آخر 10 مشاركات
شعبان والتفرد بالعبادة (الكاتـب : - )           »          احـب انا رجـلً بدمــه حـراره (الكاتـب : - )           »          حب الوطن (الكاتـب : - )           »          عيدكم مبارك اخواني واخواتي اعضاء شبكة نشامى شمر (الكاتـب : - آخر مشاركة : - )           »          مدح النبي صلى الله عليه وسلم (الكاتـب : - آخر مشاركة : - )           »          اشتر فراق اللاش لو سقت مالك (الكاتـب : - آخر مشاركة : - )           »          ديوان / الشاعر محمد سوعان الربيع (الكاتـب : - )           »          ماني مدور عندهم بيضة الديك ! (الكاتـب : - آخر مشاركة : - )           »          كان القصايد ما تواتي لها عنق ! (الكاتـب : - آخر مشاركة : - )           »          آرواح تنزف لعطائك (الكاتـب : - آخر مشاركة : - )

يوتيوب  نشامى  شبكة شمر
إعلانات شهرية
شقق الجودر  بالدمام


ديوان شــــعراء وشـــاعرات نشامى شمر هذا القسم لحفظ حقوق القصيدة للشاعر اء والشاعرات ومرجع لقصائد الشعراء والشاعرات والقصص التي يروونها


 
قديم 14-04-2012   #1
الضحى


الصورة الرمزية راضي طاري الذرفي
راضي طاري الذرفي متصل الآن

بيانات اضافيه [ + ]
 رقم العضوية : 3205
 تاريخ التسجيل :  13 - 04 - 2012
 أخر زيارة : 23-05-2020 (02:58)
 المشاركات : 318 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي ديوان الشاعر / راضي طاري الذرفي






السلام عليكم ورحمة الله وبركاته
يسعدني ان انضم اليكم في هذا الصرح الشامخ واشارك معكم بهذه المتواضع

يامل عين اليانام الخلي العشا !!!

يامل عينٍ ليا نام الخلي العشا=كن القزاز السنين يخالج رموشها
عليك واشيبها لا يابعد من مشا=من ترك ومن العرب وايران وبلوشها
ياعين حر على الميهاف وقت العشا=يسبر تضاريس قفر الارض ودشوشها
كنه من الميق ياخذ وصفه اليا انتشا=قدام قوات زحف الروس وجيوشها
ويابطن حمرا مع اماته عفي ووحشا=شافت اعيون المضمر وافختت بوشها
ياخشف ياريم ياضبي الخلا يارشا=يادرة يقطع الطواش عن نوشها
حالي وروحي من الفرقا عليك اغششا=ماغير انشد وراك الناس وطروشها
الله يجازي نوايا الحاسد اللي وشا=من بيننا والمحبه طاحت اعروشها
عجزت لانساك لو قالو نسا لاحشا=وشلون افهّم خبول الناس ودحوشها


 

قديم 21-04-2012   #2
الضحى


الصورة الرمزية راضي طاري الذرفي
راضي طاري الذرفي متصل الآن

بيانات اضافيه [ + ]
 رقم العضوية : 3205
 تاريخ التسجيل :  13 - 04 - 2012
 أخر زيارة : 23-05-2020 (02:58)
 المشاركات : 318 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي هديل الراعبيه



السلام عليكم ورحمة الله وبركاته
اقدم لكم هذه المتواضعه واللتي ارجو ان ترقى الى ذائقتكم
واتقبل النقد بكل صدر رحب

هديل الراعبيه !!!

العشا هاضن هديل الراعبيه=ساجعن مادري حزن والا انسجامي
يوم كلن بالكرى عينه هنيه=قمت الاعب باللحن صوت الحمامي
ذكرتني واحدن غالن عليه=علمي بشوفه قبل عشرين عامي
شيب عيني كل مايطري عليه=والسهر والجرح يوم الجرح دامي
والليالي والوعود النرجسيه=والولع والشوق وجنون الهيامي
والسواليف العذيه والنديه=بري حالي ليت لي قلبن طغامي
افترقنا مابنا وادع خويه=وانقطع من بيننا حتى السلامي
اتحشم واتشيم عن مجيه=لو طواني منه طواي الغرامي
بين حي السالمي والسالميه=لاعني بالحب مالاع الزلامي
ليلة البارح علي ماهي هنيه=ول لاحييت يا فرخ الحمامي


 

قديم 01-05-2012   #3
الضحى


الصورة الرمزية راضي طاري الذرفي
راضي طاري الذرفي متصل الآن

بيانات اضافيه [ + ]
 رقم العضوية : 3205
 تاريخ التسجيل :  13 - 04 - 2012
 أخر زيارة : 23-05-2020 (02:58)
 المشاركات : 318 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي يابو هلا



فليسمح لي اساتذتي بهذه المتواضعه اثر سجال بيني وبين اعز اصدقائي
وختلافنا في وجهات النظر الا ان الاختلاف في الرأي لايفسد للود قضيه
وأقبل النقد ومنكم نتعلم

يابو هلا!!!

يابو هلا من هجوس(ن) تختلج بالضمير= باح العزا والقصيده هاضت ابياتها
من منهلن يالطخيمي بالمعاني بصير = من بين حدب الضلوع وبين لجاتها
اليا تلاطم مثل موج المحيط الغزير =سبحت جم البحور وغصت غباتها
وارقبت راس الطويل النايف المستدير=وانزلتها بالقصار وروس قماتها
وان زان واد القصيد وصار عشبه خضير=قطفت ورد البيوت وجبت نقواتها
والياسريت الدجا والوقت برد وهجير= ماني بورد ذلولي غير مشهاتها
وانته تحيدا على المنكوس لي من عصير= تركز مناصيبها وتغز راياتها
والوضع من دون حشد الناس سهل ويسير= كم صنفو واللفو واخلفت هقواتها
مومن بحكم القدر وان المقدر يصير = والرزق مكتوب والعالم ونياتها
جربت الايام واخذت الخبر من خبير = ودرست في مدرسة بقعا وصكاتها
اخذت ماخذت واللي راح مني كثير= ولا احسف النفس في شي(ن) ليا فاتها
المال ماهو بمقياس الغني والفقير =الفرق في نظرة الناس وقناعاتها
سجتك للبرً لانسنس هبوب العصير= تسوى رصيد الهوامير وعقاراتها
الياصفالك زمانك حسب قول الامير= اشرب قبل لايحوس الطين صفواتها
الوقت لو زان مايامنه حي الضمير =عذبات الايام ماتمدي وناساتها
هذي نصيحه هديه لك من مود خير = ان خذتها خير وان عادة على اماتها



 

قديم 06-05-2012   #4
الضحى


الصورة الرمزية راضي طاري الذرفي
راضي طاري الذرفي متصل الآن

بيانات اضافيه [ + ]
 رقم العضوية : 3205
 تاريخ التسجيل :  13 - 04 - 2012
 أخر زيارة : 23-05-2020 (02:58)
 المشاركات : 318 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي الهقوه



اخواني وأساتذتي ارجو ان تتقبلو مني هذه المتواضعه
وأتقبل النقد بكل صدر رحب

الهقوه!!!

الهقـوه اللي منـزله بين الكواكب والنـجـوم= سود الليالي يخلفن الهقوه ومنجومها
والعرف وهبه من عطا المولى وقسم من القسوم= يا صاحبي والناس يسترها الولي بهدومها
ياكثر لاطالــعت مابالجـــــو من طيــــر(ن) يحــوم= لكن ياقــل الطيــور اللي يشــدك حومــــها
وياكثر مابالعــــالمين مـن العـــوايد والســـــلـوم=لكن ياقـل الرجـال اللي تحفـظ سلــومـــــها
وانا ادري ان الله خلق بالناس معطى ومحروم=والرابح اللـي نيته مايخـتلف مفهومها
اشفق على الطيب واعزه واحترم سمح القدوم= وادخل بسوق الطيبه واقفلها واسومها
وازعل من الزله ولا ازعل كان جات من الرخوم=واشره على بعض العرب ولا عرب مالومها
وخوة رديين المصالح لو تطول ماتدوم=وسود الليالي يظهرن الهقوه ومنجومها


 

قديم 08-05-2012   #5
الضحى


الصورة الرمزية راضي طاري الذرفي
راضي طاري الذرفي متصل الآن

بيانات اضافيه [ + ]
 رقم العضوية : 3205
 تاريخ التسجيل :  13 - 04 - 2012
 أخر زيارة : 23-05-2020 (02:58)
 المشاركات : 318 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي الصديق اللي صفينا له اصفا من الزلال



رساله الى صديقي
ارجو ان تتقبلوها وانتم مرآة الشاعر


الصديق اللي صفينا له اصفا من الزلال !!!


امس والبارح ولي قطعت ايام وليال=مشغلن هاجوس بالي ولاويني لوي
ماحسدت الذيب لو نط في روس الطوال = يوم غاب النور بالصوت يقنب ويعوي
والصديق اللي صفينا له اصفا من الزلال=راح ماكنه صديقٍ ولاكنه خوي
والصداقه عندنا ماتثمن بالريال=يبطي الغالي وهو غالي لو راح دموي
والله انه في مكانه وباقي لايزال=لو يقطع من كتوفي ويشويني شوي
ماجحدنا الطيب والمعرفه بين الرجال=شخص مايقبل خطا صاحبه ماهو سوي
مثل من يزعل على اصحابه من ادنى خمال=راح ماثنى وطلفح يهوس ويهوي
جعل يقفنه الياراح سمحات الليال =وان رجع يلقا الوفا له مسور ومحوي
لو تجي عوجاه كبر العماير والجبال=فدوتٍ للطيب لو كلمته تكوي كوي


 

قديم 30-05-2012   #6
الضحى


الصورة الرمزية راضي طاري الذرفي
راضي طاري الذرفي متصل الآن

بيانات اضافيه [ + ]
 رقم العضوية : 3205
 تاريخ التسجيل :  13 - 04 - 2012
 أخر زيارة : 23-05-2020 (02:58)
 المشاركات : 318 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي انا كل ماسمع فوق الاغصان تلحين الحمام= اجاوب حمام الورق بالطرق واللحن الحزين



ارشيفيه قديمه جدا جدا جدا

انا كل ماسمع فوق الاغصان تلحين الحمام=اجاوب حمام الورق بالطرق واللحن الحزين

انا كل ماسمع فوق الاغصان تلحين الحمام= اجاوب حمام الورق بالطرق واللحن الحزين
وساهر نجوم الليل واون والعالم نيام= واهل الدموع اللي تبارى مثل وبل الغشين
وابيح واشق الثوب واصيح واعض البهام= واجر الحنين اسواة خلجن يجرن الحين
واسج القدم واهيم واسهج هلي واسلى الطعام = عسى الله يحللني من ذنوب دمع الوالدين
يقولون جن. وجابو الشيخ وزريت الكلام=قراني وهو يدري ولا قال غير الله يعين
كووني. وانا صابر ولابحت سدي ياحزام= يموت الخبر في بير والجرح تكفله السنين
عسى من شبكني بالمحبه وبسلوك الغرام=يلوعه هوى من لايحبه وقلبه مايلين
يذوق القهر والغبن والسهِر وفروق الهيام= ويسِهِر ويقهَر من تسبب على صاف الجبين
ابو مبسم(ن) لاشع برقه ورى طرق اللثام= تداخل قوانين الطبيعه ويحتار الفطين
وشقر(ن) على الخصر المعزل تعدنَ الحزام= وخدن وعنق وجيد (-------) تفاحتين
الا سلهمت واغضت بعينه على العالم عدام = نذوق الحياه ونجرع الموت بين الحاجبين
مشا حبها بعروق دمي ولحمي والعظام= الين ارتويته عشق يكفي نفوس الوارثين
وانا ياخوي الجنب ياخوك تكفى ياحزام = من الزين تمنع عقب ماموت هرج الشامتين


 

قديم 15-11-2012   #7
الضحى


الصورة الرمزية راضي طاري الذرفي
راضي طاري الذرفي متصل الآن

بيانات اضافيه [ + ]
 رقم العضوية : 3205
 تاريخ التسجيل :  13 - 04 - 2012
 أخر زيارة : 23-05-2020 (02:58)
 المشاركات : 318 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي اهداء الى الشرق والى جميع الاعضاء



ارجو ان تتقبلو مني هذه الكيبورديه

اهداء الى الشرق والى جميع الاعضاء!!!

ياراكب اللي صلاة العصر دقيته= كن السحابه نشيشه يوم شغلته
من عند عبد اللطيف الجيب تليته= منوة غريب هموم الوقت مشغلته
فريت ويله ودرجته ومشيته = الين صخنت ماطوره ومرنته
ويوم انفتحلي طريق ابقيق مسيته = واقعدت الانبير من نومه وميلته
مريت ساهر ولوحاته على سيته = يبطي عظم ولد كامل ماتحللته
لبو سند وارد اليابان عنيته = لامن دعاني خوي الجنب جملته
اسابق الوقت الين اقف على بيته = واحب خشمه وبين حد منزلته
بيني وبينه كثير الهرج موحيته = واليادخل بيننا هراج فشلته
الصاحب اللي الياضقت تنصيته = وماحملتني به الايام حملته
يامر وينهى ولاذكر يوم رديته = والياطلبني رفيقي ماتجهلته
حتى اسمي ان كان شــفرته وخشيته = لجله ولجل النشاما اليوم بينته


الشاعر: راضي ابن طاري الذرفي الشمري


 

قديم 16-11-2012   #8
الضحى


الصورة الرمزية راضي طاري الذرفي
راضي طاري الذرفي متصل الآن

بيانات اضافيه [ + ]
 رقم العضوية : 3205
 تاريخ التسجيل :  13 - 04 - 2012
 أخر زيارة : 23-05-2020 (02:58)
 المشاركات : 318 [ + ]
 التقييم :  60
 اوسمتي
شاعر متميز 
لوني المفضل : Cadetblue
افتراضي ماهب صلف الهوى من شرق



ردي على قصيدة الشاعر عويد المغيليث

ماهب صلف الهوى من شرق!!!

ماهب صلف الهوى من شرق = وعداد مهل تافي
وماحدر سهيل نجم ورق =في خرمس والسماء صافي
هلا هلا ياعويد طرق = ترحيبتن تاعد وتافي
وعطيك علم الضحى المدرق = مآآ عنك ياصاحبي خافي
موجود بالمنتدى له مرق = حاضر وطيب ومتعافي
لو يدرق ويتسرق سرق = مكشوف والنت كشافي


 

 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 05:02


Powered by vBulletin® Version 3.8.9
Copyright ©2000 - 2024, vBulletin Solutions, Inc.
Ads Management Version 3.0.1 by Saeed Al-Atwi

إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام