ديوان / الشاعر محمد سوعان الربيع

اخطيت في حقك على غير مقصود

الى اعز واعظم واغلا انسانه على قلبي
في هذه الدنيا اهدي هذه الابيات المتواضعه لعلها تحوز وتفوز برضاها

اخطيت في حقك على غير مقصود ,,,,؟؟؟ !!!

	قصـرت بـك يالغاليه ســـامحيني =اخطيت في حقك على غيــر مقصـود عيٌا الزمان الشين يرحم حنيني = وصـار الامل من دونه الـدرب مسـدود بُعدك عذاب وضيٌـق الارض فيني= حــيً ومــا كنـي مــع الناس ماجـود يا اغـــلا بشر يانور قلبي وعيني = للمـوت مـــا ينقص تـــرا حــبك ايـزود يفداك عمري مع شرايد اسنيني = ومــا تملكــه يمنـــاي مــع كل مجهـود انتـي فقـط لــو البشر مـا تبيني = مــاهمنــي غيــرك ولا كــل مـــاحـــود والله ما انسى معانقـك باليديني = ماانسى حنانك والليـالي لك اشــهود ما انسى حضينك يوم اهو يحتويني =امــوت قبل ان ياصــلك منــي اجحـود حـبك ابقلبــي ياالعريبه دفينــي = بامـر الولـي مــع نابض الــروح مـرصود يا اجمل قصيده سطرتها يميني ,=انتي بحــر قيفان شــعري بـلا احـدود يمــه يا اعظـم هـاجسً يعتريني = يمـــه يااصـــدق وانبــل الحــب وودود يمــه يا بلسم ضيقتي والونيني = نبــع الوفــا ظل الدفــا مصــدر الجـــود ياكُل شــيً فـي حياتي ثميني = ومــن عقبــك الايـام يالغـــاليه ســــود اشــوفها لــون الظـلام الحزيني =ومن عقــب زولك مابهــا شـي محمود يالغـــاليه باللــــه لا تتــركينــي = قبلك عســـاي اكـــون بالقبــر مــلحود عسى المرض يالله عنها يجيني =وعساي مـا ابكيهـــا ولا كنــت مــولود بفــراقهـــــــا ياللـــه لا تبتلينـي = طـــالبك انـــا يا اللــــه ياخيــر معبــود انقص من ايامي وعطها اسنيني = يامفـــرج الشـــدات عـن كل مظهـــود

محمد بن سوعان الربيٌع

شـــغلي الشـــــاغل

شغلي الشاغل !!!

	ســـلامي للـذي حبـه نبــض مــع نابض الخـفــاق =عليها الله وامــان الله دفـق مـع دم شـرياني سكن قلبي واخذ عقلي وفـاز ابغــالي الاحـــداق =ثم اصبح شغلي الشاغل مسراتي واحزاني احس انــي عقــب بُعـــده وحيــد وحـايــر ومنعاق=رغم كثر العرب حولي كأني صــرت وحداني احسن اني سـجين الظلم وحكم الظلم ماينطاق =ولا يــرضـابه المسلم ولا بــوذي ونصـراني همسلي مـع هبوب النـود وانــاله خافقي ينساق=مابين النسمه العذبه وهمس الشوق خلاني يجيبـه هـاجس الذكـرى يحــدٌه لاهــب الاشـواق =ولعــل اللي نشـد يفهم ظروفي ما ايتحداني لعلــه مــــا يؤلــــها ويــرســــلهـــا مــــع الآفــاق =حسب تحليله الذاتي يخوض ابوسط وجداني ماهــو مكلـــوف لكنـه غشيم ويـعشق الارهاق =فضــولي والفضــول احيان يغربـل كل انسـاني ماهـو لازم يبـوح المـرء ويكشف خافــي الاعماق =وابقضي حاجتي واسـري واتوجهـــا بكتماني

محمد بن سوعان الربيٌع

25/7/2012

يعــربيه يا شــــــــــآآآآآآم

يعربيه يا شاااااام !!!

	انبلــج نور الحقيقه وانتهى عصر الظـلام = وارتفــع صــوت العــداله وانـدحـر ظلامــها هاجت ابحور الكرامه وانتفض موج السلام = وارتحــل هجـس المـذله والهلــع قدامـها يعربيـــه , يأصـيــله ,يا أبيـٌـــه ,يــاشــــآآآم = وفيك ينبوع الكــرامه من قـديــم اعـوامها للأبـــد ما جـف نبعـه رغـــم تزييــف الكـلام = ياعنيـده ,يا عصيــه شـامخـه في هـامها للأبـد رغـم المآسـي والتغطرس والهـــدام = مـا اتـغيـرها عصـــابه ســاهمـت بآلامـها ما تروعــها الشـــراذم والشوائب باقتـحــام = والشــبح كابـوس يبقى دايمــاً باوهـامها مــا يصــح الا الصحيــح ولايــدوم الا الــوئام = والوهــم سـاعات عمـره مرتبـط باحلامها باركــك رب البــرايا واكــــده ســـيد الآنـــام =(بارك الله في يمنا وبـارك الله شـــــامها) ذي حقيقه مــن نكــرها طــاح ببحــور الآثـام = والعــداله للكرامه ســيفها واحسـامها ماتُــذل انفــوس شــعبً ما تعـــوٌد أن يظـــام= يرخص ارواحً عـزيـزه تحتــويها اجسامها والتواريــخ القديمـه أكـــدت صــدق الكــــلام = باحرفً من نــور تنهل من نزيـف اقلامها ياأساس المجــد وانتي يا مــلاذ اللـي يظــام = وفــوق هـذا يعربيــه تفتخـــر باسلامها ارتكــز حبــك وعشــقك بالضمـــاير كالوشــام = انحفـر وسط القلوب الغارقـه باهيـامها اصبـــري والصبـــر قـــالوا زيـــن يـا دار الكــرام = غاليـه مهـد الحضـاره زيــن الله ايـامـها مــوطن ارجــال والحميه والحـرايب والسلام = وشامنا مـن ذاد عنها يستحق اوسامها

محمــد بن ســـوعان الربيٌــع

اســـــــــعاف القلـــــــب

اسعاف القلب !!!

	هاتوا اسعاف القلب يسعف خفوقي =حـيث ان جرحه ما نفـع به امداويه قـولوا لـه ان النـوم ماطـب مـوقي =مــرن ثــلاث ايــام والنــوم مــخطيه يسريبي الهوجاس غرب وشروقي =واشــيب عيني كانـه اخطــى محاريه وليته درى واحتاط في نار شـوقي =يمكـن يحـــس ويعلــم اللي جـرا فيه ارسلت له مرسال مااشفى احروقي =ماجــاب علـــمً يوم انا كنت موصيه ماجاب لي علــمً يســــــر ويلـوقي =ولا وخسـارة عنوتـه مـع مســاعيه وانا رجـل مبداي واضـح صـدوقي =مـا يرتضــي بالناقصه مـن مبــاديه انـا الــذي مـن عـادته مـا يبــوقي =يـرخـص حــياته للـوفـا والمشـاريه لكــن جــوادي كان ماهـو سبوقي =مثـــل الهليب اللــي اثقــالً خــطاويه ســـبب معاناتي وضيقي و عـوقي =ويـامــا رمـاني فـي مـهافـي بــلاويه حيث الامـل مـازال عندي يفوقي =وانا الـذي مــا عاقنـي وجـه مــاضيه عـل وعسى من غفوته لي يفوقي=ويزيـل ذكـرى حـــطمـت قلـب راعيـه هاتوا لي الاسعاف نشفت اعروقي =يا عـــزوتي تكفــون روحــوا لهــاليه هـاتوه قبل المـوت ياتـي واذوقـي =وحــرة عــذابه مـاش شـــيً يشــــاديه حسب الاصول ابغيه ماني سروقي =علـى كتـــاب اللـــه وســـنة امــواليه هـــذا هـوى بالـي ونفسـي تتـوقي =للــزين : لو حال الخطــر دون واديــه وابرك لحمل اهديب ماني زهوقي =لعيون مـن سـاج الكحل وســط عينيه غـــروً سـلب عقلي وتل امعلوقي =واصبحـت اســــيره والمفــاتيـح بيـديه هاتوااسعاف القلب يسعف خفوقي =وانا خــــفوقي ما نفـــع بــه امـــداويه

محمـد بــن ســوعان الربيـع

حــب الوطـــن؟؟؟ !!!

	حب الوطـن ماهـو بطاقـات وااوراق = ايضا ولاهــو بامـتـــلاك الجنــاســــي حب الوطـــن يســـمـو على كل ميثاق= فــوق العهــود وفوق ربعي وناســـي حبه فــخــــر واعتــزبه والـوفـــا باق = وســـامً وتـــوج فيـــه صـدري وراسـي مـــحبةً ينــبض بــهــــا كـل خــفـــاق = حب الــوطــن بالقلــب مالـــه مقاسـي ماهـــو كــلام يــنمـقـــونه تــنمـــــاق = ولا هــو قصيــد انــــردد بالامــاســـي قــول وفعـل وارواح للمــوت تنساق = بالانتــمـا والتضـــحيه والحمـاســـــي ما يشـــاف الايوم ينشـــفــن الارياق = يــومً نشـوف ابـــه العجب والمآسـي يــومً ولكــن بيـن الايـام ما يطاق= يـوم الـوغــا يــذهـل وبالحــــيل قاسي في ســـاعةً لالتفــت الســاق بالساق= علـمً هــذاك الــيوم مابــه امـواســــي يوم العواصــف والرعـد له تصفاق = ويــوم البـحـر يا اخــوان مـاله مراســي حيث البطــل في يومهـا كان تـــواق = للتضحيــه يشرب مـن الموت كاســي نفســه اتـرحـب بالشــهاده وتشــتاق = يمــوت واتــراب الوطـــن مايـــداسـي ماهــي اهــروج امهايطـــيً ولقــلاق = يــوم الــرخا من فــوق زرق الكـراسي يوم الدخـن غطـى السـما تقل غساق = ما شــــيفله عينـات بارض المحاســي ويــوم اللوازم فــر من حـدر الانفاق = قـــط الملابـــس واتبــــع كل خــاسـي ويــوم المشــوٌك كنـه البـــرق شعاق = يــومنهــا مابيــن ربــــح وفلاســـــي هذا غـلا الاوطان ماهو انت يالعـاق = مـــالك مكانـــه عنـد ربعـــي وناســـي حب الوطن ماهو بطاقات واوراق =ايـــضــــا ولاهــو بامتـــلاك الجناسـي

محمد بن سوعان الربيٌع

ياســـــــــــــــــــــــــعود

يا سعود!!!

	العيــن عيٌت تقبــل النـوم ياسـعود = دامـت على ذا الحال ياســـعود مُدٌه هـواجــسً تاتي مصــاديــر وورود =وعــزي لقلـــبً غـابر الوقـت حــدٌه يوم الملا ياســعود هجٌــاع وارقــود = اســـاهر انجـــوم المجــــره واعـدٌه يســـج فكـري يا فتى الجـود وايعود = وذي حــال من خانه زمـانه وضــدٌه احتــرت انــا مابيــن ناشــد ومنشـود = أحــدً يجيــب العلـــم واحـــدً يـــلٌده احــدً اعلومه تجلــب الخــير والفـود = واحــدً اعـلومـــــه ممـحله مجـرهٌده وجـدي على مـن بالرعابيب به زود = والقـــلب مـــن بــد العــــذارا يـــودٌه غــروً ولا مثـله مـع البيض مـاجـود = وافـي ابمنطـــوقه وزولـه وخـــــدٌه راعي اوساعً خرس واهدابهن سود = ســـود اشــــقرً يعجبــك حــزٌة مهدٌه اســود جـديله فـوق الامتان مرجـود = يشــدي ســواد الليل واسود ابحـدٌه ماهو متين ولا ابجسمه صخف عود= ســبحان ربً صٌـور اوصـاف قـٌده ما شدني غيره من البيض ما حود = وعن غير هاك الزول نفسي امصدٌه وعليه آغار اليوم من نسمة النود = ويمنـــاي لليســرى تعيـــي تمـٌده ومن سبته صغت المعاني ابلا احدود = لــولاه ما اقــول القصيد ومشــدٌه وانا على شــانه تحملت ياســعود = ماهوب يكفي من صعايب وشـدٌه قامت تعرضني اعاصير وارعـــود = وامــواج عيٌــت مــركبـي لاتهـدٌه والدرب من دونه ملاوي ومرصود = وامــن الصــعوبه نـارد اليوم عدٌه اخفيت صبري والليالي له اشـهود = وانا الــذي للنــاس ماباح ســـــدٌه خوفي من اللي تشعم النار بوقود =قــــومً لخيبــات الرجـــا مســتعـدٌه صار الحسد مغزا وغايه ومقصود = كـــدوا علــى شــين النــوايـا مكــدٌه اخـــاف يُلقى ابسيرتي كل منقـــود =ولا ودي من الهرج هاته اوودٌه وانا مُنايــا عــزة النفس يا ســـعود =ونفس الفتى ان ما حشـمها تهــدٌه وانـا عطيتك كل مــاهــوب مــاكـود = ولا تكثــــر النشـدات والـراي بـدٌه ولا اتلومني وان قلت انا اعاني الكود=لااقفا البخت يا سعود كيف استردٌه

محمد بن سوعان الربيٌع

( أخشــى النـدامــــــه )

اخشى الندامه !!!

	قالولي اقـصـد وانـت بالشــعر معــروف =ودايـــم قصيــدك ناجــده بالصـحافــه عبر عــن اللــي يشــغل القلب بحـروف =خـل المعـاني تنتشي فـي اوصـــافه قـلت الشـــعر باقصــى خفاياي موقوف = قفـلـت انـا بيـبـــان طـــرقــه وقــافــه اخـاف انا وان قلـت يحـذف على الروف = واخشى الندامه في نهـايه مطــافـه ليا صـار مــاله ناس تــوحيــه واتشـوف = وتقـــدره قبــل ان يكــشــف اغـلافــه حشـمة معــازيبً اليا جـوهــم اظيوف = مثــل الصخــي للضيـف يفنـي اخرافـه مــا شـوف له داعـي ولانـي ابمكلـوف = أقــول قــولً مــايـحقـــــق اهــــدافــه واليـوم لو شـكلت من شعري اصفوف =يبقــى خســـاره دون فــــــودً وآفــــه لاشــــك انا شاعـر ومعنــاي به نــوف = على شـعر شـــعار شــعر السـخافــه اختـار انــا القيفــان واحـوفـــها حــوف = ليـنـه يـجـي للنـاس مثـل الطــرافـــه اتـعــب على الجزلات والهـزل محذوف =عــن لايصيــبني اســهوم الحســـافه وشلون اخاطبـلي مـن النـاس ملقـوف=معمـيـــه طيشــه والكبـــر والصـلافه ابـرك لي اكتم ماحصـل داخـل الجوف =ولا ايقــــال فـــلان صــــابه لقــــــافه واللــي حصــل كابـوس لابـده ايطـوف =حـــلمً مــع الايــام تقفـي اطيـــافـــه وعمــر البـنادم بيـن الامــان والخــوف =هـــذي حيــاةً عـاشــــــها باختـلافه بيـن الســعاده والتعـاســه وصــادوف =ومنهــا يشـوف المـرء غبـن ولــطافه والصبـــر طيــب للمسلمين موصـوف =واليــوم انـا راعيــــه لـو بـــه كـــلافه

محمـد بن ســوعان الربيــع

(( شوق الـعجوز لـولدهــــــا ))

شوق العجوز لولدها !!!

	اشـــتاق لــه شوق الـعجـــوز لـولـدهــا = ام الوحيـــــــد اللـي له ســــنين مــا عــاد وحيــدهـــا اللي كــان ذخـر وســــندهــا = اقفــــا وخـــلاها ضـــــحيه للانـكــــــــــاد كل لـيلـــةً وسط المـنـــام يـــهــجـدهـــا = زوله ولــكـن ظـمـــــن الأحــلام وشــعـاد الفكــر يـــسـري والـجـسد فــي بـلـدهــا = هوجاسهــا يسـري مــن ابـــــــــلاد لبلاد يــطــري عليــهـــا كـل ســاعـه ولــدهــا = ولــيـــا نـســـــته العـيـن ذكرهــا الافــواد ويـرجــع لهــا دمـع الأسـى مـع رمدهـــا = وعيــنً مــن اول مـا تـهـنــــت بــالارقــــاد الــيـــأس ازرى لايـــــغـــيـب سعــدهــــا = حـيـــث الامـل مـازال حــيً ولا فــــــــــاد ا لــيأس بـــابــــه قــفلــتــهـــا ابــيـدهــا = رغـم الجـروح اللي تــعيــيـي على اظمــاد تــــذكــــر مــــع الأيـام انــــه و عــــدهـــا = والــحـظ عــيــــــالـــه مـع الـوقت يــنـقـاد مـــا هـــو جــفــا ذي نـيــةً مـا قصـدهـــــا = ايـضــــا ولا هـــــــو لاقرب النـاس جـحـاد لـكــنــهــــــا الــــدنيـــا تـخـون ابعهـــدهـــا = غربــــال للأجـداد مـن قـبــل الاحفــــــاد وجــــدي وجـــود اللـــــي تـركـهـا ولـدهـــا = مــأســـاتـــنــا وحـده وانـــــا يـجوز تـزداد خلـــي شرايــيــن الــضـمــايــــر عـقــدهــا = وابـعــد علـي الحــل مــن حــد بــغــــداد واصـبــحــت كــاللــي حــاجـتـله فــقـدهـــا = وبـيـن الــرجـا واليأس عـايــش والاضــداد الــســـــــالـفــــه رادار فـــكـــري رصــدهــا = وتـحـولــــت للـقــلـب مـن بــرج الارصـاد قــصـه ؟ اتـحيــر عـشت انــا فــي صـددهــا = وأخـــاف تــــالـــيــــهـا سواليـف ووعــاد اوعــاد مـــادري ويـــش يـــأتـــي بـعـــدهــا = هـن يـلـقـحـن ولا يـحيـــلــن بـــعـنــــــاد حــاولـــت امـوت فـكــرتـي فـي مـــــهـدهـا = واشـيلهـا مـــــن راس فــيـــه الـولـع زاد واللـي جــذب قـــلــبـي وعـيـــنــي قــردهـا = الـظـاهـــر انـــه نــاويـلــــي بالابعــــــاد روح الــمــســــره مـــن حــيـاتـي طــردهـــا = وانـا علـى النكـبـات مـانـي ابمعتــــــــاد نــفــسي مــطـيـــة حــظي اللــي لكـدهـــا = وتـعثــرتبــه حـــيث بيــدينهــــا اقيــــــاد شـــفت الــغيـوم وقـمـت اخــايـــل رعـدهـــا = و رجيــت ســـيلً ظـــافيً عقــب رعــاد خـشـــى سحـايــب صـيــف يــنــدر مـددهــا = ماســـرت الــضـامــــي ولا جـــــاه وراد ســـــــــراب قيـــضً خــاســرً مــن وردهـــا = تــزمـي ابـحــوره مـــن بعيـــدً ولا فـــاد وجـــدي عــلـى اللـــي كـلـمـتـه يـعـتـمدهــا = وليـا هــرج بالـــحــق مـا هـوب نشـــاد شـخصـيــتــه كــلــن يــشـــــيد وحمـــدهـــا = والنعم جـالـه مــــن منـاعـيـر الاجـــواد نـسل الـحـــرار اللـــي يــنــومـس هـــددهـــا = من عــادتـه يفـرس وايــلا هـد صـيـــاد للســـر صـــنـــدوقً بصـــــدره وصـــــــدهـــا = مـا هو من اللي سـرهـــا .لام ....الاولاد فـــي لحــــظــةً كـــل الــسـوالف سـردهـــا = مـثـل الجـهـاز اللـي علـى البـث مـعتـاد نــفـسـي بـــلاهـــا اليـــوم مـــن يـنتقــــدهـا = واشــوف انـا عـذالـهـا تــقل جـــــــــلاد ويــــا لايـــمــي جــعــلك تـــعـانــي نكدهـــا = و مـــا صابني جـعلـه يـصيـــبك بالافـواد

مـحمـد بــن ســوعـان الـربيـع

((مهرةً من خيل فرسان الطنايا))

مهرةً من خيل فرسان الطنايا !!!

	العيــون الســـود دمرن الخفايا = والهــدب كالرمــح لاصـوب قظا والثنــايا كالبرد خلـــف الشفايا = والشــفايا جمرتيــن مـن الغظا والخشم كالسيف جلاب المنايا = والقلـوب اللي اتحـاظيها امـرظا والشــعر كان انتثـر قدم المرايا = ومـن يشوفه يافــهد عمره قظا والحشا ملهوف واردوفه ملايا = اشــهد ان اللي حـظا فيـها حـظا مهرةً من خيل فرسان الطنايا = وكــم عـديــمً فـــوقــها رد النظا زولهــا زول الكحيــله والمـزايا = وافيه والقلــب غيـــره مــا ارتظا ولو بزيـد الوصف في زين الصبايا = العمـر يقضي ووصفي ما قظا والهوى في خافقي سوى سوايا = وضاقت افجوج الوسيعه والفظا وياللـه انــي طالبك دمح الخطايا = خــايـف ان الحـب يوصلنـي لظا

محمد بن سوعان الربيع

بسـم الله الرحمـن الرحيــم

وســــٌع صـدرك معــانا

اخواني ,,, اخواتي الاعزاء

حبيت اوسع صدوركم مع هذه المتواضعه
ابي انشرها لكم كما حصلت وهي بيني وبين
احد الاخوان والذي طلب عدم نشر اسمه
والسبب مادري ليش ؟ يمكن مستحي ,,,,,
حيث ارسلي عبر الجوال عدد من الابيات يشرح لي ماحصله
من خلالها فأنا رديت عليه
حسب عرفي واستيعابي للموضوع الذي فهمته
من خلال الابيات وادليت برأيي عسى ان اكون قد وفقت
بما يرضيه ويرضيكم والحكم لكم اعزائي
اخيراًصديقي هذا هنا

وسع صدرك معانا!!!

	امس اعترضلـي واحــدً يابن سوعان=واعــزتي للــي ابــعينــه لحضــــــها صدفه مهـي فالبال شـفته امسيان=وحطــٌم خفـوقي والضمايـر بهضــها الله وقاني مـن سهم خرس الاعيان=صـــدفه ؟ ولاظنيـت ياتـي عـوضـها غروً ذبحني في هدب عين شـيهان=يســكن ابعيطـا ما يـروم امخفضـها واليوم انـا مذهـول من ما جرا وكـان=اقفــى ولوهــي كلمــةً مــا لفضـها هــذا وانا من دم واحساس وانسان=مسـلم واسـاليب النشـاما حفضـها ميــر العـــواطف لاوصـفناه بركـان =وليـــا انفجـــر حـل العهود ونقضـها ذي قصتي مـن دون زودً ونقصـان=مــوقف معــاليق الضمــاير قرضها

فرديت عليه بالابيات الآتيه
اقـــول :

فرديت عليه بالابيات الآتيه اقـــول !!!

	هـذي اطيـورً عابره تبي الاوطان =وان طعتني حــذراك لا تعترضــها طنٌش وكنك ما تشـــوفه بالاعيان=واضغـط على نفسً يغثـك مرضـها وحذراك ينبض خافقك لاي انسان=حيــث الهقــاوي ما يسـٌرك بعضها وبعض الصدف ماكلها للفتـى زان=وتــزين اذا ما طيب حظـك فـرضها انشـد مجرب خاض غبـات الازمان=مـــع ذا ونفسي ما تحقق غـرضها الحظ يلعب دور في بعض الاحيان=ونـــوبً يضيٌعـــها ونــوبً قبضـــها ولا تشـغل الافكــار بفــلان وفــلان=وبعض السوالف طيب اصلك رفضها والناس فيهـا انـواع واشـكال والوان=هـــــذا تقٌبلـــها وهـــــذا نفضـــــها النفس عــوٌدها علـى صبر وايمـان=وخـلك كما حــــرً ســــبوقه نهضها

( محمد بن سوعان الربيع )