آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 11-03-2012   #21


الصورة الرمزية قمرا سماه
قمرا سماه متصل الآن

بيانات اضافيه [ + ]
 رقم العضوية : 2950
 تاريخ التسجيل :  07 - 10 - 2011
 أخر زيارة : 23-05-2017 (05:07)
 المشاركات : 3,377 [ + ]
 التقييم :  376
 اوسمتي
درع التميز وسام وسام الإبداع وسام وسام 
لوني المفضل : Cadetblue
افتراضي حقوقنا بالوظايف





حقوقنا بالوظايف ؟؟!!!

يالخدمة وينك عننا بالوظايف = صار الوعد واضح مثل كذبة ابريل
اعمارنا راحت بجهد وكلايف = مثل الذي يبني على جاري السيل
هذي ثلاث سنين والقلب عايف = والرابعة زادت قهرنا بهاذيل
حقوقنا نامت بحضن الحسايف = ترضع غثاء دنياه جيلاً بعد جيل
ضعف العدل واهمال شرع النصايف = في وقتنا يشرب ببيض الفناجيل
وين الذي زعزع سكون الطوايف = اللي يبينا نسوق ونحط ونشيل
وين الذي باح اختلاط الولايف = وين الذي ساوى البنات برجاجيل
وين الذي قصده يحرر عطايف = بالمرجله والعولمه والتحاليل
وينه عن التعيين ماقال شايف = هم البنات اللي تعب منه الحيل
سوالف التعيين صارت طرايف = تبكي لضحكتها عقول المهابيل
الواسطه تلمع لميع الرهايف = والختم جاهز والمطابق تساهيل
والظلم عاج المعتدل بالنحايف = والله توعد كل محتالة الكيل
اما افرضوا حقوقنا بالوظايف = ولاّ على اول طايره للبرازيل
مدام مابالحق مخلص ورايف = وشلون نرضى ذلنا يالغرابيل



 
 توقيع : قمرا سماه



قديم 18-03-2012   #22


الصورة الرمزية قمرا سماه
قمرا سماه متصل الآن

بيانات اضافيه [ + ]
 رقم العضوية : 2950
 تاريخ التسجيل :  07 - 10 - 2011
 أخر زيارة : 23-05-2017 (05:07)
 المشاركات : 3,377 [ + ]
 التقييم :  376
 اوسمتي
درع التميز وسام وسام الإبداع وسام وسام 
لوني المفضل : Cadetblue
افتراضي لبيه ياحايل




لبيه ياحايل؟؟!!!

ياطير صدري ضايق اليوم بالحيل = والصبر من روحي خذاله جلاده
احمل معاك ابياتي بنكهة الهيل = ومن فوق حايل انثره وأبركاده
اشتقت له شوق المحبين لليل = وشوق الاسير ليا تذكر مراده
حبه بقلبي صدق ماهو تماثيل = طبع بروحي حبها وبأراده
ديرة هلي شمر هل السيف والخيل = عدوهم ذاق القهر وبنكاده
يوم اللقأ تشهد رقاب الرجاجيل = بسيوفهم تخضع لهم كل ساده
يارب جعل اعمارهم بالتساهيل = وتجزاهم الجنة بيوم الشهاده
لبيه ياحايل عسى روضك يسيل = ويعمك الكوثر بخير وسعاده
حايل ولابي غير حبه تفاصيل = ألبسهَ من نظم شعري قلاده


 
 توقيع : قمرا سماه



قديم 21-03-2012   #23


الصورة الرمزية قمرا سماه
قمرا سماه متصل الآن

بيانات اضافيه [ + ]
 رقم العضوية : 2950
 تاريخ التسجيل :  07 - 10 - 2011
 أخر زيارة : 23-05-2017 (05:07)
 المشاركات : 3,377 [ + ]
 التقييم :  376
 اوسمتي
درع التميز وسام وسام الإبداع وسام وسام 
لوني المفضل : Cadetblue
افتراضي اعتذار




اعتذار!!!

يالاجودي مانيب خايف مناقيد=ولاني من اصناف البنات البليده
والله مالي من طرفها مقاصيد=إلا كلام الناس قامت تزيده
حذفتها مابي اسبب لواهيد=والناس تشعل في مرامي وقيده
قامت تركبها على كيف ماتريد=ومرضى القلوب من الخبر مستفيده
ودلت تنهشنيَ رخوم الهرابيد=وانا على حفظ العوايد شديده
تاخذ وتعطي تبذل الهرج وتزيد=تقدم لي السكر بكاسه وكيده
اهل النميمة والغثاء والحواسيد=تصنع بلهجتها كلام وتجيده
يارب تقطع عرق حبابة الكيد=اللي على عروض الآوادم مريده
اللي مقاصدهم عن العزة بعيد=تقطع نماهم يامنجيَ عبيده
يالقرم ياالمنعور ذرب الأواليد=اطلب وتلقاني على ماتريده
يابن الرجال الغالبين الصناديد=اللي على العدوان صلفه عنيده
يوم المعارك بالشلف والبواريد=انتم خذيتوها براهي رصيده
بالطيب والفزعات انتم لها سيد=وانتم رجال الغانمات وحفيده
ياشوق اللي لجلك تزف الزغاريد=ياسترها ياعزها ياسنيده
الشعر يطربني بعذب التغاريد=وانا اعشقه واطرب معه بتغريده
فيك اطرز الابيات واقول واعيد=واترك قديم الشعر وانحت جديده
فيك الشعر يختال يابن الاجاويد=ولك الشعر ينذل ياسيد سيده
انا اعتذر وابيات شعري شواهيد=واكرر اعذاري لحذف القصيده


 
 توقيع : قمرا سماه



قديم 30-03-2012   #24


الصورة الرمزية قمرا سماه
قمرا سماه متصل الآن

بيانات اضافيه [ + ]
 رقم العضوية : 2950
 تاريخ التسجيل :  07 - 10 - 2011
 أخر زيارة : 23-05-2017 (05:07)
 المشاركات : 3,377 [ + ]
 التقييم :  376
 اوسمتي
درع التميز وسام وسام الإبداع وسام وسام 
لوني المفضل : Cadetblue
افتراضي فدوتك



فدوتك ,,!!!

البارحه يوم كلن فارقه همه = وانا على مخدتي اشكي له اوجاعي
ابكي وعاتب عزوم الصبر والهمه = وامسح دموع الآسى في كف مرتاعي
اضحك على وقت وابكي من كثر غمه = وحاول اساير الدمعة والاوضاعي
افتح كتاب الآلم واقراه وآلمه = واتابع الذكريات اللي بلا راعي
ذكرى الشقا واحتساب الموت للقمه = ذكرى الوجع والجفا مع سبة ضياعي
ذكرى عطتني رحيق الموت من فمه = مشوار درباً طويلاً فج الاضلاعي
حملت جرح الزمان وكيه وسمه = وابحرت في موج لوعاتك بلا شراعي
سميت حالي وجتك الروح منسمه = هذا العمر فدوتك لاتلوي ذراعي


 
 توقيع : قمرا سماه



قديم 02-04-2012   #25


الصورة الرمزية قمرا سماه
قمرا سماه متصل الآن

بيانات اضافيه [ + ]
 رقم العضوية : 2950
 تاريخ التسجيل :  07 - 10 - 2011
 أخر زيارة : 23-05-2017 (05:07)
 المشاركات : 3,377 [ + ]
 التقييم :  376
 اوسمتي
درع التميز وسام وسام الإبداع وسام وسام 
لوني المفضل : Cadetblue
افتراضي حالي خطيره




حالي خطيره!!!

الورد يجذب عاشقينه عبيره = وانا جذبت الشعر لارضي تباشير
مثل المطر قطرات غيمه غزيره = ليا عانق اغصانه وغنت عصافير
يروي ضمى شوقن ضماته كثيره = اللي لهم احساس مرهف عن الغير
القلب شرهاته عليكم كبيره = ذاب وتعذب من محبه وتقدير
يبي المطير ولاتحقق مطيره = عوج الضلوع تركدهّ بالمعاذير
ياهيه ـ ارحم قلب بنتٍ اسيره = تعلقت برضاك يابن المناعير
تبي حنانك ماتبي شي غيره = لا لا تحط بالدرب لافت محاذير
تحكي حواسي لك شقاه ومصيره = وترسم لجهال المحبه تصاوير
السمع يصغي لك وحالي خطيره = وجفون عيني من شقايه مغاوير
ألمس سكاكين المحاني شطيره = واذوق طعم الحب هيل ومباهير
واشم ريحان الغلا واستخيره = وينبض له بصدري غلا دون تفسير
مجنون قلبي في محبة عشيره = راح وتحطم يالوجيه المسافير
ياعزوتي يالابتي يالعشيره = قولوا له القمرا تصبحك بالخير
وتقول ياطب العيون السهيره = لاتترك عيوني ضوامي مساهير
بوجودك اعيش الفرح واستثيره = وبغيابك تورد همومن مصادير
تعال لاتطول علينا المسيره = تعبت واتعبني ضعيف التدابير
احس بهبال الغلا واستشيره = لاشفت نكك تزهر ارضي نواوير
موجز لحبي جاك عابر آثيره = لعلك تحس بجنون المشاهير


 
 توقيع : قمرا سماه



قديم 21-04-2012   #26


الصورة الرمزية قمرا سماه
قمرا سماه متصل الآن

بيانات اضافيه [ + ]
 رقم العضوية : 2950
 تاريخ التسجيل :  07 - 10 - 2011
 أخر زيارة : 23-05-2017 (05:07)
 المشاركات : 3,377 [ + ]
 التقييم :  376
 اوسمتي
درع التميز وسام وسام الإبداع وسام وسام 
لوني المفضل : Cadetblue
افتراضي ماشاركك شخص ثاني




ماشاركك شخص ثاني!!!

الله قسم والله خذاك وعطاني = قلبن من احساس الغلا مرهف وحار
الوقت جابك بس حظي اناني = وحساد عشاق الوفاء بالهوى كثار
خذوك مني واغرسوا فالمحاني = سيف القهر والدم من ضامري فار
تحشرجت بالصدر ضيم الاماني = ولمتبيّ اوجاع التحدي والاخطار
ماتدري انك قطعةٍ من كياني = ماتدري ان مابيني وبينك ستار
ماتدري ان ماشاركك شخص ثاني = وعيني لشوفك ترسل الدمع مدرار
اصبحت له شوفه وشوقه وجاني = مثل ألتمام الغيم لاصبت امطار
فرشت له دربه ورود وتهاني = وبأرضه تلحفت المآسي والاكدار
فجيت له ضلعين صدرن يعاني = ومن ضلعي الثالث خذا مجلس وكار
سرى غلاه بدم عرقن عصاني = وارسل لمخي عبر الاعصاب تذكار
صحيح ذقت من الجفا ماكفاني = لكن ورب البيت علام الاسرار
ان الزمن في غيبتك ماخذاني = والقلب صوب دياركم يالغلا طار


 

قديم 13-05-2012   #27


الصورة الرمزية قمرا سماه
قمرا سماه متصل الآن

بيانات اضافيه [ + ]
 رقم العضوية : 2950
 تاريخ التسجيل :  07 - 10 - 2011
 أخر زيارة : 23-05-2017 (05:07)
 المشاركات : 3,377 [ + ]
 التقييم :  376
 اوسمتي
درع التميز وسام وسام الإبداع وسام وسام 
لوني المفضل : Cadetblue
افتراضي لابوك يالحب




لابوك يالحب؟؟!!!

لابوك يالحب لابو ساعة الفرقا=لابو جنونٍ على صدر الغلا راقي
بالجوف حداد نار وشعلته ترقا=وبالعين حصاد سدر وسمها باقي
بالقلب مصاص دم ولاذ بالعرقا=وبالروح نهاب للراحة ومايطاقي
بالجسم ريجيم يفرق بالجسد فرقا=موته طبيعي يلون لوحة فراقي
ويلاه ياللي خذيت القلب بالسرقا=خفف عليّ العذاب وقصرّ اشواقي
سرقتني وانتهتبي قصتك شرقا=من قبل اغرب بوجهي يم الافاقي
كبدي بها من فراقك لاهب وحرقا=ودموعي بغيبتك تحرقني احراقي
آثار جرحك وطعناتك غدت زرقا=ياكافر الجرح لاتجتاح خفاقي
عطيتني من رسول الحب لك ورقا=وضيعتني يامضيع هقوة الهاقي
اغرقتني يامهاجر بالهوى غرقا=انا شهيدة غرامك واختم اوراقي


 
 توقيع : قمرا سماه



قديم 15-05-2012   #28


الصورة الرمزية قمرا سماه
قمرا سماه متصل الآن

بيانات اضافيه [ + ]
 رقم العضوية : 2950
 تاريخ التسجيل :  07 - 10 - 2011
 أخر زيارة : 23-05-2017 (05:07)
 المشاركات : 3,377 [ + ]
 التقييم :  376
 اوسمتي
درع التميز وسام وسام الإبداع وسام وسام 
لوني المفضل : Cadetblue
افتراضي مبروك عرسك




مبروك عرسك؟؟!!!

عرسك حزن في ناظري غيمة حداد=سواد ذي الليله مغطي وحالك
حضرت عرسك لجل ذكرى وميعاد=موعد على اوتار العزا , شوف جالك !!
وعدتك احضر واكسر الجرح بعناد=وانا على جمر الغضى والتهـــالك
موعد صخب يحيي من الماضي جداد=جروحن قديمة طبها ماطرالك
احس نبضي يحفر الصدر من غاد=واحس للوعه برااااهين مالك
اوجست لي خفه ودقات تزداد=صبري نفذ ضاقت علي المسالك
عجزت اسير احس في رجلي قياد=ودمعي فضح وضعن ضعيفاً وهالك
جيتك وانا اغلف جروحي بالامجاد=وفيت لك يوم اقطعوا بك خوالك
حضرت في عرسك وانا كلي اجهاد=يوم المشاعر تنكسربي قبالك
فستاني الاسود خذا الجو وش عاد=لو ثوبها الابيض شريّ من حلالك
مبروك عرسك ياعسى عامك اعياد=جعل الفرح والحظ بالعمر فالك


 
 توقيع : قمرا سماه



قديم 18-05-2012   #29


الصورة الرمزية قمرا سماه
قمرا سماه متصل الآن

بيانات اضافيه [ + ]
 رقم العضوية : 2950
 تاريخ التسجيل :  07 - 10 - 2011
 أخر زيارة : 23-05-2017 (05:07)
 المشاركات : 3,377 [ + ]
 التقييم :  376
 اوسمتي
درع التميز وسام وسام الإبداع وسام وسام 
لوني المفضل : Cadetblue
افتراضي هديتي للنشامى ,, اتمنى تثبيتها





هديتي للنشامى ,, اتمنى تثبيتها !!!

ياطيور شلوا يالرجال المشاكيل=اهدي لكم من نظم شعري قصيده
عساه تعجبكم قطوف المحاصيل=ويساعدن وقتي بكتب الفريده
ابدأ بصالح مرهي البن والهيل=مكارمه من طيب فصله عديده
واخص انا منهو يسوق المعاميل=عويد صنع للجود كفن جديده
واطرزّ ابياتي بريف الرجاجيل=احمد خصيم اللي براسه مكيده
وعبدالله اللي فصل القاف تفصيل=صيته تعلى وانكتب بالجريده
وللخال ازخرف شعر قمرا تعاليل=محمد اهني عزوته مع عضيده
شامخ سمو وله مع العز تبجيل=دخيل بيته يهتني في رقيده
ونهير اللي يقتدي به مجاهيل=رهيف نفس وكل روحه مجيده
ومشعل ليا مالت بها عدل الميل=زعيم قومه بالظروف العنيده
وطلاع ليا ركبوا على ضمرّ الخيل=عز الزميليه ومنقذ حفيده
وسطم سطم ذباحّ لضيوفه الحيل=مجالسه من ضيف بيته سعيده
وفرحان بيدينه تحل العراقيل=خوي دربه عاش عيشه رغيده
يسوقني شعري واصوغ التماثيل=لعبد العزيز اللي فعوله وكيده
ابن الرجال الصارمين الحلاحيل=سطواتهم يوم الملاقا شديده
وارهي لقافي مدح زين التفاصيل=للشرق جعل ايام عمرك عديده
وللورد يهدى ورد نبت الشخاليل=يفرشّ لبو كادي عناقد جديده
القرم يقضي واجب الناس تسهيل=خفيف نفس وطيب قلبه شهيده
والذيب ابن جسار لاقيل ماقيل=ريف الضعيف وللمعادي وقيده
وعياده اللي بطش يدهّ بهاذيل=لعدااااه فجاجّ النحر مع وريده
وعساف نجد اللي حضوره مواويل=يطغى على الكاتب بحلو تغريده
ومحمد الطاري شبيه الهماليل= مزن ومطر عقيد قومه وسيده
ربعه هل الردات والليل وسهيل= يشهد لهم يوم العدو خاب ميده
وابن لويش اللي بيوته مداهيل=بشير ليا قالوا,, علومه سديده
قومه ليا ضاع الجهد مابقى حيل=خطلان الايدي يعتلي به رصيده
واذكر ابو عساف لاثقلّ الشيل=خفف معاناة النفوس الوحيده
واهدي لبو طارق سلامي تهاليل=طيبه وصل حايل وعدى بريده
وشايب كويس جعل عمره تساهيل=شوق العنود اللي جماله بجيده
ومني لراعي الكار راع الفناجيل=بهلول فارس مفترس من طريده
ومفوز اللي للعداء زودّ الكيل=راهي وفزعات المراجل تريده
وتعجبني ردود الضحى يااسمر الليل=الله عليه ومنه انا مستفيده
وشكري لناصر عد ماسيلّ السيل=صراع صراع الخصيم ومريده
وحمد وثامر لاتباهي ولاميل=شجعان فرسانن تذوبّ حديده
ودندش وهوجاس المعادي ايا ويل=عدوهم ماله عتاد وشريده
وفردان ستر ام الرموش المظاليل=ومهاجر اخلاقه وطيبه تزيده
طخطيخ تفداك الرخوم المهابيل=دعفس تحت ماطاك قومن بليده
درويش عكس اسمك تذيب الغرابيل= بكبود عفنين اللقاء مع عبيده
ومني لجزل القاف ورد وآكاليل= يحيى العبودي طب كبدن لهيده
وهذا عمر تخشاه ناساً مغاليل=يرقى شموخ وذل خصمه يجيده
وسعيدّ اللي ذلل الحرف تذليل=فارس شجاع وروح قلبه وديده
المعذره يالقاف من غير تحليل=استر قصوري وخذ عذري من ايده
مني تحية للرجال المشاكيل=واللي نسيته عذر قمرااا بريده

المعذره يالنشامى من القصور ,, واللي نسيته يسامحني

اختكم : قمــــرا سمــــاهـ


 
 توقيع : قمرا سماه



قديم 22-05-2012   #30


الصورة الرمزية قمرا سماه
قمرا سماه متصل الآن

بيانات اضافيه [ + ]
 رقم العضوية : 2950
 تاريخ التسجيل :  07 - 10 - 2011
 أخر زيارة : 23-05-2017 (05:07)
 المشاركات : 3,377 [ + ]
 التقييم :  376
 اوسمتي
درع التميز وسام وسام الإبداع وسام وسام 
لوني المفضل : Cadetblue
افتراضي اعتذار للاخ الكريم عباس بن عسل




اعتذار للاخ الكريم عباس بن عسل !!!


راكب اللي تلها عاطل قمار=مايهاب الموت ماالعن خيرهّ
رابياً على المخاطر والسكار=شكل شعره بالمشاغل فيرهّ
مايحاتي للقدر صارت وصار=فطرته على الصعاب مجيرهّ
من مدرجهاّ بتالي من نهار=اقلعت صوب الغيوم مسيرهّ
كنها فوق السحب فرخ الحرار=او مهاتن بالوحوش مذيرهّ
كابتنه خذ عذري وطيب الوقار=واخضع لجلّ العتب وصغيرهّ
وصلّ لعباس ممدوح الجوار=وانقش اعذاري حروف مغيرهّ
يالعسل جعلك من اطوال العمار=جاني المكتوب وابخص شيرهّ
جيتك اسوق الخيار من المهار=بنت شيخن ماهكع به بيرهّ
جيتك اطلبك العذر والاعتذار=جتك قمرا والنوايا نيرهّ
اعذرن ياستر مرهيت الخمار=يالكريم اللي بجيبه طيرهّ
ياطويل الصيت منت من القصار=كبر جاهك مانت راع قصيرهّ
فدوتك من حط لضيوفه ستار=مايواجه مثل وجه عطيرهّ
يوم ولد العفن يطنيه الغبار=دست راسه في حفور حـمـيـرهّ
يازعيم القوم في فك الحصار=يوم غيرك يلتجي بشويرهّ
ياسليل الجود ياصلب القرار=كن روحك للسموّ محيرهّ
يازبون اللي تجليه الديار=يوم عفن الجاه قال وعيرهّ
سيرتك تحكي مباهاة السطار=ولد عز وبالمراجل سيرهّ
ياطويل العمر جيتك بأختصار=هذا عذري والحروف مهيرهّ


 
 توقيع : قمرا سماه



 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:55


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام