لا والله الا ياحضترو يالاقحاح=عدوكم يترك حلاله معيفي اليا اعتزيتو يالبعيري بالاصباح=يشوش راس اللي تعزوى طريفي يقبل على العدوان والصف ينزاح=ورماحكم تبقى بوجه الهديفي ونعم بكم والمدح بالحق مفتاح=مدح لمن يستاهل المدح ظِيفي وانا عويد والمغاليث تجتاح=عدوهم بالكون ماعاد شيفي شريفات عز وتودع الضد شوشاح=رجالنا يعجبك لوهو كفيفي وحنا حزامك وارفع الراس ياصاح=وانا ادري ان الراس عالِ ومنيفي يااهل اللحيسه مدحكم زاد الاملاح=زاد القوافي ملحةِ ياوصيفي وحنا وياكم بالفعل ماهو مزاح=والله مانرضا لحديكم كسيفي واقبل كلام مايبي زود مشراح=مايدخله بعض الكلام اللفيفي لو كنت بالدمام واللا بالاسياح=ابيات اوصلها لهاك العفيفي (ماني مفكر بالخساير والارباح)=ودرب الخطر ماشيه لوهو مخيفي نيابه عن لابتي خافقي باح=من واجبي مادمت ماني ضعيفي واليوم وجهت القوافي بالايضاح= رد الثناء للذيب نسل الطريفي سلام يانزهان وقلوبنا اصحاح=وغلاك ثابت في خفوق الشْريفي

ديرة العز بغداد ....

	حل الخراب بديرة العز بغــــــــداد= من يوم جاها المالكي وابتـــــــلاها بغداد كانت موطن الخير والــــزاد =واليوم صارت ماتعشي ظنــــاها عميل جاها واعتلى عرش وبلاد= وشتت أطفال الرافدين ورمــــاها رمل حريم وذبّح شيوخ وأحفــاد=وبنت ألمعزه مالقت من كســـــاها وشعاد لو صاحت ترى شعاد وشــعاد=تبغي الفزع منّ العرب وقْصـــراها تبكي ولكنّ العرب دوم رقـــــــــاد=واللي سمعها يعتذر عــن لقـــــــــاها أقوله وعندي من الناس شهـــــــاد=والشاهد الله زاد همــــي بكــــــــــاها ياليت لو ان الزمن للورى عاد=ويعود ابو عداي يوم ويراها ويشوف كيف الفرس صارو لها اسياد=وصار العميل اليوم يسكن ثراها المالكي للشعب حاكم وجلاد= نفذ أوامر خامني ويّتباها صدام شوف اليوم ياكثر الاحقاد=ياليت ترجع يوم تطفي ظماها

بدون مقدمات ابيات اتتني من الشاعر احمد دخيل الثبيتي العتيبي

وردي المتواضع اتمنى ان تنال على الرضا

يقول العتيبي

الشاعر احمد دخيل الثبيتي ....

	الله واكبر يازماني وتاليه=احد فوقي من رهاف السيوفي شوش بفكري لين بيح بخافيه=واليا بنا رجواي يهدمه خوفي ان جيت بقفي في وجيه المشاريه=وان جيت ابقبل حيرتني ضروفي بين الاجار وعيد الاضحى ومافيه=غير الحمول الجايره في كتوفي لو الجمل يبرك لها فوق جنببيه=ثم حملوهااياه بين الردوفي من ثقلها يمكن تكسر حوانيه=عقب الهدير يروح مثل الخروفي وهذا سؤالي بالزمان وبلاويه=ياللي تميز فالنقط والحروفي بين الضروف القاسيه والمشاريه=ابدّي المشروه واللاضروفي

الشاعر احمد دخيل الثبيتي

وكان ردي عليه ....

	الخط جاني معتني فيه راعيه=ولزوم ردي للنشامى وقوفي يامرحبا بالخط واللي معنّيه=هلا نكررها لكم بالالوفي حيثك عزيز وشخصكم حيل نغليه=من لابة بوعودها دوم توفي واللي مكدر خاطرك قل لنا فيه=ماودي امزج في كلامي حلوفي الشمري طيبه ابد مايخليه=مثل العتيبي بالحميّا ينوفي اللي يجمل للثبيتي نسويه=هرج وكاد ولايجي به كلوفي يابن دخيل العلم بانت مواريه=لاتبتلش ياشوق زاهي الهنوفي تمت وجاك الرد ماني مخفيه=واقبل تحياتي بآخر حروفي

عويد المغيليث

السلام عليكم ورحمة الله وبركاته
الله يبعد عنا وعنكم الفقر
اتمنى ان تنال على الرضا
طبعا هذه الابيات تتكلم عن ولد صغير مع والده الفقير
واليكم الابيات

ورع مع والد فقير ....!!!

	يالعنبـو جـد الفقـر ياجـاك متحامـل عليـك= مايرحمـك لـو تطلبـه لازم يـذلّـك يالفقـيـر الله من هذاالعـدو لـو ماتجـي لـه هـو يجيـك= يبغى يهينك لوتكون ابـن الشجـاع ابـن الاميـر وكم صاحب(ن) يضحك معك ياشاف فقرك مايبيك= تنخاه نخوة مضطهـد يقـول وش هـذا الحقيـر حتـى قريبـك للاسـف يقفـي ويمكنّـه نسيـك= والمشكله لوجيت لـه تشـوف مـن عنـده نفيـر تـروح يمّـه ظنتـك هـذا قريبـك يحتـريـك= بـس للاسـف ماقـدم القهـوه ولاقـدم عصيـر الله مـن هـم الفقرياسامـعـي كـانـه ولـيـك= ماتقدرتفّـرح ابـد حتـى وليّـدك لـو صغيـر وليّدك صغير ويطلبك بابـا ابـي لعبـه هذيـك= وانت تألم بالخفـا حتـى فراشـك مـن حصيـر تمسح على راسه تبي تلهيـه فـي لمسـة يديـك= تقول ابشر ياولـدي واللـي تبـي لازم يصيـر ياوليدي اصبر ياعسى ربـي يحفظـك ويهديـك= اصبر ترى الراتب وصل اشري لعابيب وسريـر والمشكله في راتبي اعرف ترى لي كـم شريـك= واول نـزول رويتبـي ديّانتـي عنـدي تـديـر هذا اختصار المشكلـه ورع مـع والـد دريـك= ابـوه يتألـم قهـر والـورع للحينـه غـريـر يارب ترحم من شكى همـه وامـره بيـن اديـك= استغفـرك ياذالجـلال يـارب تنجين السعيـر

السلام عليكم ورحمة الله
االاخوه والاخوات
قبل كم سنه وهو بداية تعلمي على عالم النت أتصل بي احد الاخوان
وقال لي اعزمك على شات وفيه امسيه هناك قلت تراني غشيم وكتابتي بطيئه ولااعرف اتكلم بالمايك
قال انت تعال واترك الباقي يكفي اني اشوف اسمك
وهو طبعا من باب التشجيع فقلت ابشر واعطاني الرابط ودخلت عليه عسى ماعادت
المهم واثناء القاء القصائد دخلت فتاة وقامت تسب وتتلفظ بألفاظ ماهي زينه
ومن ظمن كلامها قالت انتم مصدقين هذا شعر ؟
هذه سوالف وانتم والله ماعندكم سالفه حاولت ارد عليها ولكن انا عليمي مادري شلون ادخل اكلم بالمايك وهي على طول خرجت من الجلسه وانا ماغير افرك يديني لااقدر اكلمها ولارديت عليها
فقلت هذه الابيات بساعتها واول ماخلص خويي من الامسيه كلمني رديت عليه بهذه الابيات
قلت له تكفى ابيك تلقيها بنفس الشات الملوي ههههه قال ابشر وفعلا القاها واليكم الابيات
واسف على الاطاله

هيه ياللي ...!!!

	هيه ياللي تحسبين ان القصايـد سالفـه= لعنبو حيك علامك ليه ماعنـدك شعـور؟ القصايد يالغبيـه مثـل مانتـي شايفـه=هي شعورالشخص لكن حرفنه فيها تـدور ركّـزي لاثابـك الله لاتسـوي عـارفـه=ياغبيه تسلكين الدرب خالـف للظهـور؟ انتي لوقولك حقيقه كـان منتـي خايفـه=كان قلتي في تمهل ثم شرحتي للحضـور قلتي جمله ثم سكتي وبالنهايـه حالفـه=تحسبين الحلف عندك نافذه نحو العبـور مادريتي كل شاعر لـه حروفـه نازفـه=بعصرنا هذا وغيره بل في كـل العصـور وكان هذا الجو شجع بنت مثلـك كاشفـه=اعتقدجوك تلوث من حشيش ومن خمـور وجوّنا صافي لك الله وكل عاقـل شايفـه=مار خوذيها نصيحـه لاتنبشيـن القبـور انظـري لشعرالابيـه والقوافـي النايفـه=وانظري كم بنت عودٍ تكتب بكل البحـور وانظري نظـرة تأمـل لاتكونـي هايفـه=لاتكوني يالعنيده بنـت اعماهـا الغـرور ارجعي للحـق قولـي ياجماعـه اسفـه=التمادي بالخطأ يابنـت معنـاه الفجـور كـم قلـوبٍ يابنيـه بالغـلا متوالـفـه=وكم قلوبٍ يابنيه تشتكي منهـا الصـدور لاعـلاج نافـعٍ بـه ولاامـم متكاتـفـه=والضمير الحي لابد يكتشف قبح الامـور انظري في شعب دجله كيف دمـه عايفـه=بين سني وبين شيعي تشتكي حتى القبور شعب واحد دين واحد والبـلاوي كالفـه=ومن زرع يحصد ولكن كيف زرعه للبذور يابنيه واسمعيني فيض شعـري جارفـه=لو اباكتب عن شعوري مانجزته في شهور

السلام عليكم ورحمة الله
اتمنى ان تنال القبول من ذائقتكم الجميله

بنت عذرا....!!!

	جيت ابكتب لي قصيده مار مدري ويش اقول=حرت واحترت وتحيرعقلي ولانـي خبيـر ياجماعه فهموني ليـه بـس هـذا الخمـول=ليه غـزة والعـراق وليـه لبنـان بسعيـر وليه كابول مزقوها او بعـد يمكـن يطـول=وشامنا والكل يشهد تحت مجهر هالحقيـر امة المليار مسلـم ياجماعـه فـي ذهـول=كلن يناظر وساكت ويش يحدث وش يصيـر عارفين الحق لكـن نحتـرف فـن الطبـول=شجب واستنكار دايم والخفي شـي خطيـر جيت ابكتب عن قضيه خفت عقلي لايـزول=كيف ببدا والبدايه صيحة الطفـل الصغيـر ام تجلس مع جنينه والطفـل خايـف ي؟؟؟؟=وعود طاعن ويتألـم حيـل بالمـره كبيـر وبنت عذرا جردوها مـن ملابسهـا نـذول=وانتخت باسم الغلابا وانتخت باسـم الاميـر وانتخت باسم الرجوله وين شيـال الحمـول=وانتخت باسم العروبه من فقير ومن وزيـر ليه هالامه العظيمه من نزول وفـي نـزول=عقب ماكنا وكنـا اصبـح الفـارس اسيـر ياجماعه صرت تايه مثل شـراب الكحـول=والسبايب شوف عيني جيل هالامـه دشيـر والحقيقه ياجماعـه قصتـي واجـد تطـول= مار خلوها على الله وكـل مقسـوم يصيـر

ارجو عدم المواخذه من بعض الالفاظ
تحياتي للجميع

الشاعر الكبير وراوي جبل شمر مبارك بن طنا التبيناوي
ارسل لي هذه الابيات

مبارك بن طنا التبيناوي!!!

	شروا جنابك يحير الفكر بامداحه=مدارس الشعر تزهو بك وتزها لك اهلا عدد مانبت بالقاع ولواحه=يابن مغيليث في حلك وترحالك اجمل روايح عبير الورد فواحه=محمول في كف من كانت على بالك ابي اختصرها لأنك سيد الساحه=بالحال شاعر جبل شمر كتبها لك ياليت نفسي لبدع الشعر مرتاحه=كان اصنع اللي تسولف فيه لعيالك ياعويد الفكر لو بيديك مفتاحه=ماهو بحاله لو انه يدرس احواله لو سج لحظه عليك ابعد من الباحه=واوقات يبحث خفا قلبك وجوالك ياعويد القلب طير شاف ملواحه=ياطير شلوى عسى فال السعد فالك الله من مشكلات قمت بأصلاحه=تروح الاعمار والاشعار تبقى لك ياخوك لولا هموم القلب تجتاحه=لطوع القاف وابدع به لمرسالك الفكر لو جس بس شوي بالراحه=يزهاك شعر على ذوقك وموالك انا اليامن صفا جوي على الساحه=اكبر عفاريت جن الشعر غنا لك مواهب من عظيم الشان سباحه=سبع البحور الغزيره ذاقها خالك الشعر تاريخ ماتمحاه مساحه=من لاعرف قيمته قاصر عن اقوالك للشعر ناسه ماهو خبل بمسباحه=حنشولي يوذي بك على مالك ماهي تحدي ياعز الناس واسلاحه=رد التماثيل لايطري على بالك

وهذا ردي طبعا الشاعر مبارك التبيناوي بحر ولكن حاولت الرد حسب الاستطاعه
ويبقى ردي قزم امام شاعر مثل مبارك التبيناوي

وهذا ردي طبعا الشاعر مبارك التبيناوي بحر ولكن حاولت الرد حسب الاستطاعه !!!

	يامرحبا واليوم نكتب على الراحه=ولي الشرف يابن عمي اكسب اوصالك يالشاعر اللي خذيت الطيب واوشاحه=واللا المراجل خذيته بقوة افعالك يالشاعر اللي ينومس شخص مداحه=ايه افتخر بك وابا افرح دوم باقبالك يامبارك ادري عدوك تكثر انياحه=وقت اللقا ياعزيزي خصمك الهالك ومن لايقدر جهودك يخسر ارباحه=في ذمتي جاهل منهو تعدوى لك الجاهل اللي جهلك يحق مذباحه=ليته يجيب الهديفه ثنين بامثالك اهل العقول اشهد انه اليوم مرتاحه=يابو طنا ياعزيزي حالتي حالك ادوج وحدي خلا ماهمني اشباحه=يامبارك النفس يطربها الخلا الحالك بالليل همي ياخوك يزين مطواحه=خاويت ليلي وغيري نايم وسالك ياخوك ليلي لك الله تكثر افراحه=والشعر يبدأ معي لاصرت متمالك وبعض البشر بالحقيقه حيل شحاحه=بكل بساطه تحاول حيل تغتالك كم شفت ناس على الاجواد صياحه=يطفون نور الحقيقه ويعلنو اهمالك ومادام مثلك حكيم يداوي اجراحه=للعفن قلنا عساك تطس بهبالك وانا حزامك الياحبيت مطراحه=والله لجيب الخبر وانومس امثالك صباحنا واضح يازين مصباحه=اصبح مثل ياعزيزي وارفع عقالك وارجو السموحه اذا بالقاف مشطاحه=مثلك بحر تعجز الشعار باجيالك

هالابيات قلتها يوم شفنا المقاضي كل شوي يزيد سعرها
يزودون الراتب شوي ويزيد سعر المقاضي اكثر الله المستعان
فهي تحكي عن الواقع
اتمنى ان تنال على القبول

المقاضي .. !!!

	يسألوني وين هي باقي المقاضي=خابريني رحت والروحه افتراضي وعودتي بالغصب من مخباي فاضي=والسعر في زود والقاضي خصيم اندبل كل شي والسبه ولاشي=قصدهم حرمان حلم الانتعاشي مادرو به ناس ماعنده معاشي=والمواطن صار عايش في جحيم والشباب اليوم اصبح باكتئاب=لاوظيفه ولامصاري ولاتراب الشباب يعيش في هم وعذاب=والله اعلم كيف ينظر للحريم مين يرضا يزوجه قبل الوظيفه=وكل بنات المجتمع طبعا تعيفه هايم محتاج له شغله شريفه=مايحس بالعوز رجلٍ بالنعيم كل بنت تحب رجال ثري=راكبٍ فكس آر والموظه فري ماخذاه اقصاد مثل العسكري=يعني ودهـ0 زوج مظمون وكريم ياجماعه كيف نظبطها تمام =كيف نجعل للمواطن احترام وكيف نخلع ظرس عرضه للشمام=وكيف نردع كل جبار لئيم00 ياجماعه ليه ماننظر بعيد=ونبني للاجيال مشروع جديد والتمنى ياجماعه مايفيد=مار نبغى رجال والمنهج سليم00 وارجع لموضوع مبداي الطريف=يوم رحت السوق ونسيت الرغيف موقف مشهود ماودي اضيف=من ضحك يضحك ومن يعذر حليم00 المقاضي ناقصه شي كثير=والمره من غيضها تزئر زئير قلت هدي لين القالي عشير=آتسلف لين يفرجها الرحيم لو شكينا الكل عنا غافلين=مالنا ياكود رب العالمين مشكله والناس عنها نايمين=يا اْله الكون ارحم ياعليم

السلام عليكم ورحمة الله وبركاته
من الارشيف اتمنى ان تنال القبول

عفوا ترى قصدي سليم ..!!!

	بعض الامور اللي نشوفه للاسف مستعصيه =تبقى على حاله وانا قلته وعندي شاهدي تبي تعرف اللي قصدته والامور المخفيه=ابشر بلخّص مقصدي وارجو السموحه يابعدي المجتمع متخاذل وكن القضيه مرضيه=الله واكبر ياعرب الوقت ذا مايسعدي اخواننا تشرّدو والمجزره متبقيه=تفنّنو في قتلنا شعب(ن) يهودي ملحدي اطفال وشيوخ ونسا ومشاهدٍ جد مبكيه=غزه تصيح وتحتضر والكل شاف المشهدي القدس يشكو من الاسر خواتنا متعريه=وين الكرامه ياعرب وين الحكيم المرشدي مليار مسلم ينتظر كلمة جهاد مدويه=بس للاسف من يعلنه للغرب يبقى مهددي واهل المناصب مادرو سرائيل وشهي مسويه=عنده نظام متبع والهدف فيه محددي عفوا ترى قصدي سليم المسأله مستعصيه=واسحب كلامي وامسحه لاصير بكره مشردي تحيا العروبه والعرب تحيا الدعايه المغريه=حنا عرب كنا عرب مافيه شي مجددي

وبالاخير تقل ذليت وسويتها دعايه زينه للعرب وسحبت كلامي الاول ههههه
تحياتي للجميع

السلام عليكم ورحمة الله وبركاته
معركه بيني وبين قلبي

حددت موعد..!!!

	حددت موعد بين قلبـي وكّلـي=قبل طلوع الشمس والناس نيميـن وصليت فرضي وانتظرت بمحلّي=وطلبت رب البيـت للحـق يهديـن ثم قلت انا للقلب ياقلـب قلّـي=عذبتني ياقلـب مـن عـدة سنيـن ياما وياما من جنابـك حصلّـي=احرجتني حتى مع النـاس الادنيـن قال البلا ياشفت غـروٍ يطلّـي=غصب التمس والله ترى خالق الزين واضيع يامن الغزيل فطـن لـي=وبالذات يامن صارت العين بالعيـن ثم قلت انا ياقلب وقتك مولّـي=واليوم حتى البيض عنّـك مقفيـن قال العـذارا بالمظاهـر تهلّـي=لاتعقد الموضـوع بالعمـر ياشيـن قلت الهوى ياقلب مابه تسلّـي=اهل الهـوى ياقلـب لازم وفييـن قال الوفا موجود مابـه تخلّـي=وهذا عهد ياصاح يبقى علي ديـن واصبحت انا مملوك للقلب كلّي=وسريت من عنده ولاادري على وين